THE REPUBLIC OF THE UNION OF MYANMAR, ISLAMIC RELIGIOUS AFFAIRS COUNCIL ( HQ )

PDF File များ Download ပြုလုပ်နည်း Youtube Link

မွတ်စ်လင်မ် အမျိုးသမီးများ ဗလီ၊ အီဒ်ဂါဟ်များသို့ သွားရောက် ဝတ်ပြုခွင့်

 

အစ္စလာမ်ကောင်စီ အတွင်းရေးမှူးချုပ်၏ အမှာစာ   

 

 

သို့ဖြစ်ရာ (အို-တမန်တော်) အသင်၏အရှင်အား တိုင်တည် မိန့်ကြားတော်မူအံ့။

ထိုသူတို့သည် ၄င်းတို့စပ်ကြား ဖြစ်ပွားသော အငြင်းပွားမှုများနှင့် စပ်လျဉ်း၍

အသင့်အား ခုံသမာဓိမတင်မြှောက်သမျှ၊

အသင့်အဆုံးအဖြတ်အား

၎င်းတို့ နှလုံးသားတွင်နှစ်သက်ကြည်ဖြူစွာနာခံခြင်းမရှိသမျှ၊

၎င်းတို့ သည်အီမာန်သက်ဝင်ယုံကြည်သူ(မုအ်မင်န်)များမဖြစ်နိုင်ပေ။                                                                                              

(ကုရ်အာန်-၄း၆၅)

 

 

                ဤစာတမ်းသည် (၁၉၇၂)ခုနှစ်တွင် ရန်ကုန်မြို့၊ အီဒ်ဆွလာသ် စုပေါင်းဝတ်ပြုရေးဗဟိုကော်မတီ}က မွတ်စလင်မ်အမျိုးသမီးများဗလီ၊ အီဒ်ဂါဟ် များသို့ သွားရောက်ဝတ်ပြုခွင့်ရှိ/မရှိ ဓမ္မသတ်မေးမြန်းချက်အရ ကွယ်လွန်သူအစ္စလာမ်ကောင်စီဌာနချုပ် ဥက္ကဋ္ဌကြီး၊သီရိပျံချီအလ်ဟာဂ်ျ  မုဖတ်စီရုလ်ကုရ်အာန် အလ္လာမဟ် ဃာဇီ မုဟမ္မဒ် ဟာရှင်မ် (အစ္စလာမ့် ဓမ္မသတ်မှူးချုပ်)က ဓမ္မသတ်အဆုံးအဖြတ်ပြုထုတ်ပြန်ခဲ့သော စာတမ်း ဖြစ်ပါသည်။ဥက္ကဋ္ဌကြီးအလ္လာမဟ်ဃာဇီသည် မွတ်စလင်မ်အမျိုးသမီး များ ဗလီ၊ အီဒ်ဂါဟ်များသို့ သွားရောက်ဝတ်ပြုခွင့် နှင့်စပ်လျဉ်း၍ကျမ်းမြတ် ကုရ်အာန်နှင့်ခိုင်လုံသော ဟဒီးဆ်ဩဝါဒတော်များကို အဓိက အခြေခံထားကာ  အစ္စလာမ်မထွန်းကားမီ အမျိုးသမီးများ၏အခြေအနေ၊ တမန်တော်မြတ် လက်ထက်တော်ကာလ အခြေအနေ၊ ယနေ့မျက်မှောက် ကာလအခြေအနေ၊ပညာရှင်များ၏ အယူအဆ စသည့် ဘက်ပေါင်းစုံမှ သုံးသပ်၍အဆုံးအဖြတ်ထုတ်ပြန်ခဲ့ခြင်းဖြစ်ပေသည်။

               ထို့အတွက် စိတ်စေတနာ ဖြူစင်စွာနှင့် အစွဲကင်းစွာဖြင့်၊ အလ္လာဟ်အရှင်မြတ်နှင့် တမန်တော်မြတ်တို့၏  အမိန့်တော်များကို ကြည်ဖြူစွာ နာခံလိုကြသူများအတွက် ဤစာတမ်းကိုဖတ်ရှုခြင်းအားဖြင့်  မွတ်စလင်မ်အမျိုးသမီးများဗလီ၊ အီဒ်ဂါဟ် များသို့ သွားရောက် ဝတ်ပြုခွင့် ရှိ / မရှိ ကို ရှင်းလင်း ပီပြင်စွာ သိရှိနိုင်သည် ဖြစ်ပေသည်။

                သို့ပါသော်လည်း  အလ္လာဟ်အရှင်မြတ်၏ ဗလီကျောင်းတော် များ၌ ထိုအရှင်မြတ်၏ နာမတော်ကို ထုတ်ဖော် တသ ဂုဏ်တော်ချီးမွမ်း ဝတ်ပြုဆုတောင်းရန် ရိုကျိုးစွာ သွားရောက်ကြသည့် သူတော်စင် အမျိုးသမီးတို့အား အပြစ်ထင်၊ အပြစ်မြင်နေမှုများသည် ယနေ့ကာလတွင် လည်းရှိနေပါသည်။ အပြစ်မြင်သူအချို့တို့သည် အမျိုးမျိုးဝေဖန်ရှုတ်ချရုံမျှအားမရဘဲ အမျိုးသမီးဝတ်ပြုဆောင်များ ပိတ်သွားစေရန် နည်းမျိုးစုံဖြင့် ကြံစည်ဆောင်ရွက်ကြလေသည်။ ၄င်းတို့သည်ထိုသို့ဆောင်ရွက်ရာဝယ် အလ္လာဟ်အရှင်မြတ်၏(ဗိုင်သွလ္လာဟ်)ဗလီကျောင်းတော်တည်တံ့ရေးကိုပင် အလေးဂရုမပြုကြချေ။ ထိုကိစ္စများနှင့်စပ်လျဉ်း၍ အစ္စလာမ်ကောင်စီအပါအဝင် အစိုးရအသိအမှတ်ပြု အစ္စလာမ်ဘာသာရေးအဖွဲ့အစည်းများသည် သက်ဆိုင်ရာသို့ သဘာထားပေးပို့ရခြင်း၊ သွားရောက် ဖြေရှင်းရခြင်း၊ ဓမ္မသတ်ထုတ်ပြန်ခြင်းများကို အခါအားလျော်စွာ ဆောင်ရွက်ခဲ့ရပါသည်။

                သို့ဖြစ်ပေရာ  မွတ်စလင်မ် အမျိုးသမီးများ ဗလီ၊ အီဒ်ဂါဟ် များသို့ သွားရောက်ဝတ်ပြုခွင့်နှင့်စပ်လျဉ်း၍ အစ္စလာမ်ကောင်စီ အဆင့်ဆင့် တာဝန်ရှိသူများ  ကျေညက်စွာ သိရှိနိုင်ရန်အတွက်  ဥက္ကဋ္ဌကြီး အလ္လာမဟ် ဃာဇီ၏ ဓမ္မသတ်ကို အစ္စလာမ့်စာစဉ်အမှတ်(၅၃)အဖြစ် အစ္စလာမ် ကောင်စီ အဖွဲ့ခွဲများအတွက်သာ  ကန့်သတ် ထုတ်ဝေလိုက်ပါသည်။  

 

အစ္စလာမ့်ရေးရာ     ဒို့ဝန်တာ

 

                                                                                  (အလ်ဟာဂ်ျတင်မောင်သန်း)

အတွင်းရေးမှူးချုပ် 

(၂၀ဝ၉)ခုနှစ်၊ဒီဇင်ဘာလ၊(၅)ရက်

                           

 

 

အလ္လာမဟ် ဃာဇီ၏ အမှာစကား

 

                ယခုတလော အချို့ မွတ်စလင်မ်အသိုင်းအဝိုင်းတွင် မွတ်စလင်မ်အမျိုးသမီးများ ဗလီနှင့် အီဒ်ဂါဟ်သို့ သွားရောက် ဝတ်ပြုရေး နှင့်စပ်လျဉ်း၍ ပြဿနာပေါ်နေသည်ကို တွေ့ရှိရသည်။ ဤပြဿနာနှင့်စပ်လျဉ်း၍ ရန်ကုန်မြို့၊ အီဒ်ဆွလာသ်စုပေါင်း ဝတ်ပြုရေး ဗဟိုကော်မတီမှ ဤအစ္စလာမ့်ဓမ္မသတ်ခုံရုံးချုပ်သို့ ဓမ္မသတ်အဆုံးအဖြတ်ပေးရန် မေတ္တာရပ်ခံသဖြင့် ပူးတွဲပါအတိုင်း ဓမ္မသတ်အဆုံးအဖြတ်ထုတ်ပေးလိုက်ပါသည်။

                ဤ ဓမ္မသတ်အဆုံးအဖြတ်သည် တိုင်းရင်းသား မွတ်စလင်မ် - အမျိုးသားတိုင်း၊ အမျိုးသမီးတိုင်း သိသင့် သိအပ်သည့်အတွက် ကောင်စီခွဲများသို့လည်း ဖြန့်ချီလိုက်ပါသည်။ မည်သူမဆို ကူးယူဖြန့်ဖြူးနိုင်ပါသည်။

 

သီရိပျံချီ၊ အလ်ဟာဂ်ျ၊ မုဖတ်စ္စိရုလ်ကုရ်အာန်၊ မောင်လာနာ၊ ဃာဇီ၊ မုဟမ္မဒ်ဟာရှင်မ်

 အစ္စလာမ့်ဓမ္မသတ်မှူးချုပ်

အစ္စလာမ့်ဓမ္မသတ်ခုံရုံးချုပ်

 

ဟိဂ်ျဂျရီသက္ကရာဇ် ။           ။(၁၃၉၂)၊ ရှောင်ဝါလ်လ၊ (၁၅)ရက်။

ခရစ်      သက္ကရာဇ် ။      ။(၁၉၇၂)၊ နိုဝင်ဘာ     လ၊ (၂၂ )ရက်။

 

ကုရ်အာန်နှင့် တမန်တော်မြတ်လမ်းစဉ်သာ အဓိကပါ၊ အချုပ်ပါ

အစ္စလာမ်သည် အလ္လာဟ်အရှင်မြတ်၏ သာသနာတော်ဖြစ်သည်။ အလ္လာဟ့်သာသနာတော်ဖြစ်သည့်အားလျော်စွာ နှစ်ဘဝ၏ ကောင်းကျိုးကို ညွှန်ပြသည်။ ခေတ်တိုင်း၊ လူမျိုးတိုင်း၊ တိုင်းပြည်တိုင်းနှင့် စပ်မိ၊ ဟပ်မိသည်။ အစ္စလာမ်၏ သွန်သင်ဆုံးမမှုများသည် သဘာဝ ကျလှသည်။ အခြေအနေတိုင်းနှင့် အံဝင်ဂွင်ကျ ဖြစ်လှသည်။

   အစ္စလာမ်သည် အရင်ဆုံးနှင့် နောက်ဆုံး သာသနာဖြစ်သည်။ အစ္စလာမ့်သမိုင်းတွင် တမန်တော်မြတ် မုဟမ္မဒ် (ဆွ) သည် နောက်ဆုံး တမန်တော်ဖြစ်သည်။ ကျမ်းတော်မြတ်ကုရ်အာန်သည် နောက်ဆုံးကျမ်းဖြစ်သည်။ တမန်တော်မြတ်(ဆွ)ပွင့်တော်မူပြီးသည့်နောက် တမန်တော်သစ် ပွင့်ရန်မရှိ။ ကျမ်းမြတ်ကုရ်အာန်ကျရောက်ပြီးနောက် ကျမ်းသစ်ကျရန်မရှိ။ ကုရ်အာန်ကျမ်းလာ ဒေသနာတော်များတွင် ဖြည့်စွက်ရန်၊ နှုတ်ပယ်ရန် လည်းမရှိ။ တမန်တော်မြတ် (ဆွ)ချမှတ်တော်မူခဲ့သည့် လမ်းစဉ်များတွင် ဖြည့်စွက်ရန်၊ နှုတ်ပယ် ရန်လည်းမရှိ။                           

ကုရ်အာန်ကျမ်းမြတ်နှင့် တမန်တော်မြတ်(မ)၏ လမ်းစဉ်တွင် -

မည်သည့် (ခလီဖွှဟ်)သမ္မတ၊

မည်သည့် (ဆွဟာဗီ) သာဝက၊

မည့်သည့် အိမာမ်၊

မည်သည့် အာလင်မ်၊

မည်သည့် ပညာရှင်၌မျှ၊

မည်သည့် ခေတ်တွင်မျှ၊

မည်သည့် အခြေအနေတွင်မျှ၊

မည်သို့မျှ ပြောင်းလဲ ၊ဖြည့်စွက် ၊နှုတ်ပယ်ခွင့် အလျင်းမရှိ။

 

အလ္လာဟ်အရှင်မြတ်နှင့် အလ္လာဟ့်တမန်တော်မြတ်တို့က 

ကိစ္စတစ်ရပ်နှင့်စပ်လျဉ်း၍အဆုံးအဖြတ်ချမှတ်တော်မူလိုက်လျှင်

ယင်းအဆုံးအဖြတ်နှင့်စပ်လျဉ်း၍

မည်သည့် မွတ်စလင်မ်ယောကျာ်း-မိန်းမ၌မျှ

ပြောဆိုပိုင်ခွင့်၊ ရွေးချယ်ပိုင်ခွင့်၊ အလျင်းမရှိတော့ပေ။

အလ္လာဟ်အရှင်မြတ်နှင့် တမန်တော်မြတ်အား သွေဖည်သူသည်

အထင်အရှား လမ်းအမှားကြီးမှားချိမ့်မည်။

ကုရ်အာန် (၃၃း ၃၆)

 

 

                သို့ဖြစ်ရာ ကျွန်ုပ်တို့ မွတ်စလင်မ်များသည် ကုရ်အာန်ကျမ်းလာ ဒေသနာတော်များနှင့် တမန်တော်မြတ် ချမှတ်တော်မူခဲ့သည့် လမ်းစဉ်များကို တိကျ မှန်ကန်စွာ မလွဲမသွေ လိုက်နာ ကျင့်သုံး ကြရပေမည်။ ထိုမှတစ်ပါး အခြား အခြားသော၊ သူငါ လုပ်ထားသည့် အစဉ်အလာများနှင့် ရိုးရာ ယဉ်ကျေးမှုများကိုမူ အခြားမှာပင် ထားကြရပေမည်။  ဝေးစွာ ရှောင်ရှားကြရပေမည်။

 

 

လူသားသည်သာ အမြတ်ဆုံး

 

                အလ္လာဟ်အရှင်မြတ်သည် လောကဓာတ်ကြီးတစ်ခုလုံးကို လူသားအကျိုးအတွက်သာ တည်ထောင် ဖန်ဆင်းထားတော်မူသည်။ ဤလောကဓာတ်ကြီးတွင် လူသားသည် အကောင်းဆုံး၊ အသာဆုံး၊ အမြတ်ဆုံးနှင့် အထူးချွန်ဆုံးပင်ဖြစ်သည်။ ကမ္ဘာ့ဥယျာဉ်ကြီး၏ ဥယျာဉ်မှူး မှာလည်း လူသားပင်ဖြစ်သည်။

 

 

ငါအရှင်မြတ်သည် အာဒမ်၏ သားသမီးများ၏ ဂုဏ်အင် ဒြပ်ကိုမြှင့်တင်ထားတော်မူသည်။

၎င်းတို့အား မြေတွင် လည်းကောင်း၊ ပင်လယ်တွင်လည်းကောင်း၊ သွားလာစေ ထားတော်မူသည်။

၎င်းတို့အား အမြိုက် အရသာရှိသော အဟာရများကို ကျွေးမွေးထားတော်မူသည်။

ထို့ပြင် ၄င်းတို့အား ငါဖန်ဆင်းထားတော်မူသော အရာများအနက်၊

များမြောင်လှသော အဖန်ဆင်းခံတို့ထက်လည်း အသာ ပေးထားတော်မူသည်။

(ကုရ်အာန်-၁၇း ၇၀)

 

ကျား/မ-ဘက်ညီ ချီတက်ရမည်

                လူသားဆိုရာ၌ အမျိုးသား၊ အမျိုးသမီး အားလုံးပါဝင် သကဲ့သို့၊ (ဗနီအာဒမ်)အာဒမ်၏ သားများဆိုရာ၌လည်း ကျား/ မ အားလုံး ပါဝင်ကြပေသည်။ အိမ်ထောင်တစ်ခု၏သာယာမှုသည် ဇနီးမောင်နှံနှစ်ဦး၏ ဘက်ညီ တိုးတက်မှုပေါ်မှာ တည်နေသကဲ့သို့ လူ့လောကကြီး၏ သာယာဝပြောမှုမှလည်း အမျိုးသား၊ အမျိုးသမီးတို့၏ တက်ညီ၊ လက်ညီ၊ တိုးတက်မှုအပေါ်၌ပင် တည်နေပေသည်။ ဘက်ညီ မဟုတ်ပါက၊ အမျိုးသမီးတွေ မတိုးတက်ပါက၊ တစ်ဖက် စောင်းနင်းဖြစ်မည်။ လူ့ကမ္ဘာ မသာယာနိုင်ပေ။

                အစ္စလာမ်သည် အာဒမ်(အလ)၏ သားသမီးများအား (တစ်နည်း) အမျိုးသား၊ အမျိုးသမီးအားလုံးတို့အား ကျား/မ-မခြား၊ လူ့ဘဝ၊ လူ့အခြေအနေ၊လူ့ဂုဏ်ရည် ၊ လူ့တာဝန်နှင့် အလ္လာဟ့် တာဝန်ကိုပြသပေးသည်။ လူကိုလူလိုမြင်စေသည်။လူအချင်းချင်း လူလို ဆက်ဆံစေသည်။ တစ်မိတစ်ဖတည်းမှ ဆင်းသက်လာသော သားသမီးများပီပီ မိသားစု စိတ်ဓာတ်ကို မွေးမြူစေသည်။

                အစ္စလာမ်သည် လူကို လူနှင့် ဆက်စပ်ပေးသည်။အလ္လာဟ်နှင့် ဆက်စပ်ပေးသည်။ လူ့တာဝန်ကို ကျေစေသည်။အလ္လာဟ့်တာဝန်ကို ကျေစေသည်။ အမျိုသမီး၊ အမျိုးသားအားလုံးတို့အား နှစ်ဘဝလုံး ကောင်းစားစေသည်။ သာယာဝပြောစေသည်။

ဤကား အစ္စလာမ်၏ အဓိကရည်မှန်းချက်ပင်။

 

အတိတ်ခေတ် အမျိုးသမီးတို့၏ ကြေကွဲဖွယ်အဖြစ်

                အစ္စလာမ်သာသနာ မထွန်းကားခင်က အီဂျစ်၊ ဘာဘီလုံ၊ အီရန်၊ ယူနန်၊ အိန္ဒိယစသည့် နိုင်ငံကြီးများမှာ လူနေမှုအဆင့် အတန်းသည် အတော်ပင်မြင့်မားခဲ့ပေသည်။ သို့ပင်တစေ အမျိုးသမီးများမှာ မည်သည့်အစိတ်အပိုင်းတွင်မျှ မပါဝင်ခဲ့ကြရပေ။ အမျိုးသမီးများမှာ အဖက်ဖက်တွင် အမျိုးမျိုး အနှိမ်ခံနေခဲ့ကြရှာပေသည်။

                ထိုစဉ်ကမ္ဘာ့အရှေ့ပိုင်းအချို့နိုင်ငံများတွင်အမျိုးသမီးသည် အမျိုးသားများအဖို့ အမည်းစက်ကြီးဟူ၍ပင်ယူဆခဲ့ကြသည်။ ရောမတွင် အမျိုးသမီးသည် အိမ်အသုံးအဆောင်ပစ္စည်းမျှဖြစ်သည်ဟုယူဆခဲ့ကြသည်။ ယူနန်တွင်အမျိုးသမီးကို(ရှိုင်တွာန်)မိစ္ဆာကောင်ဟူ၍ပင်ခေါ် ဆိုခဲ့ကြသည်။ အတိတ်ခေတ် အချို့ကျမ်းစာများတွင် အမျိုးသမီးသည် ထာဝရကျိန်ဆဲမှုကို ခံအပ်သည်၊ အမျိုးသမီးသည် လူ့ပန်းခြံ၏ ဆူးညှောင့် ဖြစ်သည်ဟူ၍ပင် ရင့်ရင့်သီးသီးနှိမ့်ချရေးသားထားခဲ့သည်။

                အစ္စလာမ်သာသနာမထွန်းကားမီ အမိုက်ခေတ်ကာလက အရေးဗီးယားပြည်တွင်ပင် အမျိုးသမီးများသည် အဖက်ဖက်တွင် ရှက်ဖွယ်လိလိ အနှိမ်ခံခဲ့ကြရသည်။အမျိုးသမီးဆိုလျှင်ယုတ်ညံ့သည်။ တန်ဖိုးမရှိ။အမျိုးသမီးများသည် သိုး၊ဆိတ်ပမာ ယောကျာ်းများ၏ ပိုင်ဆိုင်ရာ ပစ္စည်းဘဝသို့ပင် ရောက်ရှိနေခဲ့ကြသည်။ အမျိုးသမီးများသည် အမျိုးသားများကို လုပ်ကျွေးပြုစုရာ၊ ဖျော်ဖြေရာ၊ သားမွေးရာ သတ္တဝါဘဝသို့ပင် ရောက်ရှိနေခဲ့ကြပေသည်။ အမျိုးသမီးများဘဝမည်မျှနိမ့်ကျခဲ့သည်ဆိုသော် သမီးကလေးများမွေးဖွားလာလျှင် အရှင်လတ်လတ် မြေမြှုပ် ပစ်ခဲ့ကြပေသည်။ ဤသည် အစ္စလာမ်နှင့် ဖြောင့်ဖြောင့်ကြီးဆန့်ကျင်သည်။ ယင်းသို့အမျိုးသမီးများအားနှိမ်ထား သည်ကို ပယ်ထားသည်ကို အစ္စလာမ်သည် လားလားမျှ မလိုလားပေ။

 

အမျိုးသမီးများနှင့် ပတ်သက်၍ အစ္စလာမ်၏ သဘောထား

 

                အစ္စလာမ်သည် ကမ္ဘာ့လူသားထုကြီးတစ်ရပ်လုံးအား ကမ္ဘာ့မိသားစုကြီးအဖြစ် တစ်တန်းတစ်စားတည်း ထားပေသည်။ အစ္စလာမ်မှာ အနိမ့် / အမြင့်- မရှိ၊  ဇာတ်နိမ့် / ဇာတ်မြင့်- မရှိ၊ ကျား / မ - မခြား၊  လူတန်းစား - မခွဲ၊  အစ္စလာမ်၏ ခံယူချက်မှာ အမျိုးသမီး အမျိုးသား အားလုံးတို့သည် ဖခင်ကြီး အာဒမ်နှင့် မိခင်ကြီးဟောင်ဝါတို့၏ သားသမီးများ၊ မောင်ရင်းနှမများသာဖြစ်ကြပေသည်။ တစ်သွေးတည်းတစ်သားတည်း ဖြစ်ကြပေသည်။ တစ်တန်းတစ်စား တည်းဖြစ်ကြပေသည်။ တာဝန်တူ အခွင့်တူ ဖြစ်ကြပေသည်။

                ဤအကြောင်းနှင့်ပတ်သက်၍ ကုရ်အာန်ကျမ်းမြတ်တွင် အောက်ပါအတိုင်း အတိအလင်းလာရှိပေသည်။

 

 

 

အို..... လူသားအပေါင်းတို့၊ ငါအရှင်မြတ်သည် အသင်တို့အား ယောကျာ်းတစ်ဦး၊ မိန်းမတစ်ယောက်မှ  စတင် ဖန်ဆင်းတော်မူခဲ့သည်။

                                                                  (ကုရ်အာန်-၄၉း၁၃)

 

မည်သူမဆို ယောကျာ်းဖြစ်စေ၊ မိန်းမဖြစ်စေ၊ မုအ်မင်န် ယုံကြည်သူအဖြစ် ကောင်းမြတ်သောအကျင့်သီလများကို ဆောက်တည်ပါက ဂျန္နသ်သုခဘုံသို့ဝင်ရမည်သာဖြစ်သည်။

(ကုရ်အာန်-၄း ၁၂၄)

 

ငါအရှင်မြတ်သည် အသင်တို့အနက် ယောကျာ်းဖြစ်စေ၊ မိန်းမဖြစ်စေ၊ မည်သူ၏ အကျင့်သီလကိုမျှ အချည်းနှီး ဖြစ်စေတော်မူမည် မဟုတ်။ အသင်တို့သည် အချင်းချင်းဖြစ် ကြပေသည်။ (အညမညဖြစ်ကြပေသည်။)

(ကုရ်အာန် - ၃း၁၉၄)

 

            

အီမာန်-သက်ဝင်ယုံကြည်သော အမျိုးသားများနှင့် အီမာန်-သက်ဝင်ယုံကြည်သော အမျိုးသမီးများသည် အချင်းချင်း မိတ်ဆွေများ ပင်ဖြစ်ကြပေသည်။

(ကုရ်အာန်-၉း ၇၁)

 

မည်သူမဆို ယောကျာ်းဖြစ်စေ၊ မိန်းမဖြစ်စေ၊ မုအ်မင်န် အဖြစ်နှင့် ကောင်းမြတ်သော အကျင့်သီလကို ဆောက်တည်ပါက ငါအရှင်မြတ်သည် ထိုသူအား ကောင်းမြတ်သော အသက်ရှင်ခြင်းကို ချီးမြှင့်တော်မူမည်။

                                                                    (ကုရ်အာန်-၁၆း၉၇)

 

                အထက်ဖော်ပြပါ မုက္ခပါဌ်တော်များကို ကြည့်ခြင်းအားဖြင့် အမျိုးသား၊အမျိုးသမီးအားလုံးတို့သည် တစ်မိတစ်ဖတည်းမှ ဆင်းသက် ပေါက်ဖွားလာကြောင်း၊ညီရင်းအစ်ကို မောင်ရင်းနှမများ ဖြစ်ကြောင်း၊ အချင်းချင်း မိတ်ဆွေများဖြစ်ကြောင်း၊ ကျား/မ-မခြား ကြောင်း၊ တစ်တန်းတစ်စားတည်းဖြစ်ကြောင်း ကောင်းစွာ သိရှိရပေသည်။ အစ္စလာမ်သည် အမျိုးသမီးများအတွက် အချို့အခွင့်အရေး များကိုသာ သတ်မှတ်ပေးထားခဲ့သည် မဟုတ်။အမျိုးသမီးတို့အား မိမိတို့၏ ဘောင်အတွင်းတွင် နေထိုင်စေပြီး အမျိုးသားများနှင့် တန်းတူအခွင့်အရေးပေးကာ လူ့အဆောက်အဦကြီးကို ပြည့်ဝ၊ စုံလင်၊ခန့်ညား၊ထည်ဝါစေခဲ့သည်။ အဖက်ဖက်တွင် အနှိမ်ခံနေကြရ ရှာသော အမျိုးသမီးတို့အား လူ့ဘဝအထွတ်အထိပ်သို့ပို့ဆောင် ပေးခဲ့ပေသည်။

                ဤတွင် အချို့သာဓကများကို တင်ပြလိုပေသည်။

 

အတိတ်ခေတ် စံပြ မွတ်စ်လင်မ် အမျိုးသမီးများ

                အစ္စလာမ်ထွန်းကားလာပြီးနောက် တမန်တော်မြတ် (ဆွ) သည် တစ်ချိန်က အနှိမ်ခံ၊ အပယ်ခံဘဝသို့ ရောက်ရှိနေခဲ့ကြရရှာသော အမျိုးသမီးတို့အား ပညာရေး၊ စီးပွားရေး၊ လူမှုရေး၊ ကျန်းမာရေး၊ သာသနာရေး၊ နိုင်ငံရေးနှင့် ကာကွယ်ရေးတို့တွင် အံ့ဖွယ်သရဲ တိုးတက်အောင် ပြုစုပျိုးထောင်မြှင့်တင်ပေးတော်မူခဲ့ပေသည်။

                ဤတွင် အနည်းငယ်အထောက်အထားဖော်ပြလိုပေသည်။

 

ပညာရေး

                တမန်တော်မြတ် (ဆွ) လက်ထက်တွင် တမန်တော်မြတ် (ဆွ)၏ ကျေးဇူးကြောင့် အမျိုးသမီးများသည် ပညာရေးလောကမှာ အထူးပင် တိုးတက်ပြောင်မြောက်လာခဲ့ကြပေသည်။ မွတ်စ်လင်မ် အမျိုးသမီးများ (ကိရာအသ်) ကုရ်အာန်ကျမ်းမြတ်ကို ဌာန်ကရိုဏ်း ကျနစွာ ရွတ်ဖတ်သည့်ပညာ၊ (သဖ်စီရ်) ကုရ်အာန်ကျမ်းမြတ်၏အဖွင့်ဆိုင်ရာပညာ၊ (ဟဒီဆ်) တမန်တော်မြတ်၏ဩဝါဒတော်ဆိုင်ရာပညာ၊ (ဖိကဟ်)အစ္စလာမ့်ဓမ္မသတ်ပညာ၊ (ဖရာအိသ်)အမွေခန်းပညာစသည့် ပညာရပ်များကို သူမတူအောင် တတ်မြောက်ကျွမ်းကျင်ခဲ့ကြပေသည်။

                တမန်တော်မြတ်(ဆွ) လက်ထက်တော်တွင် ကုရ်အာန် ကျမ်းတော်မြတ်ကို အစမှအဆုံးတိုင် အာဂုံဆောင်နိုင်သော အမျိုးသမီး-ဟာဖိဇ်တွေ အမြောက်အများထွန်းကားခဲ့ပေသည်။

                ကုရ်အာန်ကျမ်းမြတ်၏ အနက်အဓိပ္ပာယ်ကို ဖွင့်ဆိုနိုင်သည့် အမျိုးသမီး-မုဖတ်စ်စိရ်များလည်း အမြောက်အမြား ထွန်းကားခဲ့ပေသည်။            ကြင်ရာတော် အာအိရှဟ်(ရ)သခင်မသည် ကျမ်းမြတ် ကုရ်အာန်ကို ဖွင့်ဆိုရာ၌ အထူးပင် ကျော်ကြားခဲ့ပေသည်။ မွတ်စ်လင်မ်ကျမ်းကြီးတွင် အာအိရှဟ်(ရ)သခင်မ၏ ကုရ်အာန်အဖွင့်ကို သီးခြားပင် ဖော်ပြထားပေသည်။

 ဟဒီဆ် (ခေါ်) တမန်တော်မြတ်(ှဆွ)၏ ဩဝါဒတော်ဆိုင်ရာပညာကိုလည်း မွတ်စ်လင်မ်အမျိုးသမီးများ ကောင်းစွာ တတ်မြောက်ခဲ့ကြပေသည်။ တမန်တော်မြတ်(ဆွ)၏ ကြင်ရာတော်များသည် အထူး ကျော်ကြားခဲ့ကြပေသည်။ အာအိရှဟ်(ရ) သခင်မသည် ဩဝါဒတော် (၂၂၁၀) တိတိကို တစ်ဆင့်ဟောကြား နိုင်ခဲ့ပေသည်။

   တမန်တော်မြတ်(ဆွ) လက်ထက်တွင် အစ္စလာမ့်ဓမ္မသတ် အဆုံးအဖြတ်ပေးနိုင်သော အမျိုးသမီး-မုဖ်သီများလည်း အမြောက်အမြား ထွန်းကားခဲ့ပေသည်။ အမွေခန်းပညာကို ပိုင်နိုင်စွာ တတ်မြောက်သော အမျိုးသမီးများလည်း မနည်းခဲ့ပေ။

                တမန်တော်မြတ်(ဆွ)လက်ထက်တော်၌ မွတ်စ်လင်မ် အမျိုးသမီးများသည် စာပေလောကတွင်လည်း အထူးကျော်ကြားခဲ့ကြပေသည်။ လင်္ကာ၊ကဗျာစသည်များကိုလည်း ပိုင်နိုင်စွာသီကုံးဖွဲ့ဆိုရေးသားနိုင်ခဲ့ကြပေသည်။ ခွန်စာ(ရ)သခင်မ စပ်ဆို ရေးသားခဲ့သော လင်္ကာများသည် ယခုအခါ စာအုပ်အဖြစ်သို့ ပင်ရောက်ရှိနေပေပြီ။

စီးပွားရေး

                တမန်တော်မြတ် (ဆွ) လက်ထက်တွင် အချို့မွတ်စ်လင်မ် အမျိုးသမီးများသည် ကူးသန်းရောင်းဝယ်မှုပြုခဲ့ကြပေသည်။ ခဒီဂျဟ် (ရ)သခင်မသည် အရေးဗီးယားပြည်တွင်သာမက နိုင်ငံခြားများနှင့် ပင်ဆက်သွယ်၍အကြီးအကျယ်ကူးသန်းရောင်းဝယ်မှုပြုခဲ့ပေသည်။ ဟောင်လာ(ရ)သခင်မ၊ မုလိုင်ကဟ်(ရ)သခင်မတို့သည် ကုန်သည်ကြီးများဖြစ်ခဲ့ကြပေသည်။ ဗင်န်တု မခ်ရမဟ်(ရ) သခင်မသည် နံ့သာနှင့် ကတိုးများ အကြီးအကျယ် အရောင်း အဝယ်ပြုခဲ့ပေသည်။

 

လက်မှုပညာ

                တမန်တော်မြတ်(ဆွ)လက်ထက် အမျိုးသမီးများသည် ယက္ကန်းယက်သည့် ပညာ၊ အပ်ချုပ်သည့် ပညာ၊ သားရေနယ် ပညာ၊ ဥယျာဉ် ပန်းမာလ်စိုက်ပျိုးသည့်ပညာနှင့် တိရစ္ဆာန်မွေးမြူရေးပညာများကို ကောင်းစွာတတ်မြောက်ခဲ့ကြပေသည်။ အထူးသဖြင့်  အမျိုးသမီးများသည် ယက္ကန်းပညာ၊ စိုက်ပျိုးရေးပညာတို့ဖြင့် မိမိတို့၏ စားဝတ်နေရေးကို ဖန်တီးခဲ့ကြပေသည်။

 

လူမှုရေး

                တမန်တော်မြတ်(ဆွ)လက်ထက် မွတ်စလင်မ်အမျိုးသမီးများသည် လူမှုရေးကိစ္စတွင်လည်း နောက်မကျခဲ့ကြပေ။ သာရေး နာရေးကိစ္စ၊ အချင်းချင်း ကူညီယိုင်းပင်းရေးကိစ္စများတွင် စွမ်းစွမ်းတမံ ပါဝင်ဆောင်ရွက်နိုင်ခဲ့ကြပေသည်။

ကျန်းမာရေး

                တမန်တော်မြတ်(ဆွ)လက်ထက်တွင် အမျိုးသမီးများသည် ကျန်းမာရေးကိုလည်း လိုက်စားခဲ့ကြလေသည်။ ဆေး ကုသမှုပညာ၊ ခွဲစိတ် ကုသမှုပညာကိုလည်း အချို့တတ်မြောက်ခဲ့ကြပေသည်။ သူနာပြုလုပ်ငန်းတွင်လည်း ကျော်ကြားခဲ့ကြပေသည်။ ရဖီဒဟ်(ရ)သခင်မသည် တမန်တော်မြတ်(ဆွ)၏ ကျောင်းတော်အနီး၌ ဆေးခန်းဖွင့်၍ပင် ခွဲစိတ် ကုသပေးလေ့ရှိခဲ့ပေသည်။

 

သာသနာရေး

                တမန်တော်မြတ်(ဆွ)လက်ထက် အစ္စလာမ်သာသနာကို ဖြန့်ချီရာတွင်လည်း အမျိုးသမီးများသည် စွမ်းစွမ်းတမံ ပါဝင်ခဲ့ကြ ပေသည်။ သာဝကကြီး အုမရ်(ရ)သည် ခသ်သွာဗ်၏သမီး ဖွှာသွိမဟ်(ရ)သခင်မ၏ ကြိုးပမ်းမှုကြောင့် အစ္စလာမ်အတွင်းသို့ ရောက်ရှိလာခဲ့ပေသည်။ သာဝကကြီး အုဆ်မာန် (ရ) သည် စုအ်ဒါ(ရ)သခင်မကြီး၏ ကြိုးပမ်းမှုကြောင့် အစ္စလာမ်အတွင်းသို့ ရောက်ရှိလာခဲ့ပေသည်။ သာဝကကြီး အဗူသွလ်ဟာ (ရ) သည် အွန်မုစုလိုင်မ်(ရ)သခင်မ၏ တရားပြမှုကြောင့် အစ္စလာမ်အတွင်းသို့ ရောက်ရှိလာခဲ့ပေသည်။ အွန်မုရှရိက်(ရ)သခင်မသည် အစ္စလာမ်ကို လျှို့ဝှက်စွာ ဖြန့်ချိလျက်ရှိခဲ့ပေသည်။

 

 

နိုင်ငံရေး

                တမန်တော်မြတ်(ဆွ)လက်ထက်တွင် မွတ်စ်လင်မ်အမျိုးသမီးများသည် နိုင်ငံ့အရေး၊ တိုင်းပြည်အရေးများတွင်လည်း ပါဝင်ခဲ့ကြပေသည်။ အာအိရှဟ်(ရ) သခင်မသည် တိုင်းရေးပြည်ရေးတွင် အထူးပင်ကျော်ကြားခဲ့ပေသည်။ တိုင်းပြည်အရေးနှင့်စပ်လျဉ်း၍ ရှေ့ဖာ(ရ)သခင်မသည် အတွေးအခေါ်အမြင် အထူးရင့်ကျက်သည်။ ရှေ့ဖာ(ရ)သခင်မသည် ဈေးများကို စီမံအုပ်ချုပ်ခဲ့ပေသည်။

 

ကာကွယ်ရေး

       တိုင်းပြည်နှင့်သာသနာကိုကာကွယ်ရန်အတွက် ဆင်နွှဲခဲ့ရသောစစ်ပွဲများတွင်လည်း အမျိုးသမီးများသည် ပြောင်မြောက်စွာပါဝင်ခဲ့ကြပေသည်။ အမျိုးသမီးများသည်စစ်ပွဲများတွင် ချက်ပြုတ်ရေး၊ သယ်ယူပို့ဆောင်ရေး၊ လက်နက်စုဆောင်းရေး၊ စိတ်ဓာတ်စစ်ဆင်ရေးနှင့် သူနာပြုလုပ်ငန်းများကို တာဝန်ယူခဲ့ကြပေသည်။ အုဟုဒ်စစ်ပွဲတွင်ရန်သူများ တမန်တော်မြတ်(ဆွ)ထံတော်ပါးသို့ ရောက်ရှိလာခဲ့ကြသည့်အခါ အွမ်မု အမ္မာရဟ်(ရ)သခင်မသည်  လေးဒူးနှင့် ဓားလွဲ ဆွဲကိုင်၍ ရင်မြေ ကတုတ်လုပ်ကာ ရန်သူများကို သူမတူအောင် ခုခံ တွန်းလှန် ကာကွယ်တိုက်ခိုက်နိုင်ခဲ့ပေသည်။ အမျိုးသမီးများသည် အနည်းနှင့် အများ စစ်ပွဲတိုင်းလိုလိုမှာပင် ပါဝင်ဆင်နွှဲခဲ့ကြပေသည်။

                အထက်ပါသာဓကများကိုထောက်ရှုခြင်းဖြင့် တမန်တော်မြတ်(ဆွ)လက်ထက် မွတ်စ်လင်မ်အမျိုးသမီးများသည် ပညာရေး၊ စီးပွားရေး၊  လူမှုရေး၊ ကျန်းမာရေး၊ သာသနာရေး၊ နိုင်ငံရေး၊ ကာကွယ်ရေးနှင့် လောကီရေး၊ လောကုတ္တရာရေးတို့တွင် သူမတူအောင် တိုးတက်ခဲ့ကြပေသည်။

 

မွတ်စ်လင်မ် အမျိုးသမီးနှင့် ဗလီကျောင်း

                တမန်တော်မြတ်(ဆွ)လက်ထက် မွတ်စ်လင်မ်အမျိုးသမီးများသည် ဗိုင်သွလ္လာဟ် ခေါ် အလ္လာဟ့်အိမ်တော်တွင် လည်းကောင်း၊ တမန်တော်မြတ်(ဆွ)၏ ဗလီတော်တွင်လည်းကောင်း၊ အမြဲတစေ သွားရောက်၍ ဆွလာသ် ဝတ်ပြုလေ့ရှိခဲ့ကြပေသည်။ ဟဂ်ျ၊ အီဒုလ် အဒ်ွဟာ၊ အီဒုလ်ဖိသ်ရ်၊ ဂျုမုအဟ်သောကြာ၊ ဆွလာသ်ငါးကြိမ်စသည့် ဆွလာသ်ဝတ်ပြုမှုအားလုံးတွင် တမန်တော်မြတ်(ဆွ)နောက်မှ အမျိုးသားများနှင့်အတူ ဝတ်ပြုလေ့ရှိခဲ့ကြပေသည်။ မက္ကဟ်၊ မဒီနဟ် မြို့တော်များသို့ ဟဂ်ျပြုရန်ရောက်ခဲ့ဘူးသော ဟာဂျီ၊ ဟာဂျီမအားလုံး တို့အဖို့ ဤသည်မှာ ကိုယ်တွေ့ မျက်မြင်ဖြစ်ပေသည်။ ဤသည့် ကျင့်စဉ်သည်တမန်တော်မြတ်(မ)လက်ထက်တော်မှစ၍ ယနေ့တိုင်ပင်ဖြစ်ပေသည်။ ကမ္ဘာပျက်ပြုန်းနေ့ နောက်ဆုံး အထိတည်ရှိနေမည်သာဖြစ်ပေသည်။ ကမ္ဘာ့အရပ်ရပ်တွင်လည်း ဤအတိုင်းပင်တွေ့ရှိရပေသည်။ ပြည်ထောင်စုမြန်မာနိုင်ငံတော်တွင်လည်း ဤအတိုင်းပင်။ ကုရ်အာန်ကျမ်းတော်မြတ်တွင်လည်းဤအတိုင်းပင်။ ကုရ်အာန်ကျမ်းမြတ်နောက် အမှန်ကန်ဆုံးဖြစ်သော ဗုခါရီ၊ မွတ်စ်လင်မ်၊ အိဗ်နုမာဂျဟ်၊ သိရ်မီဇီ၊ အဗူဒါဝူးဒ်၊ နစာအီ စသည့် ကျမ်းကြီးများတွင်လည်း ဤအတိုင်းပင် တွေ့ရှိရပေသည်။ ဟိဒါယဟ် စသည့် ဓမ္မသတ်ကျမ်း များတွင်လည်း ဤအတိုင်းပင်။

                 ဤတွင် ခိုင်လုံ၊ မှန်ကန်၊ တိကျ၊ ပြတ်သားသော အချို့ ကျမ်းချက်များကို တင်ပြလိုပေသည်။

 

 

တမန်တော်မြတ်(ဆွ)က ငါသည် ဆွလာသ် ဝတ်ပြုရန် မတ်တပ်ရပ်သည့်အခါ ရှည်လျားစွာ ဝတ်ပြုလိုသည်။ သို့ရာတွင် ကလေးငိုသံ ကြားသည့်အခါ ကလေး၏ မိခင် ဒုက္ခ ဖြစ်မည်ကို စိုးရိမ်မိသည့်အတွက် ဆွလာသ်ဝတ်ပြုမှုကို အကျဉ်းရုံးလိုက်ပါသည် ဟု မိန့်ကြားတော်မူခဲ့လေသည်။

(ဗုခါရီကျမ်း၊ အစောင်-၁၊ စာမျက်နှာ -၁၃၉)

 

 

အာအိရှဟ်(ရ)သခင်မက ပြောပြခဲ့သည်မှာ - (တစ်နေ့) တမန်တော်မြတ်(ဆွ)သည် အိရှာအ်ဆွလာသ်ကို အချိန်ဆွဲ၍ ဝတ်ပြုတော်မူရာ သာဝကကြီး အုမရ်(ရ)က- တမန်တော်မြတ်၊ အမျိုးသမီးများနှင့် ကလေးများသည် (ဗလီကျောင်းတော်တွင်) အိပ်ပျော်ကုန်ကြပါပြီ ဟူ၍ပင် လျှောက်ထားခဲ့လေသည်။

(ဗုခါရီကျမ်း၊ အစောင်-၁၊ စာမျက်နှာ-၁၆၈)

 

တမန်တော်မြတ်(ဆွ)က -

]အသင်တို့၏အမျိုးသမီးများ၊ ညဥ့်အချိန်တွင်  ဗလီဝတ်ကျောင်းတော်သို့ သွားရန် အသင်တို့ထံ  ခွင့်ပန်ကြားလျှင်၊ အသင်တို့သည် ၄င်းတို့အား  ခွင့်ပြုကြဟု အမှတ်တရမိန့်ကြားတော်မူခဲ့သည်။

(ဗုခါရီကျမ်း၊ အစောင်-၁၊ စာမျက်နှာ-၁၆၈)

 

သာဝကကြီး အုမရ် (ရ) ၏ သားက ပြောပြခဲ့သည်မှာ ...

                သာဝကကြီး အုမရ် (ရ)၏ ဇနီးသည် တစ်ဦးသည် ဖဂ်ျရ်၊ အိရှာဆွလာသ်များကို ဗလီကျောင်းတော်တွင် ဂျမာအသ်နှင့် ဆောက်တည်လေ့ရှိသည်။ တစ်ဦးတစ်ယောက်က အဆိုပါ သာဝကကြီး အုမရ်(ရ) ၏ဇနီးအား - အမျိုးသမီးများ ဗလီသွားခြင်းကို သာဝကကြီး အုမရ်(ရ)သခင်  မနှစ်သက်သည်ကို အသင်မ သိပါလျက် အဘယ့်ကြောင့် ဗလီသို့သွားပါသနည်းဟု ပြောရာ၊ သာဝကကြီး အုမရ်(ရ)၏ဇနီးက - သို့ဖြစ်လျှင် သာဝကကြီး အုမရ်(ရ) သည်  ကျွန်မကို တိုက်ရိုက် အဘယ်ကြောင့် မတားပါသနည်းဟု ပြန်လည်မေးလေသည်။ ထိုအခါ အဆိုပါပုဂ္ဂိုလ်က- တမန်တော်မြတ်(ဆွ)က အလ္လာဟ်၏ ကျွန်မများကို အလ္လာဟ့်ဗလီကျောင်းများ သို့သွားလာခြင်းမှ မတားမြစ်ကြနှင့်ဟု တားမြစ်ထားတော်မူခြင်းကြောင့် မတားမြစ်ခြင်းဖြစ်ပါသည် ဟုပြောပြခဲ့လေသည်။

(ဗုခါရီကျမ်း၊ အစောင်-၂၊ စာမျက်နှာ -၆)၊

 

 

သာဝကကြီးအုမရ်(ရ)၏သား၊ သာဝကကြီး အဗ်ဒုလ္လာဟ်(ရ)က ပြောပြခဲ့သည်မှာ တမန်တော်မြတ်(ဆွ)က အသင်တို့၏  ဇနီးမိန်းမများ ဗလီကျောင်းတော်များသို့ သွားရန် အသင်တို့ ထံ ခွင့်ပန်ကြပါက အသင်တို့သည် မိမိတို့၏ ဇနီးများအား မပိတ်ပင်ကြနှင့်ဟု မိန့်ကြားတော်မူခဲ့သည်ကို မိမိကိုယ်တိုင်နားနှင့် ဆတ်ဆတ်ကြားခဲ့ပါသည်ဟုပြောပြလေသည်။ ထိုအခါ သာဝကကြီး ဗိလာလ် အိဗ်နိ အဗ်ဒွလ္လာဟ်(ရ)က အလ္လာဟ်အရှင်မြတ် အားတိုင်တည်၍ ကျွန်ုပ်တော့ ထိုအမျိုးသမီးများကို မုချပိတ်ပင် မည်ဟုပြောရာ သာဝကကြီး အဗ်ဒွလ္လာဟ်(ရ)သည် သာဝကကြီးဗိလာလ်(ရ)ထံ ရောက်ရှိလာပြီး ပြင်းပြင်းထန်ထန် ကဲ့ရဲ့ပြစ်တင်ရှုံ့ချရေရွတ်ကာ - ကျွန်ုပ်သည် အသင့်အား တမန်တော်မြတ်(ဆွ)၏ ဩဝါဒတော်ကို ပြောပြနေခြင်းဖြစ်သည်။  အသင်က အလ္လာဟ် အရှင်မြတ်အား တိုင်တည်၍ ကျွန်ုပ်တို့ အမျိုးသမီးများကို ပိတ်ပင်မည်ဟု ပြောဆိုနေရသလားဟု ကြိမ်းမောင်းပြောဆိုခဲ့လေသည်။

(မွတ်စ်လင်မ်ကျမ်း၊ အစောင်-၂၊ စာမျက်နှာ - ၆၈၊၆၉)

 

                အထက် ဖော်ပြပါ ဩဝါဒတော်များကို ထောက်ရှုခြင်းဖြင့် တမန်တော်မြတ်(ဆွ)လက်ထက်တော်တွင် မွတ်စ်လင်မ်အမျိုးသမီးများ ဗလီ ကျောင်းတော်သို့ သွားရောက်ဝတ်ပြုလေ့ရှိခဲ့ကြသည်မှာ အထင်အရှားပင်ဖြစ်ပေသည်။

                ဖိကဟ် (ခေါ်) အစ္စလာမ့်ဓမ္မသတ်ကျမ်းများတွင်လည်း အမျိုးသမီးများဗလီကျောင်းတော်များသို့ သွားရောက်ဝတ်ပြုခွင့်ရှိကြောင်း၊ ဝတ်ပြုရာတွင်အမျိုးသားများက- ရှေ့က၊ ကလေးများက-အလယ်က၊အမျိုးသမီးများက- နောက်ဆုံးကနေ၍ ဝတ်ပြုကြရသည့်အကြောင်းများကို အသေးစိတ်တွေ့ရှိရပေသည်။

                အစ္စလာမ်ဓမ္မသတ်ကျမ်းများတွင် ဟိဒါယဟ်ကျမ်းသည် အကျော်ကြားဆုံး ကျမ်းတစ်စောင်ဖြစ်သည်။ ကမ္ဘာ့အရပ်ရပ်ရှိ အစ္စလာမ် သာသနာရေးရာ ကျောင်းကြီးများတွင် မသင်မနေရ၊ ကျမ်းတစ်စောင်လည်းဖြစ်သည်။

ယင်းကျမ်းတွင်ပါရှိသည်မှာ-

 

 (ဂျမာအသ်နှင့်ဆွလာသ်ဝတ်ပြုရာတွင်)

အမျိုးသားများ  ရှေ့ဆုံးက တန်းစီကြရမည်။

ထို့နောက်ကလေးများ၊ ထို့နောက် အမျိုးသမီးများတန်းစီကြရမည်။

(ဟိဒါယဟ်ကျမ်း၊ အစောင်-၁၊ စာမျက်နှာ -၁၀၃)

 

                ဤအကြောင်းနှင့်စပ်လျဉ်း၍ အိန္ဒိယပြည်၊ မုဖ်သီချုပ် မောင်လာနာ ကိဖာယသွလ္လာဟ်သခင် စီရင်ရေးသားအပ်သော သအ်လီမုလ် အစ္စလာမ် ကျမ်းတွင်အောက်ပါအတိုင်းတွေ့ရှိရသည်။

အမေး - ဂျမာအသ်နှင့်တကွ ဆွလာသ်ဝတ်ပြုကြရာတွင်   လူများသည် မည်သို့၊ မည်ပုံ ရပ်ကြရပါမည်နည်း။

 

အဖြေ-  အချင်းချင်းကပ်လျက် အတန်းညီစွာ ရပ်ကြရမည်။ စပ်ကြားတွင် နေရာလွတ် မထားကြရ။ ကလေးများသည်  လူကြီးများ၏ နောက်တွင် ရပ်ကြရမည်။ လူကြီးများအတန်းတွင် ကလေးများကို မရပ်စေရ။ မက္ကရူဟ်ဖြစ်သည်။ အမျိုးသမီးများ၏ အတန်းသည်  ကလေးများ၏နောက်တွင် ရှိစေရမည်။

(သအ်လီမုလ်အစ္စလာမ်ကျမ်း၊ အတွဲ-၁၊ စာမျက်နှာ-၃၂)

 

အချို့ ဓမ္မသတ်ရှင်များ၏ အမြင်

       အချို့အစ္စလာမ်ဓမ္မသတ်ရှင်များကအမျိုးသမီးများဗလီ တက်ရောက်ဝတ်ပြုခြင်းကို မက္ကရူဟ်ဟု ဆိုကြသည်။ သူတို့၏ ဆိုခြင်းမှာ အကြောင်းမဲ့ မဟုတ်၊ သူတို့ခေတ်၊သူတို့တိုင်းပြည်၊ သူတို့ ပတ်ဝန်းကျင်မှာသူတို့အမြင်အရ အမျိုးသမီးများဗလီသို့လာခြင်းဖြင့် ပြဿနာပေါ်မည်ကို စိုးရိမ်၍ မက္ကရူဟ်ဟုဆိုခဲ့ခြင်းဖြစ်သည်။ ယင်းသို့ဆိုခြင်းမှာလည်း အမျိုးသမီးများအားလုံးအတွက်မဟုတ်၊ ငယ်ရွယ်သူမိန်းကလေးများအတွက်သာဖြစ်သည်။

 

    အမျိုးသမီးများအနက် မိန်းကလေးများ ဗလီသို့လာရောက်ဝတ်ပြုခြင်းဖြင့် ပြဿနာပေါ်မည်ကို စိုးရိမ်ရသည့်အတွက် ယင်းသို့သော အမျိုးသမီးများဗလီသို့လာခြင်းမှာမက္ကရူဟ်ဖြစ်သည်။ (မသင့်)။ သို့ရာတွင် အသက်အရွယ်ကြီးရင့်သော အမျိုးသမီး များသည် ဖဂ်ျရ်၊ မဂ်ရိဗ်၊ အိရှာဆွလားသ်များတွင်ပင် ဗလီသို့လာ နိုင်ကြပေသည် ။ ပြဿနာမရှိ ၊ စိုးရိမ်ဖွယ်ရာမရှိ။

(ဟိဒါယဟ်ကျမ်း၊ အစောင်-၁၊ စာမျက်နှာ-၁၀၅)

                အထက်ပါ ဓမ္မသတ်မှာ  သူတို့ခေတ် ၊ သူတို့တိုင်းပြည်၊ သူတို့ပတ်ဝန်းကျင်မှာ အခြေအနေအရ အမျိုးသမီးငယ်များ ဗလီ ကျောင်းသို့ လာခြင်းဖြင့် ပြဿနာပေါ်မည်ကိုစိုး၍ ကြိုတင် ကာကွယ်ခြင်းသာဖြစ်သည်။ သို့ရာတွင် ယင်းဓမ္မသတ်သည် ပြဿနာမပေါ်သော တိုင်းပြည်များ၊ အထူးသဖြင့် မြန်မာပြည်ရှိ တိုင်းရင်းသူ မွတ်စ်လင်မ် အမျိုးသမီးများနှင့်မူ မည်သို့မျှ မပတ်သက်ပေ။

                အကြောင်းသော် မြန်မာပြည်တွင် မွတ်စ်လင်မ်များနေထိုင် လာခဲ့ကြသည်မှာ နှစ်ပေါင်းတစ်ထောင်ပင်ကျော်လာခဲ့ပေပြီ။ ယင်း နှစ်တစ်ထောင်အတွင်း မွတ်စ်လင်မ်အမျိုးသမီးများ ဗလီ ကျောင်းတော်များသို့တက်ရောက်ဝတ်ပြုခဲ့ကြသည်။ ပြဿနာတစ်စုံတစ်ရာ  မပေါ်ခဲ့ပေ။

                ပြဿနာပေါ်ရန် အကြောင်းလည်းမရှိပေ။

                သို့ဖြစ်ရာ ကျွန်ုပ်တို့၏ တိုင်းရင်းသူမွတ်စ်လင်မ်အမျိုးသမီးများသည် ကုရ်အာန်ကျမ်းတော်မြတ်နှင့်အညီ၊ တမန်တော်မြတ် (ဆွ)၏ စွန္နသ်ကျင့်စဉ်နှင့်အညီ ၊ လွတ်လပ်စွာ ၊ ဗလီကျောင်းတော် များသို့ သွားရောက်ဝတ်ပြုကြရမည်သာ ဖြစ်ပေသည်။

 

 

 

မွတ်စ်လင်မ် အမျိုးသမီးနှင့် အီဒ်ဂါဟ်

                တမန်တော်မြတ် (ဆွ) လက်ထက်တော်တွင် မွတ်စ်လင်မ် အမျိုးသမီးများသည် အီးဒ်နေ့များတွင် အီဒ်ဂါဟ် (ခေါ်) အီးဒ် ဆွလာသ် ဝတ်ပြုရာ(မိုင်ဒါန်)ကွင်းပြင်သို့ထွက်၍ အမျိုးသားများနှင့်အတူ တမန်တော်မြတ်(ဆွ)နောက်မှ အမြဲတစေ အီဒ်ဆွလာသ် ဝတ်ပြုခဲ့ကြလေသည်။ ယင်းသို့ဝတ်ပြုခဲ့ခြင်းမှာ တမန်တော်မြတ်(ဆွ)၏သက်တမ်းတစ်လျှောက်လုံးဖြစ်သည်။ တမန်တော်မြတ်(ဆွ)၏ လက်ထက်တော်မှ ယနေ့တိုင် ဖြစ်သည်။  ကမ္ဘာ့တစ်သက်တည်ရှိ နေမည်သာဖြစ်သည်။ ဤကား အစ္စလာမ့်သမိုင်းတွင် အထင်အရှားပင်။

                ဤအကြောင်းနှင့်စပ်လျဉ်း၍ ခိုင်လုံ၊ မှန်ကန်၊ တိကျ၊ ပြတ်သားသော အချို့ ကျမ်းချက်များကို ဤတွင် တင်ပြလိုပေသည်။

 

အွမ္မိအသွီယဟ်(ရ)သခင်မက -ကျွန်မတို့သည် အီးဒ်နေ့များတွင် အမျိုးသားများနှင့်အတူ အမျိုးသမီးများ (သက္ကဗီရ်) ဂုဏ်တော်မွှမ်းရန် နှင့် ဆုမွန်တောင်းနိုင်ရန်အတွက် ရာသီဆင်းနေသော အမျိုးသမီးများကိုပင် (အီဒ်ဂါဟ်သို့) ထုတ်ဆောင်လာရန် အမိန့်တော်ပေးခြင်း ခံခဲ့ကြရပါသည်ဟု ပြောပြခဲ့လေသည်။

(ဗုခါရီကျမ်း၊ အစောင်-၁၊ စာမျက်နှာ-၆၄)

 

တမန်တော်မြတ်(ဆွ)သည် အီးဒ်နေ့တွင် အမျိုးသားများဘက်မှ အမျိုးသမီးများရှိရာသို့ ကြွလာတော်မူခဲ့သည်။ တမန်တော်မြတ်(ဆွ)နှင့်အတူ သာဝကကြီးဗိလာလ်(ရ) လိုက်ပါလာခဲ့သည်။ တမန်တော်မြတ်(ဆွ)သည် မိမိ၏တရား ဒေသနာတော်များကို အမျိုးသမီးများ မကြားရဟု ထင်မှတ်တော်မူသည့်အတွက် အမျိုးသမီး များအား ထပ်မံတရားဟောကြား တော်မူသည်။အထူးသဖြင့် အလှူဒါနပြုရန် မိန့်ကြားတော်မူသည်။ ထိုအခါ  အမျိုးသမီးများသည် နားဋောင်းများ၊ လက်စွပ် များကို ချွတ်၍အသီးသီးလှူဒါန်းခဲ့ကြလေသည်။ ယင်း လှူဖွယ် ပစ္စည်းများကိုသာဝကကြီးဗိလာလ်(ရ)သည်မိမိ၏အဝတ်ဖြင့် လက်ခံယူခဲ့လေသည်။

(ဗုခါရီကျမ်း၊ အစောင်-၁၊ စာမျက်နှာ-၂၇)

 

 

အွမ္မိအသွီယဟ်(ရ)သခင်မ ပြောပြခဲ့သည်မှာ ...

                ကျွန်မတို့သည်  အီးဒ်နေ့များတွင် (အမျိုးသမီးများအား အီဒ်ဂါဟ်သို့) ခေါ်ဆောင်လာရန် အမိန့်ပေးခြင်းခံခဲ့ကြရပါသည်။ ကျွန်မတို့သည် မိန်းမပျိုကလေးများကို ၄င်းတို့၏ အဆောင်များ အတွင်းမှပင် ခေါ်ဆောင်လာခဲ့ကြပါသည်။ ထိုမျှမက ရာသီဆင်း နေသော အမျိုးသမီးများကိုလည်း ခေါ်ဆောင်လာခဲ့ကြပါသည်။ ထိုအမျိုးသမီးများသည် အမျိုးသားများ၏နောက်တွင် (ဆွလာသ် ဝတ်မပြုဘဲ) သီးခြား ထိုင်နေကြပြီး၊ အမျိုးသားများနှင့်အတူ သက္ကဗီရ်ဆိုကြပါသည်။ ဂုဏ်တော်မွှမ်းကြပါသည်။ အမျိုးသားများနှင့် အတူ ဆုပန်ကြားကြပါသည်။ အီးဒ်နေ့၏ မင်္ဂလာကို ခံယူကြပါသည်။

(ဗုခါရီကျမ်း၊ အစောင်-၂၊ စာမျက်နှာ -၂၀)

 

အွမ္မိအသွီယဟ်(ရ) သခင်မ ပြောပြခဲ့သည်မှာ ...

ကျွန်မတို့သည် အီးဒ်နေ့များတွင် မိန်းမပျိုကလေးများနှင့် ရာသီဆင်းနေသော အမျိုးသမီးများအား အီဒ်ဂါဟ်သို့ ခေါ်ဆောင်လာရန် အမိန့်ပေးခြင်းခံခဲ့ကြရပါသည်။-- အမျိုးသမီးတစ်ဦးက တမန်တော်မြတ်(ဆွ)ထံ - အို-အလ္လာဟ်၏တမန်တော်(ဆွ)၊ ကျွန်မတို့အနက် အချို့အမျိုးသမီးများမှာ ခြုံထည်မရှိပါဟု လျှောက်ရာ၊ တမန်တော်မြတ်(ဆွ)က ထိုသို့သော အမျိုးသမီးများအား ခြုံထည်ရှိသော အမျိုးသမီးများက မိမိတို့၏ခြုံထည်များဖြင့် ခြုံလွှမ်းပြီးခေါ်ဆောင်သွားကြရမည်ဟုအမိန့်ပေးတော်မူလေသည်။

(ဗုခါရီ၊ အစောင်-၂၊ စာမျက်နှာ -၅၆)

 

 တမန်တော်မြတ်(ဆွ)သည် အီးဒ်နေ့များတွင် မိမိ၏ ကြင်ရာတော်များနှင့် သမီးတော်များကို အီဒ်ဂါဟ်သို့ခေါ်ဆောင် သွားတော်မူလေ့ ရှိခဲ့ကြောင်းကို သာဝကကြီး အိဗ်နု အဗ္ဗာစ် (ရ)က ပြောပြခဲ့လေသည်။

(အိဗ်နိမာဂျဟ်ကျမ်း)

အွမ္မိအသွီယဟ်(ရ)သခင်မ ပြောပြခဲ့သည်မှာ ...

တမန်တော်မြတ်(ဆွ)သည် မဒီနဟ်မြို့တော်သို့ ကြွလာတော်မူသည့်အခါ အန်ဆွာရီအမျိုးသမီးတို့အား အိမ်တစ်အိမ်တွင် စုရုံးစေတော် မူပြီး ကျွန်မတို့ထံသို့ သာဝကကြီး အုမရ်(ရ)အားစေလွှတ်တော်မူလိုက်သည်။ သာဝကကြီး အုမရ်(ရ)သည် ကျွန်မတို့ထံရောက်ရှိလာပြီး တံခါးပေါက်တွင် မတ်တပ်ရပ်၍ ကျွန်မတို့အား စလာမ်ပေးပါသည်။ ထို့နောက် သာဝကကြီးအုမရ်(ရ)က ကျွန်ုပ်သည် အလ္လာဟ် အရှင်မြတ်၏ တမန်တော်မြတ်(ဆွ)၏သံတမန်ဖြစ်ပါသည်။ တမန်တော်မြတ်(ဆွ)သည် ကျွန်ုပ်အား အသင်မတို့ထံ စေလွှတ်လိုက် ပါသည်။ ထို့နောက် သာဝကကြီး အုမရ်(ရ)က  ကျွန်မတို့အား အီးဒ်နေ့များတွင် ရာသီဆင်းနေသော အမျိုးသမီးများကိုပါ အီဒ်ဂါဟ်သို့ ခေါ်ဆောင်သွားရန် တမန်တော်မြတ်(ဆွ) ညွှန်ကြားတော်မူကြောင်းပြောပြခဲ့လေသည်။

(အဗူဒါဝူးဒ်ကျမ်း)

 

တမန်တော်မြတ်(ဆွ)သည် အီးဒ်နေ့များတွင် မိန်းမပျိုများအားလည်းကောင်း၊ မိန်းမကြီးများအားလည်းကောင်း၊ အတွင်းဆောင်တွင် နေထိုင်သောအမျိုးသမီးများအားလည်းကောင်း၊ ရာသီဆင်းနေသောအမျိုးသမီးများအားလည်းကောင်း၊ အားလုံးကို အီဒ်ဂါဟ်သို့ ထွက်စေတော်မူခဲ့လေသည်။

(သိရ်မီဇီကျမ်း)

အမျိုးသမီးတိုင်းအပေါ်၌ အီးဒ် နှစ်အီးဒ်လုံးတွင် (အီဒ်ဂါဟ်)သို့ ထွက်ရန်မှာ မလွဲမသွေလိုက်နာဆောင်ရွက်ရမည့် တာဝန်ဖြစ်သည်။ ဤသည်ကို ကာဿီအိသဟ်က သာဝကကြီး အဗူဗက္ကရ်(ရ)၊ သာဝကကြီး အလီ(ရ)နှင့် သာဝကကြီး အိဗ်နုအုမရ်(ရ)တို့ထံမှ တစ်ဆင့် ဖော်ပြထားသည်။

(နိုင်လ်ကျမ်း၊ အစောင်-၃၊ စာမျက်နှာ -၃၅၄)

 

အိဗ်နုအဗီရှိုင်ဗဟ်က သာဝကကြီး အဗူဗကရ်(ရ)နှင့် သာဝကကြီး အလီ(ရ)တို့ထံမှ တစ်ဆင့် ဖော်ပြသည်မှာ- အဆိုပါသာဝကကြီး နှစ်ပါးက အမျိုးသမီးတိုင်းအပေါ်၌ အီးဒ်နှစ် အီးဒ်လုံးတွင် (အီဒ်ဂါဟ်သို့) ထွက်ရန်မှာ မလွဲမသွေ လိုက်နာဆောင်ရွက်ရမည့် တာဝန်ဖြစ်သည်ဟု မိန့်ကြားခဲ့ကြလေသည်။

(နိုင်လ်ကျမ်း၊ အစောင်-၃၊ စာမျက်နှာ -၃၅၄)

 

အွမ္မိအသွီယဟ်(ရ)သခင်မသည် တမန်တော်မြတ်(ဆွ)ကွယ်လွန်သေဆုံးတော်မူပြီးသည့်နောက်ပိုင်းတွင်လည်း အချိန်အတော်ကြာ မြင့်သည်အထိ အမျိုးသမီးများ အီဒ်ဂါဟ်သို့ သွားရန် ဖသ်ဝါအစ္စလာမ်ဓမ္မသတ်အဆုံးအဖြတ်ပေး၍နေခဲ့ လေသည်။ ဤကိစ္စနှင့် စပ်လျဉ်း၍ အဆိုပါသခင်မကြီးအား (ဆွဟာဗဟ်) သာဝကကြီးများအနက် တစ်ပါးပါးကမျှ ဆန့်ကျင်ခဲ့ကြသည်မရှိပေ။              

(ဟာဖိဇ်ွအိဗ်နုဟဂျရ်)

 

အီဒွလ်ဖိသ်ရ်နေ့ကျရောက်သည့်အခါ အလ္လာဟ်အရှင်မြတ်သည် မိမိ၏ ကောင်းကင်တမန်များရှေ့မှောက်တွင် ဆွီယာမ် ဥပုသ် ဆောက်တည်ကြသော မွတ်စလင်မ်သူတော်စင် များအား အကြောင်းပြု၍ ဂုဏ်ယူ မိန့်ကြားတော်မူသည်မှာ-                

အို-ငါ၏ကောင်းကင်တမန်အပေါင်းတို့၊ တာဝန် ကျေပွန်စွာ ဆောင်ရွက်သော လုပ်သားတစ်ဦးအား မည်သို့ ဆုလာဘ် ချီးမြှင့် ရအံ့နည်းဟု မေးတော်မူသောအခါ

ကောင်းကင်တမန်များက-

အို- ကျွန်တော်မျိုးတို့၏အရှင်၊ ယင်းသို့သော လုပ်သားအား လုပ်ခ အပြည့်အဝ ချီးမြှင့်တော်မူရပါမည်ဟု လျှောက်ထားကြ၏။

ထိုအခါ အလ္လာဟ်အရှင်မြတ်က -

အို-ငါ၏ကောင်းကင်တမန် အပေါင်းတို့၊

ငါ၏ဩဇာခံကျွန်ယောကျာ်းများနှင့် ကျွန်မိန်းမများသည်  ၄င်းတို့ အပေါ်တင်ရှိနေသော ငါ၏ တာဝန်ကိုကျေပွန်စွာ ဆောင်ရွက်ကြပြီး၊ ဆုမွန်တောင်းရန်အတွက် ဟစ်ြွေကးကာ ထွက်လာကြပြီ။

ငါအရှင်သည် မိမိ၏ တန်ခိုးတော်၊ ဂုဏ်တော်၊ ရက်ရောမှု၊ မြင့်မြတ်မှု၊ ဂုဏ်ကြီးကျယ်မှုများကို တိုင်တည်မိန့်ကြားတော်မူအံ့။

ငါအရှင်သည် ၄င်းတို့၏ ဆုပန်ကြားချက်ကို မုချ လက်ခံတော်မူမည်ဟုမိန့်ကြားတော်မူလိုက်လေသည်။

ထို့နောက် အလ္လာဟ်အရှင်မြတ်က -

( မိမိ၏ ဩဇာခံ ကျွန်ယောကျာ်း၊ ကျွန် မိန်းမများ တစ်နည်း မွတ်စ်လင်မ် အမျိုးသား၊ အမျိုးသမီးတို့အား) -

အသင်တို့သည် ပြန်ကြကုန်။

ငါအရှင်သည် အသင်တို့အား ချမ်းသာခွင့်ပေးတော်မူလိုက်ပြီ။

အသင်တို့၏မကောင်းမှုများကိုလည်း ကောင်းမှုများဖြင့်ပြောင်းလဲထားတော်မူလိုက်ပြီဟုကောင်းချီးသတင်းပေးတော်မူလိုက်လေသည်။ 

ထိုအခါ မွတ်စ်လင်မ် အမျိုးသမီး အမျိုးသားများသည် မိမိတို့၏ ပြစ်မှုများမှ လွတ်ငြိမ်းခွင့်ရရှိကာ ပြန်လာကြလေသည်။

 

(ဗိုင်ဟကီကျမ်း)

(မောင်လာနာ အရ်ှရဖ်အလီထာနဝီသခင်ရေး-

ခွတ္တဗာသုလ်အဟ်ကာမ်ကျမ်း၊ စာမျက်နှာ-၁၀၅၊ ၁၀၆)

 

အထက်ပါ တမန်တော်မြတ်(ဆွ)၏ ဩဝါဒတော်များဆိုင်ရာ ကျော်ကြား မှန်ကန် တိကျသောကျမ်းကြီးများ၏ ကျမ်းချက်များကို ထောက်ရှုခြင်း အားဖြင့် တမန်တော်မြတ်(ဆွ)၏လက်ထက် တော်၌ မွတ်စ်လင်မ်အမျိုးသမီးများသည်အီးဒ်နေ့များတွင်အီဒ်ဂါဟ်သို့ သွားရောက်ဝတ်ပြုခဲ့ကြသည်မှာ အထင်အရှားပင်ဖြစ်ပေသည်။ ဤသည်မှာ သာမန်ပညတ်ချက်မဟုတ်ပေ။ မလုပ်မနေရ၊ မသွားမနေရ ပညတ်မျိုးပင်ဖြစ်ပေသည်။

တမန်တော်မြတ်(ဆွ) လက်ထက်တော်မှစ၍ ယနေ့တိုင် မက္ကဟ်မြို့တော်နှင့် မဒီနဟ်မြို့တော်တွင် မွတ်စ်လင်မ်အမျိုးသမီးများသည် အမျိုးသားများ နှင့်အတူ အီးဒ် ဆွလာသ်ဝတ်ပြုခဲ့ကြ ပေသည်။ ယခုလည်း ဝတ်ပြုလျက်ရှိကြပေသည်။ ကမ္ဘာ့တစ်သက် ဝတ်ပြုနေကြမည်သာဖြစ်ပေသည်။

                သို့ဖြစ်ရာ ကျွန်ုပ်တို့၏ တိုင်းရင်းမွတ်စ်လင်မ် အမျိုးသမီးများသည်လည်း ကုရ်အာန်ကျမ်းတော်မြတ်နှင့်အညီ၊ တမန်တော်မြတ်(ဆွ)၏ ကျင့်စဉ်နှင့်အညီ အီးဒ်နေ့များတွင် အီဒ်ဂါဟ်သို့ လွတ်လပ်စွာ သွားရောက် ဝတ်ပြုကြရမည်သာဖြစ်ပေသည်။

 

ဗလီနှင့်အီဒ်ဂါသို့- မွတ်စ်လင်မ် အမျိုးသမီးများ သွားရောက်

ဝတ်ပြုခြင်းမှ ဟန့်တားနေကြသော ပုဂ္ဂိုလ်များအားမေးပါရစေ

               

 အထက်ဖော်ပြပါ ကျမ်းကြီး ကျမ်းငယ် အသွယ်သွယ်တို့၏ ကျမ်းချက်များအရ၊ အထောက်အထားများအရ၊ တမန်တော်မြတ် (ဆွ)သည် မွတ်စ်လင်မ် အမျိုးသမီးတို့အား ဗလီကျောင်းတော် များသို့ သွားရောက်ဝတ်ပြုခွင့်ပေးတော်မူခဲ့သည်မှာအထင်အရှားပင်။

                အီးဒ်နေ့များတွင် မွတ်စလင်မ်အမျိုးသမီးများ အီဒ်ဂါဟ်သို့ သွားရောက်ဝတ်ပြုခွင့်ပေးတော်မူခဲ့သည်မှာလည်း အထင်အရှားပင်။

                ကုရ်အာန်ကျမ်းတော်မြတ်၌ မည်သည့်ကဏ္ဍတော်၊ မည်သည့် မုက္ခပါဌ်တော်တွင်မျှ မွတ်စ်လင်မ်အမျိုးသမီးတို့အား ဗလီသို့ သွားရောက် ဝတ်ပြုခြင်း၊ အီဒ်ဂါသို့သွားရောက်ဝတ်ပြုခြင်းမှ တားမြစ်ထားတော်မူသည်ဟူ၍လည်း အလျင်းမရှိပေ။

                သို့ပါလျက် မွတ်စ်လင်မ် အမျိုးသမီးတို့အား ဗလီသို့သွား ရောက်ဝတ်ပြုခြင်း၊ အီဒ်ဂါသို့သွားရောက်ဝတ်ပြုခြင်းမှ ဟန့်တား နေခြင်းမှာ ကုရ်အာန်ကျမ်းတော်မြတ်နှင့်တကွ တမန်တော်မြတ် (ဆွ)အား ဖြောင့်ဖြောင့်ကြီး သွေဖည် ဆန့်ကျင်ရာ ရောက်သည် မဟုတ်ပါ၏လော။

 

ကုရ်အာန်ကျမ်းမြတ်(၃၃း ၂၈ - ၃၄)သည်            

မွတ်စ်လင်မ်အမျိုးသမီးများဗလီနှင့်အီဒ်ဂါဟ်သို့ သွားရောက်ဝတ်ပြုရေးနှင့် မည်သို့မျှ မပတ်သက်

 

ကုရ်အာန်ကျမ်းမြတ်(၃၃း၂၈-၃၄)သည် တမန်တော်မြတ်(ဆွ)၏ ကြင်ရာတော်များနှင့်သာ သက်ဆိုင်ပေသည်။ ကျန် မွတ်စ်လင်မ်အမျိုးသမီးများနှင့် မသက်ဆိုင်ပေ။ ယင်းမုက္ခပါဌ်တော်များတွင် သုံးနှုံးထားတော်မူသည့် အသုံးအနှုံးများကို အထူးသဖြင့်

(အို-တမန်တော်၊အသင်သည်မိမိ၏ကြင်ရာတော်များကိုပြောလေ)

(အို-တမန်တော်၏ကြင်ရာတော်များ} ဟူသော အသုံးအနှုံးများကို ထောက်ရှုခြင်းအားဖြင့် အဆိုပါ မုက္ခပါဌ်တော်များသည် တမန်တော်မြတ်(ဆွ)၏ ကြင်ရာတော်များနှင့်သာ ပတ်သက်ကြောင်း သူငါအများသိနိုင်ပေသည်။ သို့ပါလျက် အချို့က အဆိုပါ မုက္ခပါဌ်တော်များတွင် ကျန်မွတ်စ်လင်မ် အမျိုးသမီးအားလုံး အကျုံးဝင်သည် ဟု ဇွတ်မှိတ်ဆိုနေကြသည်။ ဤကား အဓိပ္ပာယ်မရှိ။

                အဆိုပါ မုက္ခပါဌ်တော်(၃၃း ၃၃)တွင် တမန်တော်မြတ်(ဆွ)၏ အိမ်တော်သူ၊အိမ်တော်သားများအား အဟ်လိလ်ဘိုက်သ်ဟူ၍ သုံးနှုံး ထားတော်မူသည်။ ယင်း အိမ်တော်သူအိမ်သားများတွင် တမန်တော်မြတ်(ဆွ)၏ အိမ်တော်သူ ၊ အိမ်တော်သားများသာ ပါဝင်ပေသည်။  ကျွန်ုပ်တို့၏ အိမ်သူ ၊ အိမ်သားများ အသို့လျှင် ပါဝင်နိုင်အံ့နည်း။

 

ကုရ်အာန်ကျမ်းမြတ်(၃၃း ၃၃) ကျရောက်လာပြီးနောက် မွတ်စ်လင်မ် အမျိုးသမီးများအိမ်အပြင်မထွက်ရဟူသော အမိန့်တော် ထွက်လာသည်ဟု အချို့ကဆိုသည်။ ဤအဆိုသည် အလျင်းမမှန်၊ အဘယ်ကြောင့်ဆိုသော် အဆိုပါ မုက္ခပါဌ်တော်များသည် အိလာ(ခေါ်)တမန်တော်မြတ် မိမိကြင်ရာတော်များအား တစ်လအဆက်ဖြတ် ထားသည့်အကြောင်းနှင့်ပတ်သက်သည်။ အဆိုပါ အဆက်ဖြတ်ထားသည့်အကြောင်းသည် ဟိဂ်ျဂျရီ(၉)ခုတွင်ဖြစ်ခဲ့သည်။ဟိဂျဂ်ျရီ(၉)ခု နောက်ပိုင်း သဗူးက်စစ်ပွဲဖြစ်ပွားသည်။ သဗူးက်စစ်ပွဲတွင် မွတ်စ်လင်မ်အမျိုးသမီးများပါဝင်ခဲ့ကြသည်။ သဗူးက်စစ်ပွဲမှပြန်လာကြသော မွတ်စ်လင်မ်စစ်သည်တော်များအား မဒီနဟ်မြို့ရှိ မွတ်စ်လင်မ် အမျိုးသမီးကြီးငယ် အားလုံးတို့က မြို့ပြင်ထွက်၍ ဝမ်းသာအဲလဲ ကြိုဆိုခဲ့ကြသည်။ ဟိဂ်ျဂျရီ(၁၀)ခုတွင် တမန်တော်မြတ် (ဆွ)သည် နောက်ဆုံး ဟဂ်ျပြုခဲ့သည်။ အဆိုပါ ဟဂ်ျသည် တမန်တော်မြတ် (ဆွ)သက်တမ်းတွင် အကြီးဆုံး၊အအောင်မြင်ဆုံးနှင့်နောက်ဆုံး ဟဂ်ျဖြစ်သည်။ ယင်းဟဂ်ျတွင် မွတ်စ်လင်မ်အမျိုးသမီးအများအပြား ပါဝင်ခဲ့ ကြသည်။ တမန်တော်မြတ်(ဆွ)သည် မိမိ ကြင်ရာတော် အားလုံးတို့အား ခေါ်ဆောင်သွားတော်မူခဲ့သည်။ တမန်တော်မြတ်(ဆွ)သည် ဟိဂ်ျဂျရီ(၁၀)ခုတွင်ကွယ်လွန်သေဆုံးတော်မူခဲ့သည်။ တမန်တော်မြတ်(ဆွ)၏ ဂျနာဇဟ်ဆွလာသ်ဝတ်ပြုမှုကို အမျိုးသားများတစ်လှည့်၊ အမျိုးသမီးများ တစ်လှည့်၊ကလေးများတစ်လှည့် အသီးသီးဖတ်ခဲ့ကြသည်။ ဤသည့်ဖြစ်ရပ်များသည် ဟိဂ်ျဂျရီ(၉)ခု တမန်တော်မြတ် ကြင်ရာတော်များအား တစ်လအဆက်ဖြတ်ထားတော် မူသည့်ဖြစ်ရပ်၏နောက်ပိုင်းတွင်ဖြစ်ပေါ်ခဲ့သည့်ဖြစ်ရပ်များဖြစ်သည်။

အကယ်၍သာ ကုရ်အာန်ကျမ်းမြတ်(၃၃း၃၃)ကျရောက်ပြီးနောက် မွတ်စ်လင်မ်အမျိုးသမီးများ အိမ်ပြင်မထွက်ရဟူသော တားမြစ်ချက် အကယ် တန်တိ ထွက်လာခဲ့သည်ရှိသော် ဖော်ပြပါ ဖြစ်ရပ်များသည် ပေါ်ပေါက်ခဲ့မည်မဟုတ်ပေ။တမန်တော်မြတ်(ဆွ)သည် မိမိ၏ နောက်ဆုံး ဟဂ်ျတွင် နောက်ဆုံးဟဂ်ျဖြစ်သည့်အားလျော်စွာ မိမိ၏ တပည့်သားများအား ဟောကြားသင့်၊ ဟောကြားအပ်သည်များကို အသေးစိတ် ဟောကြားတော် မူခဲ့သည်။ တမန်တော်မြတ်(ဆွ)၏ မိန့်ခွန်းတော်များအနက် နောက်ဆုံးဟဂ်ျတွင်ြွမက်ကြားတော်မူခဲ့သည့် မိန့်ခွန်းတော်သည် အရှည်လျားဆုံး၊ အပြည့်ဝဆုံး၊အသေးစိတ်အကျဆုံးဖြစ်ခဲ့ပေသည်။ အကယ်၍ ကုရ်အာန်ကျမ်းမြတ်(၃၃း၃၃)အရ မွတ်စ်လင်မ်အမျိုးသမီးများ အိမ်အပြင်မထွက်ရ ဟူသောပညတ်တော်ရှိခဲ့ပါက တမန်တော်မြတ်သည် အဆိုပါပညတ်ချက်ကို မိမိ၏ နောက်ဆုံးဟဂ်ျတွင် မုချအတိအလင်း ထည့်သွင်း ဟောကြားတော်မူခဲ့မည်သာဖြစ်ပေသည်။ ယခုမူ တမန်တော်မြတ်(ဆွ)သည် အဆိုပါ နောက်ဆုံးဟဂ်ျတွင် ထိုသည့် ပညတ်ချက်ကို ဟောကြားတော် မမူခဲ့သည်သာမက မိမိ၏ ကြင်ရာတော်အားလုံးကိုပင် ခေါ်ဆောင်လာတော်မူခဲ့ပေသည်။

   ဤသည်တို့ကို ထောက်ရှုခြင်းဖြင့် ကုရ်အာန်ကျမ်းမြတ် (၃၃း၂၈-၃၄)သည် တမန်တော်မြတ်(ဆွ)၏ကြင်ရာတော်များနှင့်သာ ပတ်သက်ကြောင်း၊ ကျန်အမျိုးသမီးများနှင့် မပတ်သက်ကြောင်း၊ အီဒ်ဂါဟ်နှင့်ဗလီသို့ မွတ်စ်လင်မ် အမျိုးသမီးများ သွားလာရေးနှင့် မပတ် သက်ကြောင်း လယ်ပြင် ဆင်သွားသည့်အလား ထင်ရှားနေပေသည်။

ကြည့်-စီရတွန်နဗီကျမ်း၊ပတွဲ၊စာ-၅၄၇-၅၆၈၊ဒုတွဲ၊စာ-၁၄၉ - ၁၈၅

 

မွတ်စ်လင်မ် အမျိုးသမီးများ                         

အီဒ်ဂါနှင့် ဗလီကျောင်းတော်များသို့ သွားရောက်ခွင့်အကြောင်း

ဗုခါရီကျမ်းတွင်သာပါသည်မဟုတ်ပါ

 

               ဗုခါရီကျမ်းကြီးသည် ကုရ်အာန်ကျမ်းတော်မြတ်နောက် အမှန်ကန်ဆုံး ကျမ်းကြီးဖြစ်သည်ဟု ကမ္ဘာ့မွတ်စ်လင်မ်ထုကြီး တစ်ရပ်လုံးက လက်ခံထားပါသည်။

(၁)    ဗုခါရီကျမ်း

(၂)    မွတ်စ်လင်မ်ကျမ်း

(၃)   အဗူဒါဝူးဒ်ကျမ်း

(၄)   သိရ်မီဇီကျမ်း

(၅)   နစာအီကျမ်း

(၆)   အိဗ်နုမာဂျဟ်ကျမ်း၊

ဤကျမ်းကြီး(၆)စောင်ကို ဆွိဟာဟ်စစ်တ္တဟ်၊ မှန်ကန်သော ကျမ်းကြီး ခြောက်စောင်ဟူ၍ ကမ္ဘာ့မွတ်စလင်မ်ထုကြီး တစ်ရပ်လုံးက အသိအမှတ်ပြုထားပေသည်။ မွတ်စ်လင်မ်အမျိုးသမီးများ အိဒ်ဂါနှင့် ဗလီများသို့ သွားရောက် ဝတ်ပြုခွင့်ရှိသည့်အကြောင်းမှာ အဆိုပါ ကျမ်းကြီး(၆)စောင်လုံးနှင့် တကွ အခြားသော အစ္စလာမ့်ကျမ်းကြီးကျမ်းငယ်များတွင်လည်း အသီးသီး ပါရှိပါသည်။ ဗုခါရီကျမ်းကြီး တစ်စောင်တွင်သာပါခြင်း မဟုတ်ပါ။

 

အမျိုးသမီးဝတ်ပြုခွင့် မန်စူခ် မဟုတ်၊ ဖျက်သိမ်းထားသည် မဟုတ်ပါ

အစ္စလာမ့်အခြေအမြစ်တရား(၅)ပါး လိုက်နာကျင့်သုံးရန်မှာ အမျိုးသားများအပေါ်၌ (ဖရဒွ်) မလုပ်မနေရ တာဝန်အဖြစ် သတ်မှတ်ထားသကဲ့သို့ အမျိုးသမီးများအပေါ်၌လည်း သတ်မှတ်ထားပေသည်။ သီးခြားမှု စိုးစဉ်းမျှမရှိ။ အမျိုးသားများ ဆွလာသ် ဝတ်ပြုကြ ရသကဲ့သို့ အမျိုးသမီးများလည်း ဆွလာသ်ဝတ်ပြုကြရသည်၊ ကုရ်အာန်ကျမ်းမြတ်တွင် ဤအတိုင်းပင်လာရှိသည်၊ တမန်တော်မြတ်(ဆွ)ကလည်း ဤအတိုင်းပင် ညွှန်ကြားတော်မူခဲ့သည်။ မိမိသက်တမ်းတစ်လျှောက်လုံးတွင်လည်း ဤအတိုင်းပင် လက်တွေ့ ကျင့်သုံး ပြသသွားတော်မူ ခဲ့ပေသည်၊   ဆွိဟာဟ်စစ်တ္တဟ်မည်တွင်သော မှန်ကန်သော ဟဒီးဆ်ကျမ်းကြီး (၆)စောင်လုံးတွင်လည်း ဤအတိုင်းပင် ပါရှိသည်။ ရိုးရာ ယဉ်ကျေးမှုကို  အစ္စလာမ့်ရေးရာအမိန့်ပညတ်များထက် ဦးစားပေးသူ၊ အယူသီး၊ အမြင်ကျဉ်းသူတစ်စုမှအပ ပြည်ထောင်စုမြန်မာနိုင်ငံ အပါအဝင်ကမ္ဘာ့ မွတ်စလင်မ်နိုင်ငံကြီးများတွင် ဤအတိုင်းပင် ကျင့်သုံးလျက်ရှိကြသည်။ ကမ္ဘာတစ်သက်ကျင့်သုံးသွားကြမည်ဖြစ်ပေသည်။ ဤခွင့်ပြုချက်မှာ မန်စူခ်မဟုတ်ပါ။ ဖျက်သိမ်းထားသည်မဟုတ်ပါ။ အလ္လာဟ်အရှင် ကိုယ်တော်တိုင် ခွင့်ပြုထားတော်မူသော၊ တမန်တော်မြတ် ကိုယ်တော်တိုင်ညွှန်ကြားတော်မူခဲ့သော၊ မိမိဘဝသက်တမ်းတစ်လျှောက်လက်တွေ့ကျင့်သုံးတော်မူခဲ့သော၊ မှန်ကန်သောကျမ်းကြီး(၆)စောင်လုံး တွင်တညီတညွတ်ပါရှိသော မွတ်စ်လင်မ်အမျိုးသမီးများအီဒ်ဂါဟ်နှင့် ဗလီများသို့ သွားရောက်ဝတ်ပြုခွင့်ကို မည်သည့်(ခလီဖဟ်)သမ္မတ၊မည်သည့် (ဆွဟာဗီ)သာဝက၊ မည်သည့်အိမာမ်၊ မည်သည့်အာလင်မ်နှင့် မည်သည့် ပညာရှင်၌မျှ မန်စူခ်လုပ်ပိုင်ခွင့်မရှိ၊ ဖျက်သိမ်းပိုင်ခွင့် အလျင်းမရှိ။

 

ဗလီနှင့် အီဒ်ဂါဟ်များတွင် မွတ်စ်လင်မ် အမျိုးသမီး၊ အမျိုးသားများသည်

ရင်ဘောင်တန်း၍ ဝတ်ပြုခြင်း မဟုတ်

 

အစ္စလာမ်၏ ခွင့်ပြုချက်အရ မွတ်စ်လင်မ် အမျိုးသမီး၊ အမျိုးသားများသည် အီဒ်ဂါဟ်များတွင် လည်းကောင်း၊ ဗလီများတွင် လည်းကောင်း ဝတ်ပြုကြသည်။

သို့ဝတ်ပြုရာတွင်-

အမျိုးသားများသည်ရှေ့ဆုံးမှဝတ်ပြုကြသည်။         

ကလေးများသည် အမျိုးသားများနောက်မှဝတ်ပြုကြသည်။  

အမျိုးသမီးများသည်အားလုံး၏နောက်မှသီးခြားဝတ်ပြုကြသည်။                                

ကမ္ဘာ့အရပ်ရပ်တွင်လည်း ဤအတိုင်းပင်။                                                 

ပြည်ထောင်စုမြန်မာနိုင်ငံတွင်လည်း ဤအတိုင်းပင်။                                  

အိန္ဒိယပြည်၊ ဒေလီမြို့တော်ရှိ အကြီးဆုံး ဂျာမိအ်ဗလီကြီးတွင်လည်း ဤအတိုင်းပင်။

သို့ပါလျက် ၊ သိပါလျက် ၊ မျက်မြင်ဖြစ်ပါလျက်၊ အီဒ်ဂါဟ်နှင့် ဗလီများတွင် အမျိုးသမီး၊အမျိုးသားများသည် ရင်ဘောင်တန်း၍ ဝတ်ပြုကြသည်ဟု အချို့ကဆိုခြင်းမှာ တမင်သက်သက် လုပ်ကြံ ရိုးစွပ်ခြင်းသာဖြစ်သည်။

 

အီဒ်ဂါဟ်သို့ မွတ်စ်လင်မ် အမျိုးသမီး၊ အမျိုးသားများ သွားရောက် ဝတ်ပြုခြင်းမှာ

ပြဿနာဖော်ခြင်း မဟုတ်ပါ

 

အီဒ်ဂါဟ်သို့ မွတ်စ်လင်မ်အမျိုးသမီး၊ အမျိုးသားများသွား ရောက်ဝတ်ပြုခြင်းမှာ တမန်တော်မြတ်(ဆွ)၏ စွန္နသ်ကျင့်စဉ်ပါ။ မှန်ကန်သော ကျမ်းကြီး(၆)စောင်လုံးတွင်လည်း ဤအတိုင်းပါရှိသည်မှာအမှန်ပါ။ မြန်မာပြည်အရပ်ရပ်တွင် အီဒ်ဂါဟ်သို့ အမျိုးသမီးများ သွားရောက် ဝတ်ပြုနေကြသည်မှာလည်း မျက်မြင်ပါ ။ ပြဿနာ ဖော်ခြင်းမဟုတ်ပါ။ အချို့မြို့ပြများတွင် ဤသည့် စွန္နသ် တိမ်မြှုပ်နေသည်ကို ပြန်လည် အသက်သွင်းခြင်းပါ။

တမန်တော်မြတ်(ဆွ)က မိန့်ကြားတော်မူခဲ့သည်မှာ-

အကြင်သူတစ်ဦးသည် ငါမရှိပြီးသည့်နောက် ငါ၏စွန္နသ်ကျင့်စဉ်များ အနက် တိမ်မြှုပ်ပျောက်ကွယ်နေသော ကျင့်စဉ်တစ်ရပ်ကို ပြန်လည်အသက်သွင်းသော် ထိုသူသည် ထိုကျင့်စဉ်ကို လိုက်နာကျင့်သုံးသူ အားလုံးတို့၏ ကုသိုလ်အကျိုးနှင့်အမျှ အကျိုး အပြည့်အဝရရှိမည်ဖြစ်သည်။                                                                                                                    

(မိရ်ှကာသ်ကျမ်း၊ စာမျက်နှာ-၃၀)

သာဝကကြီး အုမရ် (ရ)                                                                                     မိမိဇနီး ဗလီသွားခြင်းမှ မတားနိုင်ခဲ့ပေ

 

 မိမိတို့၏ ရိုးရာယဉ်ကျေးမှု ဓလေ့ထုံးစံများကို အစ္စလာမ့်ရေးရာများထက် ဦးစားပေးလိုသော လူတစ်စုသည် မွတ်စ်လင်မ် အမျိုးသမီးများအား ဗလီ၊အီဒ်ဂါများသို့ သွားရောက်ဝတ်ပြုခြင်းမှ ပိတ်ပင်နိုင်ရန်အတွက် ကုရ်အာန်ကျမ်းမြတ်နှင့် တမန်တော်မြတ်(ဆွ)၏ ဩဝါဒတော်များကို ထောက် မပြဝံ့ကြသောအခါ သာဝကကြီး အုမရ်(ရ)အား အမွှမ်းတင်လာကြသည်။ ဤသည် ရိုးသားဟန်မတူပါ။

 တစ်ချိန်တစ်ခါက အခြေအနေအရ သာဝကကြီး အုမရ် (ရ)၏ ခေတ္တ  ယာယီပေါ်ပေါက်ခဲ့သည့် ဆန္ဒတစ်ခုကို မိမိတို့ ကိုယ်ကျိုးအတွက် အသုံးပြုနိုင်ရန် ပုံကြီးချဲ့လာခြင်းသာဖြစ်သည်။ တစ်ချိန် တစ်ခါက သာဝကကြီး အုမရ်(ရ)၌ မိမိ သမ္မတခေတ်တွင် အချို့ အမျိုးသမီးများနှင့် ပတ်သက်၍ ဖြစ်ပေါ်လာ ခဲ့သည့် အခြေအနေအရ ဗလီသွားလာခြင်းမှ ယာယီ ပိတ်ပင်ရန် ဆန္ဒဖြစ်ပေါ်ခဲ့သည်မှာ အမှန်ပင်။ သို့ရာတွင် ဤသည် ဆန္ဒမျှသာဖြစ်ခဲ့သည်။ ယာယီမျှသာ ဖြစ်ခဲ့သည်။ အမျိုးသမီးများအား ဗလီသွားလာခြင်းမှ အမှန်တကယ် လက်တွေ့ပိတ်ပင်ခဲ့သည်မဟုတ်။ ပိတ်ပင်ခွင့်လည်းရှိခဲ့သည် မဟုတ်။ သာဝကကြီးအုမရ်(ရ)သည် အခြား အမျိုးသမီးများအား ပိတ်ပင်ရန်ဝေးစွ၊ မိမိ၏ ဇနီးကိုပင် မပိတ်ပင်နိုင်ခဲ့ပေ။

သာဝကကြီး အုမရ်(ရ) ၏ဇနီး အာတိကဟ် ဗင်န်တု ဇိုက်ဒ်သည် သာဝကကြီးထံမှ ဗလီကျောင်းတော်သို့ သွားရောက် ဝတ်ပြုရန် ခွင့်တောင်းသည်။ သာဝကကြီးသည် ဆိတ်ဆိတ်ပင်နေသည်။ ထိုအခါသာဝကကြီး၏ ဇနီးက အလ္လာဟ်အရှင်မြတ်အား တိုင်တည်၍-

ရှင်သည် ကျွန်မအား အတိအလင်း မတားမြစ်သမျှ ကာလပတ်လုံး  ကျွန်မသည် ဗလီဝတ်ကျောင်းတော်သို့ အမြဲတစေ သွားရောက် ဝတ်ပြုနေမည်သာဖြစ်ပါသည်ဟု   ပြောပြခဲ့လေသည်။ ထိုအခါ သမ္မတကြီးသည် မိမိ၏ ဇနီးအားမတားမြစ်ခဲ့ပေ။

(မုအတ္တာ အိမာမ် မာလိက်ကျမ်း)

 

 

ဗလီတော်အတွင်း သမ္မတကြီး အုမရ် လုပ်ကြံခံရသည့်အချိန်၌

သမ္မတကတော် ဗလီအတွင်း၌ပင် ရှိနေခဲ့

 

သမ္မတကြီး အုမရ်သည် ဗလီတော်အတွင်း၌ လုပ်ကြံခြင်း ခံခဲ့ရပေသည်။ ထိုအချိန်တွင် သမ္မတကတော် (အာတိကဟ် ဗင်တု ဇိုက်ဒ်)သည် လည်း ဗလီတော်အတွင်း၌ရှိနေခဲ့ပေသည်။

(အလ္လာမဟ် အိဗ်နုဟဇ်မ်)

 

တမန်တော်မြတ်၏ ကြင်ရာတော်များအား

သမ္မတကြီး အုမရ်ကိုယ်တိုင် ဟဂ်ျပြုရန် ခေါ်ဆောင်သွားခဲ့

               

ဟိဂ်ျဂျရီ (၂၃)ခုနှစ်တွင်  သမ္မတကြီးအုမရ်(ရ)သည် မိမိကိုယ်တိုင်ဦးဆောင်၍ဟဂ်ျပြုခဲ့သည်။ ယင်း ဟဂ်ျတွင် သမ္မတကြီး အုမရ်(ရ)သည် တမန်တော်မြတ်(ဆွ)၏ ကြင်ရာတော်များအား ရိုသေ လေးမြတ်စွာဖြင့် အလ္လာဟ့်အိမ်တော်သို့ အတူခေါ်ဆောင် သွားခဲ့လေသည်။ ကြင်ရာတော်များအား လိုလေသေးမရှိ ထိန်းသိမ်း စောင့်ရှောက်ကူညီရန်အတွက် သာဝကကြီးအုဆ်မာန်(ရ)နှင့် သာဝကကြီး အဗ်ဒုရ် ရဟ်မာန် အိဗ်နု အောင်ဖ်(ရ)တို့အား အထူး တာဝန်ပေးထားခဲ့ပေသည်။ 

(စဖိနသွန် နဂျာဟ်၊ စာမျက်နှာ-၅၈)

(မောင်လာနာ မရ်ဃူဗ် အဟ်မဒ် လာဂ်ျပူရီ စူရတီသခင်ရေး)

 

ယနေ့ မွတ်စ်လင်မ် အမျိုးသမီးများ

 ယနေ့ မွတ်စလင်မ်အမျိုးသမီးများသည် အထူးသဖြင့် ပြည်ထောင်စုမြန်မာနိုင်ငံတော်တွင် ပညာရေး၊ စီးပွားရေး၊ စိုက်ပျိုးရေး၊ ကျန်းမာရေး၊ လူမှုရေး၊ အုပ်ချုပ်ရေး၊ ကာကွယ်ရေး စသည့် အရေးတိုင်းတွင် ပါဝင်နေကြသည်မှာ အထင်အရှားပင်။

ယနေ့အမျိုးသမီးများသည်-

တက္ကသိုလ်များတွင် ပညာဆည်းပူးလျက်၊ 

ဈေးများတွင် ရောင်းဝယ်လျက်၊

လယ်ယာ လုပ်ကိုင်လျက်၊

ကျန်းမာရေး လိုက်စားလျက်၊

အုပ်ချုပ်ရေးပိုင်းတွင် တာဝန် ယူလျက်၊

တပ်မတော်တွင် အမှုထမ်းလျက်ရှိကြပေသည်။

ပြဿနာမပေါ်။

ယနေ့အမျိုးသမီးများသည်-

ဈေးသွားကြသည်၊

ရုပ်ရှင်သွားကြသည်၊

ပျော်ပွဲစားထွက်ကြသည်၊

မင်္ဂလာပွဲသွားကြသည်၊

မသာအိမ်ရောက်ကြသည်။

လေ့လာရေးခရီးထွက်ကြသည်။

မည်သူမှ မတား၊ တားရန်လည်း မကြိုးစား။   

ဘာ ဖသ်ဝါမျှလည်း မထွက်။

 

ရိုးရိုးမှ ဟုတ်ပါလေစ

ယနေ့ အမျိုးသမီးများသည် ဌာနတိုင်းတွင် ပါဝင်လျက် ရှိကြသည်။

ဌာနတိုင်းသို့ သွားလာ ဝင်ထွက်လျက်ရှိကြသည်။

ပြဿနာ မပေါ်၊

မည်သူမျှ မတား။

သို့ရာတွင် အမျိုးသမီးများ ဗလီနှင့် အီဒ်ဂါဟ်သို့သွားခါမှ ပြဿနာပေါ်မည်ဟု အချို့က ထအော်ကြသည်။

ရိုးရိုးမှဟုတ်ပါလေစ။

-   ယင်းသို့သော် ပုဂ္ဂိုလ်များသည် အစ္စလာမ့်ရေးရာများထက်               

ရိုးရာအစွဲအလမ်းကို ဦးစားပေးနေကြလေရော့သလား။

-   သာသနာရေးနှင့် အလိုလိုမှဝေးနေသော အမျိုးသမီးများအား            

တမင်များနှိမ်များနေကြလေသလော။

 

-   တမန်တော်မြတ်(ဆွ)သည် မိမိခေတ်တွင် အမိုက်ခေတ်၏   အပယ်ခံ၊ အနှိမ်ခံ၊ အမျိုးသမီးများအား ကယ်တင်၍ အဖက်ဖက်တွင် တိုးတက်အောင် ပြုတော်မူခဲ့ပါလျက် လကမ္ဘာလူတက်သည့် ဤခေတ်ကျမှ ယခုကဲ့သို့ အမျိုးသမီးများအားပြန်လည် ချုပ်ချယ်ခြင်း ၊ နှိမ်ခြင်း ၊ ပယ်ခြင်းမှာ အမျိုးသမီးများအား အမိုက်ခေတ်သို့ ပြန်လည် တွန်းပို့နေကြသလော။

 

သို့တည်းမဟုတ်-

   မိမိတို့ကိုယ်ကိုမိမိတို့ တမန်တော်မြတ်ကြီး(ဆွ)ထက်ပင် (မပြောစကောင်း) အမြင်ကျယ်သူများဟု ထင်မှတ်နေကြသလော။

အထက်တွင် ရေးသားဖော်ပြခဲ့သည့်အတိုင်း အစ္စလာမ့်ရေးရာများနှင့် ပတ်သက်၍ အဓိကအခြေခံရမည့်အရာမှာ

ကုရ်အာန် ကျမ်းမြတ်နှင့် တမန်တော်မြတ်(ဆွ)ချမှတ်တော်မူခဲ့သည့် လမ်းစဉ်သာဖြစ်ပေသည်။

ကုရ်အာန်ကျမ်းမြတ်နှင့် တမန်တော်မြတ် (ဆွ)ချမှတ်တော်မူခဲ့သည့် လမ်းစဉ်အရ

အမျိုးသမီးများ ဗလီနှင့် အီဒ်ဂါဟ်သို့သွားရောက်ဝတ်ပြုရေးနှင့်စပ်လျဉ်း၍-

  • (၁) ကုရ်အာန်ကျမ်းတော်မြတ်၌ မည်သည့်မုက္ခပါဌ်တော်တွင်မျှ အမျိုးသမီးများအား ဗလီနှင့်အီဒ်ဂါဟ်သို့မသွားရဟူ၍ ပိတ်ပင် တားမြစ်ထားတော်မူသည်မရှိ။
  •  
  • (၂) တမန်တော်မြတ် (ဆွ) ကိုယ်တော်တိုင်က မိမိသက်တမ်း တစ်လျှောက်လုံးတွင် အမျိုးသမီးများအား ဗလီနှင့် အီဒ်ဂါဟ်သို့ သွားရောက် ဝတ်ပြုရန် အထင်အရှားအကြိမ်ကြိမ် ညွှန်ကြားထားတော်မူခဲ့ပေသည်။
  •  
  • (၃) တမန်တော်မြတ်(ဆွ)သည် အမိုက်ခေတ်၏ အပယ်ခံ၊ အနှိမ်ခံ၊ အမျိုးသမီးတို့အား ကယ်တင်တော်မူ၍ ဘာသာရေး၊ နိုင်ငံရေး၊ ပညာရေး၊ စီးပွားရေး၊ လူမှုရေး၊ အရေးရေးတွင် အံ့ဖွယ်သရဲမြှင့်တင်ပေးတော်မူခဲ့ပေသည်။
  •  
  • (၄) တမန်တော်မြတ် (ဆွ)ကိုယ်တော်တိုင် အီးဒ်နေ့များတွင် မိမိ၏သမီးတော်များနှင့် ကြင်ရာတော်များအား အီးဒ်ဂါဟ်သို့ ခေါ်ဆောင် သွားတော်မူလေ့ရှိကြောင်း ဩဝါဒတော်ဆိုင်ရာ ကျမ်းကြီးအားလုံးတွင် ပါရှိပေသည်။
  •  
  • (၅) သမ္မတကြီးအုမရ်(ရ)ကိုယ်တိုင် မိမိ၏ဇနီးအား မတားနိုင်ခဲ့။
  •  
  • (၆) သမ္မတကြီး အုမရ် (ရ) ကိုယ်တိုင် တမန်တော်မြတ်(ဆွ)၏ ကြင်ရာတော်များအား ဟဂ်ျပြုရန် အလ္လာဟ့်အိမ်တော်သို့ ခေါ်ဆောင် သွားခဲ့ပေသည်။
  •  
  • (၇) ကြင်ရာတော် အာအိရှဟ်(ရ)သခင်မကိုယ်တိုင်က တမန်တော်မြတ်(ဆွ)လက်ထက်တွင် အမျိုးသမီးများ ဗလီနှင့်အီဒ်ဂါဟ်သို့ အမြဲတစေ သွားရောက် ဝတ်ပြုလေ့ရှိခဲ့ကြောင်း ဖွင့်ဟပြောဆိုခဲ့ပေသည်။
  •  
  • (၈) သာဝိကာမကြီး အွန်မု အတွီယဟ် (ရ) သခင်မက တမန်တော်မြတ်(ဆွ)ကွယ်လွန်သေဆုံးတော်မူပြီးနောက် အချိန်အတော် ကြာမြင့်သည်အထိ အမျိုးသမီးများဗလီနှင့် အီဒ်ဂါသို့သွားရောက်ဝတ်ပြုရန် ဖသ်ဝါအဆုံးအဖြတ်ပေး၍ နေခဲ့ပေသည်။
  •  
  • (၉) အီဒွလ်ဖိသ်ရ်နေ့တွင် အီဒ်ဂါဟ်ကွင်းပြင်သို့ တက်ရောက် ဝတ်ပြုကြသော မွတ်စ်လင်မ်အမျိုးသမီး အမျိုးသားများအား အလ္လာဟ် အရှင်မြတ်က လွတ်ငြိမ်း ချမ်းသာခွင့်ပေးတော် မူကြောင်း ဟဒီးဆ်ဩဝါဒကျမ်းကြီး အစောင်စောင်တွင်ပါရှိပေသည်။ ဤသည်ကို အိန္ဒိယပြည် အကျော်ကြားဆုံး ပညာရှင်တစ်ဦးလည်းဖြစ်သော၊ သူတော်စင်တစ်ပါးလည်း ဖြစ်သော မောင်လာနာ အရ်ှရဖ်အလီ ထာနဝီသခင် ကိုယ်တော်တိုင်က မိမိပြုစုသော ခွတ္တဗတုလ် အဟ်ကာမ် ကျမ်းတွင် အတိအလင်း ထည့်သွင်း ဖော်ပြထားပေသည်။
  •  
  • (၁၀) အိန္ဒိယပြည် မုဖ်သီချုပ် မောင်လာနာ ကိဖာယသွလ္လာဟ် သခင်ကလည်း မွတ်စ်လင်မ်အမျိုးသမီးများ ဗလီကျောင်းတော်များသို့ သွားရောက် ဝတ်ပြုရာတွင် မည်သို့မည်ပုံ ဝတ်ပြု ရမည့်အကြောင်းကို မိမိစီရင်ရေးသားအပ်သော သအ်လီမုလ် အစ္စလာမ်ကျမ်းတွင် အတိအလင်း ထည့်သွင်း ရေးသား ထားပေသည်။
  •  
  • (၁၁) ကုရ်အာန်ကျမ်းမြတ် (၃၃း၂၈-၃၄)သည်တမန်တော်မြတ်(ဆွ)၏ ကြင်ရာတော်များနှင့်သာ ပတ်သက်ကြောင်း၊ ကျန် အမျိုးသမီး များနှင့်မပတ်သက်ကြောင်း။ တမန်တော်မြတ်(ဆွ)၏ အိမ်တော်သူအိမ်တော်သားများတွင် သူငါအများ မပါဝင်ကြောင်း။ ယင်း မုက္ခပါဌ်တော်များကျရောက်လာပြီးသည့် နောက်ပိုင်းတွင်လည်း အမျိုးသမီးများသည် ဗလီနှင့်အီဒ်ဂါဟ်သို့ အမြဲတစေ သွားရောက် ဝတ်ပြုနေ ခဲ့ကြောင်း၊အထက်တွင် အသေးစိတ် ရေးသားခဲ့ပေပြီ။
  •  
  • (၁၂) မွတ်စ်လင်မ်အမျိုးသမီးများ ဗလီ၊အီဒ်ဂါဟ်သို့ သွားရောက်ခွင့်ရှိခဲ့သည့်အကြောင်းမှာ ဗုခါရီကျမ်းကြီးတစ်စောင်တွင်သာပါရှိ သည် မဟုတ်။ ကျမ်းကြီးခြောက်စောင်လုံးတွင် ပါရှိပေသည်။
  •  
  • (၁၃) ယနေ့ကမ္ဘာ့မွတ်စလင်မ်နိုင်ငံများတွင်လည်း အမျိုးသမီးများ ဗလီနှင့်အီဒ်ဂါဟ်သို့ သွားရောက် ဝတ်ပြုလျက်ရှိကြပေသည်။
  •  
  • (၁၄) အိန္ဒိယပြည် အချို့ဗလီများတွင် အထူးသဖြင့် ဒေလီမြို့တော်ရှိ ဂျာမိအ်ဗလီ}ကြီးတွင်လည်း ယနေ့တိုင် အမျိုးသမီးများ သွားရောက် ဝတ်ပြုလျက်ရှိကြပေသည်။
  •  
  • (၁၅) ပြည်ထောင်စုမြန်မာနိုင်ငံတော်တွင် အထူးသဖြင့် တိုင်းရင်းသား မွတ်စ်လင်မ်များ အများအပြား နေထိုင်ရာ မြို့ရွာများတွင် ဥပမာ- မော်လမြိုင်၊ ဖြူး၊ တောင်ငူ၊ ပျဉ်းမနား၊ လယ်ဝေး၊ ရမည်းသင်း၊ ပျော်ဘွယ်၊ ယင်းတော်၊ မိတ္ထီလာ၊ မန္တလေး စသည့် မြို့ရွာများတွင် အမျိုးသမီးများ ဗလီသို့တက်ရောက်၍ ဝတ်ပြုလျက်ရှိကြသည်မှာ အထင်အရှားပင်။ ရန်ကုန်မြို့တော်တွင်လည်း အောင်ဆန်းကွင်းအနီးရှိ တစ်ခြမ်းပဲ့ဗလီ၊  မြောက်ဥက္ကလာပ (၁) ရပ်ကွက် ဗလီ၊ ၅၉-လမ်း၊ စသည့် ဗလီကြီးများတွင်လည်း အမျိုးသမီးများ တက်ရောက် ဝတ်ပြုလျက် ရှိကြသည်မှာ မျက်မြင်ပင်ဖြစ်ပေသည်။

 

ဤသို့ အမျိုးသမီးများအီဒ်ဂါဟ်များသို့ သွားရောက်ဝတ်ပြုခွင့်ရှိကြောင်း ကျမ်းကြီးအစောင်စောင်တွင် အတိအလင်းပါရှိနေပါလျက်၊ ပြည်ထောင်စု မြန်မာနိုင်ငံအပါအဝင် ကမ္ဘာ့မွတ်စ်လင်မ်နိုင်ငံကြီးငယ်များတွင် မွတ်စလင်မ်အမျိုးသမီးများ ဗလီနှင့်အီဒ်ဂါဟ်သို့ လက်တွေ့ တက်ရောက် ဝတ်ပြု နေကြပါလျက်၊ အချို့ပုဂ္ဂိုလ်များက အစ္စလာမ့်ရေးရာများထက် ရိုးရာယဉ်ကျေးမှု ဓလေ့ ထုံးစံများကို ဦးစားပေးကာ မွတ်စ်လင်မ် အမျိုးသမီး များအား ဗလီနှင့်အီဒ်ဂါဟ်များသို့သွားရောက် ဝတ်ပြုခြင်းမှဟန့်တားနေခြင်းမှာအလ္လာဟ်အရှင်မြတ်နှင့်တကွ တမန်တော်မြတ်(ဆွ)အား သွေဖည် ကျောခိုင်းဝံ့၍သာ ဖြစ်ပေမည်။ ယင်းသို့သော ပုဂ္ဂိုလ်များသည် ကုရ်အာန်ကျမ်းလာ အောက်ပါမုက္ခပါဌ်တော်ကို လေ့လာဆင်ခြင်၍ အချိန်မီ ရပ်တန်းက ရပ်သင့်ကြပေပြီ။

အလ္လာဟ်အရှင်မြတ်နှင့် တမန်တော်မြတ်က ကိစ္စ တစ်ရပ်နှင့်စပ်လျဉ်း၍အဆုံးအဖြတ်ချမှတ်တော်မူလိုက်လျှင် ယင်းအဆုံးအဖြတ်နှင့် စပ်လျဉ်း၍ မည်သည့် မွတ်စလင်မ် ယောကျာ်းမိန်းမ၌မျှပြောဆိုပိုင်ခွင့်၊ရွေးချယ်ပိုင်ခွင့်၊အလျဉ်းမရှိတော့ပေ။ အလ္လာဟ်အရှင်မြတ်နှင့် တမန်တော်မြတ်အား သွေဖည်သူသည် အထင်အရှား လမ်းအမှားကြီး မှားချိမ့်မည်။

( ကုရ်အာန် - ၃၃း ၃၆ )

 

 

 

 

သီရိပျံချီ၊ အလ်ဟာဂ်ျ၊ မုဖတ်စ္စိရုလ်ကုရ်အာန်၊ မောင်လာနာ၊ ဃာဇီ၊ မုဟမ္မဒ် ဟာရှင်မ်

 အစ္စလာမ့်ဓမ္မသတ်မှူးချုပ်

အစ္စလာမ့်ဓမ္မသတ်ခုံရုံးချုပ်


 

ဟိဂ်ျဂျရီသက္ကရာဇ် ။           ။(၁၃၉၂)၊ ရှောင်ဝါလ်လ၊  (၁၅)ရက်။

ခရစ်သက္ကရာဇ် ။               ။ (၁၉၇၂)၊ နိုဝင်ဘာလ၊  (၂၂ )ရက်။