THE REPUBLIC OF THE UNION OF MYANMAR, ISLAMIC RELIGIOUS AFFAIRS COUNCIL ( HQ )

PDF File များ Download ပြုလုပ်နည်း Youtube Link

မောင်လာနာ အိဗ်ရာဟင် အဟ်မဒ် မဇွာဟေရီ

 
အစ္စလာမ်သာသနာရေးရာကောင်စီ စတင်ဖွဲ့စည်းရာတွင် ဒုတိယဥက္ကဋ္ဌအဖြစ် ဦးဆောင်ပါဝင်ခဲ့သော
 
အိုလမာအဖွဲ့ချုပ် ဥက္ကဋ္ဌကြီး မောင်လာနာ အိဗ်ရာဟီမ် အဟ်မဒ် မဇွာဟေရီ 
 
ဆရာသည် ဧရာဝတီတိုင်း ဟင်္သာတမြို့သားဖြစ်သည်။ အဘိုး ဖြစ်သူသည် အိန္ဒိယနိုင်ငံ၊ ဂုဂျရတ်ပြည်နယ်၊ ကာတီယာဝါရ် မြို့သား ကုန်သည်တစ်ဦးဖြစ်သည်။ မြန်မာနိုင်ငံသို့ ကူးသန်းရောင်းဝယ်ရန် ရောက်လာခဲ့သူဖြစ်သည်။ ဖခင်လက်ထက်တွင် ဟင်္သာတမြို့တွင် အခြေစိုက်နေထိုင်ခဲ့သည်။ မိခင်မှာ ဟင်္သာတသူ ကရင်မျိုးနွယ်ဖွား ဖြစ်သည်။
ဆရာသည် ငယ်စဉ်က ဟင်္သာတမြို့ ဂျာမေဗလီရှိ အခြေခံကျောင်း တွင် ပညာဆည်းပူးသည်။ ထို့နောက် ရန်ကုန်စီရင်စု သမိုင်းရှိ မဒရ်ဆာ တဗ်လီဂီကျောင်းတွင် သာသနာ့ပညာများကို ဆက်လက်ဆည်းပူးသည်။ ထိုစဉ်က ကျောင်းအုပ်ဆရာကြီးမှာ အိုလမာအဖွဲ့ ကနဦးဘာသာပြန်ဆရာ မောင်လာနာရဟ်မတွလ္လာဟ်ဖြစ်သည်။ ဆရာ့ကို သားရင်းပမာစောင့်ရှောက် သော သမိုင်းမဒရ်ဆာဖွင့်လှစ်သူ ဟာဂျီမုဟမ္မဒ်ယူစွဖ်က အဆင့်မြင့် ပညာရပ်များ ဆက်လက်ဆည်းပူးနိုင်ရန် ဆရာ့ကို အိန္ဒိယနိုင်ငံ ဆဟာ ရန်ပူရ်ကျောင်းတော်သို့ ပို့ပေးခဲ့သည်။
ဧရာဝတီတိုင်းသားဖြစ်သော ဆရာသည် ရန်ကုန်သားများဖြစ်ကြ သော မောင်လာနာမဟ်မူဒ် ဒါဝူဒ်ယူစွဖ်၊ မောင်လာနာ ဟာဖိဇ် မုဟမ္မဒ် ဆွာလေဟ်တို့နှင့်လည်းကောင်း၊ အထက်အညာသားများဖြစ်ကြသော မောင်လာနာ ဃာဇီမုဟမ္မဒ်ဟာရှင်မ်၊ မောင်လာနာ နူးရ်မုဟမ္မဒ်၊ မောင်လာနာ ဂျမာလွဒ္ဒင်၊ မောင်လာနာ အဗ္ဗဒွလ်ဟကီးမ်တို့နှင့်လည်း ကောင်း ဆဟာရန်ပူရ် ကျောင်းတော်တွင် တွေ့ဆုံရင်းနှီးခွင့်ရသည်။ ဆရာသည် အားလုံးနှင့် ချစ်ချစ်ခင်ခင် ရှိခဲ့သည်။
ဆရာသည် မောင်လာနာဃာဇီ၊ မောင်လာနာနူးရ်တို့နှင့် တစ်နှစ် တည်း(၁၉၃၉)တွင် မြန်မာနိုင်ငံသို့ ပြန်ရောက်သည်။ မကြာမီ ဂျမီအတွလ် အိုလမာအဖွဲ့က ကြီးကြပ်လျက်ရှိသော တာမွေ ဒါရုလ်အိုလူမ် ကျောင်း တော်သို့ ဝင်ရောက်၍ စာပေပို့ချသည်။ ထိုနှစ်တွင်ပင် ဒါရုလ်အိုလူမ် ကျောင်းတော်၏ စာကြည့်တိုက်ကို စတင်ဖွင့်လှစ်သည်။ ဆရာသည် ထိုစာကြည့်တိုက်၏ တာဝန်ခံဖြစ်လာသည်။ ဆရာ၏သက်တမ်းတွင် ပထမဆုံး သာသနာရေး၏ ဆောင်ရွက်ချက်ဟုဆိုသည်။
စာပေကျမ်းဂန်များနှင့် မွေ့လျော်သော ဆရာသည် စာနယ်ဇင်း လောကကို စိတ်ဝင်စားသည်။ ၁၉ ရာစု ခေတ်လွန်ပိုင်းမှ စ၍ လွတ်လပ်ပြီး ၁၀ စုနှစ်ကျော်ကာလအထိ ရန်ကုန်မြို့တော်ရှိ စာနယ်ဇင်းလောကတွင် အူရဒူသတင်းစာများသည် ကျယ်ပြန့်စွာ နေရာယူလျက်ရှိခဲ့သည်။
၁၈၅၈-ခုနှစ်နောက်ပိုင်းတွင် အိန္ဒိယပြည်မှ အူရဒူစာပေ တတ်ကျွမ်း သောကုန်သည်များ၊ အစိုးရအမှုထမ်းများနှင့် အလုပ်သမားများ ရောက်ရှိ လာသောအခါ အူရဒူစာပေသည် ပိုမိုတိုးတက်ပြန့်ပွားလာသည်။ စာပေ ပြန့်ပွားလာသည်နှင့်အမျှ အူရဒူ သတင်းစာများကို ပိုမိုထုတ်ဝေလာ ကြသည်။
ကိုလိုနီခေတ် မြန်မာပြည်တွင် ပထမဦးဆုံးသော အူရဒူသတင်းစာ သည် အလ်ရဖိ(က်)(Al Rafique)ဖြစ်သည်။ ၁၉၁၅ ခုနှစ်တွင် အက္ကဗာရေ ဘားမား(Akbare Burma) စတင်ထုတ်ဝေသည်။ အလားတူပင် အန်နာစေ(Aan Naseen)၊ ရှေးနေ့စဉ်(Daily Sheea)၊ မိုဂျာစတ္တား ဘားမား၊ ဘားမားမွတ်စလင်မ်နေ့စဉ် (The Daily Burma Muslim)၊ အာဇဒ်ဘားမားအပတ်စဉ်(Weekly Arzad Burma)၊ ဖာရွတ် အပတ်စဉ် (Weekly Farooque)၊ အူရဒူဂေဇက်(Weekly Urdu Gazette)၊ ရှိုးလား ညနေသတင်းစာ၊ အယ်ဗီလန်းနေ့စဉ်f(Daily Al-Bilang)၊ ပါရ်ဝ(ဇ်)(The Daily Parwaz)၊ နဂ်ဂါး(The Daily Nagaar)၊ နယား အက်ဇဟနား(The Daily Niya Azmana) ဂါလိဂ်နေ့စဉ်(The Daily Galib)၊ အင်ကွီလက်အပတ်စဉ်(The Weekly Inquelaab)၊ အီစတာ ကွာလဒ် (Istaqualaad)နှင့် အလန်နေ့စဉ် (The Daily Ahlaan)တို့ကို ထုတ်ဝေသည်။
 
ရာစီကာရန်ဂျီနီ (Rasikranjani)၊ သွန်ဒန်(Thon Dan)စသည့် တမီလ်ဘာသာ သတင်းစာများလည်း ထင်ရှားကျော်ကြားသည်။ အန္တရ မစ်တရာ (Andhra Mitra) တေလဂူသတင်းစာကိုလည်း ၁၉၃၆ ခုမှ စတင်ထုတ်ဝေသည်။ အလ်မာမွတ် လစဉ် ဂျာနယ်မှာ အူရဒူဖြင့်ထုတ်ဝေ သော ဘာသာရေးဂျာနယ်ဖြစ်သည်။
 
ဂျပန်ခေတ်တွင် အာဇတ်ဟင်း(ဒ်) (Azad Hind)အမည်ရှိ အိန္ဒိယ သတင်းစာကို ဂျပန်အစိုးရကထုတ်ဝေသည်။
 
ဗြိတိသျှပြန်များ ပြန်လည်ဝင်ရောက်လာသောခေတ် ၁၉၄၅ ခုနှစ်တွင် ဒေါ်ရေဂျဒီးဒ် အူရဒူသတင်းစာထွက်လာသည်။ ဖဆပလ ခေတ်တွင် ပိုင်ဂန်အူရဒူနေ့စဉ်၊ ပူကားရ် အပတ်စဉ်f(Weekly Pooker)တို့ကို တွေ့ရသည်။
 
ဤတွင် မိုဂျာစတ္တားဘားမားနေ့စဉ် အယ်ဒီတာသည် စစ်ကြိုခေတ် မော်လဝီများကို အမြဲပင်ရေးသားတိုက်ခိုက်လေ့ ရှိ၍ နာမည်ကြီးလာသော ရဲရဲတောက်ကလောင်သမား မွန်တပ်(ဇ)မာလစ် (Muntaz Malik)ဖြစ် သည်။ အယ်ဗီလန်းနေ့စဉ် သတင်းစာ အယ်ဒီတာချုပ်မှာလည်း မဇွာဟေရီ များကို အမြဲစိန်ခေါ်နေသူဖြစ်သည်။
 
အလားတူပင် ဖဆပလခေတ်တွင် ပိုင်ဂန်နေ့စဉ်သတင်းစာသည် တစ်ယူသန်မော်လဝီများအား အပြုတ်တိုက်ရန် သက်သက် ထုတ်ဝေသော အူရဒူသတင်းစာဟု သိရသည်။
ဂါလိဂ်သတင်းစာ၊ အင်ကွီလက် အပတ်စဉ်သတင်းစာ၊ အီစတာ ကွာလာဒ် အပတ်စဉ်သတင်းစာနှင့် အယ်မဟ်မွတ်လစဉ် အူရဒူဘာသာရေး ဂျာနယ်တို့၏ အယ်ဒီတာမှာ အီး၊ အေ၊ မဆာဟိရီ ဟု မှတ်တမ်းများတွင် ဖော်ပြသည်ကို တွေ့ရသည်။ (အမည်စာလုံးပေါင်းများမှာ မှတ်တမ်းပါ အတိုင်းဖြစ်သည်။)
ဆရာအီဗ်ရာဟင် အဟ်မဒ် မဇွာဟေရီ က အိုလမာပညာရှင်များ အားကိုယ်စားပြု၍ ဒေါင်ရေဂျဒိဒ် သတင်းစာကို ထုတ်ဝေခဲ့သည်ဟု ဆိုသည်။ ထိုစဉ်က ခေတ်ပြိုင်သတင်းစာများတွင် အိုလမာပညာရှင်များကို ဝေဖန် ပုတ်ခတ်သည့်သတင်းများ ရေးနေကြသည်။ အိုလမာပညာရှင်များ တွင် သတင်းစာလက်ကိုင်မရှိက အများပြည်သူ အထင်အမြင်လွဲလာနိုင် သည်။ အိုလမာတို့တွင် ဂုဏ်သိက္ခာရှိသော၊ ဩဇာတိက္ကမရှိသော သတင်း စာမျိုးရှိသင့်သည်။ ဆန့်ကျင်လာလျှင် သို့မဟုတ် ဝေဖန်ထိုးနှက်လာလျှင် ပြန်လှန်ချေဖျက်နိုင်မည့် သတင်းစာမျိုးရှိသင့်သည် ဟူသောအသိက ဆရာ့ အား စာနယ်ဇင်းလောကသို့ ပို့ဆောင်သည်ဟုဆိုသည်။ 
ဆရာသည် ဒေါင်ရေဂျဒိဒ်(ခေတ်သစ်)သတင်းစာကို ၁၉၄၅ ခုနှစ်တွင်စတင်ထုတ်ဝေသည်။ ထို့နောက် အိစ်တိက်လာလ် (လွတ်လပ် ရေး) အမည်ဖြင့် လစဉ်ထုတ်မဂ္ဂဇင်းတစ်စောင်ကိုလည်း ထုတ်ဝေခဲ့သည်။ ဆရာသည် အိုလမာအဖွဲ့ချုပ်၏ ဆောင်ရွက်ချက်များကို မိမိ၏သတင်းစာ နှင့်မဂ္ဂဇင်းမှ အဆက်မပြတ်ဖော်ပြခဲ့သည်။ ထိုသတင်းစာနှင့်မဂ္ဂဇင်းသည် အိုလမာအဖွဲ့ချုပ်၏ အာဘော်ဖြစ်ခဲ့သည်။
ဆရာသည် အူရဒူစာပေကို အလေးထားသည်။ အူရဒူစကားသည် တစ်ခါက မရှိမဖြစ် ကြားခံဘာသာစကားဖြစ်သည်။ အလွှာအသီးသီးတွင် သုံးစွဲရသည်။ စစ်အခြေစိုက်ဒေသများတွင် အထူးပြုသည်။ ရှေးမြန်မာမင်း များလက်ထက်မှစ၍ အစ္စလာမ်ဂန္ထဝင်ကို မြန်မာဘာသာပြန်ဆိုရာတွင် အများဆုံးအသုံးပြုရသည်။ မြန်မာနိုင်ငံတွင် ကျော်ကြားသော ပညာရှင်များ သည် အူရဒူ စာကို ကျွမ်းကျင်သူများဖြစ်ကြသည်။ အူရဒူစာပေသည် အသုံးတွင်သည်၊ အသုံးဝင်သည်ဟု ဆရာက ရှင်းပြသည်။
ကရင်နွယ်ဖွား တိုင်းရင်းသားဖြစ်၍လည်း ဆရာ၏စာများတွင် မျိုးချစ် စိတ်အခြေခံများ တွေ့နိုင်သည်။ ]ဆရာ၏ဆောင်းပါး များတွင် မြန်မာနိုင်ငံရှိ မွတ်စလင်တို့၏ သမိုင်းဖြစ်စဉ်နှင့် လူမှုဘဝကို မီးမောင်းထိုးပြ နေသည်။ မော်လမြိုင်အကြောင်း၊ ပုသိမ်မြို့အကြောင်း၊ မိတ္ထီလာမြို့ရှိ တူရကီစစ်သင်္ချိုင်းအကြောင်း၊ ဇဖရ်ရှားနှင့်ပတ်သက်သော နောက်ဆုံးနေ့ မှတ်တမ်းစသည့် လူသိနည်းသောသမိုင်းဖြစ်ရပ်များကို ရေးသားဖော်ထုတ် လေ့ရှိသည်။ အကယ်၍သာ ဆရာသည် မြန်မာစာကိုသာ အထူးပြုခဲ့လျှင် ယနေ့ မိမိတို့၏သမိုင်းဆိုင်ရာ သိမှတ်စရာများ၊ မြုပ်နေသောဖြစ်ရပ် များသည် ယနေ့ပြုစုရန် ကြိုးစားနေကြသောသမိုင်းများတွင် ဖော်ပြ ကိုးကားနိုင်မည် ဖြစ်ပါသည်}ဟု အူရဒူမြန်မာ နှစ်ဘာသာကျွမ်းသော ဆရာ့တပည့် စာရေးဆရာတစ်ဦးက ဆရာ့ကျေးဇူးကို တမ်းတဖော်ကျူး ဖူးပါသည်။
ဆရာသည် ကိုယ်တိုင်သာမက အူရဒူကျွမ်းသော သုတေသီများကို လည်းအားပေးသည်။ အူရဒူလို သုတေသန ဆောင်းပါးများ ရေးသားပေးပို့ နိုင်သော မန္တလေးပညာရှင် ဆရာ စီအေဦးဗလွင်ကို မိမိသတင်းစာ ခေါင်းကြီးမှ ချီးကျူးဩဘာပြုသည်။
ဆရာသည် ဒေါ်ရေဂျဒိဒ်နှင့် အစ်တီက်လာလ်တို့ကို အူရဒူဘာသာ ဖြင့်ထုတ်ဝေ၍ အရှိန်ရလာသောအခါ မြန်မာစာနယ်ဇင်း ထုတ်ဝေနိုင်ရန် အင်အားသစ်ကိုစုစည်းသည်။ မိမိပိုင် အူရဒူသတင်းစာနှင့် မဂ္ဂဇင်းများကို ထုတ်ဝေသည့် ဖိုင်းအတ်ကုမ္ပဏီလီမိတက်မှ မြန်မာဘာသာဖြင့် အပတ်စဉ် ဂျာနယ်တစ်စောင်ကို ၁၉၅၀ ခု ဒီဇင်ဘာ ၂၃ ရက်နေ့တွင် စတင် ထုတ်ဝေခဲ့သည်။ ဂျာနယ်ကို မွတ်စလင်မ်အပတ်စဉ်ဟု အမည်ပြုသည်။
၁၉၁၉ ခုနှစ်က မွတ်စလင်မဂ္ဂဇင်းအမည်ဖြင့် မန္တလေးမြို့က မဂ္ဂဇင်း တစ်စောင် ထုတ်ဝေဖူးပါသည်။ ဗမာမွတ်စလင် သမိုင်းကျမ်းပြု မြင်းခြံ ဦးမြနှင့် မြန်မာစာညွန့်ပေါင်းကျမ်းအဖွဲ့ဝင် ဦးလှဒင်တို့က အီမန်၊ အဲဟ်ဆန်၊ ရောင်ရှန်ဟူသော ဆောင်ပုဒ်ဖြင့် ထုတ်ဝေခြင်းဖြစ်ပါသည်။ ယခုမူ အပတ်စဉ်ဟု ဝိသေသပြုထားသဖြင့် အမည်ချင်းမထပ်တော့ပါ။
မွတ်စလင်အပတ်စဉ်၏ အယ်ဒီတာချုပ်သည် သာစည်ဦးဆွာလေး သီဟဖြစ်ပြီး တာဝန်ခံပုံနှိပ်ထုတ်ဝေသူသည် ငြိမ်းချမ်းရေး ဦးပုဖြစ်သည်။ မွတ်စလင်အပတ်စဉ်၏ ဝါဒကြီးကြပ်ရေးအဖွဲ့ကို ဖော်ပြရာတွင် အောက်ပါ ပုဂ္ဂိုလ်တို့၏ အမည်များပါဝင်သည်။
၁။ မောင်လာနာ ဃာဇီမုဟမ္မဒ်ဟာရှင်မ် (အိုလမာအဖွဲ့ အတွင်းရေး မှူးချုပ်)
၂။ မောင်လာနာ ဘရှီရုလ်လာ (အိုလမာအဖွဲ့ချုပ် ဥက္ကဋ္ဌ)
၃။ မောင်လာနာ ဟာဖိဇ် ဆွာလေး (တဗ်လိဂ် အမီရ်ချုပ်)
၎။ ဦးခင်မောင်လတ်၊ တရားရေးဌာနဝန်ကြီး
၅။ ဆရာချယ်၊ အထွေထွေ အတွင်းရေးမှူး (ဗမက)
၆။ မောင်လာနာ အီဗ်ရာဟင် အဟ်မဒ် မဇာဟိရီ (အိုလမာ အဖွဲ့ချုပ်၊ ဥက္ကဋ္ဌ)
၇။ ဟာဂျီ ဦးအောင်စိန် (မွတ်စလင် ကုန်သည်ကြီးများ အသင်း၊ ဥက္ကဋ္ဌ)
ဂျာနယ်၏အဆင့်အတန်းကို သုံးသပ်ဆင်ခြင်နိုင်ရန် ပါဝင်သော ကလောင်ရှင်များနှင့် ယင်းတို့၏လက်ရာစာမူအချို့ကို တင်ပြပါမည်။
- မောင်လာနာ ဃာဇီ မုဟမ္မဒ် ဟာရှင်မ်၏ ကုရ်အာန်ကျမ်းမြတ်၏ အဋ္ဌကထာ ဆောင်းပါးတွင် ကုရ်အာန်ကျမ်းမြတ် ကျရောက်ပုံကို သမိုင်း ကြောင်းမှစ၍ တင်ပြသည်။
- မော်လဝီဦးခင်ရွှေ၏ တမန်တော်မုဟမ္မဒ်သခင်၏ဩဝါဒသည် မစ်ရ်ှကတ်ကျမ်းကို ဖော်ပြခြင်းဖြစ်သည်။
- မုဟမ္မဒ် မက္ကဆူးဒ် အာမက်ခန် (ဦး)ခင်မောင်ကြီး၏ အစ္စလာမ် ရေးရာဖြတ်ထုံးများသည် စူရတီဗလီ ဓမ္မသတ်ဌာန၊ မောင်လာနာ မွဖ်တီ အစ္စမာအီလ် မုဟမ္မဒ်ဂိုရာ၏ ဖြတ်ထုံးများကို ပြန်ဆိုတင်ပြခြင်းဖြစ်သည်။
- ဆရာစွာလေသီဟ၏ ဗမာတိုင်းရင်းသား မွတ်စလင် ရာဇဝင် ဆောင်းပါးသည် တိုင်းရင်းမွတ်စလင်သမိုင်းကို ဖော်ထုတ်ခြင်းဖြစ်သည်။ 
- ဆရာဦးထွန်ြးွကယ်၏ ဗမာမွတ်စလင်မ်နှင့် ဗမာစာ အရေးကြီးပုံ ဆောင်းပါးသည် တိုင်းရင်းသားဘာသာစကား၏ အရေးပါပုံကို ညွှန်းဆိုခြင်း ဖြစ်သည်။ 
- ဦးသီ(နိုင်ငံတော် ဆရာအတတ်သင်သိပ္ပံ)၏ မွတ်စလင်ကလေးများ နှင့် မြန်မာစာဆောင်းပါးသည် မြန်မာနှင့်သဟဇာတဖြစ်အောင် မြန်မာ့စာပေ ယဉ်ကျေးမှုကို တတ်သိနားလည်ရန် ရှင်းပြခြင်းဖြစ်သည်။
- အစ္စလာမ့်အဘိဓမ္မာကို လေ့လာခြင်း ဆောင်းပါးသည် မောင်လာနာ အဒူဒီ၏ွှသတမျေိ ကညိနမျအညေိငညျှါူုော ကို  ဘာသာပြန်တင်ပြခြင်း (ဓမ္မာစရိယ မွန်စိုးဝင်း ဘာသာပြန်ဆိုသည်ဟု သိရသည်။)
- လယ်ဝေးမောင်(ဆရာဃာဇီ)၏ မွတ်စလင်မ်ကမ္ဘာဆောင်းပါးသည် အစ္စလာမ်ဘာသာဝင်တို့ သိထားရမည့် အရှေ့အလယ်ပိုင်း နိုင်ငံရေးသမိုင်း ဖြစ်သည်။
- အမိန့်တော်ရ ရှေ့နေဦးခင်စိုး(သာစည်)၏ အသိÓာဏ်ရှိသော ပထမဆုံးအကြောင်းတရားကြီးသည် ခေတ်သစ်ဒဿနအရ ဖန်ဆင်းရှင် ရှိကြောင်း (င်္ငမျအှုညအနူငါနညခန ဃကျေန)ကို ရှင်းပြထားခြင်းဖြစ်သည်။ 
- တက္ကသိုလ်မောင်သီလ၏ ပလေတို၊ ရူးဆိုးနှင့်အစ်ကဗာလ် ဆောင်းပါးသည် ပလေတိုးနှင့်ရူးဆိုးတို့၏ ဒဿနကို အစ်ကဗာလ်၏ ဒဿနနှင့် နှိုင်းယှဉ်ဆန်းစစ်ပြခြင်းဖြစ်သည်။
- ခင်မျိုးစင်၏ အမျိုးသမီးကဏ္ဍသည် နာမည်ကျော် မောင်လာနာ အရ်ှရဖ်အလီ ထာနဝီ၏ ဗဟစ်ရ်ှတီဇေဝရ်ကို ပြန်ဆိုထားခြင်းဖြစ်သည်။ ချန်သင့်သည်ကိုချန်ပြီး ဖြည့်သင့်သည်ကို ဖြည့်ထားသည်ဟု ဆိုထားသည်။ အထက်ပါဆောင်းပါးများသည် အများအားဖြင့် အခန်းဆက်များဖြစ်သည်။ ခြေခြေမြစ်မြစ်ရှိပါသည်။
အလားတူပင် အစ္စလာမ်သာသနာဝင်သမိုင်း(မြေထူးတင်မောင်)၊ လူသစ်တည်၍ ပြည်သစ်ဆောက်ကြစို့(ဦးသီ)၊ အစ္စလာမ်ဘာသာနှင့် လမ်းစည်းမျဉ်း(ဦးခင်စိုး၊ သာစည်)၊ ငြိမ်းချမ်းရေးယူဆောင်လာသည့် သာသနာ (အလီစိန်)၊ သိုးကျောင်းသားဘဝမှ တမန်တော်သို့ (မောင်လာနာ နူးရ်မုဟမ္မဒ် မဇာဟိရီ၊ မိတ္ထီလာ)၊ မွတ်စလင်မ်မင်္ဂလာဆောင် (ဆူလေမန် ဂဖာရီ)၊ ကမ္ဘာ့လမ်းညွှန် မုဟမ္မဒ်သခင် (ဆူလေမန်ဂဖာရီ)၊ လင်းရောင် လမ်းပြ လူ့ဘဝ(ဦးကိုလေး၊ ရမည်းသင်း)၊ လူထုဘဝနှင့်တာဝန်အခွင့်အရေး များ (ဆရာသန်းဖေ၊ ပျော်ဘွယ်) စသည့် စာမူများတွင် ခေတ်မီဆန်းသစ် သော အတွေးအရေးများကို တွေ့နိုင်ပါသည်။
စာစောင်အမှတ် ၂ လာ - တမန်တော့်မွေးနေ့အထိမ်းအမှတ် ဝန်ကြီးချုပ်မိန့်ခွန်း
- တမန်တော်မွေးနေ့အထိမ်းအမှတ် ညစာစားပွဲ သမ္မတကြီးမိန့်ခွန်း
- နိုင်ငံတော်သမ္မတကြီး၏ လွတ်လပ်ရေးနေ့မိန့်ခွန်း
စာစောင်အမှတ် ၆ လာ-အိုလမာအဖွဲ့ချုပ်ဥက္ကဋ္ဌ ဃာဇီမုဟမ္မဒ် ဟာရှင်မ်၏ ကမ္ဘာအေးဒေသနာ အသံလွှင့်ချက်
- ဘွဲ့နှင်းသဘင် အဓိပတိ ဝန်ကြီးချုပ်ဦးနုမိန့်ခွန်း
- မန္တလေး စူရတီဗလီဧည့်ခံပွဲ ]ထုတိဩဘာ}ဟူသည့် တင်ပြချက် များကား မော်ကွန်းသစ်များဖြစ်ပါသည်။
ရန်ကုန်မြို့၊ ဘီအေအေ ဘောလုံးကွင်းတွင် ကျင်းပသည့် ၁၄၂၃ ကြိမ်မြောက် တမန်တော်မုဟမ္မဒ်သခင်မွေးနေ့သို့ ဝန်ကြီးချုပ်ဦးနု၊ တရားရေးဝန်ကြီးဌာနဝန်ကြီး ဦးခင်မောင်လတ်၊ အိန္ဒိယ သံအမတ်ကြီးနှင့် ပါကစ္စတန်သံအမတ်ကြီးတို့ တက်ရောက်ချီးမြှင့်ပုံ 
ညပိုင်းတွင် ဗန္ဓုလပန်းခြံ၌ ကျင်းပသည့် ညစာစားပွဲသို့ နိုင်ငံတော် သမ္မတကြီးနှင့် သမ္မတကတော်၊ ဝန်ကြီးဦးထွန်းဖေ၊ ဦးကျော်မြင့်ကလေး၊ ဦးခင်မောင်လတ်၊ တရားလွှတ်တော် တရားဝန်ကြီး ဦးသိမ်းမောင်နှင့် ဧည့်သည်တော်ကြီးများတက်ရောက်ချီးမြှင့်ပုံများကို  ဓာတ်ပုံများနှင့် ဖော်ပြ သည်။ တမ်းတအားကျ ဂုဏ်ယူဖွယ်ဖြစ်ပါသည်။
နိုင်ငံတော်သမ္မတကြီး၏ လွတ်လပ်ရေးနေ့မိန့်ခွန်း တွင် ငြိမ်းချမ်း ရန် အခြေခံအကြောင်းနှင့် တည်တံ့ခိုင်မြဲရေးအတွက် အဓိဋ္ဌာန်ပြုကြရန် တိုက်တွန်းထားပါသည်။
ဘာသာရေးနှင့် ပညာရေး အရေးကြီးလာပုံ ခေါင်းစဉ်တွင် ၂၈-၂-၅၁ နေ့တွင် ကျင်းပသော ရန်ကုန်တက္ကသိုလ် ဘွဲ့နှင်းသဘင်ကြီး တွင် တက္ကသိုလ် အဓိပတိ နိုင်ငံတော်ဝန်ကြီးချုပ်ပြောကြားသည့် မိန့်ခွန်း ကိုဖော်ပြသည်။ ဘာသာရေးကို ကိုင်းရှိုင်းကြပါ။ ပညာတတ်အောင် ကြိုးစား ကြပါဟု အကြံပေးချက်ပါဝင်သည်။
စာစောင်အမှတ် ၆ တွင်- အလ္လာဟ်အသျှင်မြတ်၏ အလိုတော်ဖြင့် ကျွန်ုပ်တို့အောင်ပွဲခံခြင်း ခေါင်းစဉ်ကို မွတ်စလင် အပတ်စဉ် အတွဲ၁၊ အမှတ်စဉ် ၆ အလယ်တွင် ၂မျက်နှာအပြည့် (ခွဖောင်ဖြင့်)ဖော်ပြသည်။ မြန်မာနိုင်ငံတော် အနှံ့အပြားတွင် အိုလမာအဖွဲ့ခွဲများ ဖွဲ့စည်းလိုက်ပြီ။ ကုရ်အာန်ကျမ်းတော်မြတ်နှင့် အညီ မွတ်စလင်တို့၏လောကီ လောကုတ္တရာ ၂ ဖြာအရေးများကို လက်တွေ့ ပြုပြင်ဆောင်ရွက်၍ ကမ္ဘာ့ငြိမ်းချမ်းရေး မုခ်ဦးသို့ အရောက် ချီတက်အံ့ဟု ခေါင်းစဉ်ပြုသည်။ အတွင်းရေးမှူး မောင်လာနာ အီး၊ အေ၊ မဇာဟီရီ၏ လယ်ဝေးခရီ၊ နယ်အိုလမာအဖွဲ့ခွဲများ ဖွဲ့စည်းမှု၊ လူငယ်နှင့် အမျိုးသမီးဝေယျာဝစ္စအသင်း စသည့် တောင်ငူ၊ ပျဉ်းမနား၊ လယ်ဝေးမြို့များ၏ ဘာသာရေး လှုပ်ရှားမှု သတင်းများ စုစည်း တင်ဆက်ထားသည်။ ရွှင်လန်းတက်ြွကသော လေသံပေါ်လွင်သည်။
ကမ္ဘာဧ ဒေသနာ အသံလွှင့်မိန့်ခွန်းတွင် မှောင်အတိကျနေသော ကမ္ဘာကြီးကို တမန်တော်သခင် ပွင့်လာပြီး အလင်ရောင်ပေးပုံ၊ မြေပေါ်ရှိ သတ္တဝါများကို အသင်တို့ သနားကြလျှင် မိုးပေါ်ရှိ အရှင်သည် သင်တို့ အားသနားတော်မူမည်ဟု သွန်သင်ပုံ၊ အစ္စလာမ့်သွန်သင်ချက်များသည် ကမ္ဘာဧတရားများဖြစ်ပုံတို့ ပါဝင်သည်။ 
ထုတိဩဘာခေါင်းစဉ်တွင် မန္တလေးမြို့ စူရတီဗလီဒကာ ဧည့်ခံပွဲ၌ မွတ်စလင်အပတ်စဉ် ဂျာနယ်ဒါရိုက်တာလူကြီး မောင်လာနာ အိဗ်ရာဟင်မ် အဟ်မဒ် မဇွာဟေရီနှင့် အထက်ဗမာပြည် သတင်းစာဆရာများ တွေ့ဆုံပုံ ကိုတင်ပြသည်။ မောင်လာနာက ဒေါင်ရေဂျဒိဒ်သတင်းစာ ပေါ်ပေါက်ခဲ့ပုံ နှင့် အကျိုးပြုပုံကို ဦးစွာတင်ပြသည်။ ပြီးမှ မွတ်စလင်မ် အပတ်စဉ်၏ ယုံကြည်ချက်ကို-
]ဤဂျာနယ်ကြောင့် အစ္စလာမ်ဘာသာဝင်များသည် လမ်းမှန်ကို ရကြပြီး၊ အခြားဘာသာဝင်များက အစ္စလာမ် သာသနာကြီးအပေါ် ထင်ယောင်ထင်မှားဖြစ်နေခြင်းများသည် ပပျောက်သွားမည်ဟု ကျွန်ုပ်တို့ ယုံကြည်ပါသည်။}
ဟုဖော်ထုတ်မိန့်ကြားသည်။ 
အထက်ဗမာပြည် သတင်းစာဆရာများအသင်းဥက္ကဋ္ဌ လူထု သတင်းစာ အယ်ဒီတာ ဦးလှက ဆရာကြီးနှင့် တွေ့ရ၍ ဝမ်းသာကြောင်း၊ ဆရာကြီး၏ မိန့်ကြားချက်များသည် သက်ဆိုင်သူများအတွက် မီးရှူးလမ်းပြ သဖွယ်ဖြစ်မည့်အကြောင်း ပြောကြားပြီး၊
]ဗမာနိုင်ငံတွင် တာတာသူရဲကောင်းများ ဝင်ရောက်ချိန်မှ စ၍ ကျွန်ုပ်တို့သည် မွတ်စလင်များအားသိကြ၏။ ယနေ့ သိန်းနှင့် ချီ၍ မွတ်စလင်မ်များသည် ဗမာနိုင်ငံကြီးတွင် ရှိနေပြီဖြစ် ကြောင်း၊ ဤတိုင်းရင်းဖွားမွတ်စလင်မ်များနှင့် ကျွန်ုပ်တို့ ဗုဒ္ဓဘာသာဝင်များသည် ချစ်ခင်ကြင်နာလျက်ရှိကြ၏}
ဟုပြန်လည်မိန့်ကြားသည်ကို တင်ပြထားပါသည်။ ဂုဏ်ယူဝမ်းမြောက်ဖွယ် တင်ပြချက်များဖြစ်ပါသည်။
မွတ်စလင်အပတ်စဉ် အမှတ်-၂ တွင် မွတ်စလင်ဂုဏ်ရည်ကဗျာ များခေါင်းစဉ်ဖြင့် ရွေးလကျာ်တပ် ဒုန်းချင်းများကို  ဖော်ထုတ် တင်ပြထား ပါသည်။ မြန်မာပညာရှိ သမားတော်ကြီး ဦးဆင်ထံမှ ဆက်ခံထားသည့် ကဗျာများဖြစ်သည်ဟု ဖော်ပြထားသည်။ အယ်ဒီတာက
]ရှေးမြန်မာအမျိုးသားများ၏ ရဲရင့်တည်ကြည် သစ္စာရှိစွာ အမှုတော်ထမ်းခြင်းကို ယခုခေတ် ကျွန်ုပ်တို့၏လက်ရှိ မတုန် မလှုပ် မိန်းမောမေ့လျော့နေကြသည့် အခြေအနေများနှင့် ယှဉ် ကြည့်သော် ကျွန်ုပ်တို့သည် ထိုသူတို့အား လွမ်းဆွတ်တသမိ တော့၏။}
ဟု မှတ်ချက်ပြုထားသည်။ သတိရတမ်းတဖွယ်ဖြစ်ပါသည်။ ဇာတိမာန် တက်ြွကဖွယ်ဖြစ်ပါသည်။ နိုးကြားကြိုးစားဖွယ်အသိ ဖြစ်စေပါသည်။
တိုင်းရင်းမွတ်စလင်မ် ဂန္ထဝင်ကို ဖော်ထုတ်စေသကဲ့သို့ ခေတ်ကဗျာ လက်ရာကို လည်းအားပေးကြောင်း မွတ်စလင်အပတ်စဉ် အမှတ် ၆လာ တမန်တော်ဘွဲ့ကဗျာများအရ သိနိုင်ပါသည်။
 
တမန်တော်ဘွဲ့ကဗျာများ
မဟာမက်သခင်၊ ပဏ္ဏာယှက်တင်၊
ကမ္ဘာ့ ကျိုး၊ ပွားတိုးဖန်တီးထွင်။
သစ္စာဝေလွင်၊ မေတ္တာရေစင်၊
တို့ထိပ်ပန်း၊ ဆွတ်ဖျန်းတသွင်သွင်။
တရားနည်းမှတ်လို၊ အများဆည်းကပ်ခို၊
ရွှေလဆန်း ကြယ်ဝန်းရံသလို။
တမန်တော်မြတ်ကို စလာမ်မျှော်ထပ်ပို၊
ကမ္ဘာသား၊ ညွတ်တွားလွန်ကြည်ညို။
ဘုန်းကျက်သရေ၊ နှုန်းစက်ရဝေ၊
ပမာခင်း၊ ဖြာလမ်းတောက်သလေ။
တန်ခိုးအခြေ၊ မညှိုးမသွေ၊
ကမ္ဘာတွင်း ဝါဝင်းမောက်လို့နေ။
သီလသင်္ခါ၊ ကြည်လှစင်စွာ
သမာဓိ၊ ဂီရိတောင်သေလာ။
မြင်ထက်မှန်ရာ၊ ပဉ္စက္ခန္ဓာ၊
ပွားမယုတ်၊ အားထုတ်တည်ရှိတာ။
ဘုန်းကံလင်းသာ၊ နှုန်းစံကင်းကွာ
ဇမ္ဗူတိုင်၊ တုနှိုင်းမရှိပါ။
မုန်းမာန်ခွင်းကာ၊ ကြုံးသံကင်းကွာ၊
ကမ္ဘာတိုင်း၊ ညွတ်ကိုင်းပူဇော်ရာ။
ပုဏ္ဏိန္ဒုနှယ်၊ ဂုဏ်သိမ်ထုထယ်၊
ကမ္ဘာကျွန်းအောင်၊ တည်ထွန်းပါလိမ့်မယ်။
ဤကမ္ဘာကြီးဝယ် ညီညာပြီြးွကယ်၊
ဂုဏ်သတင်း၊ ထုံသင်းပါလှတယ်။
ခန္တီဆွဲဆိုင်၊ Óာဏ်ရည်ဇွဲကိုင်
မေတ္တာပန်း၊ ထုံသင်းတလှိုင်လှိုင်။
မှန်တည်မြဲမြိုင်၊ ဖန်သည်ကဲတိုင်၊
သစ္စာပန်း ငုံကင်းအခိုင်ခိုင်။
မြတ်တမန်တော်၊ ထပ်စလာမ်မျှော်
တေဇော်ထူးလို့ ရှည်ကြူးကမ္ဘာကျော်။
တရားမှီးလာသော်၊ အများခြီးရာနှော်၊
ခြေတော်ဦးမှာ၊ ကြည်နူးပဏာဖော်။
ကဗျာပါ အသုံးအနှုန်းသည် ခံ့ညားပါသည်။ သခင့်ဘုန်းတော်နှင့် လိုက်ဖက်ပါသည်။ နဘေထပ်ကာရန်ကြောင့် ချိုမြိန်ပါသည်။ဧငြိမ်းပါသည်။မေတ္တာဓာတ်ကူးစက် ယှက်ဆက်နွယ်စေပါသည်။ မေတ္တာရေစင်နှင့် စချီပြီး ကြည်နူးမှုနှင့် နိဂုံးပြုထားသဖြင့် အဖွင့်အပိတ် ဆီလျော်ပါသည်။ သဒ္ဒါ လင်္ကာရ၊ အတ္ထာလင်္ကာရနှင့် ပြည့်စုံပါသည်။ ဂုဏ်ရသမြောက်ပါသည်။ စပ်ဆိုသူ အမည်မဖော်ပြထားသော်လည်း အသုံးအနှုန်းကို ထောက်၍ ဂန္ထဝင်နှံ့စပ်သူတစ်ဦးဟု ခန့်မှန်းနိုင်ပါသည်။ ချီးကျူးဖွယ်ဖြစ်ပါသည်။
စာစောင်အတွဲ ၁၊ အမှတ် ၂ ပါ အထူးသတင်း၊ ဓာတ်ပုံသတင်း ကဏ္ဍကား အထူးခြားဆုံးဖြစ်ပါသည်။ ပါဝင်သော ဓာတ်ပုံများမှာ-
- တမန်တော်မွေးနေ့ ညစာစားပွဲတွင် သမ္မတကြီး မိန့်ခွန်ြးွမက်ကြားပုံ
- အစိုးရဧည့်သည်တော်ဖြစ်သော ရှီအာ၊ ခိုဂျာ၊ အစ္စမာအီလီတို့၏ ခေါင်းဆောင် အာဂါခန်မင်းသားကြီးပုံ
- အာဂါခန်မင်းသားကြီး၏ ကြင်ယာတော် အွမ္မဟဘီဘီအာဂါခန်ပုံ
- ကူညီပံ့ပိုးသူ ကုန်သည်ကြီးဦးမောင်စိန်ပုံ
- တာဝန်ခံ ပုံနှိပ်ထုတ်ဝေသူ တိုက်အုပ်နှင့် ဒါရိုက်တာလူကြီး ငြိမ်းချမ်း ရေးဦးပု(ကာရီ အဗ္ဗဒူလ်ဘာရီ)ပုံ
- တမန်တော် မွေးနေ့တွင် ဟိန္ဒူဘုန်းတော်ကြီးက ချီးကျူြးွမက်ကြားပုံ
- ဓာတ်ပုံအကျိုးဆောင် မစ္စတာ အီဘရာဟင်ပုံ
- ပြည်ခရိုင်အတွက် အထူးကိုယ်စားလှယ်တော်ကြီး ဦးမောင်မောင်ပုံ
များ ပါဝင်သည်။ ထိုစာစောင်မျက်နှာဖုံးသည်လည်း တမန်တော်သခင် မွေးနေ့တွင် မိန့်ခွန်ြးွမက်ကြားနေသော ဝန်ကြီးချုပ်၏ပုံဖြစ်သည်။ စာစောင် ပါ ဒေါ်ခင်မျိုးစင်တင်ပြသည့် အမျိုးသမီးကဏ္ဍတွင် လွတ်လပ်သော မြန်မာနိုင်ငံတော်ကြီး၏ ဝေပုံကျတာဝန်ဝတ္တရားများကို မညည်းမညူ စေတနာသန့်ရှင်းစွာနှင့် ထမ်းဆောင်လျက်ရှိကြသော ဗမာမွတ်စလင်မ် အမျိုးသမီးများပုံကို ဖော်ပြထားသည်။ ထင်ရှားသော အမျိုးသမီးခေါင်း ဆောင်များ အပါအဝင် စုစုပေါင်း ၄၃ဦး ပါဝင်သည့် ဓာတ်ပုံဖြစ်သည်။
အတွဲ ၁၊ အမှတ် ၇ တွင် မြန်မာဘုရင်လက်ထက် မြန်မာမွတ်စလင် စစ်သည်တော်များ ဝတ်တက်ခဲ့သော တောင်ငူမြို့ ဟံသာဗလီခေါ် ရွှေဆံတော်ဗလီပုံ ဖော်ပြထားသည်။
ပန်းချီသရုပ်ဖော်ပုံ၊ မှတ်တမ်းဓာတ်ပုံ၊ လှုပ်ရှားမှုပုံများသည် စာနယ်ဇင်းသမားများအတွက် အရေးပါသည်။ မရှိမဖြစ် လိုအပ်ချက်ဖြစ် သည်ဟု မွတ်စလင်အပတ်စဉ်ထုတ်ဝေသူတို့က သဘောပေါက်ဟန် တူပါသည်။ အကျိုးများလှပါသည်။
မွတ်စလင်အပတ်စဉ်စာစောင် ထုတ်ဝေရခြင်းအကြောင်းကို ဆရာက စာစောင်ခေါင်းကြီးတွင် -
မွတ်စလင် အပတ်စဉ်စာစောင်ကို ထုတ်ဝေရန် ဖိုင်းအတ် ပုံနှိပ်တိုက် လီမိတက်က ဆုံးဖြတ်ခဲ့၏။ ထိုကဲ့သို့ ဆုံးဖြတ်ရခြင်း အကြောင်းမှာ ဤစာပုံနှိပ်တိုက်သည် အစကတည်းက ဗမာနိုင်ငံ တွင် နေထိုင်ကြကုန်သော မွတ်စလင်အပေါင်းတို့၏ သာသနာ ရေး၊ လူမျိုးရေးနှင့် အစ္စလာမ်ရေးရာဘက်တို့တွင် ゞင်းတို့အား ပြုစုဆောင်ရွက်ရန် ゞင်းတို့၏ ဘာသာစကားဖြင့် အစွမ်းကုန် ဆောင်ရွက်သွားရန်ပင်ဖြစ်သည်။
ဟုဖော်ပြသည်။
စာစောင်၏ ရည်ရွယ်ချက်ကိုလည်း-
ဤစာစောင်တွင် မွတ်စလင်မ်အပေါင်းတို့၏ အမှန်ကန် ဆုံးသော ဘာသာရေးဘဝသစ်စခန်းသို့ အရောက်ချီတက် ပို့ဆောင်သွားမည်ဖြစ်ကြောင်း ရေးသားလိုက်ရပေသတည်း။
ဟုဖော်ပြသည်။
ဆရာတို့ မွတ်စလင်အပတ်စဉ် စာစောင်ဖြင့် ဘာသာသာသနာရေး၊ လူမျိုးရေးကို ဆောင်ရွက်မည်။ မြန်မာဘာသာစကားကို ကြားခံထားမည်၊ ဘဝဟောင်းကိုစွန့်ပစ်ပြီး ဘာသာရေး ဘဝသစ်စခန်းကို ပို့ဆောင်မည်ဟု နားလည်နိုင်ပါသည်။
ဘဝသစ်စခန်းကို မျှော်မှန်းသည့်အတိုင်း စာစောင်တွင် အစဉ်အလာ စာမူများသာမက ခေတ်ယှဉ်ခေတ်ပြင် စာမူများကို ဖော်ပြသည်။ ကမ္ဘာကို လှမ်းကြည့်သည်။ မိမိဘဝကို သုံးသပ်သည်၊ သိပ္ပံနည်းကျတွေးခေါ် မြော်မြင်ရေး၊ ဒဿနဆောင်းပါးများ၊ လတ်တလောအရေးအခင်းများ၊ အမျိုးသမီးရေးရာများ ဖော်ပြသည်။ ချီးမြှောက်ခံခဲ့ရသော တိုင်းရင်း မွတ်စလင်သမိုင်းနှင့် ဂန္ထဝင်စာပေ အစဉ်အလာများကို ဖော်ထုတ်သည်။ ရေမြေသဘာဝနှင့် သဟဇာတဖြစ်ရေး၊ ဘာသာပေါင်းစုံချစ်ကြည်ရေး၊ ငြိမ်းချမ်းစွာ အတူတကွတိုးတက်ဖြစ်ထွန်းရေးကို အလေးထားလာသည်။ သရုပ်ဖော်ပုံများ၊ ဓာတ်ပုံများဝေဆာစွာ အသုံးပြုပြီးခေတ်မီ စာနယ်ဇင်း အဖြစ် ရပ်တည်နိုင်ရန် စီစဉ်ဆောင်ရွက်ခဲ့သည်ဟု သုံးသပ်နိုင်ပါသည်။ မျက်နှာဖုံး သရုပ်ဖော်ပုံ၊ ခေါင်းကြီးရေးပုံ၊ ဆောင်းပါးခေါင်းစဉ်ရွေးပုံ၊ ခေါင်းစည်းသရုပ်ဖော်ပုံ၊ လှုပ်ရှားမှုမှတ်တမ်းဓာတ်ပုံသုံးပုံ၊ ကြော်ငြာလက်ခံ ထည့်သွင်းပုံများသည်ခေတ်မီ ဆန်းသစ်ပါသည်။ ၉ စောင်သာ ထွက်နိုင်ခဲ့ သော်လည်း မွတ်စလင်မ် အပတ်စဉ်၏ စာပေဩဇာသည် နှောင်းခေတ် မဂ္ဂဇင်းများတိုင် လွှမ်းမိုးသည်ဟု ဆိုနိုင်ပါသည်။
စာနယ်ဇင်းဖြင့် သာသနာကို အကျိုးပြုချင်သောဆရာသည် မိတ္ထီလာတွင် ဗမာမွတ်စလင် အိုလမာအဖွဲ့ချုပ်၏ ညီလာခံကျင်းပသည့် သတင်းမှစ၍ အိုလမာအဖွဲ့ချုပ်နှင့် သက်ဆိုင်သော သတင်းများကို မိမိ၏ သတင်းစာတွင် မပြတ်ဖော်ပြခဲ့သည်။ နေ့စဉ် သတင်းစာကြီးတစ်စောင်၏ ကြီးမားများပြားလှသော တာဝန်များကြားမှ မိမိ၏လစဉ်ထုတ် အိ(စ်)တိက် လာလ် မဂ္ဂဇင်းတွင် ခေါင်းကြီးပိုင်းနှင့် ဆောင်းပါးများကို မလစ်ဟင်းအောင် ဝင်ရေးသေးသည်။
ဆရာသည် အစ္စလာမ်စာစောင် စတင်ထုတ်ဝေချိန်မှစပြီး စာစောင် အတွက် စီရတ်ကဏ္ဍကို တာဝန်ယူဟန်တူသည်။ တမန်တော်မုဟမ္မဒ် သခင်၏အတ္ထုပ္ပတ္တိခေါင်းစဉ်ဖြင့် လစဉ်အခန်းဆက်ရေးသားသည်။ အစ္စလာမ်သာသနာရေးရာကောင်စီ ပြည်လုံးကျွတ်ညီလာခံအပြီး ၁၉၅၇ ခု ဖေဖော်ဝါရီလထုတ် အစ္စလာမ်စာစောင် အမှတ်-၁၄ တွင် ဆရာ၏ ရှုခင်းသာယာမြို့ထီလာ ဆောင်းပါး ပါလာသည်။ ကြည်နူးဖွယ် ခေါင်းစဉ် ဖြစ်သည်။ ကောင်စီပြည်လုံးကျွတ်ညီလာခံကျင်းပရာ မိတ္ထီလာမြို့နှင့် ပတ်သက်၍ တင်ပြထားသည်။
]မိတ္ထီလာမြို့တွင်ကျင်းပသည့် ညီလာခံသည် မော်ကွန်းတင်ရမည်။ တက်ရောက်လာသူများ၏ သာသနာ့အရေး စိတ်အားထက်သန်မှုကို ချီးကျူးထိုက်သည်။ ညီလာခံတစ်ဝိုက်တွင် ဝတ်ပြုနှိုးဆော်သံများ ပဲ့တင် ထပ်နေသည်မှာ သာယာကြည်နူးဖွယ်ဖြစ်သည်။ မြို့ခံလူထု ဧည့်ဝတ်ကျေ မှုကို ကျေးဇူးတင်စရာကောင်းသည်။ မိတ္ထီလာမြို့သည် တပ်မြို့ဖြစ်သဖြင့် လေ့ကျင့်သားရပြီး မြို့ဖြစ်သည်။ ၁၉၄၈ ခုနှစ်က အိုလမာပြည်လုံးကျွတ် ညီလာခံကျင်းပသည်။ ယခု ကောင်စီပြည်လုံးကျွတ်ညီလာခံ ကျင်းပနိုင် သဖြင့် သာသနာ့သမိုင်းဝင်ဖြစ်ခဲ့ပြီ}ဟု ဖော်ကျူးသည်။ ဆောင်းပါးနိဂုံးတွင် ဧည့်ခံကော်မတီနှင့် အမျိုးသမီးဧည့်ခံရေးအဖွဲ့တို့ကို မှတ်တမ်းတင်ထား သည်။
ဆရာ၏ဆောင်းပါးတွင် ]]ဤမြို့သည် မြန်မာပြည် အစ္စလာမ် သာသနာ့ရေးရာသမိုင်းတွင် မိမိ၏ဂုဏ်အင်္ဂါရပ်များနှင့် လုပ်အားပေးမှု များကို ကမ္ဗည်းကျောက်စာတိုင်ထူရာ၌ ရွှေမင်စာလုံးများဖြင့် ထင်ရှား ပေါ်လွင်စေခဲ့လေပြီ}} ဟု တင်စားဖော်ကျူးသည်။ စာဟန်အရ ဂုဏ်ယူ သည့်လေသံ၊ ကြည်နူးသည့်လေသံ ပေါ်လွင်နေသည်။ ကြည်နူးဖွယ် ဆောင်းပါးတွင် ညီလာခံအစည်းအဝေးမှတ်တမ်းတင်ဓာတ်ပုံ ရိုက်ကူးခြင်း ကိစ္စပါလာသည်။
]]အစည်းအဝေးကျင်းပရာတွင် ဓာတ်ပုံများမရိုက်ရန် ကြိုတင်တားမြစ်ခြင်း ပြုလုပ်ထားခဲ့သည်။ သို့တစေ များစွာသော သူတို့သည် ဓာတ်ပုံရိုက်ကူးသော ကင်မရာကို စလွယ်သိုင်းကာ ညီလာခံသို့ လာခဲ့ကြ၏}}
ဟုလည်းကောင်း 
]]အစ္စလာမ်သာသနာကို အခြေခံပြီးပြုလုပ်သော ဤညီလာခံတွင် ယင်းကဲ့သို့သော အပြုအမူမျိုး မလုပ်သင့်၊ မလုပ်အပ်သောကြောင့်ပင် ဖြစ်ရပါသည်}}
ဟုလည်းကောင်း ဖော်ပြထားသည်။ မနှစ်မြို့သည့်လေသံ၊ ပြတ်သားသည့် လေသံ ပေါ်လွင်သည်။ မြို့၏ရှုခင်းထက် ညီလာခံမြင်ကွင်းကို မြင်ယောင် စေသည်။ ဤစာဟန် ဤလေသံက ဤစာစောင်တွင် ဤဆောင်းပါးသည် ဆရာ၏နောက်ဆုံးလက်ရာဟု ဖော်ပြနေမှန်းကို ထိုစဉ်က သတိမမူမိကြပါ။ ဆရာသည်ဲသကမညေူငျအ  သမားပီသပါသည်။
ဆရာသည် အိုလမာအဖွဲ့အစည်းအတွက် နယ်လှည့်စည်းရုံးသည်။ ကျမ်းဂန်များ ရိုက်နှိပ်ထုတ်ဝေပေးသည်။ အထိမ်းအမှတ်ပွဲများနှင့် အခြေ အနေပေးသည့်အခါများတွင် ဓမ္မဒေသနာဖြန့်ချိသည်။ ဆရာသည် အာဝဇ္ဇန်းကောင်းသည်။ ပရိသတ် စွဲမက်အောင် ဟောကြားတတ်သည်။ 
တစ်ဖက်မှလည်း အစ္စလာမ်သာသနာရေးရာကောင်စီဌာနချုပ် ဒုတိယဥက္ကဋ္ဌ၊ ကျမ်းပြုကော်မတီဥက္ကဋ္ဌ တာဝန်များ ယူထားသည်။ သာသနာ့အရေးများတွင် ညီညီညွတ်ညွတ် တက်တက်ြွကြွက ဆောင်ရွက်ခဲ့ ကြသည်။ ၁၉၅၆ ခု ဒီဇင်ဘာလအတွင်း မိတ္ထီလာမြို့၌ကျင်းပသော ပထမ ဆုံး ညီလာခံအပြီး သဘောထားမတိုက်ဆိုင်သဖြင့် လမ်းခွဲခဲ့ကြသည်။
ဆရာက စာနယ်ဇင်းလုပ်ငန်းများကို ဆောင်ရွက်ရင်း မြားမြောင် လှသော အိုလမာအဖွဲ့ချုပ်လုပ်ငန်းများကို ပီပြင်အောင်မြင်အောင် ဆထက် တိုး၍ ကြိုးပမ်းခဲ့သည်မှာ  ၁၉၆၄ ခု မတ်လ ရက်နေ့ အလ္လာဟ်အရှင်မြတ် အမိန့်တော်ခံယူသည်အထိ ဖြစ်ပါသည်။ ဆရာကွယ်လွန်ခြင်းသည် အိုလမာအဖွဲ့ချုပ်အတွက် ကြီးမားသော အစားထိုးမရနိုင်သော ဆုံးရှုံးမှု ကြီးဖြစ်ပါသည်။ ထို့ကြောင့်ပင် ဗမာမွတ်စလင်မ် အိုလမာအဖွဲ့ချုပ်၏ ဥက္ကဋ္ဌအဖြစ် ဆက်ခံသူ မောင်လာနာ မွဖ်တီ မဟ်မူဒ်ဒါဝတ်ယူစွဖ်က ဆရာ၏ စွမ်းဆောင်ချက်ကို 
]]မောင်လာနာ အိဗ်ရာဟိမ် အဟ်မဒ် မဇွာဟေရီ သည် အိုလမာအဖွဲ့ချုပ်ကို အမြင့်ဆုံးစံချိန်သို့ရောက်အောင် နေ့ရော ညပါ ကြိုးပမ်းသွားခဲ့သည်။ သာသနာ့ပညာရှင်များကို သာသနာ့ အကျိုးဆောင်များ ဖြစ်လာအောင် စည်းရုံးနိုင်ခဲ့ခြင်းသည် အိုလမာအဖွဲ့ချုပ်၏သမိုင်းတွင် ရွှေရောင် လွှမ်းသော ခေတ်တစ်ခေတ်ကို ရောက်ရှိခဲ့ခြင်းဖြစ်ပါသည်။}
ဟု မှတ်တမ်းတင်ဖော်ကျူးခြင်းဖြစ်ပါသည်။ ဆရာ၏ ထူးချွန်ထက်မြက်မှုကို သိသော အိန္ဒိယနိုင်ငံ လခ်နောင်ရှိ နဒ်ဝတွလ်အိုလမာကျောင်း၊ လက်ထောက်ကျောင်းအုပ် ကမ္ဘာကျော်ပညာရှင်ကြီး မောင်လာနာ အဗွလ် ဟစံ နဒဝီ ကလည်း နှမြောတသ ယူကျုံးမရဖြစ်ပြီး ဆရာ့အတွက် ဆောင်းပါးရေးကာ ဂုဏ်ပြုပါသည်။ မွတ်စလင်မ်ကမ္ဘာသို့ ပျံ့နှံ့ရန် ရည်ရွယ် ၍ အရဗီဘာသာဖြင့်ရေးပြီး ဆီးရီးယားနိုင်ငံ၊ ဒမတ်စကပ်မြို့ထုတ် မဂ္ဂဇင်းတွင် ဖော်ပြသည်ဟု သိရပါသည်။ များစွာဂုဏ်ယူထိုက်ပါသည်။
 
 
 
ပါမောက္ခ ဒေါက်တာ အောင်ဇော်