THE REPUBLIC OF THE UNION OF MYANMAR, ISLAMIC RELIGIOUS AFFAIRS COUNCIL ( HQ )

PDF File များ Download ပြုလုပ်နည်း Youtube Link

ဒေါက်တာ အိက်ဗားလ်နေ့ အထိမ်းအမှတ် (21-4-1951)မြန်မာ့အသံရေဒီယိုမှလွှင့်ထုတ်ခဲ့သော ဆရာကြီးဃာဇီ၏မိန့်ခွန်း

 

 

ဒေါက်တာအိက်ဗားလ်နေ့အထိမ်းအမှတ် ဆရာကြီးဃာဇီ၏မိန့်ခွန်း(၂၁-၄-၁၉၅၁)  

 

ကျေးရွာဇနပုဒ်မှအစ ကမ္ဘာတစ်ဝန်းလုံးကို ပြန်လည် ပြုစု ပျိုးထောင်ရာ၌“စာပေပညာ”သည် အရေးပါအရာရောက် ဆုံးသောအချက်ကြီး တစ်ချက်ဖြစ်ခဲ့သည်မှာ ကမ္ဘာ့ရာဇ၀င်သမိုင်းတွင် အလွန်ထင်ရှားခဲ့ပေသည်။

ထို့ကြောင့် ယနေ့ ကမ္ဘာ့ဇာတ်ခုံပေါ်တွင် တိုး တက်လျက်ရှိသော နိုင်ငံအသီးသီးတို့သည် မိမိတို့၏စာပေများကို နည်းပရိယာယ် အမျိုးမျိုး တို့ဖြင့် အပတ်တကုတ်ကြိုးစားအားထုတ်၍ ဖြန့်ချိနေကြသည်။ စာပေတစ်ခု၏ စာဖူးစာညွန့်သည် ပျို့၊ ကဗျာ၊ လင်္ကာ၊ မော်ကွန်း၊ ဧချင်း၊ ရတု၊ ရကန် အစရှိသည်တို့ပင်ဖြစ်ချေသည်။ ထို့ကြောင့် စာပေ လောကတွင် အချို့ပါရဂူများသည် မိမိတို့ ထုတ်ဖော် ပြောပြလိုသော စကားရပ်များကို ကဗျာ၊ လင်္ကာများစီကုံးရေးသားကြသည်။ ယင်းသို့ဖွဲ့ နွဲ့  စီကုံးရေးသားထားသော ပျို့၊ ကဗျာ၊ လင်္ကာများကို (ဒီဂရဿဂရုလဟု ဆိုအပ်သော) သံရှည်၊ သံတို၊ သံမှန်၊ သံပြင်း၊ သံဖြတ်၊ သံထောက်စသော သံသာမျိုးစုံတို့ဖြင့် ဖတ်ရွတ်ပြန်သည်ရှိသော် ကြားနာရသူတို့မှာ အနက် အဓိပ္ပာယ် လေးနက်သည်သာမက ကြားရသောအသံသည်ပင်လျှင် မနောကို  ထိတွေ့စေသည်။ 


       မနောကို ထိတွေ့အောင်ပြုလုပ်နိုင်သော စွမ်း အားသည် ယခု ခေတ် အကြီးဆုံးလက်နက်ဖြစ်သော  (Attomic)အနုမြူအင်အားထက် အဆပေါင်း ထောင်သောင်းမက အသာကြီး သာ၍ ကမ္ဘာတွင်အကြီးမားဆုံး စွမ်းအားကြီးတစ်ရပ်ဖြစ်သည်ဟုပင်ဆိုရပေမည်။

-

“အသင်သည်လူတစ်ဖက်သား၏စိတ်ဓာတ်ကိုမိမိလက်ဝယ် အရဆွဲဆောင်ပါ။  

ဤသို့ဆွဲဆောင်နိုင်ခြင်းသည် အကြီးဆုံး ဟဂ်ျဖြစ်သည်။

စိတ်တစ်ခုသည်အရှင့်အိမ်တော်ပေါင်း ထောင်သောင်းမကထက် သာပေသည်”  

-  

ကမ္ဘာ့စာပေသမိုင်းကို ပြန်လည်သုံးသပ်ကြည့်လျှင် ရှေးနှစ်ပေါင်း (၂၃၀၀) ကျော်ကျော်က ခေါမ တိုင်းပြည်တွင် ထင်ရှား ကျော်ကြားသော “ပလေတို”(Palato)ပေါ်ပေါက်ခဲ့သည်။ ထို့နောက် “ဇောရို အက်စ်တား” (Zeroaster)၊“နတ်ရှား”(Niezche)၊ “ရူမီ”(Rumi)၊ ရာဘင်ဒြာနတ် တဂိုး;(Rabindranath Tagore) အစရှိသည့် ကဗျာပါရဂူများလည်း ခေတ်တိုင်းလိုလိုမှာပင် ပေါ်ပေါက်ခဲ့သည်။ နောက်ဆုံး ကမ္ဘာ့အရှေ့ပိုင်းတွင် ဂုဏ်ယူလောက်တဲ့ ဒေါက် တာ အိက်ဗားလ် Allama Sir Dr. Muhammad Iqbal

(November 9, 1877 – April 21, 1938)ပေါ်ပေါက်လာခဲ့ပါသည်။  ယနေ့သည် အိက်ဗားလ်၏အထိမ်းအမှတ်နေ့ပင်ဖြစ်သည်။ ဒါကြောင့် ဗမာ့ လူထုကြီးအား ဒေါက်တာ အိက်ဗားလ်နှင့်အထူးမိတ်ဆက်ပေးလိုပါတယ်။ ဒေါက်တာ အိက်ဗားလ်သည် လူထုကြီး တစ်ရပ်လုံးအား လူ၏ ဘ၀  အစစ်အမှန် လူ၏အစွမ်းသတ္တိနှင့် လူ၏အဆင့်အတန်းကို ကွင်း ကွင်း ကွက် ကွက် တင်ပြခဲ့သည်။ ဒေါက်တာ အိက်ဗားလ်သည် တွေဝေနေသောလူထုကြီး တစ်ရပ်လုံးအား မျှတသော ဆန္ဒ၊  တည်ကြည်သော သဘောထား နှင့် တိကျ သော လမ်းစဉ်များကို   ခင်းပေးခဲ့သည်။ ဒေါက်တာအိက်ဗားလ်သည် မိစ္ဆာဝါဒ ရှုပ်ထွေး ရစ်ပါတ် အ၀ိဇ္ဇာ ကပ်နေသော လူတစ်စု၏ ညစ်ပတ်မှုကြောင့် စာနာခြင်း တရား လုံးဝ ကွယ်ပျောက်ပြီး မတရား ဖိနှိပ်ချုပ်ချယ်ခြင်းခံနေရသော ပိပြားနေသည့် နင်းပြားများကို မြှင့်တင်ပေးခဲ့သည်။ ဒေါက်တာ အိက်ဗားလ်သည် လူမျိုးခွဲခြားရေး စိတ်ဓာတ်၊ လူတန်းစား ခွဲခြားရေး စိတ်ဓာတ်၊ အသားအရောင် ခွဲခြားရေးစိတ်ဓာတ်များကို တွန်းလှန်ဖြိုဖျက်ပြီး သာတူညီမျှဆက်ဆံမှုနှင့် ကမ္ဘာ့ အိမ် ထောင် စုကြီးတွင် နေထိုင်ကြသော လူတိုင်း လူတိုင်းအား ကမ္ဘာ့ အိမ်ထောင်သားပီပီ စာရိတ္တ ၀ါရိတ္တနှင့်အညီ နေထိုင်ပေါင်းသင်း ဆက်ဆံသွားလာနိုင်ရေးကို အမြဲတစေ ထောက်ခံ အားပေးခဲ့သည်။ ဒေါက်တာအိက်ဗားလ်သည် အစ္စလာမ်ဝါဒကို မိမိကိုယ်တိုင် လက်ခံပြီး  အစ္စလာမ်၏ မျှတ တိကျ နက်နဲ လှသော အချက်အလက်များ ကို အုရ်ဒူ၊ အရဗီ၊ ဖာရစီအစရှိသော ဘာသာစာပေများဖြင့် ဖြန့်ချိခဲ့သည်။

 

နားသောတဆင်သူအပေါင်းတို့ခင်ဗျား-     

အခုဒေါက်တာ အိက်ဗားလ် စီရင် ရေးသားခဲ့သော လင်္ကာ၊ ကဗျာ များ အနက် ယခုခေတ်နှင့် လျော်ညီသော အချို့အပိုဒ်များကို မူရင်းအတိုင်း အနည်းငယ်အစီရင်ခံပါရစေ။

-

“အကျိုးသက်ရောက်သည်ဖြစ်စေ၊အကျိုးမသက်ရောက်သည် ဖြစ်စေ၊

ကျွန်ုပ်၏မေတ္တာရပ်ခံချက်ကလေးကိုတော့နားဆင် တော်မူကြပါဦး။

ကျွန်ုပ်သည်လွတ်လပ်သောအာဇာနည်ပီပီ ချီးကျူးခြင်းကိုတော့ လုံးဝ မလိုလား မတောင့်တပါ”  

-

ဒေါက်တာ အိက်ဗားလ်သည် လူထု၏အမြင်ကို ဤသို့ မြှင့်တင်ပေးခဲ့သည်။  

-

“နက္ခတ်တာရာများ အထက်တွင် များစွာသော ကမ္ဘာများရှိပေသေးသည်။

အခုအချစ်၏ဇာတ်လမ်းတွင် စမ်းသပ်ရမည့် စခန်းလည်းများစွာကျန်ရှိသေးသည်”    

-

“ဤလဟာပြင်များသည်ဘာမျှ သတ္တ၀ါမရှိသည့်နတ္ထိမဟုတ်။

ဤကမ္ဘာ့လဟာပြင်များတွင်ထောင်သောင်းမကသောသတ္တ၀ါ များနေထိုင်ကြသည်”    

-

“မျက်ဝါးထင်ထင်တွေ့မြင်နေရတဲ့သာယာသောဤကမ္ဘာနှင့်ပင် တင်းတိမ်ရောင့်ရဲပြီးမနေလေကြကုန်နှင့်။

သင်တို့အတွက် နောက်ထပ်သာယာဝပြောသည့်ကမ္ဘာအများအပြားရှိသေးသည်”

-  

“အဆောက်အဦ”တစ်ခု ပျက်စီးသွားလျှင် ဘာပူစရာလဲ၊ 

ပျော်ပိုက်စရာ“နောက်နေရာ”တွေအများကြီးရှိပါသေးတယ်။    

-

“အသင်တို့သည်စွမ်းရည်သတ္တိနှင့်ပြည့်စုံသော(သိမ်းငှက်) များဖြစ်ကြသည်။

သင်တို့၏အလုပ်သည်ကောင်းကင်တစ်လွှား လွတ်လပ်စွာ ပျံသန်းသွားလာခြင်းပင်ဖြစ်သည်။

သင်တို့ ရှေ့မှောက်တွင် မိုးတွေအများကြီးရှိပါတယ်”      

-

“ဤပစ္စုပ္ပာန်တွင်နေ့နှင့်ည၏၀ဲသြဂတွင်လုံးပန်းပြီးတ၀ဲလည် လည်မနေကုန်နှင့်။

သင်တို့အဖို့ခေတ်တွေဌာနတွေအသင်္ချေ အသင်္ချေရှိသေးတယ်”    

-

လွန်ခဲ့တဲ့ခေတ်တွေတုန်းက-     

ဒီဌာနမှာ ကျွန်ုပ်တစ်ယောက်တည်းသာဖြစ်ခဲ့တယ်။ 

ယခုတော့-      

ကျွန်ုပ်၏အတွင်းသိများအများအပြားပေါ်ထွက်လာကြပြီ။    

-

ဒေါက်တာ အိက်ဗားလ်သည် ဓနရှင်ဆိုးနှင့် မင်းဆိုးတို့၏ ဖိနှိပ် ချုပ်ချယ်မှုကို မခံမရပ်ဖြစ်ပြီး ဆင်းရဲသား ကျောမွဲများအား ဤသို့ လှုံ့ဆော်အားပေးခဲ့သည်။  

-

အုံကြွထကြလော့ -      

ငါ့ကမ္ဘာ၏ဆင်းရဲသားကျောမွဲများကိုနှိုးကြလော့။ 

“ဓနရှင်ဆိုး”နှင့်“မင်းဆိုး”တို့၏အိုးအိမ်တိုက်တာများကို ကိုင်လှုပ်ကြလော့ ။

“အေးစက်နေသော ဆင်းရဲသား ကျောမွဲများ၏ သွေးကို

ယုံကြည်ခြင်းတည်းဟူသော အပူဓာတ်နှင့် ဆူပွက်လာအောင် ပြုကြလော့။

သေးသိမ်သော စာငယ်ကို သန်မြန်သော သိမ်းငှက်နှင့် တိုက်ပေးကြလော့”    

-

ယခု- “လူထုခေတ်”၊“ ဒီမိုကရေစီခေတ်”  ရောက်လာပြီ။ 

ခေတ်ဟောင်းက “ပဒေသရာဇ် ”၊“မတရားသည့်စနစ်”များကို ဖျက်ပစ်ကြလော့။    

-

အကယ်၍ လုပ်သားပြည်သူများအတွက် လယ်ယာကိုင်းကျွန်းမှ စားနပ်ရိက္ခာ မရလျှင် -  

အဲဒီကောက်ပဲသီးနှံများကို တစ်နှံစီ တစ်နှံစီ မီးတင်ရှို့ကြလော့။

“တရားမျှတတဲ့အခွင့်အရေး”ကို အရယူကြလော့။    

-

ဒေါက်တာ အိက်ဗားလ်သည် ဆင်းရဲသား နင်းပြားများကို သတိပေး နှိုးဆော်ပြီးနောက် နင်းပြားဘ၀မှ ခေါင်းဆောင်ဘ၀သို့ ရောက်လာအောင် လမ်းစဉ်ကို ချပေးခဲ့သည်။

-

“မှန်ကန်ခြင်း”၊ “တရားမျှတခြင်း”နှင့် “ဇွဲရှိခြင်း”၏သင်ခန်းစာ များကိုပြန်လည်ဖတ်ကြလော့။  

မှန်သည့်အတိုင်းပြော၍ တရားသဖြင့်စီရင်ဆုံးဖြတ်ပြီး၊မကြောက်မရွံ့နောက်မတွန့်ဘဲ

မိမိလမ်းစဉ်ပေါ်တွင်ဇွဲရှိရှိနှင့်မားမားကြီးရပ်တည်နေလျှင်

“ကမ္ဘာ့ခေါင်းဆောင်မှု”သည် အလိုလို အသင့်ဖ၀ါးအောက် ရောက်ရမည်၊၊

အသင်သည်ကမ္ဘာ့ခေါင်းဆောင်မှုကိုပေးရဦးမည်။    

-

ဒေါက်တာ အိက်ဗားလ်သည် ခေါင်းဆောင်မှုရရှိထားသူ များကို လူထုနှင့်အဆက်မပြတ်ရန် အောက်ခြေမလွတ်ရန် သတိပေးခဲ့သည်။

-

“လူထုနှင့် ဆက်စပ်နေသည်နှင့်အမျှ လူတစ်ယောက်ခြင်း၏ တန်ဖိုးရှိပေသည်။

တစ်ဦးချင်းသည် ဘာမျှတန်ဖိုးမရှိ။

ရေလှိုင်းကြီးသည် သမုဒ္ဒရာပင်လယ်နှင့် ဆက်စပ်နေသည် နှင့်အမျှ တန်ဖိုးကြီးလှသည်။  

ဒါပေမယ့် ကုန်းပေါ်ရောက် လာလျှင်မူ ဘာမျှတန်ဖိုးမရှိပါ”    

-

ဒေါက်တာ အိက်ဗားလ်သည် မိရိုးဖလာရရှိထားသော တန်ခိုး အာဏာကို အလိုမရှိ။

-

“မြင့်မြတ်သောအကြံဥာဏ်နှင့်သံမဏိစိတ်ဓာတ်ကိုမွေးမြူ ကြစမ်းပါ၊၊

အဖေ့ဓားလွယ်ကိုလွယ်လိုလျှင်အဖေ့လက်မောင်း မျိုးဖြစ်အောင်ကြိုးစားကြပါဦး။ကျင့်ကြပါဦး”   

(သက်ကယ် တစ်ချောင်းမျှမနိုင်ဘဲနှင့် ဓားလွယ်ကိုင်ရန် စိတ်မကူးပါနှင့်။)

“သူများလက်မှငွေဥစ္စာကိုယ့်ဟာမဟုတ်ဘူး။

ပုရပိုက်ပေမှာရှိသောစာ၊ ကိုယ့်စာမဟုတ်ဘူး။

 မိဘ၊ ဆရာ၊ တတ်ပညာ အမွေခံကာ မရဘူး””         

(ရွှေမေးညှပ်ကျမ်း)

ဒေါက်တာအိက်ဗားလ်သည် လူ့သက်တမ်းတွင် လူတန်းစေ့စေ့ နေသွားနိုင်ရန် နိဂုံးချုပ် ဤသို့မှာကြားခဲ့တယ်။

-

မိမိလက်ဝယ်တွင်ငွေမရှိလျှင်သုခမရှိနိုင်ဘူး။    

လက်ရုံးအားမရှိပြန်လျှင်ဂုဏ်အင်ဒြပ်မရှိနိုင်ဘူး။   

တစ်ဖန် ပညာမရှိပြန်လျှင်လည်း ငွေနှင့်လက်ရုံးအားသည် ဘာမျှ အဓိပ္ပာယ်မရှိဘူး။   

နောက်ဆုံး “ဘာသာတရား” မရှိပြန်လျှင်     “လူ့ဘ၀”ပင်မရှိတော့ဘူး။  

-

ဒါကြောင့် လူတိုင်း လူတိုင်း မိမိ၏ဘ၀ အစစ်အမှန်ကို မြင်လာပြီး -  

- တရားသဖြင့် စီးပွားရှာကြစမ်းပါ။

- တရားသဖြင့် လက်ရုံး အင်အားစုကြစမ်းပါ။

- တရားသဖြင့် ပညာဆည်းပူးကြစမ်းပါ။

- တရားသဖြင့် ဘာသာတရားကို လက်တွေ့ ကျင့်သုံးကြစမ်းပါ။

- တရားသဖြင့် ခေါင်းဆောင်တိုင်း လူထုနှင့် ဆက်စပ်နေကြပါဟု  

လူထုကြီးတစ်ရပ်လုံးအား(ဒေါက်တာအိက်ဗားလ်)၏ကိုယ်စား မေတ္တာရပ်ခံပါသည်။

( ဃာဇီ  မုဟမ္မဒ်  ဟာရှင်မ် )           

ဥက္ကဋ္ဌ                                

ဗမာနိုင်ငံလုံးဆိုင်ရာ ဗမာမွတ်စ်လင်မ် အိုလမာအဖွဲ့ချုပ်                            

၁၉၅၁ခုနှစ် ၊ဧပြီလ၊(၂၁)ရက်