THE REPUBLIC OF THE UNION OF MYANMAR, ISLAMIC RELIGIOUS AFFAIRS COUNCIL ( HQ )

PDF File များ Download ပြုလုပ်နည်း Youtube Link

ဆရာကြီးဃာဇီ (၉-၈-၁၉၅၄)မြန်မာ့အသံမှဟောကြားသည့် ကုရ်ဗာနီတရား

 

ဆရာကြီးဃာဇီ (၉-၈-၁၉၅၄)မြန်မာ့အသံမှဟောကြားသည့် ကုရ်ဗာနီတရား

 

 

ကမ္ဘာ့အ၀ှမ်းရှိကြတဲ့ မွတ်စ်လင်မ်များဟာ နှစ်စဉ်နှင့်အမျှ ပွဲတော်(၂)ကြိမ်ကျင်းပကြပါတယ်။ပထမပွဲတော်ကို“အီဒုလ်ဖိသွိရ်” လို့ခေါ်တယ်။ ဒုတိယပွဲတော်ကိုတော့ “အီဒုလ်အဒွဟာ”လို့ ခေါ်ပါတယ်။ ယခုအခါ “အီဒုလ်အဒွဟာ”ကို အချို့က“ဘက္ကရီအီးဒ်”လို့ ခေါ်ဆိုရေးသားကြတယ်။ ဒါဟာ မမှန်ပါဘူး။ “ဘက္ကရီအီးဒ်”ဆိုတဲ့ စကားဟာ ကျမ်းလာ စကားလည်း မဟုတ်ဘူး။  အဓိပ္ပာယ်လည်း မရှိပါဘူး။ ဈေးစကားသာ ဖြစ်ပါတယ်။

 

-

“အီဒုလ်အဒွဟာ”ပွဲတော်မှာ “မွတ်စ်လင်မ်”တွေဟာ အစ္စလာမ်တရားတော်နှင့်အညီ ပဋိပတ်ကျင့်စဉ်များကို လိုက်နာကျင့်မူကြတယ်။

သားကောင်များကို လှီးဖြတ်ပြီး အလှူဒါနပြုလုပ်ကြတယ်။ ဒီကဲ့သို့အလှူဒါနပြုခြင်းကို “ကုရ်ဗာနီ”လို့လဲခေါ်တယ်။

-

သောတရှင်အပေါင်းတို့ခင်ဗျား ...     

ယနေ့အဖို့ “ကုရ်ဗာနီ”ရဲ့ နောက်ကြောင်း ရာဇ၀င်နဲ့ “ကုရ်ဗာနီ”ရဲ့ ရည်ရွယ်ချက်များကို အနည်းငယ်အစီရင်ခံလိုပါတယ်။

ယခင်နှစ်ပေါင်း (၄၀၀၀)ကျော်က အီရတ်ပြည် တောင်ဘက် ဥရ်(Ur)မြို့မှာ တမန်တော်တစ်ပါးပွင့်ခဲ့ဖူးတယ်။

အမည်မှာ “အိဗ်ရာဟီမ်”လို့ ဖြစ်ပါတယ်။

-     

တမန်တော် “အိဗ်ရာဟီမ်”ဟာ “ဒါန”၊ “သီလ”၊ “နိက္ခမ”၊ “ပညာ”၊ “၀ီရိယ”၊ “ခန္တီ”၊ “သစ္စာ”၊ “အဓိဋ္ဌာန”၊ “မေတ္တာ”၊ “ဥပေက္ခာ”ဆိုတဲ့

 “ပါရမီဆယ်ပါး”နဲ့ အထူးပြည့်စုံခဲ့ပါတယ်။   

ဒီတမန်တော်ကြီးဟာ မိမိ၏တာဝန်ဝတ္တရားများကို ကြံ့ခိုင်သော စိတ်ဓာတ်ဖြင့် ဦးလည်မသုန် ဆောင်ရွက်လေ့ ရှိပါတယ်။

တွေ့ကြုံသမျှ ဒုက္ခကြီးငယ်တို့ကိုလည်း အပြုံးနဲ့ရဲရဲ ရင်ဆိုင်ခဲ့ပါတယ်။

-

(က) တမန်တော် “အိဗ်ရာဟီမ်”ဟာ ဦးစွာပထမ  မိမိ သားချင်းများကို ကိုးကွယ်ရာ တစ်ဆူတည်း ဖြစ်တော်မူတဲ့ အလ္လာဟ်အရှင်အားသာ ခ၀ပ်ကိုးကွယ်ရမည့်အကြောင်း ဟောကြားခဲ့တယ်။တန်ခိုးပြာဋိဟာများကိုလည်းပြခဲ့ပါတယ်။ ဒါပေမယ့် အမျိုးသားများဟာ တရားမရတဲ့အပြင် တမန်တော်ကြီးကိုပင် ရန်ပြုလာခဲ့ကြတယ်။အမျိုးသားများဟာ တိုင်းပြည်ဘုရင်နဲ့ ပူးပေါင်းကာ တမန်တော် “အိဗ်ရာဟီမ်”(ေ)ကို မီးတင်ရှို့စေခဲ့တယ်။ ဒါပေမဲ့ တမန်တော် “အိဗ်ရာဟီမ်”ဟာ ဘယ်လိုမှမချောက်ချားခဲ့ဘူး။   “သူတော်ကောင်းနတ်ကောင်းစောင်မ” ဆိုသလို အလ္လာဟ်အရှင့်စောင်မတော်မူခြင်းနဲ့ ရန်သူတို့ရဲ့ ပူပြင်းလှတဲ့ မီးတောက် မီးလျှံများဟာ တမန်တော်အဖို့ အလွန်အေးမြတဲ့ ရေဖြစ်သွားခဲ့တယ်။      

-

ဒါ-တမန်တော်အဖို့ ပထမအကြိမ် စမ်းသပ်ခြင်းပဲ။

-

(ခ) တမန်တော် “အိဗ်ရာဟီမ်”ဟာ မိမိအမျိုးသား များအား မဏသီကာရသမ္မာဆန္ဒဖြင့်တရားဒေသနာများ ဟောကြားခဲ့တယ်။ ဒါပေမဲ့ “ကျွဲပါးစောင်းတီး”ဆိုဘိအလား အကျိုးမရှိခဲ့ပါ။ တစ်ဦး တစ်ယောက်မှ  အကျွတ်တရားမရ။ နောက်ဆုံးတွင် တမန်တော် “အိဗ်ရာဟီမ်”ဟာ ပြည်နှင်ဒဏ်ခံခဲ့ရတယ်။

-

ဒါ-တမန်တော်အဖို့ ဒုတိယအကြိမ် စမ်းသပ်ခြင်းပဲ။

-

(ဂ)  တမန်တော်“အိဗ်ရာဟီမ်”ဟာ ကြင်ရာတော် စာရာ နဲ့အတူ မိမိတိုင်းပြည်ကို စွန့်ခွာ၊ အပြည်ပြည်ဝင်ကာ နောက်ဆုံးအီဂျစ်ပြည်ကို ရောက်လာခဲ့တယ်။

အဲဒီအချိန် အီဂျစ်ကို စိုးစံလျက်ရှိတဲ့ ဖေရိုးမင်းဟာ ရုပ်ရည်ဆင်း သºာန်လှပတဲ့ ကြင်ရာတော် စာရာကို သိမ်းပိုက်ရန် ကြံစည်ခဲ့တယ်။

ဒါပေမဲ့ ဖေရိုးမင်းဟာ ကြင်ရာတော် စာရာ၏ တန်ခိုးဣဒ္ဓိပါဒ်များကို သိရှိလာတဲ့အခါ မိမိရဲ့ အကြံအစည်များကို စွန့်လွှတ်ကာ ကြင်ရာတော် စာရာနှင့် တကွ

တမန်တော်အား ၀န်ချတောင်းပန်တယ်။ ဥစ္စာ၊ ပစ္စည်း၊ ရွှေ၊ ငွေ အမြောက်အမြား ပူဇော်ကန်တော့တယ်။ နောက်ဆုံး တမန်တော်အား ကြည်ညိုမြတ်နိုးလှတဲ့အတွက်

မိမိရဲ့ ရင်နှစ်သည်းချာ သမီးရတနာ ဟာဂျရဟ်ကို တမန်တော်နှင့် ထိမ်းမြားပေးရှာလိုက်တယ်။    

-

ဒါ-တမန်တော်အဖို့ တတိယအကြိမ် စမ်းသပ်ခြင်းပဲ။

-

(ဃ)တမန်တော် အိဗ်ရာဟီမ်မှာ အဲဒီအချိန်ထိ သားသမီး တစ်ဦးတစ်ယောက်မှ မထွန်းကားသေး၊ တမန်တော်ဟာ မိမိအရိုက်အရာ ဆက်ခံမည့် သားရတနာရရေးအတွက် အလ္လာဟ့်ထံ သားဆုပန်တယ်။ များမကြာမီ ကြင်ရာတော် ဟာဂျရဟ်မှ သားတော် “အိစ်မာအီလ်” ဖွားမြင်လာတယ်။ မျှော်လင့်တောင်တကြီးစွာဖြင့် သားရတနာရ ပြန်သော် ချစ်ဇနီး ဟာဂျရဟ်နဲ့ သားတော်“အိစ်မာအီလ်” ကို လူသူမနီး၊ စားနပ်ရိက္ခာ အလွန်ခေါင်းပါးတဲ့ လွင်တီးခေါင် သဲကန္တာရမှာ သွားရောက်စွန့်ထားရမည်လို့ အမိန့်တော်ကျရောက်လာတယ်။ တမန်တော်ဟာ အဓိဋ္ဌာန် ပါရမီရှင်ပီပီ ခန္တီတိသိက္ခာတရားနဲ့ ထိုသားအမိနှစ်ဦးကို အမိန့်တော်ရှိရာ ကန္တာရမှာ သွားရောက်ထားရှိခဲ့တယ်။ ဇာတ်လမ်းကတော့ ကြေကွဲစရာပဲ။   

-

ဒါ-တမန်တော်အဖို့ စတုတ္ထအကြိမ်စမ်းသပ်ခြင်းပဲ။

-

(င) တမန်တော်အဖို့ စမ်းသပ်ခြင်းဟာ မပြီးဆုံးသေး။ သားတော် အိစ်မာအီလ် ပြေးလွှားနိုင်၊ အလွန်တရာချစ်စရာကောင်းတဲ့ အရွယ်ရောက်ပြန်တော့ သားတော်ကို “ကုရ်ဗာနီ”ပြုရမယ်လို့ အမိန့်တော်ကျရောက်ပြန်တယ်။မိမိရဲ့သား၊ အပြစ်မရှိတဲ့ သား၊မျှော်လင့်ကြီးစွာရတဲ့သား၊ချစ်စရာကောင်းတဲ့ ဒီသားကို ဓားတင် ကုရ်ဗာနီပြုရမဲ့ ကိစ္စဟာလူသာမန်တို့အဖို့တွေးဝံ့ရန် အကြောင်းပင်မရှိပါ။ဒါပေမဲ့ မိမိရာဇ၀င်တစ်လျှောက် အလ္လာဟ့် အမိန့်တော်ကို မြေ၀ယ်မကျနာခံခဲ့တဲ့ တမန်တော် အိဗ်ရာဟီမ်ဟာ ဆုတ်ဆိုင်းလေးကန်ခြင်းမရှိ။မိမိရဲ့ အသက်တမျှ ချစ်မ၀တဲ့သားတော်ကို မြေပေါ်လဲလျောင်း စေပြီး ကုရ်ဗာနီပြုလုပ်တော့မယ့်ဆဲဆဲမှာ အလ္လာဟ် အရှင်မြတ်ဟာ သားငယ်ရဲ့ နေရာမှာ သားကောင် တစ်ကောင်ကို အစားထိုးပေးတော်မူလိုက်လေတယ်။  

-

ဒါ-တမန်တော်အဖို့ ပဉ္စမအကြိမ် စမ်းသပ်ခြင်းပဲ။

-

ဖော်ပြပါအတိုင်း တမန်တော် အိဗ်ရာဟီမ်ဟာ- 

(၁)       မီးတင်ရှို့ ခြင်းခံခဲ့ရတယ်။                           

(၂)      ပြည်နှင်ဒဏ်ခံခဲ့ရတယ်။     

(၃)      ကြင်ရာတော် အသိမ်းခံခဲ့ရတယ်။   

(၄)      သားငယ်နဲ့ ဇနီးသည်အား လွင်တီးခေါင်ကန္တာရမှာ ပစ်ခဲ့ရတယ်။

(၅ )   နောက်ဆုံး အသက်တမျှ ချစ်မ၀တဲ့သားကိုပင် ကုရ်ဗာနီပြုခဲ့ရတယ်။

-

ဒီကဲ့သို့ တမန်တော်အိဗ်ရာဟီမ်ဟာ ကမ္ဘာ့ရာဇ၀င် မှာ အံ့ချီးမဆုံးနိုင်အောင် အမိန့်တော်များကို ဦးလည်မသုန် စွမ်းစွမ်းတမံဆောင်ရွက်ခဲ့တဲ့အတွက်

အလ္လာဟ်အရှင်မြတ်ဟာ တမန်တော့်အား “အိမာမွန်နာစ်”-“ကမ္ဘာ့နာယက”ဟူ၍ တစ်ဖုံ “ခလီလွလ္လာဟ်”-“အလ္လာဟ်ချစ်မိတ်ဆွေ”ဟူ၍ တစ်မျိုး `

ဘွဲ့နာမ အမျိုးမျိုးချီးမြှင့်တော်မူခဲ့လေတယ်။

-

အစ္စလာမ်သာသနာတော်ရဲ့ အမြစ်တရား (၅)ပါးအနက် ပဉ္စမ တရားမှာ “ဟဂ်ျ” ပြုခြင်းပင်ဖြစ်တယ်။

နှစ်စဉ်နှင့်အမျှ ကမ္ဘာအရပ်ရပ်မှ တတ်ကုန်နိုင်တဲ့ သိန်းပေါင်းများစွာသော၊ မွတ်စ်လင်မ်များဟာ ကုန်းတတန်၊ ရေတတန်၊ လေတတန်နဲ့

အရေးဗီးယားတိုင်းပြည်ရှိ မက္ကဟ်မြို့တော်သို့ သွားရောက်ကာ -

-

- ၀တ်ဖြူ စင်ကြယ်ကို ၀တ်ဆင်ကြတယ်။   

- အလ္လာဟ့်အိမ်တော်ကို ဖူးမျှော်ကြတယ်။   

- လက်ျာရစ် ရစ်ပတ်ကြတယ်။    

- “ဆွဖာ”နဲ့ “မရ်ဝါ”တောင်(၂)ခုအကြား(၇)ကြိမ်တိုင် ပြေးလွှားကြတယ်။

- “ဇမ်ဇမ်”ရေကို အမြတ်တနိုး သောက်သုံးကြတယ်။

- တမန်တော်အိဗ်ရာဟီမ်ရဲ့ ခြေရာတော်အနီးမှာ ၀တ်ပြုကြတယ်။

- “မီနာ”မှာ သားကောင်များကို ကုရ်ဗာနီပြုကြတယ်။

- “အရဖာသ်”ကွင်းပြင်ကြီးမှာစုရုံးပြီး  ဆုပန်ကြတယ်။

-

“မက္ကဟ်မြို့တော်”ဆိုတာ အခြားမဟုတ်-

 တမန်တော် အိဗ်ရာဟီမ်မိမိသားငယ်နှင့် ဇနီးသည်အား စွန့်ထားခဲ့တဲ့ နေရာဌာနပင်ဖြစ်တယ်။

-

“အလ္လာဟ့်အိမ်တော်”ဆိုတာ အခြားမဟုတ်-    

 တမန်တော် အိဗ်ရာဟီမ် ပြန်လည် တည်ဆောက်ထားတဲ့ အိမ်တော်ပင် ဖြစ်တယ်။

-

“ဆွဖာနှင့်မရ်ဝါတောင်(၂)ခုကြားပြေးလွှားခြင်း”ဟာအခြားမဟုတ်-    

ကြင်ရာတော်ဟာဂျရဟ် သားငယ်အတွက် ရေရှာခန်းကို အမှတ်ရရန် သတ်မှတ်ထားတဲ့ ပဋိပတ်ကျင့်စဉ်ဖြစ်တယ်။ 

-

“ဇမ်ဇမ်ရေ”ဆိုတာလည်း အခြားမဟုတ်-    

သားတော် အိစ်မာအီလ်အတွက် အလ္လာဟ်အရှင့်တန်ခိုးတော်နဲ့ ဖြစ်ပေါ်လာတဲ့ ရေတွင်းပင်ဖြစ်တယ်။

“တမန်တော်အိဗ်ရာဟီမ်ရဲ့ခြေရာတော်”ဟာအခြားမဟုတ်-

 အလ္လာဟ့်အိမ်တော်ဆောက်တည်သည့်အချိန်အုတ်နံရံ တိုးမြှင့်တဲ့အခါ အသုံးပြုခဲ့တဲ့ ကျောက်တုံးဖြစ်တယ်။

“သားကောင်များကို ကုရ်ဗာနီပြုခြင်း”ဆိုတာ အခြားမဟုတ် -  

                 “ခလီလွလ္လာဟ်”-အလ္လာဟ့်ချစ်မိတ်ဆွေ တမန်တော်ကြီး အိဗ်ရာဟီမ် အလ္လာဟ့်အမိန့်တော်အရ

                            သားတော် ကို ကုရ်ဗာနီပြုခဲ့တဲ့ သာသနာ့ထုံးကို  အမှတ်ရစိမ့်ငှာ သားကောင်များကို ကုရ်ဗာနီပြုခြင်းပင်ဖြစ်တယ်။

-

 

အမှန်ပြောရမယ်ဆိုလျှင် “ဟဂ်ျ”ပြုခြင်းဟာ ကမ္ဘာ့ အာဇာနည်များဖြစ်တဲ့ တမန်တော်ကြီး အိဗ်ရာဟီမ်၊ ကြင်ရာတော်ဟာဂျရဟ်နဲ့

သားတော် အိစ်မာအီလ်တို့ရဲ့ နောက်ကြောင်းရာဇ၀င်ကို လက်တွေ့ရုပ်လုံးဖော်ခြင်းပဲဖြစ်တယ်။

-

ဒါကြောင့် မွတ်စ်လင်မ်များဟာ အီဒုလ်အဒ်ွဟာပွဲတော် နေ့မှာ ထိုကမ္ဘာ့အာဇာနည်မိသားစုအား စံထားကာ

ထိုအာဇာနည်များကဲ့သို့ပင် မိမိတို့ရဲ့ တာဝန်အရပ်ရပ်ကို ဦးလည်မသုန် ထမ်းဆောင်ကြပါ။

တမန်တော်ကြီး အိဗ်ရာဟီမ်ကဲ့သို့ တာဝန်အရပ်ရပ်ကို ကျေပွန်စွာဆောင်ရွက်ပြီး

နာယကဂုဏ်ကို ဆွတ်ခူးကြပါဟု နိဂုံးချုပ်မေတ္တာရပ်ပါတယ်။

 

 

( ဃာဇီ မုဟမ္မဒ် ဟာရှင်မ် )

အတွင်းရေးမှူးချုပ်

ဗမာနိုင်ငံလုံးဆိုင်ရာ ဗမာမွတ်စ်လင်မ် အိုလမာအဖွဲ့ချုပ်

၁၉၅၄ခုနှစ် ၊ သြဂုတ်လ ၊ ( ၉ )ရက်