THE REPUBLIC OF THE UNION OF MYANMAR, ISLAMIC RELIGIOUS AFFAIRS COUNCIL ( HQ )

PDF File များ Download ပြုလုပ်နည်း Youtube Link

သီရိ ဦးကိုလေး (၁၉၂၅-၁၉၉၂)

 

အနုပညာရှင် စာဆို သီရိ ကိုလေး

 

နူးရ်ကိုလေး ဟုလည်းကောင်း၊ ရတုကိုလေး ဟုလည်းကောင်း၊ သခင် ကိုလေး ဟုလည်းကောင်း သိကြသည်။ ကိုယ်တိုင်ကား စာရေးသမားဟု ဝိသေသပြုသည်။ အမည်ရင်း ဦးကိုလေး ဖြစ်သည်။

            အဖ ဦးညွန့်တင် အမိ ဒေါ်စိမ်းတို့မှ ၁၉၂၅ ခုနှစ်တွင် ဖွားမြင်သည်။ ရန်ကုန်မြို့ မအူကုန်းရပ်ကွက် ၁၃၇ လမ်း အမှတ် ၄၆ တွင် နေထိုင်ခဲ့ သည်။

            ဦးကိုလေးသည် တို့ဗမာအစည်းအရုံးနှင့် အာရှလူငယ် ပြန်ကြား ရေးမှူး ဘီအိုင်အေနှင့်ဘီဒီအေတပ်သား၊ မီးသတ်ဗိုလ်၊ ပြည်သူ့သူနာပြု တပ်မှူး စသည့်တာဝန်များ ထမ်းဆောင်ခဲ့သည်။

            ၁၃၇ လမ်းနှင့် စက်ရုံလမ်းထောင့်ရှိ မွတ်စလင်မ်ဘာသာရေး ကျောင်းတွင် လစာငွေ ၆၀ ကျပ်ဖြင့် အလုပ်ဝင်ခဲ့သည်။ တာမွေမြို့နယ် ဗမကတာဝန်များ ပိုမိုစွမ်းဆောင်နိုင်ရန် ကျောင်းဆရာအလုပ်မှ ထွက်လိုက် ရသည်။ မြို့နယ်စည်းရုံးရေး တာဝန်ယူရသဖြင့် ထောက်ပံ့ငွေ ချီးမြှင့်ခံ ရသည်။

            တာမွေမြို့နယ် ဖဆပလအဖွဲ့တွင် ဗမက ကိုယ်စားလှယ် ၂ ဦး အနက်တစ်ဦးအဖြစ်ပါဝင်သည်။ ထိုတွင် မြို့နယ် ဖဆပလ အတွင်းရေးမှူး အဖြစ် တာဝန်ပေးခံရသည်။ ဦးကိုလေးတို့ တာဝန်ယူစဉ်က ရန်ကုန်ခရိုင် ဗမက သည် စည်းရုံးတက်ြွကလွန်းသဖြင့် ပြည်လုံးဆိုင်ရာ အဖွဲ့များတွင် စံပြအဖွဲ့ဖြစ်ခဲ့သည်။

            အခြေအနေအရ ဗမက ဖျက်သိမ်းရသော် အစ္စလာမ်သာသနာ ရေးရာကောင်စီတွင် အဖွဲ့ဝင်အဖြစ် ကျရာတာဝန် ထမ်းဆောင်ခဲ့သည်။ ၁၉၆၈ ခု ကျောက်ဆည်ညီလာခံတွင် သဘောထားကွာဟမှုကြောင့် နုတ်ထွက်ခဲ့ရသူ ၁၂ ဦးတွင် ဦးကိုလေးလည်း တစ်ဦးပါဝင်သည်။ သို့သော် ၁၉၇၂ ခု မန္တလေးတွင်ကျင်းပသည့် ညီလာခံကြီးအပြီး ကောင်စီဝင်ပြန်ဖြစ် ခဲ့သည်။ တွဲဖက်အတွင်းရေးမှုးချုပ်အဖြစ် တာဝန်ယူခဲ့သည်။

            ၁၉၆၄ ခုနှစ်တွင် အစ္စလာမ်ဓမ္မဗိမာန် ပေါ်ပေါက်လာရေး ဖြစ် မြောက် အောင်ဆောင်ရွက်ရေး အုတ်မြစ်ချသူများတွင် ဟာဂျီဦးဘချစ် နှင့် အတူပါဝင်ခဲ့သည်။ တစ်သက်တာ ဗိမာန်ဝန်ထမ်းအဖြစ် အကျိုးဆောင် ခဲ့သည်။

            ၁၉၆၄ ခုနှစ် ဒီဇင်ဘာ ၁၃ ရက်နေ့တွင် ရန်ကုန်မြို့ ဓမ္မဗိမာန်က စာဆိုပညာရှိ သူတော်စင် သခင်ကြီးဦးနု၏ စာပေတင်ပြပွဲ အခမ်းအနား ကို ကျင်းပခဲ့သည်။ ထိုပြပွဲအခမ်းအနားတွင် မန္တလေးနှင့် အမရပူရတို့မှ ရိုက်ကူးခဲ့သော  ဓာတ်ပုံဆလိုက်များကို ပြသသည်။ သခင်ကြီးဦးနု၏ ဆွေမျိုးများနှင့် တွေ့ဆုံမေးမြန်း စုံစမ်းအသံသွင်းခဲ့သည်များကို ဖွင့်ပြသည်။ စီအေဦးဗလွင်မှာတမ်းအပြင် သီဆိုအသံသွင်းချက်များကို ဖွင့်သည်။ အထက်ဗမာပြည်မှ ငှားရမ်းလာသော ၁၁ ခန်း ၊ ၃ ခန်း၊ ၆ ခန်း၊ ၃၅ ခန်း၊ ၃၁ ခန်းနှင့်လမ်းစဉ်လင်္ကာများ၏ လက်ရေးမူ၊ ဒက္ခနီ၊ အူရဒူ လက်ရေးမူများကိုပါ ပြနိုင်ခဲ့သည်။

            လမ်းစဉ်လက်ရေးမူမှာ ယခု ဘင်္ဂလားသွားလင်္ကာ ဖြစ်သည်။ အဆိုပါလင်္ကာကို ဆရာနူးရ်ကိုလေးက မြန်မာရာဇဝင်နှင့် သခင်ကြီး အတ္ထုပ္ပတ္တိနှင့် ရေးခဲ့သောကျမ်းများနှင့် အဓိပ္ပာယ်ြွကယ်ဝပုံများကို လည်းကောင်း အက်စ်အဲမ်ကျော်ဖေ (သံလျင်)က ကျမ်းမှ ထိရောက်ြွကယ်ဝသော ဘာသာရေးစာပေများကိုလည်းကောင်း၊ ဟာဂျီဦးကိုကိုကြီး က သခင်ကြီးဦးနု ရေးခဲ့သောလမ်းစဉ် (ဘင်္ဂလားသွားမှတ်တမ်းလင်္ကာ)မှ မြန်မာဘာသာဂုဏ်မြောက်လှသော ရေးသားချက်များကို လည်းကောင်း တင်ပြသည်။ ပရိသတ်စိတ်ဝင်စားသကဲ့သို့ ကုန်းဘောင်ခေတ် မြန်မာ စာပေသမိုင်းကွက်လပ်ကို ဖြည့်စွက်ရန် လမ်းစပျိုးခြင်းဖြစ်သည်။ မြန်မာ မွတ်စလင်မ်တို့အတွက် များစွာဝမ်းမြောက်ဂုဏ်ယူဖွယ်ဖြစ်သည်။

            ဆရာသည် ဘာသာစကားကျွမ်းသည်။ ကဗျာလင်္ကာ ဝါသနာကြီး သည်။ ဓမ္မဗိမာန်ဝန်ထမ်းအဖြစ် စကားပြော ရတိုင်း အူရဒူကဗျာ (ရှအီရ်) ရွတ်ဆိုခြင်း မပါလျှင်ပွဲမပြီးဟုဆိုကြသည်။ အရှေ့တိုင်းစာဆိုကြီး အိက်ဘားလ်၏ စာပေတို့ကို မွှေနှောက်နိုင်သူဖြစ်သည်။ ကိုယ်ပိုင်အာဝဇ္ဇန်း ရှိသဖြင့် မူရင်းအာဘော်ကိုြွကယ်ြွကယ်ဝ၀ ဖလှယ်ပြနိုင်သည့် အနုပညာ သည် ဖြစ်သည်။

            အူရဒူဘာသာစကားကို ကောင်းစွာတတ်သည်။ အဆင့်မြင့်စွာ ပြောနိုင်သည်။ တိုင်းရင်းဘာသာစကားကိုလည်း ပိုင်နိုင်သည်။ အိန္ဒိယ နိုင်ငံမှဝင်လာသည့် ရုပ်ရှင်ကားအများစုကို ဘာသာပြန်သည်။ အစိုးရ အသိအမှတ်ပြုခံရသည့် ဆင်ဆာအဖွဲ့ ဘာသာပြန်ဆရာတစ်ဦးဖြစ်သည်။

            ဆရာသည် အိန္ဒိယရုပ်ရှင်ကားများကို ဘာသာပြန်၍ မြန်မာမှုပြုပြီး ရုပ်ရှင်ဇာတ်ညွှန်းများကို ရေးသည်။ မြန်မာစာ မြန်မာမှုကျွမ်းကျင် သဖြင့်လည်း မြန်မာရုပ်ရှင်လောကနှင့် ဝင်ဆံ့ခဲ့သည်။ စာနယ်ဇင်းများ တွင်လည်း အိန္ဒိယရုပ်ရှင် ဘာသာပြန် စာရေးဆရာဖြစ်လာသည်။ ကုလား ကျော်ဟိန်း(၁၉၈၇)၊ ဒီလစ်ကူမာနှင့်တွေ့စဉ်က(၁၉၈၈)၊Messageဟူသောရုပ်ရှင်(၁၉၉၀)စသည့် ဆောင်းပါးများကို မွတ်စလင်စာစောင်များ တွင် ရေးခဲ့သည်။

 

            ဆရာသည် မြန်မာနိုင်ငံလုံးဆိုင်ရာ မြန်မာမွတ်စလင်မ် အမျိုးသမီး အဖွဲ့ချုပ်ကို အားတက်သရော ကူညီသည်။ အဖွဲ့ချုပ်ကကျင်းပသည့် အခမ်းအနားများတွင် ဆရာသာလျှင် ဒါရိုက်တာလုပ်ပြီး များစွာသော ပညာပေးဇာတ်လမ်းများ တင်ဆက်ပေးခဲ့သည်။

            ဆရာသည် ကဗျာလင်္ကာ မြန်မာမှု လေ့ကျွမ်းသည်။ ပင်ထွက် Óာဏ်ရွှင်သည်။ ရန်ကုန်မြို့၌ ကျင်းပပြုလုပ်သော မင်္ဂလာပွဲများတွင် ဆရာ၏ ရတုမပါလျှင် မပြည့်စုံ၊ ဆရာ အခမ်းအနားမှူး မဆောင်ရွက်လျှင် မပြီးဖြစ်ခဲ့သည်။ အစောပိုင်း ကာလများတွင် အစ္စလာမ်မင်္ဂလာပွဲများတွင် ရတုသီဆိုသော်လည်း နောက်ပိုင်းတွင်ကား လူမျိုးစုံဘာသာစုံတို့၏ မင်္ဂလာပွဲ များ၌ ဩဘာရတုသီဆိုသူ ဖြစ်လာခဲ့သည်။ မင်းပွဲဝင်ဘိသိက် ဆရာဖြစ်လာသည်။

            မင်းပွဲဝင်ရတုဆရာဘဝမှ ရလာသောသုတကိုအခြေခံ၍ ၁၉၉၁ ခု မေလထုတ် အစ္စလာမ့်မျက်ဝန်းစာစောင်တွင် ဆောင်းပါးတစ်ပုဒ် ရေးသားခဲ့သည်။ အာဇာနည်ခေါင်းဆောင်ကြီး ဆရာကြီးဦးရာဇတ်၏ အများမသိသေးသော ရတုလက်ရာကို ဖော်ထုတ်လိုက်ခြင်းဖြစ်သည်။

            ဆရာသည် မင်္ဂလာပွဲပေါင်းများစွာကို ဩဘာရတုချီးမြှင့်ခဲ့သော် လည်း ကိုယ်တိုင်ကမူ လူပျိုကြီးဟုသိရသည်။ သားမရှိ မယားမရှိ သံယောဇဉ် အပူအပင်မရှိဟု ထင်ဖွယ်ဖြစ်သည်။ အမှန်ကား ဆရာသည် အမျိုးသားရေးနှင့် အိမ်ထောင်ကျပြီး နောင်လာသားမြေး မွတ်စလင်မ်ပီသ ရေး သောကကြီး ဖိစီးနေသူဟု ဆိုနိုင်ပါသည်။

            ဘက်စုံစာဆို ဆရာသီရိကိုလေးသည် ၁၉၉၂ ခု မေလ ၃ ရက်နေ့ တွင် အလ္လာဟ်အရှင်မြတ် အမိန့်တော်ခံယူခဲ့သည်။ ဆရာ့အပြောနှင့် ဆိုလျှင် သင်္ခါရခိုကပ်စခန်းမှ ထာဝရရှင်သန်စခန်းသို့ ကူးပြောင်းသည် ဟု ဆိုရပေမည်။ ယခု ဆရာ ငြိမ်းချမ်းခိုနားရာသည် ရန်ကုန်မြို့ ကန်တော် ကလေး စွန္နီဥယျာဉ်တော်ဖြစ်သည်။

            ဆရာကွယ်လွန်ပြီး ၁၉၉၆ တွင် ထုတ်ဝေဖြစ်သည့် ဗိမာန် နှစ် ၃၀ ပြည့် အထူးထုတ်စာစောင်တွင် ဆရာ့အတွက် အမှတ်တရစာစုကို တွေ့ရသည်မှာ-

ပသီကိုလေး၏                          ပသီကိုလေးသိသော သီရိကိုလေး

ဟာဂျီဦးဘချစ်၏                      သီရိကိုလေး (သို့) ဦးနူးရ်ကိုလေး

ယုဝတီခိုင်စကားဝါ၏                သီရိကိုလေး

မာလာချစ်၏                            ဦးကိုလေး နှစ်ပတ်လည်နေ့ မှာတမ်းစာလွှာ

S.M ခင်မောင်ကို               လက်တန်းရတုရေးစပ်သူ သီရိကိုလေး

 

ဟူ၍ဖြစ်သည်။ လုပ်ဖော်ကိုင်ဖက် ဆရာတပည့်များ၏နှလုံးသားမှ ကမ္ပည်း မော်ကွန်းစာလွှာများပင် ဖြစ်ပေသည်။

            ရုပ်ရှင်လုပ်ငန်း ဦးဆောင်ညွှန်ကြားရေးမှူး၊ ဝိဇ္ဇာပညာထွန်းချွန် တံဆိပ်(ဒုတိယဆင့်) ဆရာကြီးတက္ကသိုလ်မောင်မောင်ခင်က ဆရာသီရိ ကိုလေး၏ အနုပညာစွမ်းနှင့်ပတ်သက်၍ ၁၉၉၅ခုနှစ်ထုတ်၊ မိုးသောက် ကြယ် မဂ္ဂဇင်း အမှတ် ၄တွင်-

စကားပြန်ပြောဆိုခြင်းသည်အနုပညာလုပ်ငန်းဖြစ်သည်။ ရုပ်ရှင်ပြကွက်အလိုက် အနုပညာဖန်တီးမှုများကို တွေ့မြင် ကြရသည်။ တစ်ဦးနှင့်တစ်ဦး စကားပြောသည်လည်း ပါသည်။ ရန်တစောင်စောင်၊ မာန်တတင်းတင်း၊ ထိုးကြိတ် လှုပ်ရှားမှုများလည်း ပါသည်။

အိန္ဒိယဇာတ်ကားများ သဘာဝအတိုင်း က သည်လည်းပါ။ သီချင်းဆိုသည်ကိုလည်း ကြည့်မြင်ခံစားရသည်။ ဖလင် ကွက်များရွေ့လျားနေသည်နှင့်အမျှ ဦးကိုလေး သို့မဟုတ် ကလောင်အမည် သီရိကိုလေး၏ စကားသံကိုကြားဖူး သည်။ တစ်ခါတစ်ရံ အသံနှိမ့်၍ စကားပြန်သည်။ တစ်ခါ တစ်ရံ လေသံပြင်းပြင်းဖြင့် ဘာသာပြန်သည်။

ကြည်နူးဆွတ်ပျံ့ဖွယ်ကောင်းသော ပြကွက်ပေါ်လာလျှင်  ပေါ်လာသော ပြကွက်နှင့်လိုက်အောင် နူးညံ့သိမ်မွေ့သော လေသံဖြင့် စကားပြန်၍ ရသ သရုပ်ကို နှုတ်ဖျားမှ တစ်ဆင့် ဖော်ထုတ်ခဲ့ရှာသည်။

ယခုသော် ဆွတ်ပျံ့ဖွယ်ကြည်နူးဖွယ်၊ သဲထိတ်ရင်ဖိုဖွယ် အဆိုအပြော စကားသံများကို ဦးကိုလေးထံမှ ထာဝရ မကြားရတော့ဘဲ မမြဲသောသဘောရှိသည့် လူ့ဘဝကို စွန့်ခွာသွားရှာလေပြီ။

ဦးကိုလေးသည် ဂျန္နသ်ဘုံသို့ ရောက်ပါစေသတည်း။

ဟုတမ်းတ ဂုဏ်ပြုဖော်ကျူးခဲ့သည်။

            ဆရာသီရိကိုလေး၏ ကာဖိရ်ဖတ္တဝါ၏ အနိဋ္ဌာရုံစစ်တမ်းသည် အလွန်ရေပန်းစားသည်။ ဗိမာန် နှစ် ၃၀ ပြည့် အထူးထုတ်စာစောင်တွင် ဖော်ပြထားသကဲ့သို့ အစ္စလာမ်သာသနာရေးရာကောင်စီဌာနချုပ်ကလည်း အစ္စလာမ့်စာစဉ် ၄၉ အဖြစ် စာအုပ်ပြုလုပ် ပုံနှိပ်ဖြန့်ချိခဲ့သည်။

            အကြောင်းအရာအကျဉ်းမှာ ခေါင်းစဉ်အတိုင်း ဖတ္တဝါပေးချင်တိုင်း ပေး၍ အနိဋ္ဌာရုံများကြုံရသည်ကို တင်ပြထားခြင်းဖြစ်သည်။ စစ်တမ်းတွင် သာသနာပိုင်ဝါဒခေါင်းထောင်ထလာခြင်းကို နိဒါန်းပြုသည် ပြီးမှ ခေါင်းစဉ် ငယ်ကလေးများ ကန့်ကာ ရှင်းပြသည်။

မွတ်စလင်မ်များကို ကာဖိရ်ဖြစ်အောင် ဖန်တီးခြင်း

မွတ်စလင်မ်လူ့ဘောင်၏ ဝိသေသဂုဏ်အင်ထူးများ

မွတ်စလင်မ်တို့ သွေးမြေကျခဲ့ရသည့် အဖြစ်ဆိုး

ဂိုဏ်းဂဏခွဲခြားခြင်း

အီမာန်ကို လက်မခံသူတို့က အခြားအုပ်စုသို့ ထုတ်ပြန်သည့်ဖတ္တဝါ

အိုလမာ ၃၀ဝ ၏ ဖတ္တဝါ ဓမ္မသတ်ဆုံးဖြတ်ချက်

ဒေယိုဗန်ဒီများကို လူနည်းစုအဖြစ် ပြဋ္ဌာန်းပေးရေး

ဒေယိုဗန်ဒီဂိုဏ်းဝင်တို့ ထုတ်ပြန်သောဖတ္တဝါ

ဖတ္တဝါစက်ကွင်းက မလွတ်ကင်းသူ အာလင်မ်သူတော်စင်ကြီးများ

ဘုရင်ဖိုင်ဆယ်ဆုရ အဗုလ်အအ်လာ မောင်ဒူဒီ

နှစ်ပေါင်းရာကျော်အလျင်က ကာဖိရ်ဖတ္တဝါများ

အဘယ်အကြောင်းကြောင့် ဖတ္တဝါပေးခဲ့ကြသနည်း

အလေးအနက် စဉ်းစားရမည်က

လူအဘယ်မျှကို မွတ်စလင်မ်ဖြစ်အောင် လုပ်ခဲ့ကြသနည်း

ဖတ္တဝါ၏အနိဋ္ဌာရုံများ

မောင်ဒူဒီ၏ ကာဖိရ်ဖတ္တဝါအပေါ် သုံးသပ်ရှုမြင်ချက်

အစီရင်ခံပါရစေလား

ဟူသည့် ခေါင်းစဉ်ငယ်များဖြင့် စိတ်ဝင်စားဖွယ်တင်ပြသည်။

            နိဂုံးတွင် တခလ်လကူ ဗီအာလာက်ကလ္လာဟ်

            အလ္လာဟ်အရှင်၏ဂုဏ်တော်နှင့်ညီသူအဖြစ် မိမိကိုယ်ကို ဖန်တီး ကြပါဟုဖော်ပြပြီး အလ္လာဟ်အရှင်သည် စုစည်းစေတော်မူသော ဂုဏ်အင် ဖြစ်ပါသည်။ သွေးခွဲခြင်းက ရှိုင်တွာန်၏ဂုဏ်အင်ဖြစ်ပါသည်။ သို့ပါ၍ စုစည်းညီညွတ်မှုဂုဏ်အင်ကို အွမ္မတ်ထုအတွင်း ဖန်တီးပေးရန် အားလုံး တွင် တာဝန်ရှိပါသည်ဟုဆိုလိုက်ရာ လိုရင်းပေါ်လွင်လှပါသည်။ ဆရာ၏ လက်စွမ်းပြစာမူဟု ဆိုနိုင်ပါသည်။

            ဆရာသည် ကဗျာ ဘာသာပြန်များရေးသကဲ့သို့ နီတိကဗျာများ လည်းရေးခဲ့သည်။

 

 

သီရိကိုလေး၏ ကဗျာနီတိများ

 

 

ဈေးအများဆုံးမြေကွက်

ငြိမ်းချမ်းငြိမ်သက် မြေတစ်ကွက်ကို

အသက်ပေးမှ ရနိုင်သည်။

 

မြတ်ရှင်အလ္လာဟ် မကြည့်ပါ

ဓနနှင့်ရူပါ၊ အလ္လာဟ်မကြည့်ပါ

ကျင့်စဉ်ကျင့်ရပ် သင့်စိတ်ဓာတ်

အလ္လာဟ်ကြည့်သည်ပါ။

 

ရေထဲကငါး ရေမွန်းသွားပြီ

ရေထဲကငါး ရေမွန်းသွားမှာ

သနားစိတ်မှီ မေတ္တာရည်၍

သင်သည်ကုန်းပေါ် ဆယ်တင်သော်လည်း

ကုန်းပေါ်ရောက်မှ သေဆုံးရလျှင်

သင်သာအမှန် ]တရားခံ}။

လူ့လောကတွင် လူနှင့်လူချင်း ဖေးကူခြင်းသည်

ငါ၏ဘာသာ သာသနာနှင့်သီလဘာဝနာ ဖြစ်ပေသည်။

ဒီလောကမှာ လူဆိုတာဟာ သူတစ်ပါးအတွက်

အကျိုးဆက်မှ လူသားစင်စစ်ဖြစ်ပေသည်။

                            ဒေါက်တာအိက်ဘားလ်

 

 

စိတ်ဓာတ်သည်သာ ပဓာန

အတီတေက ကြက်ဖတွန်မှ မိုးလင်းရမည်

ယုံကြည်ခဲ့ကြ လွဲမှားစွာတည့်။

အမှန်မှတ်ကြ ကြက်မတွန်လည်း

ညလွန်ပါက မိုးလင်ရလိမ့်။

ထို့ကြောင့်-

            ကြက်မ ကြက်ဖ ဘဝကွဲပြား

            ခွဲခြားသတ်မှတ် မရတတ်ပြီ

            စိတ်ဓာတ်သည်သာ ပဓာန

 

                                      သီရိသစ္စာ

 

မလိုသဘော သူငါပြောလည်း

ဒေါသသောင်ကျွန်း ငါမထွန်း။

နှိမ့်ချသဘော သူငါပြောလည်း

သောကငါ့ရင် မပေါ်လွင်။

အမြဲမပြတ် သူပုတ်ခတ်လည်း

စိတ်ဓာတ်ကြံ့ခိုင် မယိမ်းယိုင်။

သူ့ကဲ့သို့ပင် ပတ်ဝန်းကျင်မှ

အလျှင်ထိုးနှက် ဆိုးဂယက်ကြောင့်

စိတ်ပျက်ငါ့မှာ မရှိပါ။

                              သီရိကိုလေး

 

ပါမောက္ခ ဒေါက်တာ အောင်ဇော်
 

(နာယက-အစ္စလာမ်သာသနာရေးရာကောင်စီဌာနချုပ်)

 

သီရိ ဦးကိုလေး ရေးသားသော ကာဖိရ်ဖတ္တဝါ၏ အနိဋ္ဌာရုံစစ်တမ်း စာအုပ် အောက်ပါ လင့်တွင် ဖတ်ရှု/Downloadနိုင်ပါသည်။

 

ကာဖိရ် ဖသ်ဝါ အနိဋ္ဌာရုံစစ်တမ်း

http://iracmyanmar.org/2012-12-04-19-26-13/50-2014-07-22-22-46-16