THE REPUBLIC OF THE UNION OF MYANMAR, ISLAMIC RELIGIOUS AFFAIRS COUNCIL ( HQ )

PDF File များ Download ပြုလုပ်နည်း Youtube Link

ကုရ်အာန်၏ လင်းရောင်ခြည် (Text)

 

          

အစ္စလာမ်ကောင်စီ အတွင်းရေးမှူးချုပ်၏ အမှာစာ

 

အို...လူသားအပေါင်းတို့-

မုချဧကန်....

အသင်တို့ထံသို့ အသင်တို့အား ဖန်ဆင်းမွေးမြူတော်မူသောအရှင်မြတ်ထံတော်မှ

အဆုံးအမတော်၊

ရင်တွင်းဝေဒနာပျောက်ကင်းစေသောဆေး၊

ယုံကြည်သူတို့ အဖို့တရားလမ်းညွှန်တော်၊

ကရုဏာတော်(တည်းဟူသော ကျမ်းဂန် ]ကုရ်အာန်})ရောက်ရှိလာခဲ့ချေပြီ။

(ကုရ်အာန်-၁၀း၅၇)


 

အစ္စလာမ်ဟူသော စကားရပ်၏ အဓိပ္ပာယ်မှာ ကျိုးနွံခြင်း၊ နာခံခြင်းဟူ၍ဖြစ်၏။ စကြဝဠာလောကခပ်သိမ်းတို့ကို ဖန်ဆင်း ပြုစု ပျိုးထောင်တော်မူသော၊ တစ်ပါးတည်း သောအရှင်၏အမိန့်ကို ကျိုးနွံ နာခံခြင်းဖြစ်၏။ ထိုသို့ ဖန်ဆင်းရှင်၏အမိန့်ကို နာခံအပ်နှင်းသူကို ]မွတ်စ်လင်မ်}ဟု ခေါ်ပေသည်။ မွတ်စ်လင်မ်တို့အဖို့ ဖန်ဆင်းရှင် အလိုကျ ဘဝတည်ဆောက်မှုပြုရန် လမ်းညွှန်ကျမ်းတော်သည်ကား ကျမ်းတော်မြတ် ကုရ်အာန်ပင်ဖြစ်၏။ကုရ်အာန်၏ အဓိပ္ပာယ်မှာ ဖတ်စရာဟူ၍ ဖြစ်သည်။ ကုရ်အာန်သည် ဖန်ဆင်းရှင်မြတ် အလ္လာဟ်ထံတော်မှ ဖန်ဆင်းခံ လူသားတို့ထံ နောက်ဆုံး ထုတ်ပြန်တော် မူသော လမ်းညွှန်ကျမ်းဂန်ပင်ဖြစ်သည်။ 


 

ဖန်ဆင်းရှင်မြတ် အလ္လာဟ်သည် ကုရ်အာန်၏အလျင် အခြားကျမ်းဂန်များကိုလည်း ထုတ်ပြန်ပို့ချတော်မူခဲ့ပေသည်။

ဥပမာ-

တမန်တော်ကြီး အိဗ်ရာဟီမ်(Ibrahim-Abraham)(အ)ထံသို့  ဆုဟုဖီအိဗ်ရာဟီမ်ကျမ်းကိုလည်းကောင်း၊

တမန်တော် မူစာ (Musa -Mosec)(အ)ထံသို့  သောင်ရသ်ကျမ်းကို လည်းကောင်း၊ 

တမန်တော် ဒါဝူဒ် (Dawood-David)(အ)ထံသို့ ဇဗူရ်ကျမ်းကို လည်းကောင်း၊ 

တမန်တော် အီစာ (Iesa -Jesus)(အ)ထံသို့ အင်န်ဂျီန်ကျမ်းကို လည်းကောင်း ထုတ်ပြန်ပို့ချတော်မူခဲ့ပေသည်။ 

အလားတူစွာပင် တမန်တော်မုဟမ္မဒ် (Muhammad-AD571-632) (ဆွ)ထံသို့လည်း ကောင်းကင်တမန်ဂျိဗ်ရာအီလ်(Gibree)(အ)မှ တစ်ဆင့် ကုရ်အာန်ကျမ်းကို ထုတ်ပြန်ပို့ချတော်မူခဲ့ခြင်းဖြစ်သည်။ လွန်ခဲ့သောနှစ်ပေါင်း(၁၄၀ဝ)၊ (တမန်တော်မုဟမ္မဒ်(ဆွ)သက်တော် -၄၀)တွင် (ယခု-ဆော်ဒီအရေးဗီးယားနိုင်ငံ)မက္ကဟ်မြို့ အနီးရှိ ဟိရာ လိုဏ်ဂူ၌ ကုရ်အာန် စတင်ကျရောက်ခဲ့သည်။ ရှင်းလင်းလွယ်ကူစွာ သိနားလည်စေရန်နှင့် အဓိပ္ပာယ်ဖွင့်မဆုံး၊ နက်နဲသိမ်မွေ့စေရန်အလို့ငှာ ကျယ်ပြန့်ဖွံ့ဖြိုးရှင်သန်နေသည့် အရဗီ(Arabic)ဘာသာစာပေဖြင့် ပို့ချခဲ့ပေသည်။

အခြေအနေအချိန်အခါလိုအပ်ချက်တို့အပေါ်မူတည်၍ လည်းကောင်း၊ စနစ်တကျ လေ့လာမှတ်သားနာယူနိုင်စေရန်အတွက် လည်းကောင်း၊ နာယူမှုများအပေါ် ခိုင်မြဲအောင် နေသားတကျဖြစ် အောင်ကျင့်ကြံနိုင်စေရန်အတွက်လည်းကောင်း၊ အဆင့်ဆင့် အလီလီ ဖြည်းဖြည်းချင်း ဆိုင်းကာ ဆိုင်းကာကျရောက်ခဲ့ခြင်းဖြစ်ပေရာ ကုရ်အာန် အစမှအဆုံးကျရန် (၂၂)နှစ်၊(၅)လနှင့်(၁၄)ရက်မျှကြာခဲ့လေသည်။

ကုရ်အာန်တွင် အစာင် (ဂျုဇ်)ပေါင်း (၃၀)၊ ကဏ္ဍ(စူရဟ်)ပေါင်း (၁၁၄)ကဏ္ဍ၊ မုက္ခပါဌ်တော်(အာယသ်)ပေါင်း(၆၀ဝ၀)ကျော်ပါရှိသည်။ ယင်း(၁၁၄)ကဏ္ဍအနက် (၈၆)ကဏ္ဍသည် မက္ကဟ်မြို့တွင် ကျရောက် ခဲ့ပြီး ကျန်(၂၈)ကဏ္ဍသည် မဒီနဟ်မြို့တွင် ကျရောက်ခဲ့သည်။

ကုရ်အာန်၏ လင်းရောင်ခြည်အရ သုံးသပ် လေ့လာ ကြည့်ပါလျှင် အောက်ပါအချက်များကို ထင်လင်းစွာတွေ့ရှိရပါသည်။

  • စကြဝဠာလောကခပ်သိမ်းတို့ကိုအဆင့်ဆင့်ဖန်ဆင်းပြုစုပျိုးထောင်တော်မူသော၊တစ်ပါးတည်းသောအရှင်ဖြစ်တော်မူသော အလ္လာဟ်အရှင်မြတ်အားသာလျှင် ခဝပ် ကိုးကွယ် ဆည်းကပ်ရန်နှင့် ထိုအရှင်မှအပ အခြားမည်သည့်အရာကိုမျှ ဆည်းကပ်ကိုးကွယ်ခြင်းမပြုရန်။

  • အလ္လာဟ်အရှင်မြတ်ကိုလည်းကောင်း၊ ထိုအရှင်၏ မလာအိကဟ် စေတမန်များကိုလည်းကောင်း၊ ထိုအရှင်မြတ်၏ ကျမ်းဂန်များကို လည်းကောင်း၊ ထိုအရှင်မြတ် စေလွှတ်တော်မူသော တမန်တော်များကိုလည်းကောင်း၊ နောက်ဆုံးနေ့ကိုလည်းကောင်းယုံကြည်ရန်။

  • စကြဝဠာလောကခပ်သိမ်းတို့ကို  အဆင့်ဆင့် ဖန်ဆင်းပြုစုပျိုးထောင်ထားတော်မူခြင်း၏ သက်သေလက္ခဏာတော်များကို ဖော်ပြထားပြီး ဤသည်တို့ကို တွေးခေါ်မြော်မြင်ဆင်ခြင်သုံးသပ်ခြင်းဖြင့်ယုံကြည်မှု သဒ္ဓါတရားပွားများရန်။

  • အတိတ်ခေတ်လူမျိုးတို့၏ အဖြစ်သနစ်များကို ဖော်ပြထားပြီး ယင်းဖြစ်ရပ်များမှ သင်ခန်းစာရယူရန်။

  • လူသားအားလုံးသည် တစ်မိတစ်ဖတည်းမှပေါက်ဖွားလာကြောင်း၊ ထို့ကြောင့် လူသားအားလုံးသည် အခွင့်တူ၊ တန်းတူဖြစ်ကြောင်းနှင့် လူသားများအနက် သာပိုမြင့်မြတ်မှုသည် အသားအရောင်၊ အမျိုးအနွယ်၊ ဥစ္စာဓန၊ လိင်ကွဲပြားမှုတို့နှင့် သက်ဆိုင်ခြင်းမရှိဘဲ ဖန်ဆင်းရှင်အား ခယရိုကျိုး၍ ကိုယ်ကျင့် တရား မြင့်မြတ်ခြင်း အပေါ်တွင်သာမူတည်ကြောင်း၊

  • ဆွလာသ် ဝတ်ပြုခြင်း၊ ဇကာသ် ပေးလှူခြင်း၊ ဆွီယာမ် ဥပုသ် ဆောက်တည်ခြင်း၊ ဟဂ်ျပြုခြင်းစသည် သာသနာ့ကျင့်ဝတ်များကို မပျက်မကွက် ဖြည့်ဆည်း ဆောင်ရွက်ရန်။

  • သစ္စာဝါဒီအမှန်တရားဘက်သားတို့နှင့်အတူတကွ ရပ်တည်ရန်နှင့် အဓမ္မ-မတရားမှုများကို ဆန့်ကျင်ပယ်ဖျက်ရန်၊

  • တစ်ဦးနှင့်တစ်ဦး ကိုယ်ချင်းစာ၍ ကရုဏာတရားထားရှိကြရန်၊

  • မိမိအပေါ်ကျူးလွန်သူကို ထိုသူကျူးလွန်သည်နှင့်အမျှ တုံ့ပြန်ခွင့်ရှိသောငြား ခွင့်လွှတ်ခြင်းသည်သာပိုမြင့်မြတ်ကြောင်း၊

  • ခိုးဝှက်ခြင်း၊လုယက်ခြင်း၊ သေရည်သေရက်သောက်စားခြင်း၊ မုသာဝါဒပြောဆိုခြင်း၊ ရုန့်ရင်းကြမ်းတမ်းစွာပြောဆိုခြင်း၊ အတင်းပြောဆိုခြင်း၊ ကုန်းချောခြင်း၊ သူတစ်ပါးပစ္စည်းအား မတရားစားသုံးခြင်း၊ သူတစ်ပါး၏ အသက်အား အကြောင်းမဲ့သတ်ဖြတ်ခြင်း၊ သူတစ်ပါး သားမယားအား ကျူးလွန်စော်ကားခြင်း၊ လောင်းကစားခြင်း၊ ငွေတိုးစားခြင်း စသည့် မကောင်းမှုများကို ရှောင်ကြဉ်ရန်။

  • ဟီရိဩတ္တပ္ပတ် အရှက်အကြောက်တရားထား၍ ဣနြေ္ဒသိက္ခာရှိစွာ ဝတ်စားဆင်ယင်ပြောဆိုပြုမူနေထိုင်ရန်၊

  • မိဘနှစ်ပါးတို့နှင့်လည်းကောင်း၊ ဆွေမျိုးများနှင့်လည်းကောင်း၊ မိဘမဲ့များနှင့်လည်းကောင်း၊ သူဆင်းရဲများနှင့်လည်းကောင်း၊ မိမိဝန်းကျင်ရှိ ဘာသာတူ-ဘာသာကွဲ လူသားများအားလုံးနှင့် လည်းကောင်း၊ မိမိတို့၏ မိတ်ဆွေသင်္ဂဟများနှင့်လည်းကောင်း၊ လက်အောက်ငယ်သားများနှင့်လည်းကောင်း ကောင်းမွန်စွာ ဆက်ဆံကြရန်၊ အလှူဒါနပြုကြရန်၊ သမ္မာအာဇီဝကောင်းသော အသက်မွေးဝမ်းကျောင်းမှုပြုကြရန်။

  • လူသားအားလုံးသည်တစ်နေ့တွင်ကွယ်လွန်သေဆုံးကြရမည်ဖြစ်ပြီး၊ ပြန်လည်ရှင်ပြန်ထရမည့်နေ့တော်ကြီးတွင် အစစ်ဆေးခံကြရမည်၊ ၄င်းနောက် မိမိတို့ ပြုမူဆောင်ရွက်ခဲ့ကြသည့်အတိုင်း ကောင်းကျိုး၊ ဆိုးကျိုးများကို စံစား၊ ခံစားကြရမည်ဖြစ်ကြောင်း။


တမန်တော်မြတ်မုဟမ္မဒ်(ဆွ)သည်  အမိုက်မှောင်ဖုံးနေသော ဤမြေပထဝီဝယ် ကုရ်အာန်၏ လင်းရောင်ခြည်ကို စတင်ထွန်းညှိသည်နှင့် ယင်း၏ အကျိုးတရားကို ကြည်ဖြူစွာ ရယူခံစားကြသူများရှိသကဲ့သို့ ယင်းရောင်ခြည်တော်ကို မှေးမှိန်ပျောက်ကွယ်သွားစေရန် ကြံစည်ဆောင်ရွက်သူများသည်လည်း အမြောက်အမြားပင်ရှိခဲ့၏။  ၄င်းတို့သည် လျှို့ဝှက်စွာ တစ်မျိုး၊ ဗြောင်ကျကျ တစ်ဖုံ နည်းလမ်းစုံဖြင့် အကောက်ကြံဆောင်ရွက်ခဲ့ကြ၏။ 

ဤသို့ ကြံစည်ဆောင်ရွက်မှုများသည် တမန်တော်မြတ်(ဆွ)၏ခေတ်သမယတွင်သာမက ယနေ့ကာလတိုင်သမိုင်းစဉ်ဆက် ခေတ်တိုင်း ခေတ်တိုင်းတွင်ပင် ရှိပေသည်။

(ယခု-၂၀၁၀ပြည့်နှစ်၊ စက်တင်ဘာလအတွင်း အမေရိကန်နိုင်ငံရှိ အချို့သောပုဂ္ဂိုလ်များက ကုရ်အာန်ကျမ်းတော်မြတ်ကို မီးရှို့ဖျက်ဆီးကြရန် လှုံ့ဆော် ဆောင်ရွက် ခဲ့ကြောင်း Media များတွင် ဖော်ပြချက်အရ သိရှိရပါသည်။)

မည်သို့ပင်ဆိုစေကာမူ ကုရ်အာန်၏ရောင်ခြည်တော်ကို မှေးမှိန်ပျောက်ကွယ်စေရန် ကြံစည်ဆောင်ရွက်သူမှန်သမျှသည် အောင်မြင်မှုမရဘဲ အချည်းနှီးပင်ဖြစ်ရမည်မှာ မလွဲဧကန်ပင်တည်း။

အကြောင်းကား-

အလ္လာဟ်အရှင်မြတ်က ကုရ်အာန် ကျမ်းတော်မြတ်တွင် ငါအရှင်သည်ပင် ယင်းကျမ်းကို ချပေးတော်မူခဲ့ပြီး ငါအရှင်သည်ပင် ယင်းကျမ်းကို စောင့်ရှောက်တော်မူအံ့ဟု အတိအလင်းပင် တာဝန်ယူထားတော်မူခြင်းကြောင့်ပင်ဖြစ်၏။

ယနေ့ ကမ္ဘာတစ်ဝန်း အစ္စလာမ်ကို သက်ဝင်ယုံကြည်သူ ဦးရေသန်းပေါင်း(၁၃၀ဝ)ကျော်ရှိ၏။ ၄င်းတို့သည် မွေးဖွားရာ တိုင်းနိုင်ငံဒေသ၊ လူမျိုး၊မျိုးနွယ် မည်သို့ပင်ကွဲကွဲ၊ ကျောင်းတော်ဝါဒ အယူအဆ မည်မျှပင်ခြားနားစေကာမူ ၄င်းတို့အားလုံး၏ အသည်းနှလုံးသည် ကုရ်အာန်ကျမ်းတော်မြတ်ပင်ဖြစ်၏။ ၄င်းတို့သည် နေ့စဉ်နေ့တိုင်း နေ့ညမဟူ နည်းများမဆို ကုရ်အာန်ကျမ်းတော်မြတ်ကို ရိုရိုသေသေ လေးလေးစားစားမြတ်မြတ်နိုးနိုးရွတ်ဖတ်သရဇ္ဈာယ်လျက်ရှိကြ၏။ ၄င်းတို့ဖတ်ရွတ်လျက်ရှိသော ကုရ်အာန်ကျမ်းတော်သည်လည်း အစက် အပြောက် ဝစ္စပေါက်ကအစ ခြားနားမှုမရှိ မူရင်းမပျက် တူညီလျက်ရှိ၏။ 

ကုရ်အာန်ကျမ်းမြတ်ကို တမန်တော်မြတ်(ဆွ)၏ လက်ထက်တော်ကာလတွင်ပင် ပေထက်အက္ခရာတင်ခဲ့သလို ကုရ်အာန်အစမှအဆုံး အာဂုံဆောင်ခဲ့သူ အမြောက် အမြားပင်ရှိခဲ့၏။ တမန်တော်မြတ်(ဆွ)၏ခေတ်အခါတွင်သာမက ယနေ့ကာလတိုင်အစဉ်မပြတ် ခေတ်တိုင်းခေတ်တိုင်းတွင်ပင် ကုရ်အာန် အစမှအဆုံး အာဂုံဆောင်သူ (ဟာဖွှိဇ်)များသည်လည်း ထောင်သောင်းများစွာရှိပေသည်။  

ကုရ်အာန်၏ ရောင်ခြည်တော်ကို မှေးမှိန်ပျောက်ကွယ်စေရန် ကြံစည်ဆောင်ရွက်သူများအား ကုရ်အာန်ကျမ်းတော်မြတ်ကို ထပ်မံ လေ့လာဖတ်ရှုပါရန်သာ တုံ့ပြန် ပန်ကြားလိုပါသည်။ စိတ်စေတနာဖြူစင် စွာဖြင့်မှန်မှန်ကန်ကန်လေ့လာသုံးသပ်ပါက အစ္စလာမ်သာသနာဝင်များသာမက အစ္စလာမ်သာသနာဝင် မဟုတ်သူများသည် ပင်လျှင် ကုရ်အာန် ကျမ်းမြတ်၏ စွမ်းပကားကို အသိအမှတ်ပြုကြရသည်ဖြစ်ပါသည်။

ထိုသို့ သုံးသပ်အသိအမှတ်ပြုကြသူပုဂ္ဂိုလ်များအနက် ထင်ရှားကျော်စောသော ပုဂ္ဂိုလ်(၁၁)ဦး၏ မှတ်ချက်ပြုမှုများကို စုစည်းတင်ပြထားသော ကုရ်အာန်၏ လင်းရောင်ခြည်ဟူသည့် ဤစာအုပ်ကိုစာစဉ်(၆၅)အဖြစ်ထုတ်ဝေလိုက်ပါသည်။ ဤစာအုပ်ကို ပြန်ဆိုရေးသားခဲ့သူ  အစ္စလာမ်ကောင်စီဌာနချုပ် ဥက္ကဋ္ဌကြီး အလ်ဟာဂ်ျ ဦးညွန့်မောင်သျှိန်နှင့် ဓမ္မဒါန ဝေငှလှူဒါန်းသူ၊ ဖတ်ရှုအားပေးသူများအားလုံးအတွက် အလ္လာဟ်အရှင်မြတ် နှစ်မြို့မှုရရှိပါစေကြောင်း ဒုအာ ဆုမွန်ပြုအပ်ပါသည်။ 

 

အစ္စလာမ့်ရေးရာ  ဒို့ဝန်တာ


 

(အလ်ဟာဂ်ျ တင်မောင်သန်း)

အတွင်းရေးမှူးချုပ်

(၂၀၁၀)ပြည့်နှစ်၊ဒီဇင်ဘာလ၊(၅)ရက်







 

အသင် ဤသို့ပြောလော့၊

အမှန်တရားသည် အသင်တို့အား ဖန်ဆင်းမွေးမြူတော်မူသောအရှင်မြတ်ထံတော်မှဖြစ်သည်။

သို့ဖြစ်ပေရာ မည်သူမဆို ယုံကြည်လိုလျှင် ယုံကြည်နိုင်၏။

ထိုနည်းတူစွာ မည်သူမဆို ငြင်းပယ်လိုလျှင် ငြင်းပယ်နိုင်၏။

(ကုရ်အာန်ကျမ်းတော်မြတ်-၁၈း၂၉)

 







 

ဘာသာပြန်သူ၏အမှာ

တစ်ခါတစ်ရံ ကျွန်ုပ်တို့သည် မြင့်မြတ်သော လူသားများကို တွေ့ကြုံခဲ့ကြရသော်လည်း ၄င်းတို့၏ တန်ဖိုးတရားများကို မျက်ကွယ် ပြုတတ်ကြသည်။ ကျေးဇူးတုံ့ပြန်ရန် မေ့လျော့နေတတ်ကြပေသည်။ သို့သော် ထူးကဲသည့်ပညာရှင်ပုဂ္ဂိုလ်ကျော်များကမူ လူအများက ၄င်းတို့၏ အမြင်ကို လက်ခံသည်ဖြစ်စေ၊ လက်မခံသည်ဖြစ်စေ ၄င်းတို့ အတွက် တာဝန်ဝတ္တရားတစ်ရပ်သဖွယ်ခံယူကာ ထိုမြင့်မြတ်သော လူသားတို့၏ ဂုဏ်ကျေးဇူးများကို ဖော်ထုတ် ဖွင့်ဟတင်ပြခဲ့ကြပေသည်။ ထိုပုဂ္ဂိုလ်ကျော် တို့သည် ၄င်းတို့၏ အမြင်သဘောထားနှင့်ကိုက်ညီခြင်း မရှိသောအရာများကိုတွေ့လျှင်လည်း ကန့်ကွက်ခြင်း၊ ဆန့်ကျင်ခြင်းများကို မဆိုင်းမတွပင် ဆောင်ရွက်လေ့ ရှိကြပေသည်။

ကျွန်ုပ်တို့သည်လည်း ယင်းပုဂ္ဂိုလ်ကျော်တို့ကဲ့သို့ပင် လူ့အဖွဲ့ အစည်းအကျိုးကို အစဉ်ရှေ့ရှုလျက် တွေးခေါ် မြော်မြင် ဝေဖန် သုံးသပ်၍ ခိုင်မာသောယုံကြည်ချက် ထားကာ ပြင်းပြသောဆန္ဒဖြင့် ပြုမူဆောင်ရွက်အပ်သည်ဖြစ်ပေသည်။

ဤ ကုရ်အာန်၏လင်းရောင်ခြည်ဟူသောစာအုပ်ငယ်သည်The Islamic Magazine"Mahjubah" July 2007Jamadiat Thanni 1428 Vol.25,No.7,(257)မဂ္ဂဇင်းတွင် Hussein Rahmaniရေးသား သော Lots of People Have Benefited by the Light of The Holy Qur'anဆောင်းပါးကို ဆီလျော်အောင် ဘာသာပြန်ဆိုဖော်ပြထားခြင်းဖြစ်ပါသည်။

ဤစာအုပ်တွင် အစ္စလာမ်သာသနာဝင်မဟုတ်သူ ပုဂ္ဂိုလ်ကျော် (၁၁)ဦးတို့၏ ကုရ်အာန်ကျမ်းတော်မြတ်နှင့်ပတ်သက်၍ ၄င်းတို့၏ သဘောထားအမြင် အသီးသီးကို စုစည်းဖော်ပြထားခြင်းဖြစ်ပါသည်။ ဤပုဂ္ဂိုလ်ကျော်တို့၏သဘောထားအမြင် အသီးသီးကိုသုံးသပ်ခြင်းဖြင့် ကျွန်ုပ်တို့အားလုံး ငြိမ်းချမ်းစွာအတူယှဉ်တွဲနေထိုင်ရေး (Hamonious Relationship) တည်ဆောက်ကြရန်၊ အချင်းချင်းညှိနှိုင်းတတ်သည့် ယဉ်ကျေးမှုတစ်ရပ်အပေါ် အခြေခံကြရန်၊ လူ့အစုအဖွဲ့အချင်းချင်း တန်းတူရည်တူ အခွင့်ရေးတူဆက်ဆံကြရန်၊ လူသားအချင်းချင်း ဘာသာအယူဝါဒ မတူကွဲပြားလင့်ကစား ကိုယ်ချင်းစာတရားပွားများ ကြရန်၊ဥပဒေ၏အကာအကွယ်ကို မျှတစွာ ခံစားရရှိစေရန်အတွက် ဥပဒေကို လေးစာလိုက်နာကြရန်တို့သည် အရေးကြီးလှကြောင်းသိရှိ နိုင်ပါသည်။ ၄င်းပြင် အစ္စလာမ်သာသနာဝင်မဟုတ်သူ ထိုပုဂ္ဂိုလ်ကျော် တို့က ဖော်ပြထားသော ကုရ်အာန်ကျမ်းတော်မြတ်၏ စွမ်းပကားကို ဖတ်ရှုခြင်းဖြင့် ကုရ်အာန်ကျမ်းတော်မြတ်ကို အမွေခံလက်ဝယ်ပိုင်ဆိုင် ရရှိထားသော ကျွန်ုပ်တို့ မွတ်စ်လင်မ်များသည် မွေခံထိုက်စေဟူသော စကားအတိုင်း ကုရ်အာန်ဟူသော အဖိုးမဖြတ်နိုင်သည့်အမွေကို  ပိုမိုတန်ဖိုးထားမြတ်နိုး၍ ပိုမို အကျိုးရှိစွာ အသုံးချ ဆောင်ရွက်သွားနိုင် ရေးအတွက် အားအင်တစ်ရပ်ဖြစ်စေမည်ဖြစ်ပေသတည်း။ 

အစ္စလာမ့်ရေးရာ  ဒို့ဝန်တာ

 

(အလ်ဟာဂ်ျ ညွန့်မောင်သျှိန်)

ဥက္ကဋ္ဌ

အစ္စလာမ်သာသနာရေးရာကောင်စီဌာနချုပ်

(၂၀၁၀)ပြည့်နှစ်၊ဒီဇင်ဘာလ၊(၅)ရက်

 







 

          Arthur John Arberry အာသာဂျွန်အာဗရေး
 

Arthur John Arberry (1905-1969)

 
  • အာသာဂျွန်အာဗရေးသည် ကျမ်းတော်မြတ်ကုန်အာန်ကို အင်္ဂလိပ်ဘာသာသို့ ပြန်ဆိုရာ၌ ကျော်ကြားသူများတွင် တစ်ဦး အပါအဝင်ဖြစ်သည်။ သူသည် မောင်လာနာ ရူမီနှင့် ရှိက်ခ်ဆာဒီတို့၏ ကဗျာများကိုလည်း အင်္ဂလိပ်ဘာသာပြန်ဆိုခဲ့ပြီး ကဲန်ဘရစ်ခ်ျ တက္ကသိုလ် (University of Cambirdge)တွင် အရှေ့တိုင်း ဘာသာရပ်များကို သင်ကြား ပို့ချ ခဲ့သူဖြစ်သည်။

 

အာသာဂျွန်အာဗရေးက-

ကုန်အာန်ကျမ်းမြတ်သည် စာပေအရာတွင် အကောင်းဆုံး၊ လက်ရာအပြောင်မြောက်ဆုံးဖြစ်သည်မှာ မည်သူမှမငြင်းနိုင်ကြောင်း၊ စီကုံးထားသော အကြောင်းအရာ တွင်သာမက ဖွဲ့စည်းပုံမှာလည်း စနစ်တကျဖြစ်ခြင်း၊ သိမ်မွေ့နက်နဲခြင်း၊ အနှစ်သာရ ကြွယ်ဝခြင်း၊ မတူညီ ခြားနားသော ဌာန်ကရိုဏ်းများကို စနစ်တကျ သီကုံးထားခြင်း စသော ဂုဏ်အင်္ဂါရပ်များဖြင့်ပြည့်စုံသောစာပေကျမ်းဂန်ဖြစ်ကြောင်း၊ ထိုစာပေကျမ်းဂန်၏ ဖွဲ့ဆိုမှုမှာ အတုမရှိပြိုင်ဘက်ကင်း၍ လူအများကို အံ့အားသင့်စေပြီး ကြားနာရသည့်အခါ အနှစ်သာရကို ထိတွေ့ခံစား ရမှုကြောင့် မျက်ရည်ကျရသည့်အထိ ဖြစ်ရကြောင်း}}ဆိုပါသည်။

 
 
အာသာဂျွန်အာဗရေး Arthur John Arberry (1905-1969)၏ကိုယ်ရေးအကျဉ်း
 
 
အာသာဂျွန်အာဗရေးသည် ဗြိတိန်နိုင်ငံဆိုင်ရာ အနုပညာရှင်၊ သုတေသီ၊ ဘာသာပြန်ဆိုသူ၊ အယ်ဒီတာနှင့် ပါရှန်(Persian)နှင့် အရဗီ(Arabic)စာအုပ်ပေါင်း (၉၀)ကျော်ကို ရေးသား ပြန်ဆို တည်းဖြတ်ခဲ့သူတစ်ဦးဖြစ်သည်။သူသည်ဆူဖီ(SUFI)ကျင့်စဉ်များကို အထူးပြုလေ့လာခဲ့ပြီး ကျမ်းတော်မြတ်ကုန်အာန်ကို ဘာသာပြန်ဆို ခဲ့ရာတွင် အကောင်းဆုံး ပြန်ဆိုနိုင်သူဟု လူသိများသည်။
အာသာဂျွန်အာဗရေးသည်  ကဲန်ဘရစ်ခ်ျတက္ကသိုလ်သို့တက်ရောက်ခဲ့ပြီး R.A Nicholson  နှင့်အတူ ပါရှန်နှင့် အရဗီစာပေများကို လေ့လာခဲ့သည်။ ၄င်းအတွေ့အကြုံသည် သူ့ဘဝ၏ အလှည့်အပြောင်း တစ်ခုဖြစ်ခဲ့သည်။(၁၉၄၇)ခုနှစ်တွင် သူသည် ကဲန်ဘရစ်ခ်ျ တက္ကသိုလ် သို့ပြန်လာခဲ့ပြီး Sir Thorias Adam ကဲ့သို့ပင် အရဗီစာပေ ပါမောက္ခ အဖြစ် (၁၉၆၉)ခုနှစ် ကွယ်လွန်ချိန်အထိ တာဝန်ထမ်းဆောင်ခဲ့သည်။
အာသာဂျွန်အာဗရေးသည် ၄င်း၏ကိုယ်ရေးမှတ်တမ်းတစ်ခုတွင်ပြန်ပြောင်းရေးသားခဲ့သည်မှာ သူ၏ မိသားစုများမှာ ခရစ်ယာန် အီဗဲန်ကလိကန်(Evangelical:)ဂိုဏ်း အယူဝါဒကို စွဲမြဲနှစ်ခြိုက်စွာ ယုံကြည်ခံယူကြသော်လည်း ၄င်းအနေဖြင့်မူ ခရစ်ယာန်ဘာသာ သာသနာယုံကြည်မှု ဆုံးရှုံး လက်လွတ်ခဲ့ရပုံကို ရေးသားထားသည်။ မည်သို့ပင်ဆိုစေကာမူ သူသည် စိတ်တန်ခိုးဣဒ္ဓိပါဒ်နှင့် ဆိုင်သော နက်နဲသည့်အစ္စလာမ်ကျင့်စဉ် (Mystics of Islam)  ကို ကာလရှည်ကြာစွာ နက်နက်ရှိုင်းရှိုင်း လေ့လာဆည်းပူးရာမှ အလျင်လို လမ်းအို လိုက်သည့်ထုံးဖြင့် ၄င်း၏ မူလဘာသာ ယုံကြည်မှုအယူဝါဒကို ပြန်လည်ခံယူရရှိခဲ့ကြောင်း ဖော်ပြရေးသားထားခဲ့သည်။
 
ဤနေရာတွင် အာသာဂျွန်အာဗရေးက၄င်း၏ထင်မြင်ချက် ကိုပြောသည်မှာ- ကျွန်တော်သည် တော်ဝင်တက္ကသိုလ်ကျောင်းသား သုတေသီတစ်ဦးဖြစ်သော်ငြားလည်း ဆင်ခြင်ဉာဏ်သက်သက်ဖြင့် ဘုရားသခင်၏ တန်ခိုးဣဒ္ဓိပါဒ် အလင်းကို ထွင်းဖောက် သိမြင်နိုင်ရန် အရည်အချင်းမပြည့်မီကြောင်းနှင့် အမှန်စင်စစ်ဖြစ်နိုင်ချေရှိသည်မှာ ဘုရားသခင်နှင့် နှလုံးသား၏ကြားတွင် မထွင်းဖောက်နိုင်သော အတား အဆီးအကာအကွယ်များရှိကြောင်း ゞင်းက မှတ်ချက်ပြုခဲ့သည်။အာသာဂျွန်အာဗရေးသည် ဘုရားသခင်၏ အလင်းရောင် သာသနာ့ အလင်းတန်းကို တွေ့ကြုံခဲ့ဖူးသူဖြစ်သည်မို့ အခြားမည်သည့် ဂုဏ်ဒြပ်၏ တင့်တယ်မှုရလဒ်ကိုမျှ လိုလားသည့်ဆန္ဒမရှိပါဟု  ဖွင့်ဟ ရေးသားခဲ့သည်။
 






 
Jorge Luis Borges ဂျော့ဂ်ျလူးဝစ်(စ)ဗောဂက်(စ်) 
 
Jorge Luis Borges (1899-1986)
 
 
အာဂျင်တီးနားလူမျိုး၊ ပုံပြင် / ဝတ္ထုရေးဆရာ ၊ အရှေ့တိုင်း ယဉ်ကျေးမှုနှင့် ကျွမ်းဝင်နီးစပ်သူ ဂျော့ဂ်ျလူးဝစ်(စ)ဗောဂက်(စ်)သည် ဘာသာရေးဆိုင်ရာ ဟောပြောပွဲ အခမ်းအနားတစ်ခုတွင် ဂန္ထဝင်မြောက် စာအုပ်၊ စာပေ၊ ကျမ်းဂန်များနှင့် ပတ်သက်၍ ထုတ်နုတ်တင်ပြရာ၌ ကျမ်းတော်မြတ်ကုရ်အာန်ကို ရည်ညွှန်းပြောဆိုခဲ့ပါသည်။ 
 
ဂျော့ဂ်ျလူးဝစ်(စ)ဗောဂက်(စ်)က-
မြင့်မြတ်သပ္ပာယ်သော ကျမ်းဂန်၏ စံပြပုံစံသည် ကုရ်အာန် ကျမ်းတော်မြတ်သာလျှင်ဖြစ်သည်။ ဤကျမ်းသည် အခြားသော ကျမ်းများနှင့် မတူပေ။ ဤကျမ်းသည် အရဗီ(ARABIC)ဘာသာ စကားထက် သမိုင်းကြောင်း သက်တမ်းရှိခဲ့သောကျမ်းဖြစ်သည်။ ဤသည်ဖြစ်နိုင်ဖွယ်ရာမရှိဟုထင်ရသော်လည်း အမှန်ပင်ဖြစ်ပေသည်။ ဤသည်ကို သက္ကရာဇ်-နေ့စွဲ၊ရက်စွဲသတ်မှတ်သည့်အတတ်ပညာ ရှုထောင့်အရလည်းကောင်း၊ ပြဋ္ဌာန်းအခြေခံကျမ်းစာ၏ သွင်ပြင် အနေထားအရလည်းကောင်း မည်သူတစ်ဦးတစ်ယောက်မျှ လေ့လာမှု မပြုနိုင်ပေ။ အကြောင်းကား ဤကျမ်းသည် စကြဝဠာထက်ပင် သက်တမ်းဝါပို၍ရင့်သောကြောင့် ဖြစ်လေသည်။ ရှေးထုံးအစဉ်အလာ အတိုင်းလက်ခံသူ မွတ်စ်လင်မ်များ၏ ရှုထောင့်အနေဖြင့်မူ ကုရ်အာန် ကျမ်းတော်မြတ်သည် ဘုရားသခင်၏ ဂုဏ်ရည်ကိုဖော်ပြသောကျမ်းပင် ဖြစ်ပေသည်။ (အပြည့်အစုံကို ]ဗောဂက်(စ်)နှင့်အတူခုနှစ်ည} ဟောပြောချက်စာတမ်းတွင်ကြည့်ပါ။) 
ဗောဂက်(စ်)သည် ကုန်အာန်ကျမ်းမြတ်၏ အာယသ်တော် နှစ်ပါးကို မှီး၍ ပုံဝတ္ထုနှစ်ပုဒ်ရေးသားခဲ့ပါသည်။
 

ဂျော့ဂ်ျလူးဝစ်(စ)ဗောဂက်(စ်)Jorge Luis Borges (1899-1986)၏ကိုယ်ရေးအကျဉ်း

 
ခရစ်သက္ကရာဇ် (၁၈၉၉)ခုနှစ် ဩဂုတ်လ၊ (၂၄)ရက်နေ့တွင် ဂျော့ဂ်ျလူးဝစ်(စ)ဗောဂက်(စ်)ကိုဖွားမြင်သည်။ အမည်ရင်းမှာ Jorge Francisco Luis Borges Acevedoဖြစ်ပြီး Jorge Luis Borges အမည်ဖြင့်လူသိများပါသည်။ စပိန်ဘာသာ အသံထွက်ဖြင့် Xorxe Iwis borxesဟုခေါ်သည်။ အာဂျင်တီးနားနိုင်ငံ၊ ဗျုနိုအေရီစ် မြို့၌မွေးဖွားခဲ့သည်။ စာရေးဆရာ၊ စာတမ်းပြုစုသူ၊ကဗျာဆရာတစ်ဦး ဖြစ်သည်။(၁၉၁၄)ခုနှစ်တွင် ၄င်း၏မိသားစု ဆွစ်ဇာလန်နိုင်ငံသို့ပြောင်း ရွှေ့ရာတွင် အတူပြောင်း၍ဆွစ်ဇာလန်တွင်ကျောင်းနေခဲ့ပြီး စပိန်နိုင်ငံသို့ ခရီးထွက်ခဲ့သည်။ (၁၉၅၅)ခုနှစ်တွင် အမျိုးသားပြည်သူ့ စာကြည့်တိုက်(Bibloteca Nacioal)၌ ညွှန်ကြားရေးမှူးအဖြစ်လည်းကောင်း၊ ဗျုနိုအေရီစ်တက္ကသိုလ်တွင် ပါမောက္ခ အဖြစ်လည်းကောင်း တာဝန် ထမ်းဆောင်ခဲ့သည်။ သူသည် ဘာသာစကားများစွာကို သွက်လက် ချက်ချာစွာဖြင့် ပြောဆို နိုင်သည်။ (၁၉၆၁)ခုနှစ်တွင် နိုင်ငံလုံးဆိုင်ရာ ထုတ်ဝေသူဆုကို ရရှိခဲ့သည်။ အမေရိကန်နိုင်ငံနှင့် ဥရောပတွင် သူ၏ စာပေ များကို  ကျယ်ပြန့်စွာ ဘာသာ ပြန်ဆိုရေးသား ပုံနှိပ် ထုတ်ဝေသည်။ ဘာသာပေါင်းစုံချစ်ကြည်ရေးကို ရှေ့ရှုသော ရေးသား ချက်များကို စွဲဆောင်မှုအပြည့်နှင့်ရေးသားနိုင်သည်။ သူသည် (၁၉၈၆) ခုနှစ်၊ဇွန်လ၊(၁၄)ရက်-အသက်(၈၆)နှစ်အရွယ်တွင် ဆွစ်ဇာလန်နိုင်ငံ ဂျီနီဗာမြို့၌ ကွယ်လွန်ခဲ့သည်။
 
 
 
 
 






 
 
      Mahatma Gandhi မဟတ္တမဂန္ဒီ
 
 
Mahatma Gandhi (1869-1948) 
 
 
အိန္ဒိယနိုင်ငံလွတ်လပ်ရေးကြိုးပမ်းလှုပ်ရှားမှု၏ ထင်ရှားသော ခေါင်းဆောင်ကြီးဖြစ်သော မဟတ္တမဂန္ဒီကြီးသည် နုပျိုစဉ် တောင် အာဖရိကနိုင်ငံ၌ ရှေ့နေတစ်ဦးဘဝကပင် အစ္စလာမ်သာသနာနှင့် ကျမ်းမြတ်ကုရ်အာန်ကို ရင်းနှီးကျွမ်းဝင်ခဲ့လေသည်။ ထို့နောက် ကာလများတွင် သူသည် ကျမ်းတော်မြတ်ကုန်အာန်ကို ရိုကျိုးစွာ အာရုံစူးစိုက်၍ ဖတ်ရှုခဲ့လေသည်။ ဆက်တိုက်ဆိုသကဲ့သို့ ခဏခဏ အကျဉ်းကျခံနေခဲ့ရသောရက်များတွင် ကျမ်းမြတ်ကုရ်အာန်ကို အစဉ်အမြဲ တောင်းယူဖတ်ရှုခဲ့သည်။ 
ထင်ပေါ်ကျော်ကြားသော အမေရိကန်သတင်းထောက် ဝီလီယမ်ရှိုင်းရာရေးသည့် ဂန္ဒီ၏ အောက်မေ့ဖွယ်ရာ စာအုပ်တွင် ညနေပိုင်း စုဝေးဝတ်တက်ချိန်(ဘုရားရှိခိုးချိန်)တွင် ဂန္ဒီကြီးနှင့် ပရိသတ်အပေါင်းပါတို့သည် ကုရ်အာန် ကျမ်းမြတ်မှ အာယသ်တော် အချို့ကို သံပြိုင် အသံနေအသံထားနှင့် ဖတ်ရွတ်ခဲ့ကြသည်။ သူတို့ ဘုရားရှိခိုးဝတ်တက် ရာတွင် ဟိန္ဒူကျမ်းစာတစ်ခုတည်းကိုသာ ဖတ် ရွတ်ခဲ့ကြသည်မဟုတ်၊ သမ္မာကျမ်းစာမှ အချို့အပိုဒ်များဖတ်ရွတ်ခြင်း၊ ကျမ်းတော်မြတ်ကုရ်အာန်မှ အချို့အာယသ်တော်များ ဖတ်ရွတ်ခြင်း များပြုခဲ့ကြသည်။ ဂန္ဒီကြီးသည် ၄င်းကိုယ်တိုင် ကုရ်အာန်ကျမ်းတော် မြတ်ကို ဂရုတစိုက် ဖတ်ရွတ်သည်သာမက အခြားသူတို့အားလည်း ကျမ်းတော်မြတ်ကို ကောင်းမွန်ရိုကျိုးသိမ်မွေ့စွာဖတ်ကြရန် တိုက်တွန်းသည်။
 
မဟတ္တမဂန္ဒီကြီးက- 
ကျွန်ုပ်သည် ကျမ်းတော်မြတ်ကုရ်အာန်၊ သမ္မာကျမ်းစာနှင့် သောဝ်ရသ်ကျမ်းတို့ကို ဒါဟာ -Daha(ဟိန္ဒူကျမ်းစာ)တွင်ပါရှိ သကဲ့သို့ ထာဝရဘုရားရှင်၏ များစွာသော ထူးကဲမွန်မြတ်သည့် တန်ခိုးတော်နှင့် လှုံ့ဆော်မှုများပါဝင်ကြောင်းကိုယုံကြည်ပါသည်။ ထိုကျမ်းအားလုံးတို့သည် မွန်မြတ်သပ္ပာယ်လှပါသည် ဟုပြောကြားခဲ့ပါသည်။ ဆက်လက်၍ မဟတ္တမဂန္ဒီကြီးက-
 
  ထာဝရဘုရားသခင်ရှိသည်ဟု ဟိန္ဒူကျမ်းစာတွင် ပါရှိ သကဲ့သို့ ကျမ်းတော်မြတ်ကုရ်အာန်တွင်လည်း ထာဝရဘုရားသခင် ရှိကြောင်းဖော်ပြထားသည်ကို ကျွန်ုပ်သိရှိရပါသည်ဟု ပြောကြား ခဲ့လေသည်။
 
 
မဟတ္တမ ဂန္ဒီ Mahatma Gandhi (1869-1948) ၏ ကိုယ်ရေးအကျဉ်း
 
မိုဟန်ဒတ်စ်ကရမ်ကျန်ဒ်ဂန္ဒီကို (၁၈၆၉)ခု၊ အောက်တိုဘာလ (၂)ရက်နေ့တွင် ယနေ့လက်ရှိ အိန္ဒိယနိုင်ငံ၏ ပင်လယ်ကမ်းရိုးတန်း မြို့ဖြစ်သည့် ပို့စ်ဗန်ဒါမြို့၊ ဂူဂျရသ်ပြည်နယ်၌မွေးဖွားခဲ့သည်။ သူ၏ ဖခင်မှာKaram Chand Gandhi (1822-1885) ဖြစ်ပြီး ဟိန္ဒူ မိုဒ်(ဒ်)နွယ်ဝင်၊ ပို့စ်ဗန်ဒါပြည်နယ်ဝန်ကြီးချုပ်ဖြစ်သည်။ ဂန္ဒီကြီး၏ အဖိုးမှာ ဥတန်မ်ကျာန်ဒါဂန္ဒီဖြစ်သည်။ နှစ်သက် စွဲလန်းစွာဖြင့်  ဥတ ဂန္ဒီ ဟုခေါ်သည်။ မိခင်မှာ Putlibaiဖြစ်၍ ဟိန္ဒူပရနမိဗာအစ်ရ်ှနာ့ဗာ အနွယ်ဖြစ်သည်။တာဝန်ကျေပွန်သော ဂျိန်းJain ရိုးရာ နွယ်ဝင် မိခင်၏ ရင်ခွင်၌ ကြီးပြင်းရသောကြောင့် ဂန္ဒီကြီးသည် ဘဝ၏ စောစွာသော အချိန်များကပင် အတွေ့အကြုံများသည်။ နောင်လူကြီး ဖြစ်လာသော အခါ သနားကရုဏာစိတ် ဖြစ်ပေါ်ခြင်း၊ ဒုက္ခခံစားနေရသူများကို ထောက်ထားကူညီလိုခြင်း၊ သက်သတ်လွတ်စားသည့် အလေ့ရရှိခြင်း၊ ဥပုသ်သီလဆောက်တည်ခြင်း (မိမိကိုယ်မိမိ သန့်ရှင်းစင်ကြယ်စေရန်) တစ်ဦးနှင့်တစ်ဦး ညှာတာထောက်ထားခြင်း၊ ဘာသာဝင်အချင်းချင်းနှင့်သော်လည်းကောင်း၊ ဘာသာခြားတို့နှင့် လည်းကောင်း သည်းခံစိတ်ထားရှိခြင်း စသည့် အတွေ့ အကြုံများကို ရရှိစေခဲ့သည်။ ဂန္ဒီကြီးသည် ဘဝ၏ ဒဿနပေါင်းများစွာကို ပိုင်ဆိုင်ခဲ့သူ ဖြစ်၍ ရေးသားရန် အချက်အလက်ပေါင်း မြောက်မြားစွာပင် သူ့တွင် အမှန်ရှိခဲ့ပါသည်။ ဂန္ဒီကြီးသည် မွတ်စ်လင်မ်လိဂ်(Muslim League)အနေနှင့်  သီးခြားနိုင်ငံ(Pakistan) ခွဲထွက်ရန် တောင်းဆိုမှုသည် မှားယွင်း ကြောင်း၊ အစ္စလာမ်သာသနာက ညီအစ်ကိုများပေါင်းစည်းမှုကိုသာ လိုလားကြောင်း၊ လူသား ထုတစ်ရပ်လုံးသည် ညီရင်းအစ်ကိုကဲ့သို့ နေကြရာမှာ ဖြစ်ကြောင်း၊ လူသားနွယ် မိသားစုအားလုံးတစ်ပေါင်း တစ်စည်းတည်း နေရမှာ ဖြစ်ပြီး ခွဲဖို့ ကွဲဖို့လုပ်လျှင် အိန္ဒိယနိုင်ငံပြိုကွဲပြီး အုပ်စုခွဲသူများလည်း အကွဲကွဲအပြားပြားနှင့် တစ်ဦးနှင့်တစ်ဦး ရန်သူ များကဲ့သို့ ဖြစ်မှာ ဖြစ်ကြောင်းယူဆစိုးရိမ်ခဲ့သည်။ ဂန္ဒီကြီးသည် မွတ်စ်လင်မ်-ဟိန္ဒူခေါင်းဆောင်များနှင့်အတူ မြောက်ပိုင်းအိန္ဒိယနှင့် ဘဲန်ဂေါ်လ် ပြည် နယ် များမှာ ရန်ခိုက်ဒေါသမဖြစ်ကြဘဲ အေးအေးချမ်းချမ်းနေကြရန် အပြင်းအထန်ပင် ကြိုးစားညှိနှိုင်းခဲ့ သော်လည်း မအောင်မြင်ခဲ့ပါ။ ဂန္ဒီကြီးသည် (၁၉၄၈)ခုနှစ် ဇန်နဝါရီလ၊(၃၀)ရက်နေ့အသက် (၇၈)နှစ်အရွယ်တွင် ဟိန္ဒူအစွန်းရောက် မဟာစဘာ(Hindu Mahasabha)နသူရာမ် Nathuram၏ သေနတ်ဖြင့် လုပ်ကြံ သတ်ဖြတ်ခြင်းခံခဲ့ရပါသည်။
 





 
     Alexander Pushkin  အယ်လက်ဇန္ဒာပွတ်ရ်ှကင်း
 
 
Alexander Pushkin  (1799-1837) 
 
ရုရှားသမိုင်းတွင် အကျော်ကြားဆုံးကဗျာဆရာကြီး၊ခေတ်သစ် ရုရှားအနုစာပေကို ပြုစုပျိုးထောင်ခဲ့သူဖြစ်သော အယ်လက်ဇန္ဒာ ပွတ်ရ်ှကင်းသည် ကုရ်အာန်ကျမ်းမြတ်ကို အလွန်စိတ်ဝင်စားခဲ့သည်။ သူသည် ရုရှားဘာသာပြန် ကျမ်းမြတ်ကုရ်အာန်တစ်အုပ် ၄င်းပိုင်စာကြည့်တိုက်တွင်ထားရှိပြီး၊ သူစာပေရေးသားရာတွင် များစွာရည်ညွှန်းကိုးကား ခဲ့ပါသည်။ သူသည်  ကျမ်းတော်မြတ် ကုရ်အာန်၏ စူရဟ်(၃၃)ပုဒ်ကို စီကုံးနှုန်းဖွဲ့၍ ကျမ်းတော်မြတ် ကုရ်အာန်ကို အတုယူခြင်း(Imitation of the Quran) အမည် ခေါင်းစဉ် အောက်တွင် ရဲဝံ့စွာတင်ပြခဲ့ပေသည်။  အယ်လက်ဇ–ာ ပွတ်ရ်ှကင်း}၏ အခြားကဗျာများတွင်လည်း ကုရ်အာန်ကျမ်းတော်မြတ်ကို ရည်ညွှန်းကိုးကားဖွဲ့ဆိုမှုများရှိခဲ့ပါသည်။ ဥပမာအားဖြင့် တမန်တော်မြတ်၏အမည်နှင့်ကဗျာမှာ ရုရှားနိုင်ငံရှိ ကျောင်းများတွင် အနုစာပေသင်ရိုးညွှန်းတမ်းများ၌ ပြဋ္ဌာန်းထည့်သွင်း ထားလျက်ရှိသည်။ ကျမ်းတော်မြတ် ကုရ်အာန်၏ အကျိုးအာနိသင်ကြောင့် အယ်လက်ဇန္ဒာ ပွတ်ရ်ှကင်းသည် စာအုပ်ပေါင်းများစွာကို ရေးသားနိုင်ခဲ့လေသည်။
 
အယ်လက်ဇန္ဒာ ပွတ်ရ်ှကင်းက- 
ကျွန်ုပ်သည် ကျမ်းတော်မြတ် ကုရ်အာန်၏  အံ့ဖွယ် ထူးခြားသော စွမ်းအင် လျှို့ဝှက်ချက်ကို အဓိပ္ပာယ်ဖေါ်ဆောင်ရသည်ကို မြတ်နိုးပါသည်။ ဤကဲ့သို့ မြင့်မြတ်သည့် ဘာသာ သာသနာရေး အလုပ်သည် ကမ္ဘာတစ်ဝန်းရှိ လူသန်းပေါင်းများစွာတို့၏ နှလုံးသားကို လွှမ်းမိုးသိမ်းယူပိုင်ဆိုင်နိုင်ကြောင်းကို လည်းသိရှိပါသည်ဟုပြောလေ့ရှိပါသည်။
 
 
အယ်လက်ဇန္ဒာပွတ်ရ်ှကင်း Alexander Pushkin  (1799-1837)၏ကိုယ်ရေးအကျဉ်း 
 
 
 
 ပွတ်ရ်ှကင်းကို (၁၇၉၉)ခုနှစ်၊ ဇွန်လ(၆)ရက်နေ့တွင် ရုရှား အင်ပါယာနိုင်ငံ၊မော်စကိုမြို့၌မွေးဖွားခဲ့သည်။ (၁၅)နှစ်အရွယ်တွင် ပထမဦးဆုံး ကဗျာ လင်္ကာဖွဲ့ဆိုခဲ့သည်။သူသည် လူမှုပြုပြင်ပြောင်းလဲမှုအခန်းကဏ္ဍတွင် တဖြည်းဖြည်းပါဝင်ခဲ့ပြီး စာပေအရေးအသားတွင် အခြေခံမှစ၍ ပြုပြင်ရေး ဘက်မှ ပြတ်သားစွာရပ်တည်ခဲ့သည်။(၁၈၂၀) ခုနှစ် အစောပိုင်းတွင် အစိုးရနှင့် ပြဿနာဖြစ်ပြီး ရုရှားတောင်ပိုင်းသို့ ပြည်နှင်ဒဏ်ပေးခံရသည်။ Drama Boris Godunovစာအုပ်ကိုရေးသားခဲ့သော်လည်း မထုတ်ဝေနိုင်ခဲ့ပါ။ သူ၏ Eugene Oneginဝတ္ထုကိုမူ (၁၈၂၅)ခုနှစ်မှ(၁၈၃၂)ခုနှစ်များ အတွင်းအစီအစဉ်အလိုက်ထုတ်ဝေနိုင်ခဲ့သည်။ သူသည် Natalya Goncharovaနှင့် (၁၈၃၁)ခုနှစ်တွင်လက်ထပ်ခဲ့သည်။ သူ၏ဇနီးနှင့် ပတ်သက်၍ ကျော်မကောင်းကြားမကောင်းသတင်းများမကြာခဏထွက်ပေါ်ခဲ့သဖြင့် သူ့ဇနီး၏ချစ်သူဟောင်းဖြစ်သည်ဟုစွပ်စွဲခံရသောGeorges d' Anthesနှင့် နှစ်ဦးချင်းယှဉ်ပြိုင်တိုက်ခိုက်ခဲ့သည်။ ပွတ်ရ်ှကင်းသည် ပြင်းထန်စွာဒဏ်ရာရရှိခဲ့ပြီး(၂)ရက်အကြာ (၁၀-၂-၁၈၃၇)ရက်နေ့တွင် ကွယ်လွန်ခဲ့သည်။ သူ့၏နိုင်ငံရေးအမြင်နှင့် ရုရှားသူပုန်များကိုမျိုးဆက်စဉ်ဆက်ဆွဲဆောင်ခဲ့သောကြောင့် Bolsheviks(မာက်စ်ဝါဒီကွန်မြူနစ်)များက ပွတ်ရ်ှကင်းကို အရင်းရှင်လူတန်းစားတို့၏ အနုစာပေနှင့် ယဉ်ကျေးမှုကို ဆန့်ကျင်သူနှင့် ရုရှား၏ အနုစာပေ၊ကဗျာ၊အလင်္ကာ ဖွဲ့ဆိုမှုကိုဆက်ခံသူအဖြစ် အမြင်ရှိခဲ့သည်။ (၁၉၇၃)ခုနှစ်တွင်  Tsarskoe Seloမြို့ကို ပွတ်ရ်ှကင်းမြို့ဟုပြောင်းလဲဂုဏ်ပြုမှည့်ခေါ်ခဲ့သည်။
 
 






 
 
     Leo Tolstoy  လီယိုတော်လ်စတွိုင်း
 
 
Leo Tolstoy  (1828-1910) 
 
စစ်နှင့်ငြိမ်းချမ်းရေး(War And Peace)၏မူရင်းစာရေးသူ၊ ကျော်ကြားသော ရုရှားစာရေးဆရာကြီး လီယိုတော်လ် စတွိုင်းသည် ကျမ်းတော်မြတ်ကုရ်အာန်နှင့် အလွန်နီးစပ် ခဲ့သူ ဖြစ်သည်။
လီယိုတော်လ်စတွိုင်းကပြောလေ့ရှိခဲ့သည်မှာ ကျမ်းတော်မြတ်ကုရ်အာန်၏ သဘာဝကျရိုးရှင်းလွယ်ကူမှု၏ ပြုစားမှုကို ကျွန်တော်ခံလိုက်ရပြီဟု ဖြစ်သည်။
 
လီယိုတော်လ်စတွိုင်းက ဤသို့လည်း ပြောကြားခဲ့သည်။
တစ်ဦးတစ်ယောက်သည် အစ္စလာမ်၏ သဘာဝကျ၍  ရိုးရှင်းလွယ်ကူမှုကိုနားလည်လိုပါလျှင် ထိုသူသည် ကျမ်းမြတ်ကုရ်အာန်ကို ဖတ်ရှုသင့်ပါသည်။ အဘယ့်ကြောင့်ဆိုသော်- ကျမ်းတော်မြတ် ကုရ်အာန်၏ ဥပဒေများနှင့် သွန်သင်ဆုံးမဩဝါဒများသည် ရှင်းလင်း၍ ယင်းတွင် အံ့ဖွယ်အခြေခံအမှန်တရား များကို ပြဋ္ဌာန်းချမှတ်ထားသောကြောင့်ဖြစ်သည်။ လူအများသည် ထိုလွယ်ကူ ရိုးရှင်းသော ဥပဒေစည်းကမ်းများနှင့်အညီ လူမှုဘဝတည်ဆောက်နိုင်ကြ ပေသည်။ ဤဘာသာအယူဝါဒတွင် မြင့်မားနက်ရှိုင်းသော သဘောထားပြဋ္ဌာန်းချက်များပါရှိပြီး သာသနာတော်ကို သယ်ပိုး ယူဆောင်လာသူမှာ ကောင်းမြတ်သည့် အကျင့်သီလ၊ သမာဓိ၊ သစ္စာ တရားရှိပေသည်။ ထို့ကြောင့် ထာဝရဘုရားသခင်၏ သာသနာ့ ကြိုးတော်ကို ယုံကြည်စွာနှင့် စုဝေး ဝန်းရံနေကြကုန်၊မကွဲကြကုန်လင့်ဟူသောညွှန်းဆိုချက်များဖြင့် တိုက်တွန်းလျက်ရှိပေသည်။
 
လီယိုတော်လ်စတွိုင်းသည် စာပေစုစည်းရေးသားတင်ဆက်မှုတစ်ခုတွင်  ကလေးသူငယ်များ လေ့လာဆည်းပူးနိုင်ရန်အတွက် တက္ကိဗေဒ (သဘောတရား)နှင့် ဆိုင်သော ကုရ်အာန်ကျမ်းမြတ်မှ မတူ ခြားနားသော အာယသ်တော်များကို စုစည်းတင်ပြထားခဲ့ပေသည်။
 
 
လီယိုတော်လ်စတွိုင်း Leo Tolstoy  (1828-1910)၏ ကိုယ်ရေးအကျဉ်း
 
လီယိုတော်လ်စတွိုင်း}၏အခြားအမည်မှာ Count Lev Nikolayevich Tolstoyဖြစ်သည်။ (၁၈၂၈)ခု၊စက်တင်ဘာလ(၉)ရက်နေ့တွင် ရုရှားနိုင်ငံ၊ တူလာ ဒေသ၊ Yasnaya Polyana မိသားစုပိုင်နေအိမ်တွင်ဖွားမြင်ခဲ့သည်။သူ၏မိသားစုများမှာ ဂုဏ်သရေရှိသော ရုရှားမျိုးရိုးမှဖြစ်သည်။သူသည် မွေးချင်း(၅)ဦး အနက် စတုတ္ထမြောက် ဖြစ်သည်။ သူ၏မိဘများမှာ သူငယ်စဉ်ကပင် ကွယ်လွန်ခဲ့ကြသည်။ ငယ်ရွယ်စဉ်တွင် ဆွေမျိုးများက သူ့အား စောင့်ရှောက်ခဲ့ ကြသည်။ (၁၈၄၄)ခုတွင် ဥပဒေဘာသာရပ်နှင့် အရှေ့တိုင်းစာပေကို Kazanတက္ကသိုလ်တွင် ဆည်းပူးခဲ့သည်။ သူ့အား ဆရာများက စာသင်ရန်ဖြစ်နိုင်မှာ မဟုတ်သလို စာပေသင်ယူလိုစိတ်လည်း မရှိသူ ဖြစ်ကြောင်း မှတ်ချက်ပြုခဲ့သည်။ တစ်ဝက်တစ်ပျက်သာ သင်ပြီး တက္ကသိုလ်မှထွက်ခဲ့သည်။ ထို့နောက် မွေးရပ်မြေသို့ပြန်ခဲ့သည်။ မော်စကိုနှင့် စိန့်ပီတာစဗတ်မြို့တွင်အချိန်ကုန်ခဲ့သည်။ (၁၈၅၁)ခုနှစ်တွင် လောင်းကစား၍ကြွေးတင်သောကြောင့် တိမ်းရှောင် နေရာမှ ကော့ကေးရှပ်တွင် စစ်ထဲသို့ဝင်ခဲ့သည်။စစ်ထဲဝင်ခဲ့ပြီး စာပေကိုစတင်၍ရေးခဲ့သည်။ သူ၏ထင်ရှားသောစာအုပ်များမှာ War And Peace နှင့် Anna Kareninaတို့ဖြစ်သည်။ တော်လ်စတွိုင်းသည် နမိုးနီးယား ရောဂါဖြင့် (၁၉၁၀)ခု၊နိုဝင်ဘာလ(၁၀)ရက်နေ့တွင် ကွယ်လွန်ခဲ့သည်။
 


 
 
   Johann Wolfgang Von Goethe  ဂျိုဟန် ဝုဖ်ဂန်း ဗွန် ဂိုသေ
Johann Wolfgang Von Goethe (1749-1832) 
ဂိုသေ}သည် ကျော်ကြားသော ဂျာမန်ကဗျာနှင့်စာရေးဆရာ ဖြစ်သည်။ ]ဂိုသေ}သည် နပိုလီယန်၏စစ်တပ်မှ(Weimar- ဝိုင်းမား) စစ်သားများက စပိန်(Andalus- အဲန်ဒလူစ်း)မွတ်စ်လင်မ်များထံမှ ရခဲ့သော ကျမ်းတော်မြတ်ကုရ်အာန်ကို သူ့အားပေးခြင်းကြောင့် ကျမ်းမြတ်ကုရ်အာန်နှင့် ရင်းနှီးကျွမ်းဝင်ဖြစ်ခဲ့ရသည်။
 
ပထမတွင် ကျွန်ုပ်တို့ ကျမ်းမြတ်ကုရ်အာန်ကို ရှောင်ကြဉ်နေခဲ့ပါသည်။ သို့ပါသော်လည်း ကြာရှည်စွာ မနေနိုင်ပါ။ ကျွန်ုပ်တို့၏ စိတ်အာရုံကို စွဲလန်းခြင်း အံ့ဩခြင်းဖြင့် နောက်ဆုံး ကျွန်ုပ်တို့သည် ကုရ်အာန်ကျမ်းတော်မြတ်၏အခြေခံအကြောင်းတရားများနှင့် စည်းမျဉ်းစည်းကမ်းများ၏ အပြင်းအထန် ဆွဲဆောင်မှုကြောင့် ရင်းနှီး ကျွမ်းဝင် ခဲ့ရပါသည်။ ကျမ်းတော်မြတ်ကုရ်အာန်၏ အဓိကအခြေခံ အကြောင်းတရားရည်ရွယ်ချက်များသည် အလွန်ပင်ကြီးကျယ်မြင့်မြတ် ခမ်းနားထည်ဝါလှပါသည်။ ခွန်အား ပြည့်၍ အခြေခံကောင်းမွန်မှုတို့က ကျွန်ုပ်တို့၏ စိတ်အာရုံကို စွဲဆောင်စေခဲ့လေသည်။ ဤကျမ်းဂန်သည် တစ်ကမ္ဘာလုံးအတိုင်းအတာအထိ ထိတွေ့စွဲလန်းစေမှုဖြင့် အရေးပါ သည့် ရလဒ်ကောင်းများ ပေါ်ထွက်ပြသလာပေလိမ့်မည်။ ထိုကျမ်း စာ၏ သဟဇာတ အံဝင်ခွင်ကျဖြစ်မှု၊ အဖက်ဖက်မှ ပြည့်စုံခြင်းပုံစံ (ဟန်ပန်) (စာပေ အသုံးအနှုန်း၊ ရေးနည်းရေးဟန်နှင့်ဆိုင်သော)၊ ထိုကျမ်းစာတွင် ပါဝင်သော အကြောင်းအရာ၊ အစီအစဉ် ရှေးရှုသော ပန်းတိုင်တို့သည် သာမန်ထက် ပိုမို ထူးခြား ဆန်းကြယ်နေပါသည်။ထိုကျမ်းစာသည် ဤဒေသအခြေအနေအချိန်အခါနှင့်သာ သက်ဆိုင်သည် မဟုတ်၊ ဤကျမ်းသည် နောင်များစွာသော ခေတ်ကာလများတိုင် မပျက်မသုဉ်း မတိမ်ကောဘဲ တည်ရှိနေပေဦးမည်။
 
မကြာမီကာလမှာပင်  ဂိုသေသည် အီရန်စာပေ(Iranain Literature)နှင့် ရင်းနှီးကျွမ်းဝင်လာပြီး ကုန်အာန်ကျမ်းမြတ်ကို အာဂုံဆောင်သူ-ဟာဖွှိဇ်တစ်ဦးနှင့်ပါ ရင်းနှီး ကျွမ်းဝင်မှုရခဲ့သည်။ သူ၏ အရှေ့တိုင်းအလုပ်တာဝန်များ (Eastern Works)အမည်ရှိစာအုပ်တွင် ကျမ်းတော်မြတ်ကုရ်အာန်ကို ညွှန်းဆိုရေးသားချက်များစွာပါရှိပြီး၊  သူ၏ ရေးသားချက်များသည် ကျမ်းတော်မြတ်ကုရ်အာန်၏ အခြေခံ အကြောင်းခြင်းရာများပင် ဖြစ်လေသည်။
 
 
 
ဂျိုဟန်ဝုဖ်ဂန်းဗွန်ဂိုသေ Johann Wolfgang Von Gothe (1749-1832)၏ ကိုယ်ရေးအကျဉ်း
 
 
ဂျိုဟန်ဝုဖ်ဂန်းဗွန်ဂိုသေ}ကို ဂျာမနီနိုင်ငံ၊ ဖရန့်ဖွတ်မြို့တွင် (၁၇၄၉)ခုနှစ်၊ ဩဂုတ်လ(၂၈)ရက်နေ့တွင် ဖွားမြင်သည်။ ဖခင်မှာ Johann Caspar Goethe ဖြစ်၍ မိခင်မှာ Catharina Elisabeth ဖြစ်သည်။ ဂိုသေသည် ဥပဒေပညာကို Leipzigတွင် (၁၇၆၅)ခုနှစ် မှ(၁၇၆၈)ခုနှစ်အထိသင်ယူခဲ့သည်။ သက်တမ်းကြာရှည်နေပြီဖြစ်သော တရားဥပဒေဆိုင်ရာ စည်းမျဉ်းစည်းကမ်းများကို အလွတ်ကျက်ပြီး ရနေခဲ့သည်။ Leipzigတွင်နေစဉ် Kathehen Schonkopfနှင့် ချစ်ကျွမ်းဝင်ခဲ့ပြီး သာယာငြိမ့်ညောင်းသည့် ကဗျာအလင်္ကာများကို သူမနှင့်စပ်လျဉ်း၍ရေးသားခဲ့သည်။ (၁၇၈၆)ခုနှစ်၊ ဩဂုတ်လကုန် ခါနီးအချိန်တွင်  ဂိုသေ၏ပညာရေးတွင် တိုးတက်မှုမရှိသောကြောင့် Frankfurtသို့ပြန်ခဲ့ရသည်။ (၁၇၇၀) ခုနှစ်တွင်  ဂိုသေသည် ပညာသင်ယူမှုပြီးဆုံးရန်ှStrasbourgသို့ထွက်ခွာခဲ့သည်။ ဂိုသေ၏စာပေနယ်ပယ်မှာ- ကဗျာ(Poetry)ရေးသားခြင်း၊  ပြဇာတ်(Drama)ရေးသားခြင်း၊  စာပေအနုပညာ(Literature)၊  ဘာသာရေး အခြေခံ လေ့လာသည့်ပညာရပ်(Theology)၊  ဒဿနိကဗေဒပညာ-အတွေးအခေါ်ပညာ(Philosophy)၊ အရာရာတိုင်း၌ ထာဝရဘုရား သခင်ကိန်းဝပ်တော်မူသည့် အယူဝါဒ(Pantheism)တို့ဖြစ်သည်။ (၁၈၃၂)ခုနှစ်၊မတ်လ(၂၂)ရက်နေ့ အသက်(၈၂)နှစ်တွင် ကွယ်လွန်သည်။
 
 




      Ernest Renan  အားနက်စ် ရီနာန်
 
 
Ernest Renan  (1823-1892)
 
 
ထင်ရှားကျော်ကြားသော ပြင်သစ်အတွေးအခေါ်ပညာရှင် အားနက်စ်ရီနာန်သည် အစ္စလာမ်နှင့် ကျမ်းတော်မြတ်ကုရ်အာန်ကို ရင်းနှီးကျွမ်းဝင်လာပြီးနောက် များစွာ စိတ်ဝင်စားခဲ့သူတစ်ဦးဖြစ်သည်။ သူ့တွင် ကုရ်အာန်ကျမ်းတော်မြတ်နှင့်စပ်လျဉ်း၍ ဘာသာဗေဒနှင့် သက်ဆိုင်သော ကျမ်းအကိုးအကား များစွာရှိသည်။
အားနက်စ်ရီနာန်က-
ကျွန်ုပ်၏ကိုယ်ပိုင်စာကြည့်တိုက်တွင် ထောင်ပေါင်းများစွာသော နိုင်ငံရေး၊ လူမှုရေးစာအုပ်များ၊ စာပေဘာသာရပ် နယ်ပယ်အသီးသီးနှင့်ပတ်သက်သော စာအုပ်များ များစွာပင်ရှိပါသည်။ သို့သော်လည်း ကျွန်ုပ်သည် ထိုစာအုပ်များကို တစ်ကြိမ်ထက် ပို၍ မဖတ်ခဲ့ပါ။ အချို့သောစာအုပ်များကိုမူ ကျွန်ုပ် ဘယ်သောအခါမျှ မဖတ်ခဲ့ဘူးပါ။ သို့သော်စာအုပ်တစ်အုပ်မှာမူ ကျွန်ုပ်အတွက် အမြဲတန်းအဖော်မွန်အဖြစ်ရှိနေခဲ့ပြီး ကျွန်ုပ်အနေဖြင့် ထူးကဲစွာ အမြင် ပေါက်ပြီး၊ အဆင့်အတန်း သာလွန်ကောင်းမွန်သည့်အခြေအနေပွင့်လန်းလာသည့်အခါတိုင်းတွင် ထိုစာအုပ်ကို ကျွန်ုပ်ဖတ်ရှုခဲ့ပါသည်။ ကျွန်ုပ် ထိုစာအုပ် ကို ဖတ်ရာဝယ် မောသည် ပမ်းသည်ဟူ၍ မရှိပါ။ ဤစာအုပ်မှာ ကျမ်းတော်မြတ် ကုရ်အာန်ပင် ဖြစ်ပါသည်။
 
 
အားနက်စ်ရီနာန် Ernest Renan  (1823-1892) ၏ကိုယ်ရေးအကျဉ်း
 
 
 
အားနက်စ်ရီနာန်}ကို(၁၈၂၃)ခု၊ဖေဖော်ဝါရီလ၊(၂၈)ရက် နေ့တွင် ပြင်သစ်နိုင်ငံ၊ Brittany ပြည်နယ်၊Treguierမြို့၌် တံငါသည် မိသားစုမှ ဖွားမြင်သည်။ သူ၏ အဖိုးဝယ်ပေးသော အိမ်ဖြစ်သည့် Treguier တွင်နေသည်။ ဖခင်ဖြစ်သူမှာ ရွက်သင်္ဘော ကပ္ပတိန် ဖြစ်ပြီး (Republican) ပြည်သူလူထုက ရွေးချယ်တင်မြှောက်သော စနစ်ဖြင့် အုပ်ချုပ်မှုဝါဒလမ်းစဉ်ကို ပြင်းပြစွာဆန္ဒရှိသူဖြစ်သည်။ ခရစ်ယာန်သာသနာနှင့်သက်ဆိုင်သော ၄င်း၏ မွေးရပ်မြေ ကျောင်းတွင် စာပေပညာသင်ခဲ့ပြီး ၄င်းကျောင်း၏ မှတ်တမ်းတွင် အားနက်စ် ရီနာန်သည် ယဉ်ကျေးသည်၊ သည်းခံစိတ်ရှိသည်၊ ထက်မြက်သည်၊ ဒုက္ခခံနိုင်သည်၊ သေချာစေ့စပ်သည် စသည့်အရည်အသွေးများရှိကြောင်း မှတ်တမ်းတင်ခံရသည်။ ခရစ်ယာန် ဘုန်းတော်ကြီးက သင်္ချာနှင့် လက်တင် ဘာသာ သင်ပြပေးခဲ့ပြီး မိခင်ကပညာရေးကို အဆုံးသတ် သင်ပေးသည်။ (၁၈၃၈)ခုနှစ် နွေရာသီတွင် အားနက်စ်ရီနာန်သည် Treguier  ကောလိပ်မှ ဆုအားလုံးကို ရယူပိုင်ဆိုင်ခဲ့သည်။ အားနက်စ်ရီနာန်ကို ထင်ပေါ်ကျော်ကြားစေခဲ့သည်မှာ Life Of Jesus (Viede Jesus)  ယေရှုသခင်၏ ဘဝမှတ်တမ်း စာအုပ်ရေးခဲ့သော ကြောင့်ဖြစ်သည်။ (၁၈၉၂)ခုနှစ်၊ အောက်တိုဘာလ၊(၁၂)ရက်နေ့တွင် ကွယ်လွန်ခဲ့သည်။
 
 
 
 
 
 
 





 
 
 
     William Gladstone ၀ီလီယမ် ဂလက်ဒ်စတုန်း
 
William Gladstone (1809-1898) 
 
 
ဝီလီယမ်ဂလက်ဒ်စတုန်းသည် ဝိတိုရိယဘုရင်မကြီးလက်ထက်ကာလတွင် ဗြိတိသျှနိုင်ငံ၏ဝန်ကြီးချုပ်ဖြစ်ခဲ့သည်။ အောက်လွှတ်တော်(House of Commons) အစည်းအဝေး တစ်ရပ်တွင် အိန္ဒိယနိုင်ငံကို အောင်နိုင်မှုမရရှိခြင်း အခြေအနေဆွေးနွေးကြရာတွင် ဝန်ကြီးချုပ် ဝီလီယမ်ဂလက်ဒ်စတုန်းက သူကိုယ်တိုင် ယူဆောင်လာသော ကုရ်အာန် ကျမ်းတော်မြတ်ကို ပရိသတ်အား ထောင်ပြလျက် ပြောကြားခဲ့သည်မှာ-
 
 လူကြီးမင်းများခင်ဗျား-
မွတ်စ်လင်မ်များအနေနှင့် ဤ(ကုရ်အာန်)ကျမ်းစာအုပ်ကို ပိုင်ဆိုင်လက်ကိုင်ပြုနေသမျှ ကာလပတ်လုံး ဥရောပအနေနှင့် အရှေ့ပိုင်းဒေသကို လွှမ်းမိုးအုပ်ချုပ်နိုင်မှာ မဟုတ်သကဲ့သို့ လုံခြုံမှုလည်း ရှိမှာမဟုတ်ပါဟုတင်ပြခဲ့သည်။
 
  ဤကဲ့သို့ ပြောကြားခဲ့သည့် မိန့်ခွန်းကို ဗြိတိသျှပါလီမန် ညှိနှိုင်းဆွေးနွေးမှုမှတ်တမ်းတွင် အပြည့်အစုံ မှတ်တမ်းပြုစုထားရှိ ခဲ့သည်။
 
 
ဝီလီယမ်ဂလက်ဒ်စတုန်းWilliam Gladstone (1809-1898) ၏ကိုယ်ရေးအကျဉ်း
 
အမည်အပြည့်အစုံမှာ William Ewart Gladstoneဖြစ်ပြီး (၁၈၀၉)ခုနှစ်၊ ဒီဇင်ဘာလ(၂၉)ရက်နေ့တွင် အင်္ဂလန်နိုင်ငံ၊လန်ကပ်စ် ရှိုင်းယားပြည်နယ်၊ လီဗားပူးမြို့၊ရောဒ်နေးလမ်း၊အမှတ်(၆၂)တွင် ဖွားမြင်ခဲ့သည်။ ဖခင်မှာ ကုန်သည်ကြီး Sir John Gladstone မိခင်မှာ Anne Mackenzie Robertson ဖြစ်သည်။ (၁၈၁၆)ခုနှစ်မှ(၁၈၂၁)ခုနှစ် အထိVicarage of st.Thomas's Church Seaforth  ကျောင်းတွင် ပညာသင်ကြားခဲ့ပါသည်။ (၁၈၂၁)ခုနှစ်တွင် သူ၏ အစ်ကိုကြီးများ၏ ထုံးကိုနှလုံးမူပြီး (၁၈၂၈)ခုနှစ် မက်ထရစ် စာမေးပွဲ မအောင်မီ Eton Collegeတွင်တက်ရောက်ခဲ့သည်။ထို့နောက် Christ Church, Oxfordတွင် တက်ရောက်၍ ဂန္ထဝင်စာပေနှင့် သင်္ချာ သင်ယူခဲ့သည်။ သင်္ချာဘာသာရပ်ကို စိတ်မဝင်စားသော်လည်း (၁၈၃၁)ခုနှစ် ဒီဇင်ဘာလတွင် ပထမအဆင့် ဒီဂရီနှစ်ထပ်ကွမ်းဆုကို မျှော်လင့်ထားသည့်အတိုင်း ရရှိခဲ့သည်။ဂလက်ဒ်စတုန်းသည် Oxford Union Debating Society တွင် ဥက္ကဋ္ဌ တာဝန်ယူ၍စကားပြောကောင်းသူအဖြစ်ကျော်ကြားလာပြီး၊ ထိုမှတစ်ဆင့် အောက်လွှတ်တော်အထိ ရောက်လာ ခဲ့လေသည်။  တက္ကသိုလ်ကျောင်းသားဘဝတွင် ကွန်ဆာဗေးတစ်-တိုရီD(Tory)ပါတီဝင်ဖြစ်ပြီး၊ (Whig)ပါတီ၏ ပါလီမန်ပြန်လည်ပြုပြင်ရေးအဆိုပြုချက်များနှင့် စပ်လျဉ်း၍ လူသိရှင်ကြားရှုတ်ချပြောဆိုခဲ့သည်။ (၁၈၆၈)ခုတွင် ဗြိတိန်နိုင်ငံ၏ဝန်ကြီးချုပ်ဖြစ်လာသည်။ (၁၈၆၇)ခုနှစ်တွင် Lord Russell အငြိမ်းစား ယူသည့်အခါ ဂလက်ဒ်စတုန်းသည် Liberal Partyခေါင်းဆောင်ဖြစ်လာသည်။ (၁၈၉၈)ခု၊မေလ(၁၉)ရက်၊အသက်(၈၈)နှစ်တွင် ကွယ်လွန်သည်။
 





 
     Napoleon Bonaparte နပိုလီယံ ဗိုနာပတ်
 
 
Napoleon Bonaparte (1769-1821) 
 
 
နပိုလီယံသည် ဘဝင်မြင့် မာနကြီးသော ပြင်သစ် ဧကရာဇ်ဘုရင်ဖြစ်ပြီး (၁၇၉၉)ခုနှစ်တွင် အီဂျစ်ကိုသိမ်းပိုက်ပြီးနောက် အီဂျစ်ကို ဥရောပနှင့် တစ်သားတည်းဖြစ်ရန် အထူး ကြိုးစားခဲ့သူဖြစ်သည်။ ဤရည်ရွယ်ချက်ထမြောက်အောင်မြင်စေရန် နပိုလီယံသည် အီဂျစ်နိုင်ငံ၏ ဓလေ့စရိုက်နှင့်ယဉ်ကျေးမှုသွင်ပြင်အနေအထားများကို အထူးလေ့လာ ခဲ့သည်။ ဥပမာအားဖြင့် နပိုလီယံသည် သာသာပြန်သူတစ်ဦး၏ အကူအညီနှင့် ကုရ်အာန်ကျမ်းတော်မြတ်ကိုလေ့လာခဲ့သည်။ ကုရ်အာန်ကျမ်းတော်မြတ်ကို(၃)ရက်အကြာ လေ့လာပြီးနောက် နပိုလီယံက ၄င်း၏ စစ်ဗိုလ်ချုပ်များကို ပြောကြားခဲ့သည်မှာ-
 
မွတ်စ်လင်မ်တွေ ဒီစာအုပ်ကို ဖတ်ပြီး ညွှန်ပြသည့်အတိုင်း လိုက်နာ ဆောင်ရွက်ကြလျှင် ဒို့အနေနှင့် ဘေးဒုက္ခနှင့်တွေ့နိုင်တယ်။ ဒို့အနေနှင့် မွတ်စ်လင်မ် တွေကို ဒီကုရ်အာန်နှင့် ဝေးကွာသွားအောင်လုပ်နိုင်ရင် မွတ်စ်လင်မ်တွေ ဘေးဒုက္ခရောက်နိုင်တယ်ဟူ၍ဖြစ်သည်။ 
 
နပိုလီယံ၏ အခြားတင်ပြချက်များမှာလည်း စိတ်ဝင်စားဖွယ်ဖြစ်သည်။
 
နပိုလီယံက- 
ကျွန်တော်ယူဆပါတယ်၊ ကျွန်တော်တို့နောက်မကျသေးပါဘူး၊ နိုင်ငံတစ်ဝန်းမှာရှိကြတဲ့ ဉာဏ်ပညာအမြော်အမြင်ရှိ ပညာတတ်ပုဂ္ဂိုလ်များကို စုဆောင်းပြီး ကုရ်အာန်က ညွှန်ပြသော ဥပဒေစည်းကမ်းများနှင့်အညီ အခြေခံအစိုးရအဖွဲ့တစ်ရပ်ဖွဲ့စည်းဆောင်ရွက်သင့်ပါတယ်။ ကျမ်းမြတ်ကုရ်အာန်၏ စည်းမျဉ်း စည်းကမ်း ဥပဒေသများသည် အမှန်သာဓကများဖြစ်ပြီး လိုက်နာဆောင်ရွက်ခြင်းဖြင့် လူတိုင်း လူတိုင်း ကြီးပွား၊ချမ်းသာ၊ပျော်ရွှင်နိုင်ကြမှာဖြစ်ပါတယ်ဟု ပြောဆိုခဲ့လေသည်။
 
 
 
နပိုလီယံဗိုနာပတ်Napoleon Bonaparte (1769-1821) ၏ ကိုယ်ရေးအကျဉ်း
 
နပိုလီယံသည် ဖခင် Carlo Buonaparteနှင့် မိခင် Letizia Ramolinoတို့မှ (၁၇၆၉)ခုနှစ် ဩဂုတ် (၁၅)ရက်နေ့တွင် Ajaccio; Corsica တွင် မွေးဖွား ခဲ့သည်။ နပိုလီယံသည် စစ်ဘက် ဆိုင်ရာနှင့် နိုင်ငံရေးခေါင်းဆောင်အကြီးအကဲအဖြစ် ပြင်သစ်နိုင်ငံတွင် တာဝန်ယူအုပ်ချုပ်ခဲ့သည်။ ပြင်သစ်နိုင်ငံ၏ ဧကရာဇ်ဘုရင် နပိုလီယံ Napoleon I အဖြစ်ခံယူခဲ့သည်။ ၁၉-ရာစုနှစ်များ အစောပိုင်းတွင် ဥရောပနိုင်ငံရေးဗျူဟာပုံစံကို ယူဆောင်ခဲ့သော ပုဂ္ဂိုလ်ဖြစ်ပါသည်။ နပိုလီယံသည် မြင့်မြတ်သော ဘိုးစဉ်ဘောင်ဆက် အီတာလျံမျိုးနွယ် မိဘများမှမွေးဖွားလာသူဖြစ်သည်။ (၁၈၁၂)ခုနှစ် ရုရှား နိုင်ငံကို ပြင်သစ်တို့က ကျူးကျော်ဝင်ရောက်ခြင်းက နပိုလီယံ၏ကံကြမ္မာကို ပြောင်းလဲစေခဲ့သည်။ နပိုလီယံ၏ ထိုးစစ်ဆင်ခြင်း နည်းဗျူဟာကို တစ်ကမ္ဘာလုံးရှိ စစ်တက္ကသိုလ် အကယ်ဒမီကျောင်းများတွင် သင်ကြားလျက်ရှိသည်။ မတရားညှဉ်းပန်း အုပ်ချုပ်သော ဧကရာဇ်မင်းဟု သူ၏ ဆန့်ကျင်ဘက်များက ပြောဆိုခဲ့သော်လည်း နပိုလီယံသည်Napoleonic Codeဥပဒေများပြဋ္ဌာန်းနိုင်ခဲ့ခြင်းနှင့် အုပ်ချုပ်ရေးနှင့် တရားဥပဒေစိုးမိုးရေးဆန္ဒများကို  အနောက် ဥရောပနိုင်ငံများစွာတို့ အတွက် ပီပြင်စွာချမှတ်ပြဋ္ဌာန်း နိုင်ခဲ့သည်မှာလည်း အမှတ်ရစရာပင် ဖြစ်သည်။ 
(၁၇၇၉)ခုနှစ်တွင် ပြင်သစ်နိုင်ငံ၏ အဓိက နယ်မြေ Autunဘာသာရေးကျောင်းတွင် ကျောင်းတက်ခဲ့သည်။ နပိုလီယံသည် စကားပြောရာတွင် ပီသခြင်းမရှိချေ။ မိတ်ဆွေကျောင်းသားများက ထိုသို့စကားမပီသည်ကို ကျီစယ်ကြသည်။ နပိုလီယံသည် သင်္ချာတွင် ထူးချွန်ကြောင်း မှတ်ချက်ပြုခြင်းခံရသည်။ နပိုလီယံသည် သမိုင်း ဘာသာရပ်နှင့်ပထဝီဝင်ဘာသာရပ်များကို သင့်တင့်စွာရင်းနှီးကျွမ်းဝင် လေ့လာတတ်မြောက်သည်။ အောင်မြင်သော သင်္ဘောသားကောင်း တစ်ယောက်ဖြစ်ရမည်ဟု  စာမေးပွဲစစ်ဆေးသူ  ဆရာတစ်ဦးက ထင် ကြေးပေးခဲ့သည်။  (၁၈၂၁)ခုနှစ်၊မေလ(၅)ရက်နေ့၊ အသက်(၅၁)နှစ်အရွယ်တွင် ကွယ်လွန်အနိစ္စရောက်ခဲ့သည်။
 





ွှ့
     Thomas Carlyle သောမတ်(စ) ကာလိုင်လ်
 
 
Thomas Carlyle (1795-1881)
 
 
 
 
 
သောမတ်(စ)ကာလိုင်လ်သည် ဗြိသိသျှ သမိုင်းသုတေသီနှင့် ဒဿနိကဗေဒပညာရှင်ဖြစ်သည်။ ဘာသာစာပေများကို လေ့လာ ဆည်းပူးလိုသည့် သူ၏စိတ်ဝင်စားမှုကြောင့် အရဗီဘာသာစာပေနှင့် ရင်းနှီးကျွမ်းဝင်ခဲ့ပြီး ကျမ်းတော်မြတ်ကုရ်အာန်နှင့်ပါ နီးစပ်ခဲ့ပါသည်။ သောမတ်(စ)ကာလိုင်လ်သည် ဘာသာစာပေများကို စာပေ ဝေဖန်ရေးရှုမြင် သုံးသပ်မှုပြုသူပီပီသူ၏ သူရဲကောင်းများ၊ သူရဲကောင်းကိုးကွယ်မှုနှင့် သမိုင်းဝင် သူရဲကောင်းများ On Heros: Hero Worship And The Heroic In History အမည်ဖြင့် ရေးသားထုတ်ဝေသောစာအုပ်တွင် (၄င်းစာအုပ်၏ အပိုင်းတစ်ပိုင်းဖြစ်သော တမန်တော်မြတ် မုဟမ္မဒ်(ဆွ)အကြောင်းကို ပါရှန်းဘာသာစာပေဖြင့် ပြန်ဆိုပြီးဖြစ်သည်။)  သောမတ်(စ) ကာလိုင်လ်က-
မွတ်စ်လင်မ်တို့၏ ယုံကြည်ခြင်းသဒ္ဓါ တရားအရမဟုတ်ဘဲ ကုရ်အာန်ကို စာပေရှုထောင့်အမြင် သက်သက်နှင့် ပြောရလျှင်ပင်  ကုရ်အာန်သည် ထာဝရဘုရားသခင်၏ လမ်းညွှန်မှု ဖြစ်ကြောင်းနှင့် ကုရ်အာန်သည် အရဗီစာပေနှင့်ရေးသားသည့်စာအုပ် စာပေများတွင် ဖွဲ့စည်းမှုနှင့် စကားလုံးရွေးချယ်မှုတို့တွင် အကောင်းတကာ့ အကောင်းဆုံးဖြစ်ကြောင်း၊အရဗ်လူမျိုးများ၏  ရာစု နှစ်ပေါင်း များစွာရှိနေခဲ့သောစာပေအရေးအသားများတွင် အရေးအသား ပုံစံသစ် ဖြင့် အကောင်းဆုံး နှုန်းဖွဲ့မှုပုံစံနှင့် အအောင်မြင်ဆုံးစာပေဖြစ်ကြောင်း၊ အမှန်စင်စစ်အားဖြင့် ဤကျမ်းစာအုပ်သည် ရှင်းလင်း ပြတ်သား၍ ထင်ရှား သိသာလွယ်သော အဓိပ္ပာယ် ဖွင့်ဆိုချက် အမှန်တရားနှင့် မှန်ကန်သောစကားကိုသာ ညွှန်းဆိုသီကုံးဖွဲ့ဆိုထားသောကျမ်းဖြစ်ကြောင်း၊ ကျမ်းတော်မြတ်ကုရ်အာန်ကို မည်သူတစ်ဦး တစ်ယောက် ကမျှ သေချာဂဏစွာ သတိဝီရိယရှိစွာနှင့် အသေးစိတ်ကျသော အမှန်တရား၏ အဓိပ္ပာယ်ကို နားလည်မှုမရှိဘဲ ရွတ်ဖတ်ကြသူ ဟူ၍ မရှိကြောင်း၊ ကျမ်းတော်မြတ် ကုရ်အာန်သည် ဖြစ်ရပ်မှန်များနှင့် စစ်မှန် သည့် အခြေခံမူလအကြောင်းတရားများကို ထာဝရ ဘုရားသခင်၏ အလိုသဘောနှင့် ဆက်စပ်မှုရှိသည့်ကျမ်းဖြစ်ကြောင်း၊ အားလုံးသော အရဗီဘာသာစာပေနှင့် ရေးသားထားသည့် စာအုပ်များသည် ကုရ်အာန်ကျမ်းမြတ်နှင့် နှိုင်းယှဉ်ပါမူ အဆင့်အတန်းနိမ့်ကျသော အခြေအနေတွင် ရှိကြောင်း၊ကျမ်းတော်မြတ်ကုရ်အာန်သည် အမှား အယွင်း ချို့ယွင်းချက် အားနည်းချက်မရှိသောကျမ်းဖြစ်ကြောင်း၊ ရေးသားတင်ပြခဲ့သည်။
 
 
 
သောမတ်(စ)ကာလိုင်လ်Thomas Carlyle (1795-1881)၏ကိုယ်ရေးအကျဉ်း
 
သောမတ်(စ)ကာလိုင်လ်သည် စကော့ရ်ှလူမျိုး ဥပဒေပညာရှင်ဖြစ်သည်။ (၁၇၉၅)ခု၊ ဒီဇင်ဘာလ(၄)ရက်နေ့တွင် စကော့လန်ပြည်၌ ဖွားမြင်ခဲ့သည်။ သူသည် စာစီစာကုံးစာတမ်းများ၊ စာပြောင် Satiristရေးသားလေ့ရှိသူ သမိုင်းပညာရှင် ဖြစ်သည်။ စာပေလှုပ်ရှားမှုအနေနှင့် ဗစ်တိုးရီးယဲန် စာပေVictorian Literatureနှင့် စိတ်ကူးယဉ်စာပေပုံစံ(Romanticism)ရေးသား လှုပ်ရှားခဲ့သည်။ စည်းကမ်းတင်းကြပ်သည့် Calvanistမိသားစုမှ ဆင်းသက်လာသည်။ မိဘများက တရားဟောဆရာဖြစ်စေရန် မျှော်လင့်ခဲ့သော် လည်း အီဒင်ဘာရာတက္ကသိုလ်တက်ရောက်စဉ် သူ၏  ခရစ်ယာန် အယူဝါဒ ယုံကြည်မှုသည်ပင် ပျောက်ဆုံးခဲ့သည်။ အီဒင်ဘာရာ တက္ကသိုလ်တက်ပြီးနောက် ကာလိုင်လ်သည် သင်္ချာ ဆရာဖြစ်လာခဲ့သည်။
သူရဲကောင်းတို့၏ ခေါင်းဆောင်မှုအရေးပါပုံကို သူရေးသား သော  On Heros: Hero Worship And The Heroic In History တွင်တွေ့ရှိနိုင်သည်။ 
Oliver Cromuwell, Odin, William Shakespear And Prophet Muhammedဟူသော သူ၏ စာအုပ်တွင် သူရဲကောင်း တမန်တော်ဟုအမည်တပ်၍ အခြေအနေအတည်တကျမရှိ လှည့်လည်သွားလာနေသော Bedouinsအရဗ်တို့ကို တမန်တော်မြတ်က ဆယ်စုနှစ်(၂)ခုအတွင်း အင်အားပြည့်ဝ သည့် ယဉ်ကျေးသောလူ့အဖွဲ့အစည်းဝင်များဖြစ်လာအောင်လုပ်နိုင်ခဲ့သည်မှာ တမန်တော်မြတ်၏ ခေါင်းဆောင်မှု ပီပြင်မှုကြောင့်ဖြစ်ကြောင်း သမိုင်းကို ကိုးကားရေးသားတင်ပြခဲ့သည်။ (၁၈၈၁)ခု၊ဖေဖော်ဝါရီလ(၅)ရက်၊အသက်(၈၆)နှစ်တွင် အင်္ဂလန်နိုင်ငံ၊လန်ဒန်မြို့တွင် ကွယ်လွန်သည်။
 





 
    William (James ) Durant ဝီလီယမ် (ဂျိမ်း) ဒူးရဲန်တ်
 
 
William (James ) Durant (1885-1981)
 
 
ဝီလီယမ်(ဂျိမ်း)ဒူးရဲန်တ်သည် ကျော်ကြားသော အမေရိကန် ဒဿနိကဗေဒပညာရှင်နှင့် သမိုင်းသုတေသီတစ်ဦး ဖြစ်သည်။ သူ၏ ထင်ရှားကျော်ကြားသော စာအုပ်ဖြစ်သည့် ယဉ်ကျေးမှုသမိုင်းHistory of Civilisationတွင် ကျမ်းတော်မြတ်ကုရ်အာန်အကြောင်း ရေးသားဖော်ပြထားသည်။ 
 
မွတ်စ်လင်မ်များသည် ကျမ်းမြတ်ကုရ်အာန်ကို ချစ်မြတ်နိုး၍ များစွာ ရိုသေကိုင်းရှိုင်းကြသဖြင့် ကောင်းမွန်လှပသော လက်ရေး အလှဖြင့် ရေးသားကြပြီး စာမျက်နှာ များကိုလည်း အလှအပဆင်၍ လှသည်ထက်လှအောင် ခန့်ညားအောင် ကြိုးစားခြယ်သကြသည်။ တစ်ဆယ့်သုံးရာစုနှစ်လုံးလုံး(ယခုဆိုလျှင် ၁၄ရာစုနှစ်တိုင်) မွတ်စ်လင်မ် တို့သည် ကျမ်းတော်မြတ် ကုရ်အာန်ကို အာဂုံဆောင်ထားကြသည်။ ထိုကဲ့သို့ အာဂုံဆောင်ထားခြင်းက မွတ်စ်လင်မ်တို့၏ ကိုယ်ကျင့်သိက္ခာ သမာဓိ သစ္စာတရားများကို စွဲဆောင်မှုအပြည့်နှင့်ရှိပြီး လူအများတို့ကို ချိုသာသောအရသာဖြင့် နာယူလိုစိတ်ကို မြင့်မားစေလေသည်။ ကျမ်းတော်မြတ်ကုရ်အာန်သည် လွယ်ကူ ရိုးရှင်းသော သာသနာကို အပ်နှင်းပြီး ရိုးသားသော လူထုအတွင်း ရုပ်တုဆင်းတု ကိုးကွယ်ရာ ပွဲလမ်းသဘင်နှင့်ကင်းအောင်ပို့ချသည်။ ကျမ်းတော်မြတ် ကုရ်အာန်က မွတ်စ်လင်မ်တို့၏ ယဉ်ကျေးမှုဓလေ့စရိုက်ကို မြင့်မားစေပြီး လူမှု ဆက်ဆံရေးနယ်ပယ်တွင် ခွန်အားပြည့်နှင့်စုစည်းညီညွတ်မှုကိုဖြစ် စေသည်။ ကျမ်းတော်မြတ်ကုရ်အာန်က ကျန်းမာရေး ထိန်းသိမ်းရန် လမ်းညွှန်သည်။ မွတ်စ်လင်မ်တို့ကို ကြမ်းကြုတ်ရက်စက်ခြင်း၊အကြမ်း ဖက်ခြင်းမှ ကင်းဝေစေသည်။ ထိုကျမ်းမြတ်ကုန်အာန်က ဆင်းရဲနွမ်းပါး နိမ့်ကျသူများကို နေရာပေးဆက်ဆံကြရန်၊ တရားမျှတမှုနှင့် သာသနာ မှုတွင် တန်းတူရည်တူထားရန်ညွှန်းဆိုသည်။(သမိုင်းတစ်လျှောက်၌ ခလီဖွှဟ်သမ္မတကြီးများ၏ ပြုမူဆောင်ရွက်ချက်များကို ကြည့်လျှင် လူဖြူတို့ ကြီးစိုးခဲ့ကြစဉ်ကနှင့် လုံးဝ မနှိုင်းယှဉ်သာသော သာဓက ကောင်းများကိုတွေ့ရပေမည်) ကျမ်းတော်မြတ်ကုန်အာန်သည် လူသားများကို ဘဝ၏ ပြဿနာများနှင့်ရင်ဆိုင်နိုင်အောင် သင်ကြားပေးသည်။ ဆင်ခြေမပေးဘဲ၊ တဖျစ်တောက်တောက် မညည်းညူဘဲ အတိုင်းအတာအလိုက် ဘဝကိုတည်ဆောက်ရန် လမ်းညွှန်မှုပြုသည်။ ထိုသို့ ဆုံးမ အားပေးချီးမြှင့်မှုကြောင့် မွတ်စ်လင်မ် လူ့အစုအဝေးသည် တဖြည်းဖြည်းတိုးတက် ဖွံ့ဖြိုးစည်ပင်ဝပြောလာသည်မှာ ကမ္ဘာ့သမိုင်း တွင် အံ့ဩဖွယ်ရာပင်ဖြစ်ပေသည်။ 
(ယဉ်ကျေးမှုသမိုင်းစာအုပ်၊အတွဲ-၄၊စာမျက်နှာ-၂၃၆)
 
 
ဝီလီယမ်(ဂျိမ်း)ဒူးရဲန်တ်William (James ) Durant (1885-1981) ၏ကိုယ်ရေးအကျဉ်း
 
 
ဝီလီယမ်(ဂျိမ်း)ဒူးရဲန်တ်ကို (၁၈၈၅)ခုနှစ်၊ နိုဝင်ဘာလ၊(၅) ရက်နေ့တွင် အမေရိကန်နိုင်ငံ၊ မက်ဆာချူဆက်ပြည်နယ်၊North Adamsမြို့တွင် မွေးဖွားခဲ့သည်။ စာရေးဆရာ၊ သမိုင်းသုတေသီနှင့် ဒဿနိကဗေဒပညာရှင်ဖြစ်သည်။ The Story of Civilization ယဉ်ကျေးမှုသမိုင်းစဉ်စာအုပ်(အတွဲပေါင်း ၁၁-တွဲ)ကို သူ၏ ဇနီးဖြစ်သူ  Arielနှင့် ပူးပေါင်းရေးသားပြီး (၁၉၃၅)ခုနှစ်မှ (၁၉၇၅)ခုနှစ် အတွင်း ပုံနှိပ်ထုတ်ဝေခဲ့သည်။ 
ဝီလီယမ်(ဂျိမ်း)ဒူးရဲန်တ်နှင့် Arielတို့သည် ပူးလစ်တ်ဇာဆုကို (၁၉၆၈)ခုနှစ်တွင်ရရှိခဲ့သည်။ (၁၉၇၇)ခုနှစ်တွင် အမေရိကန် သမ္မတ၏ လွတ်လပ်ရေးဆုတံဆိပ်ကို ရရှိခဲ့သည်။
ဝီလီယမ်(ဂျိမ်း)ဒူးရဲန်တ်သည် သမိုင်းဆိုင်ရာယဉ်ကျေးမှုဆိုင်ရာ ဆောင်းပါးဝတ္ထုများ၊ ကျမ်းများ မြောက်မြားစွာတို့ကို ပြုစုခဲ့သည့် ကမ္ဘာကျော်ပုဂ္ဂိုလ်ဖြစ်သည်။ (၁၉၈၁)ခုနှစ်၊နိုဝင်ဘာလ၊(၇)ရက်  အသက် (၉၆)နှစ်တွင် အမေရိကန်ပြည်ထောင်စု၊ ကာလီဖိုးနီးယားပြည်နယ်၊ လော့အင်ဂျလိစ်မြို့၌ ကွယ်လွန်သည်။