THE REPUBLIC OF THE UNION OF MYANMAR, ISLAMIC RELIGIOUS AFFAIRS COUNCIL ( HQ )

PDF File များ Download ပြုလုပ်နည်း Youtube Link

အီဒုလ်အဒ်ွဟာပွဲတော်နေ့ အသံလွှင့်ဟောပြောချက် (၂၆-၅-၁၉၅၉)

 
အစ္စလာမ်သာသနာမှာ ပွဲတော် (၂) ခုရှိပါတယ်။ ပထမ ပွဲတော်ကို အီဒုလ်ဖိသ်ရ်လို့ခေါ်တယ်။ ဒုတိယပွဲတော်ကို အီဒုလ် အဒ်ွဟာလို့ ခေါ်ပါတယ်။ 
နက်ဖြန်ကျင်းပမယ့်ပွဲတော်ဟာ အီဒုလ် အဒ်ွဟာပွဲတော်ပဲဖြစ်ပါတယ်။ အခုလို ပြည်ထောင်စုမြန်မာနိုင်ငံအစ္စလာမ်သာသနာရေးရာကောင်စီရဲ့ကိုယ်စား အသံလွှင့်ဟောပြောခွင့်ရရှိတဲ့အခါမှာ အီဒုလ်အဒ်ွဟာရဲ့နောက်ခံရာဇ၀င် ၊ အီဒုလ်အဒ်ွဟာ ပွဲတော် ကျင်းပပုံနဲ့ ဒီပွဲတော်နေ့မှာ တမန်တော်မြတ် မုဟမ္မဒ် (ဆွ)မိန့်ကြားခဲ့တဲ့ အချို့ သြ၀ါဒတော်များ အစီရင်ခံလိုပါတယ်။
 
သောတရှင်အပေါင်းတို့ခင်ဗျား . . .
 
ယခင်နှစ်ပေါင်း (၄၀၀၀) ကျော်က အီရတ်ပြည်တောင်ဘက်(Ur) ဥရ်မြို့မှာ တမန်တော်ကြီးတစ်ပါးပွင့်ခဲ့ဖူးပါတယ်။ အမည်က တမန်တော် အိဗ်ရာဟီးမ်   (အ)လို့ခေါ်ပါတယ်။ တမန်တော် အိဗ်ရာဟီးမ်(အ)မှာ ကြင်ရာတော်(၂)ပါးနဲ့ သားတော် (၂)ပါးရှိတယ်။ ကြင်ရာတော်(၂)ပါးမှာ စာရာသခင်မနဲ့ ဟာဂျရဟ် သခင်မတို့ဖြစ်ကြပါတယ်။ သားတော်(၂)ပါးမှာ တမန်တော်အိစ်မာအီလ်(အ)နဲ့ တမန်တော် အစ္စဟာက်(အ)တို့ဖြစ်ကြပါတယ်။ တမန်တော် အိဗ်ရာဟီးမ် (အ)ဟာ မြောက်များစွာသော တမန်တော်တို့ရဲ့မျိုးရိုးကလည်းဖြစ်တယ်။  
 
ဒီ တမန်တော်ကြီးကို -
 
♥      “ရဟူဒီ”ဘာသာဝင်များကလည်းကြည်ညို ကြတယ်။
 
♥       “ခရစ်ယာန်”ဘာသာဝင်များကလည်း ကြည်ညို ကြတယ်။
 
♥      “အစ္စလာမ်”ဘာသာဝင်များလည်း အထူးပဲကြည်ညိုမြတ်နိုးကြတယ်။
 
 
တမန်တော် “အိဗ်ရာဟီးမ်”(အ)ဟာ “ပါရမီ (၁၀) ပါး”နှင့် အထူး ပြည့်စုံပါတယ်။  အလ္လာဟ်အရှင်မြတ်ရဲ့ အမိန့်တော်များကို “အဓိဋ္ဌာန်ပါရမီရှင်”ပီပီ၊  ကြံ့ခိုင် တည်ကြည်၊ မသွေမဖည် လိုက်နာ ကျင့်သုံးလေ့ရှိပါတယ်။ အလ္လာဟ်အရှင်မြတ်ဟာ တမန်တော်ကြီးအား အမျိုးမျိုး စမ်းသပ်တော်မူခဲ့တယ်။  တမန်တော်ကြီးလည်း စမ်းသပ်မှုအရပ်ရပ်ကို စွမ်းစွမ်းတမံ ဆောင်ရွက်နိုင်ခဲ့တယ်။
 
ဥပမာ - တမန်တော် အိဗ်ရာဟီးမ်(အ)ဟာ အလ္လာဟ်အရှင်မြတ်အတွက်     -
 
(၁) မိမိအမျိုးသားများနဲ့ အဆက်ဖြတ်ခဲ့ရတယ်။
 
(၂) မီးပုံကြီးကိုလည်း တက်နင်းပြခဲ့တယ်။
 
(၃) တိုင်းပြည်ကိုလည်း စွန့် ပြခဲ့တယ်။
 
(၄) မင်းဆိုးတစ်ပါးက ကြင်ရာတော်စာရာအား  မတရားသိမ်းပိုက်ရန်ကြံစည်ခြင်းကိုလည်းခံခဲ့ရတယ်။
 
(၅) သားတော် အိစ်မာအီလ်(အ)နဲ့ ကြင်ရာတော်ဟာဂျရဟ်တို့ကိုလည်းလူသူမနီး၊လွင်တီးခေါင်သဲကန္တာရမှာအမိန့်တော်အရသွားစွန့်ပစ်ခဲ့ရတယ်။
(၆)   နောက်ဆုံး အသက်တမျှ ချစ်မ၀တဲ့ သားကိုလည်း အမိန့်တော်အရ ကုရ်ဗာနီပြုခဲ့တယ်။  
 
ဒီလိုတမန်တော် အိဗ်ရာဟီးမ်(အ)ဟာ အံ့ဖွယ်သရဲ အမိန့်တော်များကို ဦးလည်မသုန်နာခံ ကျင့်သုံးတဲ့အခါ အလ္လာဟ်အရှင်က တမန်တော်ကြီးအား 
“ကမ္ဘာ့နာယက”  ဆိုတဲ့ ဘွဲ့ထူးကြီးကိုချီးမြှင့်တော်မူခဲ့တယ်။ “အလ္လာဟ်အရှင်မြတ်၏အဆွေတော်” (The Friend of God)ဆိုတဲ့ ဘွဲ့ထူးကြီးကိုလည်း ချီးမြှင့်တော်မူခဲ့တယ်။ ဒီတင်မက တမန်တော်ကြီးရဲ့အတိတ်ရာဇ၀င်ကို ကမ္ဘာ တစ်သက် ထင်ရှားနေစေရန်အတွက်မက္ကာဟ်မြို့တော်တွင်အိမ်တော်ကို ပြန်လည် တည်ဆောက်စေပြီး ကမ္ဘာ့ မွတ်စ်လင်မ်လူထုကြီး တစ်ရပ်လုံးအား အိမ်တော်သို့ လာ ရောက် “ဟဂ်ျ ” ပြုရန်ဖိတ်ခေါ်စေတော်မူခဲ့တယ်။ 
 
 
သောတရှင်အပေါင်းတို့ခင်ဗျား . . .
 
 “ဟဂ်ျ ” ဟာ အစ္စလာမ်သာသနာရဲ့အမြစ်တရား(၅)ပါးတွင် တစ်ပါးအပါအ၀င်ဖြစ်ပါတယ်။ တတ်ကုံနိုင်တဲ့ မွတ်စ်လင်မ်များအပေါ်မှာ တစ်သက် တစ်ခါ  
“ဟဂ်ျ ”ပြုခြင်းဟာ “ဖရဒွ်” မလုပ်မနေရတာဝန်ကြီးတစ်ရပ်ဖြစ်ပါတယ်။  “ဟဂ်ျ ”ပြုခြင်းကို ငြင်းပယ်လျှင် အစ္စလာမ်သာသနာ့ဘောင် အပြင်သို့ ရောက်ရှိသွားပါတယ်။ ဒါကြောင့်မို့လို့လည်း နှစ်စဉ်နှင့်အမျှ ကမ္ဘာအရပ်ရပ်မှ တတ်ကုံနိုင်ကြတဲ့ မွတ်စ်လင်မ်တွေဟာ မက္ကာဟ်မြို့တော်ရှိ အလ္လာဟ် အရှင်မြတ်၏ အိမ်တော်သို့ သွားရောက်၍  “ဟဂ်ျ ”ပြုကြပါတယ်။ ကျန်မွတ်စ်လင်မ်တွေကတော့ မိမိတို့ရဲ့ မြို့၊ ရွာများမှာပဲ အီဒုလ်အဒ်ွဟာ ပွဲတော်ကို အသီးသီးကျင်းပကြပါတယ်။
 
 
သောတရှင်အပေါင်းတို့ခင်ဗျား ...
 
အခုလို အခွင့်သင့်တဲ့အခါမှာ  “ဟဂ်ျ ”ပြုပုံကို အနည်းငယ် အစီရင်ခံ ပါရစေ။ တတ်ကုံနိုင်ကြတဲ့ မွတ်စ်လင်မ်တွေဟာ နှစ်စဉ် နှင့်အမျှ ကမ္ဘာ အရပ်ရပ်မှ ကုန်းတတန်၊ ရေတတန်၊ လေတတန်နဲ့ အလ္လာဟ် အရှင်မြတ်ရဲ့ အိမ်တော်ရှိရာ မက္ကာဟ်မြို့တော်သို့ ဦးတည်ကာ ခရီးထွက် ကြတယ်။ 
 
“မီကာတ်” ခေါ် သတ်မှတ်ထား တဲ့ နယ်နိမိတ်သို့ ရောက်ကြတဲ့အခါ ရေမိုးချိုးပြီး “အိဟ်ရာမ်” ခေါ် ၀တ်ဖြူစင်ကြယ်ကို ၀တ်ရုံလိုက်ကြရတယ်။ 
အလ္လာဟ်အရှင်မြတ်အား ရှိခိုးဝတ်ပြုကြတယ်။
 
ပြီးတော့ အရဗီဘာသာစကားနဲ့-
 
လဗ်ဗိုင်က ၊ အလ္လာဟွမ္မ လဗ်ဗိုင်က် ။
 
လဗ်ဗိုင်က ၊ လာရှရီ ကလက ၊ လဗ်ဗိုင်က် ။
 
အင်န္နလ် ဟမ်းဒ ၊ ၀လ်နိအ်မသ လက ၊
 
ဝလ်မုလ်က ၊ လာရှရီ ကလက ။
 
လို့ ရွတ်ဖတ်ကြတယ်။ 
 
ဒီစာပိုဒ်ရဲ့ အဓိပ္ပာယ်ကတော့-
 
ကျွန်တော်မျိုး အသင့်ရောက်ရှိပါပြီ။
 
အို-အလ္လာဟ် အရှင်မြတ်၊
 
ကျွန်တော်မျိုးအသင့်ရောက်ရှိပါပြီ။
 
ကျွန်တော်မျိုးအသင့်ရောက်ရှိပါပြီ။ 
 
အရှင်မြတ်၌ပြိုင်ဘက်ယှဉ်ဘက်ဟူ၍ တစ်ဦးတစ်ယောက်မျှမရှိပါ။ 
 
ကျွန်တော်မျိုး အသင့်ရောက်ရှိပါပြီ။
 
ချီးမွမ်းထောမနာခြင်းအပေါင်းသည်လည်းကောင်း၊
 
ကျေးဇူးတော်အပေါင်းသည်လည်းကောင်း၊ 
 
တန်ခိုးတေဇော်အာနုဘော်အပေါင်းသည်လည်းကောင်း၊  
 
အရှင်မြတ်အဖို့သာဖြစ်ပါသည်။
 
အရှင်မြတ်၌ပြိုင်ဘက်ယှဉ်ဘက်ဟူ၍တစ်ဦးတစ်ယောက်မျှမရှိပါ။
 
ဟာဂျီများဟာ ဒီဂုဏ်တော်များကို  “ဟဂ်ျ ”အတွင်းမှာ အမြဲ ရွတ်ဖတ်နေကြရတယ်။ နောက်ပြီးတော့ အိမ်တော်ရှိရာသို့ ဆက်လက် ခရီးထွက်ကြတယ်။ 
 
အိမ်တော်သို့ရောက်တဲ့အခါ အိမ်တော်ကို လက်ယာရစ် (၇)ပတ် လှည့်ပတ်ဖူးမျှော်ကြတယ်။ 
 
“မကာမီအိဗ်ရာဟီးမ်” ခေါ်တဲ့ တမန်တော် အိဗ်ရာဟီးမ်(အ)ရဲ့ခြေတော်ရှိရာ နေရာမှာဆွလာသ်ဝတ်ပြုကြတယ်။ 
 
“ဇမ်ဇမ်”ရေကို အမြတ်တနိုးသောက်သုံးကြတယ်။ 
 
“ဆွဖာ”နဲ့“မရ်ဝါ” တောင်ပူစာ (၂) ခုကြားမှာ (၇)ပတ် အပြေးအလွှားသွားလာကြတယ်။ 
 
ပြီးနောက် ဇုလ်ဟိဂ်ျဂျဟ် (၈) ရက်နေ့မှာ ထောင်ပေါင်း များစွာသော ဟာဂျီများဟာ တညီတညွတ်တည်း တစ်စုတစ်ရုံးတည်း “မီနာ”သို့ သွားကြတယ်။
 
(၉)ရက်နေ့မှာ  “အရဖသ်” ကွင်း ပြင်ကြီးသို့ သွားရောက် စုရုံး ကြတယ်။ ဟဂ်ျပြုရာမှာ “အရဖသ်” ဟာ အဓိကအချက်ကြီး တစ်ရပ် ဖြစ်တယ်။ 
 
ကမ္ဘာ့အရပ်ရပ်မှ ရောက်ရှိလာကြတဲ့ မွတ်စ်လင်မ်တွေ ကျား-မ မရွေး၊ ကြီးငယ်မခြား၊ သမ္မ္မတ နှင့် သူတောင်းစား၊  သူဌေးနှင့်ဆင်းရဲသား၊ လူတန်းစား အားလုံးဟာ တစ်စိတ်တစ်လက်တည်း၊ တစ်သွေးတည်း၊ တစ်သံတည်း၊ တစ်ဆင်တည်း၊ တစ်သဘောတည်း၊ တစ်ညီတစ်ညွတ်တည်း တစ်ဆူတည်း ဖြစ်တော်မူသော အလ္လာဟ်အရှင်မြတ်ထံတော်မှာ မိမိအတွက်၊ သားချင်းများအတွက်၊မိတ်ဆွေသင်္ဂဟများအတွက်၊ ကမ္ဘာ့အိမ်ထောင်စုကြီးတစ်ခုလုံး အတွက် ဆုမွန်ကောင်းတောင်းဆိုကြတယ်။ 
 
နောက်ပြီး ဇုလ်ဟိဂ်ျဂျဟ်လ (၁၀) ရက်နေ့မှာ “အရဖသ်”မှ တစ်ဖန် “မီနာ”သို့ သွားလာ ကြတယ်။ “မီနာ”မှာ (၂)ရက်၊ (၃)ရက် တည်းခိုကြရတယ်။ 
ကုရ်ဗာနီ ပြုလုပ်ပြီးအလှူကြီးပြုကြရတယ်။ ခဲပေါက်ကြရတယ်။ ဆံသ ကြရတယ်။ အိဟ်ရာမ်ဝတ်ရုံကိုလဲကြရတယ်။ နောက် မက္ကာဟ်မြို့တော်သို့ ပြန်လာ ကြရတယ်။ အစ္စလာမ်တရားတော်နှင့်အညီ “ဟဂ်ျ”နှင့် ပတ်သက်ပြီး ကျင့်စဉ်ကျင့်ရပ်များကို တစ်ခု မကျန်လိုက်နာကျင့်သုံးကြရတယ်။ 
 
ဒါဟာ “ဟဂ်ျ”ရဲ့ အကျဉ်းသဘောပဲဖြစ်တယ်။ 
 
အမှန်အတိုင်း ပြောရမည်ဆိုလျှင် “ဟဂ်ျ”ဟာ တမန်တော်အိဗ်ရာဟီးမ်(အ)၊ ကြင်ရာတော် ဟာဂျရဟ်နဲ့ သားတော် အိစ်မာအီလ်(အ)တို့ရဲ့ အံ့မဆုံးတဲ့
ရာဇ၀င် နောက်ကြောင်းကို လက်တွေ့သရုပ်ဖော်ခြင်းပဲဖြစ်တယ်။ “အိမ်တော်”၊ “တမန်တော်အိဗ်ရာဟီးမ်(အ)ရဲ့ ခြေရာတော် ”၊“ဇမ်ဇမ်ရေ”၊ “ဆွဖာ- မရ်ဝါ တောင်ပူစာ”၊  “မီနာ”၊ “အရဖသ်” စတဲ့ “သာသနာ့ အထိမ်းအမှတ်” တွေဟာလည်း ထို “သာသနာ့ အာဇာနည်များ”နဲ့ပဲ ဆက်စပ်နေတယ်။
 
 
သောတရှင်အပေါင်းတို့ခင်ဗျား ...
 
“ဟဂ်ျ”အကြောင်း အစီရင်ခံရင်း “အရဖသ်”ကွင်းပြင်မှာ တမန်တော် မုဟမ္မဒ် (ဆွ) မိန့်မြွက်တော်မူခဲ့တဲ့ သြ၀ါဒတော်များကို ပြေးအမှတ်ရမိတယ်။  
အခွင့်သင့်တုန်း တမန်တော်မြတ်ရဲ့ သြ၀ါဒ အချို့ကို အစီရင်ခံပါရစေ။
 
 
သောတရှင်အပေါင်းတို့ခင်ဗျား ...
 
တမန်တော်မြတ်က မိမိရဲ့နောက်ဆုံး ဟဂ်ျမှာ  (၁၂၀၀၀၀) ခန့် ရှိတဲ့ သာဝကကြီးများအား လေးလေးနက်နက် မိန့် တော်မူခဲ့တာက -
 
 
အချင်းတို့ -
 
ကျွန်ုပ်ရဲ့တရားများကိုအထူးဂရုပြုပြီးနာကြ၊
 
ကျွန်ုပ်သည်နောင်နှစ် အသင်တို့နဲ့ ဒီလို တွေ့ဆုံနိုင်မည်၊ 
 
မတွေ့ဆုံနိုင်မည်ဆိုတာ အတတ်မပြောနိုင်ပါ။ 
 
ဒီနေ့ဟာ ဘာနေ့ဖြစ်တယ်ဆိုတာ အသင်တို့သိကြရဲ့လား။
 
ဒီနေ့ဟာ ယောင်မွန်နတ်ရ်ခေါ်“ကုရ်ဗာနီ”နေ့ဖြစ်တယ်။
 
ဒီလဟာ ဘာလဖြစ်တယ်ဆိုတာအသင်တို့သိကြရဲ့လား။
 
ဒီလဟာ ထူးမြတ်တဲ့ဟဂ်ျပြုရတဲ့ “ဇုလ်ဟိဂ်ျဂျဟ်”လဖြစ်တယ်။
 
ဒီမြို့ဟာ ဘာမြို့ဖြစ်တယ်ဆိုတာ အသင်တို့သိကြရဲ့လား။
 
ဒီမြို့ဟာအလွန်တရာမွန်မြတ်လှတဲ့“မက္ကဟ်”မြို့တော်ဖြစ်တယ်။
 
ဒီနေ့ ၊ ဒီလ၊ ဒီမြို့များ မြင့်မြတ်သလို-
 
အသင်တို့ရဲ့“အသက်”၊
 
အသင်တို့ရဲ့“စည်းစိမ်” ၊
 
အသင်တို့ရဲ့ “ဂုဏ်ဒြပ်”တွေဟာလဲမြင့်မြတ်တယ်။
 
ရိုသေလေးစားအပ်တယ်။
 
 
အချင်းတို့- 
 
မကြာမီလာလတ္တံ့သောနောင်တမလွန်ဘ၀မှာ
 
“အလ္လာဟ်”အရှင်မြတ်ရဲ့ရှေ့တော်မှောက်မှာ
 
အသင်တို့ဟာ မိမိတို့ပြုကျင့်ခဲ့ကြတဲ့
 
ကောင်းမှု၊မကောင်းမှုများနဲ့ ပတ်သက်ပြီး
 
စစ်ကြောမေးမြန်းခြင်းခံကြရလိမ့်မယ်။
 
 
အချင်းတို့-
 
ယနေ့ အမိုက်ခေတ်ရဲ့ မိုက်မဲမှု အရပ်ရပ်ကို ကျွန်ုပ်ချေမှုန်းလိုက်ပြီ။
 
အမိုက်ခေတ်ရဲ့ အတိုးအညွန့်စားသုံးမှု၊ အမြတ်ကြီးစားမှု၊
 
ခေါင်းပုံဖြတ်မှုများကို လျှော်လိုက်ပြီ။
 
အမိုက်ခေတ်ရဲ့လက်စားချေမှုများကိုလည်း သင်းပုန်းချေလိုက်ပြီ။ 
 
လုံးဝ လွတ်ငြိမ်းချမ်းသာခွင့်ပေးလိုက်ပြီ။ 
 
ဒါတွေကို ကျွန်ုပ်ဟာ မိမိ၏ သားချင်းများက စတင်ပြီး
 
အကောင်အထည်ဖော်လိုက်ပြီ။
 
 
အချင်းတို့-
 
မိမိတို့ရဲ့ ဇနီးများနဲ့ပတ်သက်ပြီး တာဝန်မပျက်မကွက်ကြလေနဲ့၊
 
အသင်တို့ရဲ့ အခွင့်အရေးများ၊ ဇနီးမိန်းမ များအပေါ်မှာရှိသလို 
 
သူတို့ရဲ့ အခွင့်အရေးတွေလည်း အသင်တို့ အပေါ်မှာရှိတယ်။ 
 
ဇနီးမိန်းမများဟာအသင်တို့ထံတရားတော်နှင့်အညီ
 
အပ်နှံထားတဲ့ “ရတနာ”များဖြစ်ကြတယ်။
 
 
အချင်းတို့-
 
ကျွန်ုပ်ကွယ်လွန်သေဆုံးပြီးနောက် အသင်တို့ လမ်းမမှားကြရန်အတွက် 
 
“ကုရ်အာန်”ကျမ်းမြတ်နဲ့ မိမိရဲ့ “စွန္နသ်”လမ်းစဉ်ကို 
 
အသင်တို့ထံ ကျွန်ုပ်ထားရှိခဲ့တယ်။
 
 
အချင်းတို့- 
 
အချင်းချင်း မသတ်ဖြတ်ကြနဲ့။
 
မိမိတို့ရဲ့ကြေးကျွန်၊ငယ်သား၊အလုပ်သမားများကို မညှဉ်းပန်းကြနဲ့။
 
မိမိတို့ စားသောက်သလိုသူတို့ကိုလည်းကျွေးမွေးကြ။
 
မိမိတို့ဆင်ယင်သလိုသူတို့ကိုလည်း ဆင်ယင်ပေးကြ။
 
အသင်တို့ဟာ ညီရင်းအစ်ကို၊ မောင်ရင်းနှမများဖြစ်ကြတယ်။
 
ကမ္ဘာ့အိမ်ထောင်စုကြီးရဲ့ မိသားစုကြီးဖြစ်တယ်။
 
တာဝန်တူ၊အခွင့်တူတွေဖြစ်ကြတယ်။
 
အသင်တို့ဟာ သူတစ်ပါးရဲ့ပစ္စည်းကို အခွင့်မရှိဘဲ မယူကြနဲ့။
 
အချင်းချင်းနှိပ်စက်ကလူမပြုကြနဲ့။
 
ကြီးနိုင်ငယ်ညှဉ်းမလုပ်ကြနဲ့။
 
 
အချင်းတို့-
 
အသင်တို့သည် မဟာကရုဏာတော်ရှင်ဖြစ်တော်မူသော 
 
“အလ္လာဟ်”အရှင်မြတ်အား ခယ ရိုကျိုး၊ ရှိခိုးကြ။
 
နေ့စဉ် (၅)ကြိမ် “ဆွလာသ်”၀တ်ပြုကြ။
 
ရမဒွါန်လမြတ်မှာ “ဆွီယာမ်”ဥပုသ်ဆောက်တည်ကြ။
 
“ဇကာသ်”ဆင်းရဲသားကြေးပေးလှူကြ။
 
မိမိတို့ရဲ့အာဏာပိုင်များရဲ့အမိန့်ကိုလည်း နာခံကြ။
 
 
အချင်းတို့-
 
အသင်တို့သည် လုပ်သားများအား 
 
တစ်နေ့လျှင် အကြိမ်ပေါင်း(၇၀)တိုင်တိုင် ခွင့်လွှတ်ကြ။
 
လုပ်သားအား ချွေးမခြောက်မီ လုပ်ခပေးကြ။
 
ခဲယဉ်းသောအလုပ်ဖြစ်လျှင် မိမိတို့ကိုယ်တိုင်ပါဝင်လုပ်ဆောင်ကြ။
 
 
အချင်းတို့-
     
အသင်တို့တစ်တွေ ဒီအတိုင်းလိုက်နာကျင့်သုံး ကြမယ်ဆိုရင် 
 
အသင်တို့ဟာ “ဂျန္နသ်”အမတသုခဘုံမှာ မုချဝင်ရောက် စံမြန်းကြရမယ်။
 
 
အချင်းတို့-
 
အသင်တို့ဟာ ဒီတရားတွေကို တစ်ဆင့်ဟောပြောကြလော့။
 
 
သောတရှင်အပေါင်းတို့ခင်ဗျား ...
 
ဒါဟာ ဟိဂ်ျဂျရီ သက္ကရာဇ် (၁၀)ခု၊ဇုလ်ဟိဂ်ျဂျဟ်လ(၁၀)ရက်၊ ခရစ်သက္ကရာဇ် (၆၃၂ )ခု၊မတ်လ (၈) ရက်နေ့တွင် အရဖသ်ကွင်းပြင်မှာ တမန်တော်မြတ် ဟောကြားတော်မူတဲ့ အချို့ သြ၀ါဒတော်တွေပဲ ဖြစ်ပါတယ်။
 
ကျွန်တော်တို့တစ်တွေဟာ တရားနာနေရုံနဲ့တော့ တာဝန်မကျေဘူး။ အလုပ်လည်းမပြီးဘူး။ လက်တွေ့လုပ်မှပြီးမှာပဲ ။
 
ကျွန်တော်တို့တစ်တွေဟာ -
 
► တမန်တော်မြတ်ရဲ့ လမ်းစဉ်ကို လေ့လာ ဆည်းပူးကြရမယ်။ 
 
► နှစ်နှစ်ကာကာယုံကြည်ကြရမယ်။
 
► လက်တွေ့ ကျင့်သုံးကြရမယ်။
 
► သူတစ်ပါး ကိုလည်း ဟောပြောဆွဲဆောင်ကြရ မယ်။
 
► တွေ့ ကြုံရမည့်ဆင်းရဲဒုက္ခ အ၀၀ကို အပြုံးနှင့်ရဲရဲရင်ဆိုင် ကြရမယ်။
 
ဘာပဲလုပ်လုပ် -
 
◙ သစ္စာရှိ ကြရမယ်။ တာဝန်သိကြရမယ်။ ခံနိုင်ရည်ရှိကြရမယ်။
 
◙ ကမ္ဘာ့အိမ်ထောင်စုသားများပီပီ အချင်းချင်း ထောက်ထား စာနာလေးစား ကြရမယ်။ 
 
◙ ခေါင်းပုံမဖြတ်ကြရဘူး။ အမြတ်ကြီး မစားကြရဘူး။
 
◙ လူတန်းစား မခွဲခြားကြရဘူး။ သွေးမကွဲကြရဘူး။
 
◙ အချင်းချင်း ခွင့်လွှတ်ကြရမယ်။  သင်ပုန်းချေကြရမယ်။
 
◙   အမျိုးဘာသာသာသနာအတွက် သက်စွန့်ကြိုးပမ်းဆောင်ရွက်ရမယ်။
 
◙ အရာရာမှာ တရားကြရမယ်။ 
 
ဒီလိုဆိုရင် ကျွန်တော်တို့တစ်တွေဟာ- 
 
လူဖြစ်ကျိုးနပ်မယ်။
 
ကိုယ်စိတ်နှစ်ဖြာ ကျန်းမာချမ်းသာကြမယ်။
 
ဒုက္ခအပေါင်းမှ လွတ်မြောက်ကြမယ်။
 
လိုရာပန်းတိုင်သို့ ရောက်ကြမယ်။ 
 
နှစ်ဘ၀လုံး ကောင်းစားကြမယ်။
 
 
☼     သတ္တိ၊ သစ္စာ၊ မေတ္တာ-သန့်စင်၊  အမြင်-ကျယ်ပြော၊ 
 
☼     သဘော-ကြီးမား၊ စိတ်ထား-စင်ဖြူ၊မွေးမည်ဟူ၍ 
                                  
☼     သူက အစ၊ ငါက မကျန်   ဤအဓိဋ္ဌာန်ကို  မြဲမြံ ခိုင်ခံ့ ပြုကုန်အံ့။
 
 
 
သူငါအများ စိတ်ကြည် ကိုယ်ချမ်း ရွှင်လန်း၍ နှစ်ဘ၀လုံး ကောင်းစားကြပါစေ။
 
 
( ဃာဇီ  မုဟမ္မဒ်  ဟာရှင်မ် )
 
ဥက္ကဋ္ဌ
 
ပြည်ထောင်စုမြန်မာနိုင်ငံတော်အစ္စလာမ်သာသနာရေးရာကောင်စီဌာနချုပ်
 
၁၉၅၉ခုနှစ်   ၊ မေလ ၊ (၂၆)  ရက် 
 
၁၉၆၃ခုနှစ်   ၊  မေလ ၊  (၅)  ရက်
 
၁၉၆၄ခုနှစ်   ၊  ဧပြီလ ၊ (၂၃) ရက်