THE REPUBLIC OF THE UNION OF MYANMAR, ISLAMIC RELIGIOUS AFFAIRS COUNCIL ( HQ )

PDF File များ Download ပြုလုပ်နည်း Youtube Link

ဆရာကြီး ဦးဃနီ (ဓူဝံ-ရှမ်းပြည်) (၁၉၁၅-၁၉၈၈)

 
ဆရာကြီး ဦးဃနီ (ဓူဝံ-ရှမ်းပြည်)
 
ဆရာကြီးကို သာစည်မြို့နယ်၊ ကုက္ကိုပေါက်ကျေးရွာတွင် အဖ  ဦးစိန် အမိ ဒေါ်ငွေယုန်တို့မှ ၁၂၇၇ ခုနှစ် တပေါင်းလဆန်း ၁၄ ရက်နေ့တွင် ဖွားမြင်သည်။ မွေးချင်းခြောက်ယောက်အနက် အကြီးဆုံးဖြစ်သည်။ ငယ်အမည်မှာ မောင်လှတင်ဖြစ်ပြီး သာသနာဘွဲ့မှာ အဗ္ဗဒွလ်ဃနီ ဖြစ်သည်။
မိဖများသည် ရိုးရာရက္ကန်းလုပ်ကိုင်ကြသူများ ဖြစ်သည်။  စီးပွားရေး ချောင်လည်ကြသည်။ ငယ်စဉ်က ခေတ်ပညာနှင့် သာသနာ့ပညာကို သာစည်မြို့ပေါ်ရှိ ကျောင်းများတွင်ပင် ဆည်းပူးခဲ့သည်။ ဆရာကြီးသည် ၉ တန်းနှင့် စက္ကင်ဒရီဆရာဖြစ် အောင်သည်။ သာစည်မြို့အစိုးရ မူလ တန်းကျောင်း၌လည်း ကောင်း၊ လယ်ဝေးမြို့ အစိုးရမူလတန်းကျောင်း၌ လည်းကောင်း ကျောင်းဆရာအဖြစ် ဂျပန်ခေတ်အထိ အမှုထမ်းခဲ့သည်။
စစ်ပြီးခေတ်တွင် လယ်ဝေးမြို့၊ မြို့မမူလတန်းကျောင်းကို မိမိ စရိတ်ဖြင့်ဆောက်လုပ်ပြီး ပညာရေးတာဝန်ဆက်လက် ထမ်းဆောင်သည်။ ၁၉၄၉ ခုနှစ်မှစ၍ မိတ္ထီလာမြို့ ဒဟတ်တန်းရပ် အစိုးရကျောင်း၌ လက်ထောက်ဆရာအဖြစ် တာဝန်ထမ်းဆောင်ခဲ့သည်။ ယင်းနောက် ကလောမြို့ မွတ်စလင်ဘာသာရေးကျောင်း၊ လားရှိုးမြို့ မိဘမဲ့ကလေးများ ကျောင်းတို့တွင် ဆရာကြီးအဖြစ် တာဝန်ထမ်းဆောင်ခဲ့သည်။ တစ်ဖက်မှ လည်း ဒေသဖွံ့ဖြိုးရေးလုပ်ငန်းများ၊ မီးသတ်အဖွဲ့အစည်း စသည့် လူမှုရေး လုပ်ငန်းများတွင်လည်း ပါဝင်ဆောင်ရွက်သည်။
ဆရာကြီးသည် လယ်ဝေးမြို့ အဘ ဦးထွန်းမြတ် အမိ ဒေါ်စိန်နုတို့၏ သမီး ဒေါ်လှတင်နှင့် ၁၉၄၂ ခုနှစ်တွင် ထိမ်းမြားခဲ့သည်။ သားသမီး ၂-ဦး ထွန်းကားသည်။ ဦးအောင်နိုင်နှင့် ဒေါ်ချယ်ရီတို့ ဖြစ်ကြသည်။
၁၉၅၄ ခုနှစ်တွင် အစ္စလာမ်သာသနာရေးရာကောင်စီဌာနချုပ်၏ ရုံးအုပ်တာဝန်ယူခဲ့သည်။ သို့နှင့် တစ်နိုင်ငံလုံးနှင့် အဆက်မပြတ် ထိတွေ့ရ သည်။ ဆရာကြီးသည် ကောင်စီဌာနချုပ် ကျမ်းပြုဌာန၏ ဘာသာပြန် ဆရာတစ်ဦးလည်း ဖြစ်သည်။ 
အစ္စလာမ်စာစောင်နှင့် ကောင်စီဌာနချုပ်ထုတ် စာပေကျမ်းဂန်များကို တည်းဖြတ်ခြင်း၊ ပုံနှိပ်ထုတ်ဝေခြင်းနှင့် ဖြန့်ချိခြင်းလုပ်ငန်းများကို ကြိုးပမ်း ဆောင်ရွက်သည်။ ကိုယ်တိုင်လည်း ကမ္ဘာ့အလင်းစာစောင်၊ အစ္စလာမ် စာစောင်နှင့် ဓမ္မဗိမာန်မဂ္ဂဇင်းများတွင် ဦးဃနီ (ဓူဝံ၊ ရှမ်းပြည်)ကိုကြီးနီ၊ အဗ္ဗဒူလ်ဃနီ၊ ဆရာလှတင်(သာစည်) စသည့် ကလောင်အမည်များဖြင့် ဆောင်းပါးများ စာအုပ်စာတမ်းများ ရေးသားပြုစုခဲ့သည်။ ဆရာကြီး ပြုစုခဲ့ သော စာအုပ်စာတမ်းများတွင် နမာဇ်နှင့် ရိုဇာ၊ ဆွလာသ်အခြေပြနှင့် ဆွီယာမ်အခြေပြကျမ်း၊ ဟဂ်ျအခြေပြကျမ်း၊ ဆွဟာဗီအမျိုးသမီးများ၊ ဆွဟဗီကလေးများ၊ ဖွေကာမိုဟမ္မဒီယာကျမ်း ပထမတွဲနှင့် ဒုတိယတွဲ၊ ဒေသနာစာတမ်းများ စသည်တို့ ပါဝင်သည်။
ဆရာကြီးသည် ကောင်စီ၏ အဓိကလုပ်ငန်းကြီးတစ်ခုဖြစ်သော အစ္စလာမ်စာစစ်ပွဲများ ကျင်းပနိုင်ရေးကို အထူးတာဝန်ယူ ကြိုးပမ်းသည်။ စာစစ်ကော်မတီဝင်၊ စာစစ်ဌာန၊ စာဖြေသူ စသည်ဖြင့် အဆင့်ဆင့်သော စာရင်းများ စိစစ်ထုတ်ပြန်ပြီး စာမေးပွဲကို တစ်ပြည်လုံး တစ်ပြိုင်နက် ကျင်းပသည်။ စာမေးပွဲပြီးသောအခါလည်း အောင်စာရင်းကိစ္စ၊ ဆုနှင်း သဘင်ကိစ္စများ ဆောင်ရွက်ပေးရသည်။ ၁၉၅၉ ခု၊ ဇွန်လ တစ်နိုင်ငံလုံး ကျင်းပသည့် အစ္စလာမ်စာစစ်ပွဲ၌ စာစစ်ဌာန ၃၅-ခု ရှိသည် ။ စာဖြေသူ အများဆုံးမှာ ယင်းတော်မြို့နယ် ဖြစ်သည်။ ဒုတိယအများဆုံးမှာ မန္တလေး ဖြစ်ပြီး၊ တတိယအများဆုံးမှာ ပျဉ်းမနားမြို့ ဖြစ်သည်ဟု သိရသည်။
ဆရာကြီးသည် အရေးကောင်းသကဲ့သို့ အပြောအဟောတွင်လည်း ထင်ရှားသည်။ ဆွေးနွေးဟောကြားရင်း ဘာသာရပ်တွင် ဈာန်ဝင်သွားသည့် အခါ အလ္လာဟမ်ဒုဆိုသည့်ပုဒ်ကိုပင် အနည်းဆုံး ခေတ်ပညာဘွဲ့တစ်ခု လောက် ရထားသူများနှင့်မှ ဆွေးနွေးရလျှင် သိပ်ကောင်းမည်ဟု အားမလို အားမရ ပြောပြတတ်ပါသည်။ ဆရာကြီးသည် နက်နက်နဲနဲ ဆင်ခြင် တွေးခေါ်တတ်ပြီး နာကြားသူ သိနားလည်လွယ်အောင် ရှင်းပြတတ်ပါ သည်။ မဟာတမန်တော်နေ့ကဲ့သို့သော သာသနာ့အထိမ်းအမှတ် နေ့ကြီး ရက်ကြီး အခမ်းအနားကြီးများတွင် တက်ြွကစွာ ဟောကြားပါသည်။
ဆရာကြီးသည် ကျောင်းဆရာကြီးဖြစ်သည်နှင့်အညီ သင်ကြားရေး တာဝန်များနှင့်လည်း မပြတ်ခဲ့ပါ။ အစ္စလာမ်သာသနာရေးရာကောင်စီ၏ ဒေသနာသင်တန်းမှူး သင်တန်း၊ အေမာမတ်သင်တန်းနှင့် အန်ဆွာရီ သင်တန်းတို့တွင် ပို့ချသင်ကြားပေးခဲ့သည်။ အစ္စလာမ်ဓမ္မဗိမာန်နှင့် ဗမာမွတ်စလင်အမျိုးသမီး ရှေ့ဆောင် သင်တန်းကဲ့သို့ သင်တန်းများနှင့် အခြားသာသနာအဖွဲ့အစည်းများမှ သင်တန်းများတွင်လည်း ကူညီပို့ချ သင်ကြားပေးခဲ့သည်။ ဆရာကြီးသည် ထင်ရှားသော ဓမ္မကထိကနှင့် ကျော်ကြားသော သင်တန်းဆရာကြီးတစ်ဦး ဖြစ်ပါသည်။
ဆရာကြီးသည် ၁၉၇၀ ခုနှစ်မှစ၍ ဓမ္မဗိမာန်ဝန်ထမ်းအဖြစ် ပါဝင်ခဲ့ပြီး ဓမ္မကထိကအဖြစ် ပင်တိုင်ဟောပြောခဲ့သည်။ မွတ်စလင်ဖြစ်ဖို့ ခက်သလား။ ယောင်မွန်နဗီဆိုတာ၊ ကုရ်ဘာနီ၏ မူရင်းသဘော တရားနှင့် လိုအပ်မှု၊ အီမန်နှင့်ကံကြမ္မာ၊ အစ္စလာမ်က ညွှန်ပြသော မိဘ၊ အီလဟမ်နှင့်ဝဟီ၊ အစ္စလာမ်ကညွှန်ပြသော အမျိုးသမီး၊ ကုရ်အာန်နှင့်ဟဒီးဆ်၊ မိဘတို့၏တာဝန်ဝတ္တရား စသည့် နာ၍ မငြီးနိုင်သော အသံသွင်းဟောပြော တိပ်ခွေပေါင်းများစွာ သွင်းခဲ့သည်။ သဘာပတိအဖွဲ့ဝင်အဖြစ်လည်း ကွယ်လွန်ချိန်အထိ တာဝန် ထမ်းဆောင် ခဲ့သည်။
၁၉၇၁-ခုနှစ်တွင် ရန်ကုန်မြို့၊ ပန်းဘဲတန်းမြို့နယ်၊ ၂၅ လမ်းရှိ အဟ်လေဟဒီးစ်ဝတ်ကျောင်းတော်၏ ရှေ့ဆောင်အဖြစ် တာဝန်ယူသည်။ အဟ်လေဟဒီးစ်၏ ဘာသာပြန်တာဝန်ခံလည်းဖြစ် ဓမ္မသတ်မှူးလည်း ဖြစ်သည်။ ထိုစဉ် ဖွေကာမိုဟမ္မဒီယာကျမ်းနှစ်တွဲကိုလည်းကောင်း၊ စာတမ်း ငါးဆယ်ကျော်ကိုလည်းကောင်း ဘာသာပြန်ဆိုပြုစုခဲ့သည်။
၁၉၈၃-ခုနှစ် မေလ ၆ ရက်နေ့၊ မန္တလေးတိုင်း၊ ပြင်ဦးလွင် မြို့၌ ကျင်းပသော အစ္စလာမ်သာသနာရေးရာကောင်စီ၏ ၁၂ ကြိမ်မြောက် ပြည်လုံးကျွတ်ညီလာခံကြီးမှ ဆရာကြီးကို အတွင်းရေးမှူးချုပ်အဖြစ် တင်မြှောက်ကြသည်။
ဆရာကြီးသည် သာသနာ့တာဝန်များကို မနားမနေ ကြိုးပမ်းရင်း ၁၉၈၈ ခု၊ ဇူလိုင်လ ၁၀ ရက် ည ၉း၃၀ နာရီတွင် ရန်ကုန်မြို့ ပန်းဘဲတန်းမြို့နယ်၊ ကုန်ဈေးတန်းလမ်း အမှတ် ၁၃၀ နေအိမ်၌ အလ္လာဟ် အမိန့်တော်ခံပါသည်။
 

ပါမောက္ခ ဒေါက်တာ အောင်ဇော်
 

(နာယက-အစ္စလာမ်သာသနာရေးရာကောင်စီဌာနချုပ်)

 

 

ဆရာကြီး ဦးဃနီ (ဓူဝံ-ရှမ်းပြည်) ရေးသားသော စာအုပ်များ အောက်ပါ လင့်တွင် ဖတ်ရှု/Downloadနိုင်ပါသည်။