THE REPUBLIC OF THE UNION OF MYANMAR, ISLAMIC RELIGIOUS AFFAIRS COUNCIL ( HQ )

ရန်ကုန်ဗလီများတွင် တရားဟော၍ ဖမ်းဆီးခံထားရသည့် ပါကစ္စတန်နိုင်ငံသား ၂ ဦး

ရန်ကုန်ဗလီများတွင် တရားဟော၍ ဖမ်းဆီးခံထားရသည့် ပါကစ္စတန်နိုင်ငံသား ၂ ဦးကို ဒဏ်ငွေ ၁ သိန်းစီ ချမှတ်၊ ၎င်းတို့ထဲမှ တစ်ဦးမှာ နိုင်ငံပေါင်း ၃၀ ကျော်ကို လှည့်လည် တရားဟောသူဖြစ်
========================
သြဂုတ် ၁၊ ၂၀၁၆
M-Media

- ရန်ကုန်မြို့ရှိ ဗလီတစ်ချို့တွင် ခွင့်ပြုချက်မဲ့ တရားဟောကြားသည်ဟုဆိုကာ ဖမ်းဆီးထားသည့် ပါကစ္စတန်နိုင်ငံသား ၂ ဦးကို ယနေ့တွင် ဒဏ်ငွေ ၁ သိန်းစီ ချမှတ်လိုက်သည်ဟု သိရသည်။

အသက် ၆၃ နှစ်အရွယ် အဟ်မဒ် ဇူလ်ဖီကာရ်နှင့် ၎င်း၏သား အသက် ၂၉ နှစ်အရွယ် အဟ်မဒ် ဆိုက်ဖွလ္လာဟ်တို့ဖြစ်ပြီး ဇူလိုင်လ ၂၆ ရက်နေ့က မြန်မာနိုင်ငံသို့ ရောက်ရှိလာပြီးနောက် ပန်းပဲတန်း၊ ကျောက်တံတားနှင့် မင်္ဂလာတောင်ညွှန့်မြို့နယ်များရှိ ဗလီဝတ်ကျောင်းတော်များတွင် တရာဟောကြားမှု ပြုလုပ်ခဲ့ပြီး အာဏာပိုင်များက ၎င်းတို့ထံ ခွင့်ပြုချက်မတောင်းဟုဆိုကာ စနေနေ့က ဖမ်းဆီးခဲ့သည်။

ယနေ့မနက်တွင် တာမွေတရားရုံးက ၎င်းတို့ကိစ္စနှင့်ပတ်သက်၍ ကြားနာခဲ့ပြီး လ၀ကဥပဒေကို ချိုးဖောက်ခဲ့သည်ဟု ဆုံးဖြတ်ခဲ့ကာ ဒဏ်ငွေ တစ်သိန်းနှင့် ထောင်ဒဏ် ၁ နှစ် ပြစ်ဒဏ်၂မျိုးမှ တစ်မျိုးအား ရွေးချယ်ခိုင်းခဲ့ရာ ၎င်းတို့က ဒဏ်ငွေ ၁ သိန်းကို ရွေးချယ်ခဲ့ခြင်းဖြစ်သည်။

ပြစ်ဒဏ်ချမှတ်မှုပြီးနောက် ၎င်းတို့အား ရဲတပ်ဖွဲ့ကားများဖြင့် လေဆိပ်သို့ ပို့ဆောင်ခဲ့သည်။

အဟ်မဒ် ဇူလ်ဖီကာရ်၏ Facebook စာမျက်နှာအရ ၎င်းမှာ အင်ဂျင်နီယာတစ်ဦးဖြစ်ပြီး ပါကစ္စတန်တွင် ထင်ရှားသည့် ဆူဖီပညာရှင်၊ စာရေးဆရာနှင့် တရားဟောဆရာလည်းဖြစ်ကာ နိုင်ငံပေါင်းများစွာကို သွားရောက် တရားဟောနေသူလည်းဖြစ်သည်။ ဆူဖီမှာ အစ္စလာမ့်ဓမ္မလမ်းစဉ်များမှ တစ်ခုဖြစ်ပြီး နာမ်ပိုင်းငြိမ်းအေးရာကို အဓိကထားရှာဖွေသည့် လမ်းစဉ်ဖြစ်ကာ ဗုဒ္ဓဘာသာအရ ၀ိပဿနာလမ်းစဉ်မျိုးဖြစ်သည်။

"ရှိခ်ဇူလ်ဖီကာရ်မှာ နိုင်ငံပေါင်း ၃၀ ကျော်သို့သွားရောက်ကာ ကမ္ဘာ့ပြည်သူများ စိတ်ငြိမ်းအေးရာရရှိအောင် ဆောင်ရွက်ပေးနေသူဖြစ်ပါတယ်။ ရှိခ်ဟာ ကမ္ဘာတစ်ဝှမ်းမှာ တရားဒေသနာတွေကို အင်္ဂလိပ်၊ အူရဒူဘာသာတွေနဲ့ ဟောကြားပို့ချပါတယ်။ စာအုပ်ပေါင်းများစွာကိုလည်း ရေးသားခဲ့သူဖြစ်ပြီး၊ အဲဒီစာအုပ်တွေထဲက တော်တော်များများကို အခြားဘာသာပေါင်းများစွာကို ပြန်ဆိုခဲ့ကြပါတယ်" ဟု Facebook စာမျက်နှာတွင် ရေးသားထားသည်။

အဟ်မဒ် ဇူလ်ဖီကာရ်၏ စာအုပ်များကို Amazon တွင် ရရှိနိုင်ပြီး ထိုအထဲမှ တစ်အုပ်မှာ အကြမ်းဖက်ဝါဒပပျောက်အောင် ဖြေရှင်းရေး နည်းလမ်းများကို ဖော်ပြထားသည့် စာအုပ်ဖြစ်သည်။

မြန်မာနိုင်ငံ အစ္စလာမ်သာသနာရေးကောင်စီမှ အတွင်းရေးမှူးဖြစ်သူ ဦးတင်မောင်သန်းကမူ အဆိုပါ အဟ်မဒ် ဇူလ်ဖီကာရ်မှာ ဆူဖီနယ်ပယ်တွင် ထင်ရှားသည့် ဓမ္မပညာရှင်တစ်ဦးဖြစ်ပြီး၊ ဗလီဝတ်ကျောင်းတော်အတွင်း တရားဟောရန်အတွက် ခွင့်ပြုချက်မလိုဟု ပြောကြားခဲ့သည်။

"ဆရာကြီးက လမ်းပေါ်မှာ တရားဟောတာ မဟုတ်ပါဘူး။ ဗလီထဲမှာ ဟောတာပါ။ ဒ့ါကြောင့် ဆရာကြီး ဘာသာရေးတရားဟောဖို့အတွက် အာဏာပိုင်ဆီမှာ ကျွန်တော်တို့ ခွင့်တောင်းစရာ မလိုပါဘူး"

ရဲတပ်ဖွဲ့ကမူ ၎င်းတို့နှစ်ဦးမှာ အလည်ဗီဇာဖြင့် ရောက်ရှိလာသူများဖြစ်ပြီး ထိုဗီဇာမှာ တရားဟောရန်ခွင့်ပြုချက်မရှိဟု ပြောကြားခဲ့သည်။

မြန်မာနိုင်ငံမှ ထုတ်ပေးသော အလည်ပတ်ဗီဇာမှာ အလုပ်လုပ်ခြင်းကို ကန့်သတ်ထားပြီး ဘာသာရေးဆိုင်ရာ လှုပ်ရှားမှုများကို အလုပ်ခေါင်းစဉ်အောက် ထည့်သွင်းထားသည်လားဆိုသည်ကို ရှင်းရှင်းလင်းလင်း မသိရသေးပေ။

ဦးတင်မောင်သန်းကမူ ဆရာကြီး၏ တရားများတွင် အစွန်းရောက်ဝါဒ၊ အကြမ်းဖက်ဝါဒတို့နှင်ပတ်သက်သည့် အကြောင်းအရာများ မပါဝင်ကြောင်း နားထောင်သူများထံမှတစ်ဆင့် သိရှိရသည်ဟု ထပ်လောင်းပြောကြားခဲ့သည်။

"ဆရာကြီးဟာ ဘာသာတရားသီးသန့်သာ ပြောသွားတာပါ"

Ref : yangon.coconuts

http://www.m-mediagroup.com/news/58552