THE REPUBLIC OF THE UNION OF MYANMAR, ISLAMIC RELIGIOUS AFFAIRS COUNCIL ( HQ )

PDF File များ Download ပြုလုပ်နည်း Youtube Link

တင်မောင်သန်း၏ “ထိုပုဂ္ဂိုလ်”

 

ထိုပုဂ္ဂိုလ်

လွန်ခဲ့သောနှစ်ပေါင်း(၁၅၀၀)ခန့်က ဖြစ်ပေသည်။

လူ့ကမ္ဘာသည် ယခုအခါကဲ့သို့ တိုးတက်မှု၊ စည်ပင်မှု၊ ယဉ်ကျေးမှုများမြင့်မားခြင်းများမရှိရကား

လူ့ဂုဏ်သိက္ခာသည်ပင် မပီပြင်ဝိုးတ၀ါး၊ မှောင်အတိကျ နေစဉ်ဖြစ်၏။

အထူးသဖြင့် ကမ္ဘာ့အရှေ့အလယ်ပိုင်းဒေသ အရေးဗီးယားတွင်သာပိုဆိုးကာ

 လူမျိုးရေးခွဲခြားမှု၊လူတန်းစားခွဲခြားမှု၊ ကျားမလိင်ခွဲခြားမှု၊ ကြီးနိုင်ငယ်ညှဉ်းပြုမူမှု၊

ကိုယ်ကျင့် တရားပျက်ပြားမှု စသည့် အဓမ္မ၀ါဒများ ထွန်းကားနေပေသည်။

ထိုစဉ် အရေးဗီးယားဒေသတွင် ပုဂ္ဂိုလ်တစ်ဦး ပေါ်ထွန်းလာ၏။

-

ထိုပုဂ္ဂိုလ်သည်အမိဝမ်းတွင်း၌ရှိစဉ်ပင် သူ၏ဖခင် ကွယ်လွန်ခဲ့၏။ 

(၅)နှစ်သားအရွယ်တွင် မိခင် ကွယ်လွန်ခဲ့လေ၏။

(၁၀)နှစ်သား အရွယ်တွင် အုပ်ထိန်းသူဖြစ်သော အဘိုးကွယ်လွန်ခဲ့ပြန်၏။

ငယ်စဉ် ဘ၀တွင် သိုးဆိတ်ကျောင်းခဲ့ရ၏။

အရွယ်ရောက်သောအခါ ကူးသန်းရောင်းဝယ်ခဲ့၏။

စာပေ ရေးဖတ် သင်ကြားခဲ့ရခြင်းလည်း မရှိချေ။

-

ထိုပုဂ္ဂိုလ်၏ ၀န်းကျင်သည် ရိုင်းစိုင်းကြမ်းတမ်းလင့်ကစား

ထိုပုဂ္ဂိုလ်သည် နူးညံ့လှ၏။ သိမ်မွေ့လှ၏။ ယဉ်ကျေးလှ၏။

ထိုပုဂ္ဂိုလ်သည် မုသားစကား မည်သည့်အခါမျှမဆို၊ ကတိတည်၏။ သစ္စာရှိ၏။

ကိုယ်ကျင့်တရားမြင့်မြတ်လှ၏။

ထို့အတွက် အများက ထိုပုဂ္ဂိုလ်ကို ခင်မင်ကြ၏။ လေးစားကြ၏။ ယုံကြည်ကိုးစားကြ၏။

မိမိတို့၏ အဖိုးတန် ဥစ္စာပစ္စည်းများကိုပင်  ယုံမှတ်အပ်နှံကြ၏။     

ထိုပုဂ္ဂိုလ်သည် မတရားမှုကို စက်ဆုတ်ရွံရှာ၏။

ဒုက္ခရောက်နေသူများကို ကူညီပံ့ပိုး၏။

ထိုပုဂ္ဂိုလ်သည် မည်သူ့ကိုမျှ ဒုက္ခမပေး၊ သူများအတွက် သူသာ ဒုက္ခခံ၏။

ထိုပုဂ္ဂိုလ်သည် ထာဝရ ဘုရားသခင်မှအပ မည်သည့်အရာကိုမျှ ခ၀ပ် ကိုးကွယ်ခြင်း မပြုပေ။

-

ထိုပုဂ္ဂိုလ် အသက်(၄၀)အရွယ်တွင် မိမိဝန်းကျင်ရှိ အဓမ္မမှုများကို စက်ဆုတ်ရွံရှာကာ

လူသူကင်းဝေးရာ လှိုဏ်ဂူတစ်ခုတွင် တစ်ကိုယ်တည်း ဆိတ်ငြိမ်စွာနေလေ၏။

အာဟာရဖြတ်တောက်၍ စိတ်နှလုံး ဖြူစင်အောင်ကျင့်၏။

မိမိဝန်းကျင်ရှိ အဓမ္မအမှောင်များကို  ခွင်း၍ တရားအလင်းဆောင်နိုင်ရန် တရား အလင်းရောင်ခြည်ကို ရှာခဲ့၏။

ထိုသို့ တရား အလင်းရောင်ခြည်ကို အာရုံပြုစဉ် တရားချီးမြှင့်ခြင်းခံခဲ့ရ၏။

ထို့နောက် ထိုပုဂ္ဂိုလ်သည် လူသားများထံ ပြန်လာပြီး အောက်ပါတရားတော်များကို ဟောကြားပို့ချခဲ့၏။

-

-   စကြ၀ဠာလောကခပ်သိမ်းတို့အားဖန်ဆင်းပြုစုပျိုးထောင်တော်မူသောအရှင်တစ်ပါးတည်းသာရှိကြောင်း၊

-   ထိုအရှင်အားသာလျှင် ခ၀ပ်ကိုးကွယ်ကြရန်နှင့် ထိုအရှင်မှအပ အခြား မည်သည့်အရာကိုမျှ ခ၀ပ် ကိုးကွယ်ခြင်း မပြုရန်။

-   လူသားအားလုံးသည် တစ်မိတစ်ဖတည်းမှ ပေါက်ဖွားလာကြောင်း၊ ထို့ကြောင့် လူသားအားလုံးသည် အခွင့်တူ၊တန်းတူဖြစ်ကြောင်းနှင့်

-    လူသားများအနက်သာပိုမြင့်မြတ်မှုသည်အသားအရောင်၊ အမျိုးအနွယ်၊ ဥစ္စာဓန၊လိင်ကွဲပြားမှုတို့နှင့်သက်ဆိုင်ခြင်းမရှိဘဲ

     ဖန်ဆင်းရှင်အားခယရိုကျိုး၍ ကိုယ်ကျင့်တရားမြင့်မြတ်ခြင်း အပေါ်တွင်သာမူတည်ကြောင်း၊

-    သူတစ်ပါးပစ္စည်းအား မတရားစားသုံးခြင်း၊ သူတစ်ပါး၏ အသက်အားအကြောင်းမဲ့ သတ်ဖြတ်ခြင်း၊ 

     သူတစ်ပါးသားမယားအား ကျူးလွန်စော်ကားခြင်း၊ လောင်းကစားခြင်း၊ ငွေတိုးစားခြင်း စသည့် မကောင်းမှုများကို ရှောင်ကြဉ်ရန်။

-     မိဘနှစ်ပါးတို့နှင့်လည်းကောင်း၊ ဆွေမျိုးများနှင့်လည်းကောင်း၊ မိဘမဲ့များနှင့်လည်းကောင်း၊

     သူဆင်းရဲများနှင့် လည်းကောင်း၊ မိမိဝန်းကျင်ရှိ ဘာသာတူ ဘာသာကွဲ၊ လူသားအားလုံးနှင့်လည်းကောင်း၊

     မိတ်ဆွေ သင်္ဂဟများနှင့်လည်းကောင်း၊ လက်အောက်ငယ်သားများနှင့်လည်းကောင်း၊ ကောင်းမွန်စွာဆက်ဆံရန်၊

     အလှူဒါနပြုကြရန်၊ သမာအာဇီဝကောင်းသော အသက်မွေးဝမ်းကျောင်းမှုပြုကြရန်စသည့် ကောင်းမှုများကို ပြုကျင့်ကြရန်။

-    လူသားအားလုံးတစ်နေ့တွင် ကွယ်လွန်သေဆုံးကြရမည်ဖြစ်ပြီး၊ပြန်လည်ရှင်ပြန်ထရမည့်နေ့တော်ကြီးတွင် အစစ်ဆေးခံကြရမည်၊

     ၄င်းနောက် မိမိတို့ ပြုမူဆောင်ရွက်ခဲ့ကြသည့်အတိုင်း ကောင်းကျိုး၊ဆိုးကျိုးများကို စံစား၊ ခံစားကြရမည်ဖြစ်ကြောင်း။

-

ထိုပုဂ္ဂိုလ်၏ အထက်ပါဟောပြောချက်များကို အနည်းငယ် မဆိုစလောက်သော ပုဂ္ဂိုလ်အချို့တို့မှလွဲ၍ အားလုံးက ဆန့်ကျင်ခဲ့ကြ၏။

အထက်ပါတရားများကို ဟောကြားသည့်အတွက် ထိုပုဂ္ဂိုလ်အား ရန်သူ သဖွယ်သက်မှတ်ခဲ့ကြ၏။

ထိုပုဂ္ဂိုလ်နှင့် သူ၏ နောက်လိုက် လူနည်းစုကလေးကို လူများစုကြီးက ၀ိုင်းပယ်ခဲ့၏။ နှိပ်စက်ခဲ့၏။

လူမဆန်အောင်ညှဉ်းပမ်းခဲ့ကြ၏။အိုးအိမ်စည်းစိမ်များကို သိမ်းယူရုံမျှမကအသက်ကိုပင်ရန်ရှာခဲ့၏။

ထိုပုဂ္ဂိုလ်သည် ထိုသို့ ဖိနှိပ်ညှင်းပမ်းမှုများကို  ကြံ့ကြံ့ခံခဲ့ရုံမျှမက

“ဟောပြောခြင်းကို ရပ်စဲပါက စည်းစိမ်ဥစ္စာသာမက အုပ်ချုပ်မှုအာဏာပါအပ်နှင်းမည်”ဟု

ကမ်းလှမ်းခြင်းခံရပါသော်ငြားလည်း အမှန်တရားမှ ဆံချည်တစ်မျှင်မျှ မယိမ်းယိုင်ခဲ့ပေ။

ထို့အတွက် ထိုပုဂ္ဂိုလ်နှင့် သူ၏နောက်လိုက်တစ်စုအား တိုး၍ တိုး၍သာ ဖိနှိပ်ညှင်းပမ်းခဲ့ကြလေသည်။

ထိုပုဂ္ဂိုလ်သည် (၁၃)နှစ်တိုင် တရားပြပြီးနောက် ထိုမြို့တွင် မည်သို့မျှ ဆက်လက် နေထိုင်ရန် မဖြစ်သည့်အဆုံး

နောက်လိုက်တစ်စုနှင့်အတူ မွေးရပ် မြေကို စွန့်ခွာ၍ အခြားအရပ်တစ်ပါးသို့ ပြောင်းရွေ့ခဲ့ရပေသည်။

-

အခြားအရပ်တစ်ပါးသို့ ပြောင်းရွှေ့ရာတွင်လည်း နောက်မှ ထပ်ချပ်မကွာ လိုက်လံဒုက္ခပေးခဲ့ကြရုံမျှမက

အပြီးတိုင် သုတ်သင် ရှင်းလင်းရန် အင်အားကြီးမားသော စစ်တပ်ကြီးများ စေလွှတ် ချေမှုန်းလာသဖြင့်

ထိုပုဂ္ဂိုလ်နှင့် ၄င်း၏နောက်လိုက်တို့သည် မလွှဲမရှောင်သာ လက်နက်ဆွဲကိုင်ခုခံခဲ့ရ၏။     

ထိုသို့ မိမိထက် အင်အား အဆမတန် ကြီးမားသူများအား ရင်ဆိုင်ခုခံရာတွင်ပင်

ထိုပုဂ္ဂိုလ်သည် တရားမျှတမှုကို လက်မလွတ်ခဲ့ပေ။

သက်ကြီးရွယ်အိုများ၊ အမျိုးသမီးများနှင့် ကလေးများကို သတ်ဖြတ် ညှင်းဆဲခြင်း မပြုရန်၊

အပြစ်မဲ့ ပြည်သူများကို အနိုင့်အထက်မပြုရန်၊ သီးပွင့်နေသော အပင်များကို ဖျက်ဆီးခြင်း မပြုရန်၊

ခြံ၊ မြေ၊ ဥယျာဉ်၊ လယ်ယာများကို မီးရှို့ဖျက်ဆီးခြင်းမပြုရန်နှင့် ဖမ်းမိလာသော သုံ့ပမ်းများအား

ကောင်းမွန်စွာ ဆက်ဆံရန်၊ မိမိ၏ နောက်လိုက်များကို အမိန့် ထုတ်ပြန်ခဲ့၏။

 -

အဆုံးတွင် ထိုပုဂ္ဂိုလ်နှင့် ၄င်း၏နောက်လိုက်များသည် ၄င်းတို့ စွန့်ခွာခဲ့ရသည့် မွေးရပ်မြေကိုပင်

အောင်မြင်စွာ သိမ်းပိုက်နိုင်ခဲ့၏။

ထိုပုဂ္ဂိုလ်သည် ထိုသို့ အောင်မြင်မှုများ ရလာပြန်ရာတွင်လည်း သူမတူအောင် ခွင့်လွှတ်နိုင်ခဲ့၏။

၎င်းအား ဒုက္ခပေးခဲ့သူများ အားလုံးကို လွတ်ငြိမ်းချမ်းသာခွင့်ပြုခဲ့၏။

ထိုပုဂ္ဂိုလ် လွတ်ငြိမ်း ချမ်းသာခွင့်ပြုခြင်းခံရသူများသည် တစ်ချိန်က ထိုပုဂ္ဂိုလ်နှင့် ၄င်း၏ နောက်လိုက်များကို

ကြောက်ဖွယ်လိလိ ဒုက္ခပေးခဲ့ကြ၏။ ဆဲဆို ကြိမ်းမောင်းခဲ့ကြ၏။ ခဲများဖြင့် ပစ်ပေါက်ခဲ့ကြ၏။

သဲပူပေါ်တွင် နေပူ လှန်းခဲ့ကြ၏။ မီးလောင်တိုက်သွင်းခဲ့ကြ၏။ သတ်ဖြတ်ခဲ့ကြ၏။

ထိုပုဂ္ဂိုလ်၏ ဦးရီးတော်ကို အဆုံးစီရင်ခဲ့ကြရုံမျှမက ရင်ခွဲ၍ အသည်းကိုပင် စားခဲ့ကြ၏။

သမီးတော်၏ ကိုယ်ဝန်ကို ဖျက်ဆီးခဲ့ကြ၏။ ဥစ္စာပစ္စည်းများကို သိမ်းယူခဲ့ကြ၏။ နေအိမ်များမှ နှင်ထုတ်ခဲ့ကြ၏။

ထိုမျှဆိုးရွားခဲ့သူများကို ထိုပုဂ္ဂိုလ်သည် ခွင့်လွှတ်ရုံမျှမက ၄င်းတို့ မတရား သိမ်းပိုက်ထားသော အိမ်များမှ

ပြန်လည် နှင်ထုတ်ခြင်း မပြုရန်ပင် အမိန့်ထုတ်ပြန်ခဲ့၏။

ထိုသူများအတွက် ဆုမွန်ကောင်းများပင် တောင်းပေးခဲ့ရှာသေး၏။

-

ထိုပုဂ္ဂိုလ်စွမ်းဆောင်ခဲ့သော ( ၂၃ )နှစ်တာကာလကို သုံးသပ်ပါက

ထိုပုဂ္ဂိုလ်သည်  “စံပြုအပ်သော တရားသူကြီး”၊

“ပြိုင်ဘက်ကင်းသောစစ်ဦးစီး”၊

“ယဉ်ကျေးမှုနှင့်ကိုယ်ကျင့်တရားများ ပြုပြင်ပေးသော အာစရိယဆရာကြီး”၊

“ကျွမ်းကျင်လိမ္မာသော နိုင်ငံရေးပါရဂူကြီး”တစ်ဦးသဖွယ် တွေ့မြင်ရမည်ဖြစ်ပေသည်။   

ထိုပုဂ္ဂိုလ်သည် ထိုမျှကြီးလေးများပြားသော တာဝန်များကို ထမ်းဆောင်နေရပါလျက်

နေ့ညမပြတ် ထာဝရဘုရားသခင်အား ဆည်းကပ်ကိုးကွယ်နေခဲ့၏။

မိမိ အိမ်သူအိမ်သားများ၏ တာဝန်ကိုလည်း ကျေပွန်စွာ ဆောင်ရွက်ခဲ့၏။

နွမ်းပါးနိမ့်ပါးသူများကိုလည်း ကူညီစောင့်ရှောက်ခဲ့၏။

 ကြီးမားကျယ်ပြန့်လှသော တိုင်း နိုင်ငံဒေသကြီးကိုလည်း စနစ်တကျ ထူထောင်၍

တရားမျှတစွာ စီမံ အုပ်ချုပ်ခဲ့၏။

ထိုသို့ တိုင်းပြည်ကို စီမံအုပ်ချုပ်သူတစ်ဦးဖြစ်လင့်ကစား

ထိုပုဂ္ဂိုလ်သည် သာမန်ပြည်သူတစ်ဦးကဲ့သို့ပင် နေထိုင်ခဲ့၏။

ဖျာကြမ်း ပေါ်တွင် အိပ်ခဲ့၏။ ဖျင်ကြမ်းကိုပင် ၀တ်ဆင်ခဲ့၏။

 ဆင်းရဲသားများ စားသောက်သော သာမန် ဟင်း၊ ထမင်းကိုပင် စားသုံးခဲ့၏။

မကြာခဏ အငတ်ပြဿနာနှင့်ပင် ရင်ဆိုင်ခဲ့ရရှာသေး၏။

-

အထက်ပါအတိုင်း သူမတူအောင် အရည်အချင်းများနှင့် ပြည့်စုံသူ ထိုပုဂ္ဂိုလ်သည်

ထိုအရည်အချင်း၊ အစွမ်းသတ္တိ၊ စွမ်းဆောင်နိုင်မှုများကို အကြောင်းပြု၍ 

“ကျွန်ုပ်သာလျှင် အကြီးကျယ်ဆုံး”၊ “ကျွန်ုပ်သာလျှင် အစွမ်းဆောင်နိုင်ဆုံး”ဟု မည်သည့်အခါမျှမဆိုခဲ့ပေ။

အခါမလပ် “ထာဝရဘုရားသခင်သာလျှင် အကြီးကျယ်ဆုံး”၊ 

“ထာဝရဘုရားသခင်သာလျှင် အစွမ်းဆောင်နိုင်ဆုံး” ဟု ထုတ်ဖော်မြွက်ကြားလေသည်။

ဤသည်သာမက ထိုပုဂ္ဂိုလ်က

 “ကျွန်ုပ်သည် လူသားတစ်ဦးသာဖြစ်ကြောင်း၊ ဖန်ဆင်းရှင်ထံမှ ဗျာဒိတ်ရသူ အစေတော်တစ်ဦးသာ ဖြစ်ကြောင်း”ကို

ထာဝရဘုရား သခင်အား ကျိုးနွံစွာ ထုတ်ဖော် ကြေညာခဲ့ပေသည်။

-

ထိုသို့စွမ်းဆောင်နိုင်ခဲ့ပြီး ထိုမျှကျိုးနွံနိုင်သူသည် မည်သူပေနည်း။

-

ထိုပုဂ္ဂိုလ်သည်ကား

စကြ၀ဠာလောကခပ်သိမ်းတို့ကို ဖန်ဆင်းပြုစုပျိုးထောင်တော်မူသော

မဟာ ကရုဏာတော်ရှင်ထာဝရဘုရားသခင်ထံတော်မှ

စကြ၀ဠာလောကခပ်သိမ်းအတွက်

“မဟာကရုဏာတော်”အဖြစ် စေလွှတ်တော်ခြင်းခံရတော်မူသော

တမန်တော်မြတ် မုဟမ္မဒ် (AD571-632) ပင်ဖြစ်ပါသည်။

(အလ္လာဟ်အရှင်မြတ်ထံတော်မှ ငြိမ်းချမ်းသာယာမှုအဖြာဖြာ တမန်တော်မြတ်အပေါ်ကျရောက်စေတော်မူပါ)

-

တင်ပြသူ - အလ်ဟာဂ်ျ တင်မောင်သန်း

-

ဝန်ခံချက်-သီရိပျံချီ အလ်ဟာဂ်ျ မုဖ္ဖစီရုလ်ကုရ်အာန် အလ္လာမဟ် ဃာဇီ မုဟမ္မဒ် ဟာရှင်မ် ပြန်ဆိုရေးသားခဲ့သော  

ကုရ်အာန်အလင်းပြကျမ်း၊ တမန်တော်မြတ်၊ အစ္စလာမ့်ကြေးမုံတို့မှကောက်နုတ်မှီငြမ်းရေးသားထားခြင်းဖြစ်သည်။

-

- (၁၄၈၅-တမန်တော်နေ့အထိမ်းအမှတ်မဂ္ဂဇင်းမှ)