THE REPUBLIC OF THE UNION OF MYANMAR, ISLAMIC RELIGIOUS AFFAIRS COUNCIL ( HQ )

PDF File များ Download ပြုလုပ်နည်း Youtube Link

ဝင်းတွေနဲ့ တည်ခဲ့သည့် မင်းနေပြည်(26-2-2016) ကြေးမုံသတင်းစာ

အခန်းဆက်ဆောင်းပါး.......
============

ဝင်းတွေနဲ့ တည်ခဲ့သည့် မင်းနေပြည်
====================

(နတ်မောက်ထွန်းရှိန်)

သတင်းစာဆရာ စာရေးဆရာကြီး နတ်မောက်ထွန်းရှိန်၏ ဝင်းတွေနဲ့တည်ခဲ့သည့် မင်းနေပြည် စာအုပ်ကို စာဖတ်ပရိသတ်များ ဖတ်ရှုနိုင်ရန်အတွက် ကြေးမုံမှ အပတ်စဉ် အခန်းဆက်ဖော်ပြပေး လျက်ရှိသည်။ 
(ကြေးမုံ)

ယခင်အပတ်မှအဆက်
ညောင်ပင်ဈေးမှ ဈေးသူဈေးသားများက အင်္ဂလိပ်အစိုးရထံ အလေးများမအပ်ကြဘဲ အလေးများစုဆောင်း ကြကာရသမျှ ဟင်္သာရုပ်အလေးတွေ အရည်ကျို၍ ဘုရားရုပ်ပွား သွန်းလုပ်ကြသည်။ ထို့နောက် ဈေးထဲ ဓမ္မာရုံဆောက်လုပ်၍ ကိုးကွယ်ကြသည်။ ရွှေလေးဘုရားဟု ကမ္ပည်းတပ်ကြသည်။ ဘုရားရုပ်ပွားတော်စမ္မခဏ်တွင် ကမ္ပည်းရေးထိုးသည်။ ဥာဏ်တော်အမြင့် တစ်တောင်နှစ်မိုက်အခန့်မြင့်ရှိ ရုပ်ပွားဆင်းတုတော်ကို ယခုတိုင် ညောင်ပင်ဈေး အရှေ့တောင်ထောင့်၌ ဓမ္မာရုံဖြင့် ကိုးကွယ်ကြသည်။ နတ်တော်လဆန်း ၇ ရက် ဘုရားပွဲ ကျင်းပကြသည်။ ကြေးသွန်းလုပ်သည့် ခုနှစ်မှာ ၁၂၅၅ ခုနှစ်၊ ကဆုန်လ
ပြည့်ကျော် ၅ ရက်၊ ကြာသပတေးနေ့ (၄-၅-၁၉၈၃) ရက်ဖြစ်သည်။ အခြားဈေးများမှ ဈေးသည်များမှာ ရွှေဟင်္သာကြေးဝါအလေးများကို အင်္ဂလိပ်အစိုးရ မြူနီစီပယ်သို့ ပေးအပ်ခဲ့ကြသော်လည်း ညောင်ပင်ဈေးသူဈေးသားများက မျိုးချစ်စိတ်ဓာတ်ဖြင့် အတုယူဖွယ် ဆောင်ရွက်လိုက်ခြင်းဖြစ်သည်။

ပြည်ကြီးကျက်သရေအနောက်
အောင်မြေသာစံမြို့နယ် ပြည်ကြီးကျက်သရေ အနောက်ရပ်ကွက်တွင် အကွက်(၁၂)ကွက်ပါဝင်သည်။ အရှေ့ဘက် (၈၂) လမ်း၊ အနောက်ဘက် (၈၆) လမ်းနှင့် (၂၆) လမ်း၊ မြောက်ဘက် (၂၂) လမ်းအတွင်း သတ်မှတ်
ထားသည်။ မန္တလေးမြို့ရပ်ကွက်ဝင်းများ အကွက်ချပေးစဉ်က ပါဝင်သောအမည်ဖြစ်သည်။ ကျက်သရေမင်္ဂလာအပေါင်းနှင့် ပြည့်စုံသောအရပ်ဟု အဓိပ္ပာယ်
ဖွင့်ဆိုနိုင်၏။ မြို့လယ်ရပ်ကွက် ဈေးချိုနှင့် တောင်မြောက်ထိစပ်လျက်ရှိသဖြင့် တိုက်တာအိမ်ခြေထူထပ်၏။ ဝင်းအနည်းငယ်မျှသာရှိ၏။ ထင်ရှားသောစေတီမှာ ရွှေကျီးမြင်ဘုရားဖြစ်၏။ အကွက်(၁၆ဝ) သည် ရွှေတချောင်း အရှေ့ဘက် (၂၂) လမ်းနှင့် (၂၃) လမ်းကြား၊ (၈၄) လမ်းနှင့် (၈၆)လမ်းကြားရှိသည်။
ယခင် မေမန်းကားသင်း ရှိခဲ့သဖြင့် မေမန်းဝင်းဟု ခေါ်ကြသည်။ အကွက်(၁၆၁)မှာ (၂၂) လမ်းနှင့် (၂၃) လမ်း၊ (၈၃) လမ်းနှင့် (၈၄) လမ်းကြားဖြစ်သည်။ ဧချိုင့်ဗလီရှိသဖြင့် ဧချိုင့်ဝင်း၊ ဝင်းအရှေ့အပေါ်တွင် ညောင်ပင်ရှိသဖြင့် ရွှေညောင်ပင်ဝင်း စသည်ဖြင့် အလွယ်တကူ မှတ်သားခေါ်ဝေါ်ကြသည်။ 
အကွက်(၁၆၉) သည် (၂၃) လမ်းနှင့် (၂၄) လမ်းကြား၊(၈၄)လမ်းနှင့် (၈၆) လမ်းကြားဝင်းဖြစ်သည်။ ဓားတန်းရေခဲစက်၊ ဘိလပ်ရည်စက်ရုံဝင်းဖြစ်သည်။ အကွက်(၁၆၈)မှာ မိုးမိတ်ဝင်းဟု လူသိများသည်။ (၈၃) လမ်းနှင့် (၈၄) လမ်းကြား၊ (၂၄) လမ်းတွင် ကိုးနဝင်း သဲပုံစေတီတော်တစ်ဆူတည်ရှိသည်။ ထိုင်း(ယိုးဒယား)အဆက်အနွှယ် များ တည်ထားခဲ့သည့် သဲပုံစေတီဟု ယုံကြည်ကြသည်။အကွက်(၁၇ဝ) မှာ (၈၄) လမ်းနှင့် (၈၆) လမ်းကြား၊ (၂၅) လမ်းနှင့် (၂၄) လမ်းကြားဝင်းဖြစ်သည်။ ရွှေတချောင်းဘေး၌ ဆီပွဲရုံများရှိပြီး ဓားတန်းအနောက်ဒင်္ဂါးဝင်းဟုလည်း တွင်သည်။ အကွက်(၁၇၁) သည် (၈၄) လမ်းနှင့် ၈၃ လမ်းကြားရှိ၍ (၂၄) လမ်း၊ (၂၅) လမ်းကြားဖြစ်သည်။ ဓားတန်းဝင်းဟု လူသိများသည်။ ဓားတန်းဦးသန့် နေထိုင်ခဲ့ရာ ဝင်းဖြစ်သည်။ ကျောင်းဒကာဝင်းဟုလည်း ခေါ်ကြသည်။ ယခင်က မြို့မတူရိယာအသင်း တည်ရှိ ရာနှင့် ဓားတန်းဦးသန့်နေထိုင်သဖြင့် ဓားတန်းဝင်းဟု လူသိများသည်။

ဓားတန်း
ဒါးတန်း(ဓားတန်း) မြန်မာနန်းတွင်းသုံးဓားများ လုပ်ကိုင်ရောင်းချရာ ဈေးတန်းဟု အဆိုရှိသည်။ ဓားတန်း၊ သံတန်းတို့နှင့် ဆက်လျက်ရှိသည်။ နာရီစင်(၂၆) လမ်းနှင့် မြောက် (၂၂) လမ်းထိ၊ (၈၄) လမ်းမတန်းဖြစ်သည်။ ဓားတန်းတွင် ထင်ရှားမှုများအနက် ရှေးကဗန္ဓုလဦးဆိုင်နှင့် ဒေါ်စောတင်တို့၏ ကုသိုလ်ကောင်းမှုများကို မန္တလေးဘုရား ကျောင်းတန်ဆောင်းများ၌ တွေ့နိုင်သည်။ ဗန္ဓုလဦးဆိုင် တိုက်မြောက်ဘက်တွင် မြန်မာ့အဆွေ ကုမ္ပဏီရှိခဲ့သည်။ အပေါ်ထပ်တွင် ရွှေပြည်ဦးဘတင် မိသားစု နေထိုင်ခဲ့သည်။ ဆရာကြီးရွှေပြည်ဦးဘတင်မှာ ဓားတန်းရပ်၌ ကွယ်လွန်ခဲ့သည်။ဓားတန်းရပ်တွင် ထင်ရှားသည့် ပုံနှိပ်တိုက်များအနက် (၂၅) လမ်းနှင့် (၂၄) လမ်းကြား၊ (၈၄) လမ်း အရှေ့ဘက်၌ ဂုဏဝတီပိဋကတ် ပုံနှိပ်တိုက် တည်ရှိခဲ့ပြီး ယခုမရှိတော့ပေ။ လမ်း ၂ ပုလဲငွေရောင်ရပ် ရွှေ့ပြောင်းပြီး ယခု (၈၂) လမ်း မေဃဂရိရပ်ကွက် ထပ်မံရွှေ့ပြောင်းသည်။ ဂုဏဝတီပိဋကတ် ပုံနှိပ်တိုက်မှ ကျမ်းစာအုပ်များ ရိုက်နှိပ်ခဲ့သည့်အပြင် ကိုလိုနီခေတ်သတင်းစာလည်း ရိုက်နှိပ်ခဲ့သည်။ ပုံနှိပ်တိုက်ပိုင်ရှင် ဦးချင်း-ဒေါ်သန်းတို့ မှတစ်ဆင့် သားဖြစ်သူ ဦးခင်မောင်(ရွှေမန်းညွန့်ဦး) က ခဲစာလုံးဖြင့် ပုံနှိပ်လုပ်ငန်းအမွေဆက်ခံထားဆဲရှိသည်။

မနှင်းဆီဘူတာကလေး
ဧချိုင့်ရပ် (၂၃) လမ်း၊ (၈၃) လမ်းနှင့် (၈၄) လမ်းကြားသည် ဟိုတယ်၊ စားသောက်ဆိုင်ရပ်ကွက်ဖြစ်သည်။ အကွက်(၁၇၉)သည် ၈၆ လမ်း အရှေ့ဘက်၊ (၂၆) လမ်းနှင့် (၂၅) လမ်းကြား၊ မန်းသီရိဈေး အဆောက်အအုံ သစ်ကြီးရှိသည်။
အရှေ့ဘက်တွင် စူလ်တီဗလီဝင်းရှိသည်။ မင်းတုန်းမင်းလက်ထက် ကျောက်ရဲမြို့စား အခွန်ဝန်၊ အကောက်ဝန် မူလာအစ္စမန်အင်က ၁၂၅ဝ 
ပြည့်နှစ်တွင် ဆောက်လုပ်လှူဒါန်းခဲ့သည်။ ဈေးချိုမြောက်ဘက် တိုက်တန်းနေရာမှာ ဗလီနှင့် ဆက်လျက်ရှိသည်။
(၂၆) လမ်း၊ (၈၆) လမ်းထောင့်တွင် ရှေးယခင်က မတ္တရာ-မန္တလေးပြေး မီးရထားဘူတာရုံကလေး(မနှင်းဆီဘူတာ) တည်ရှိခဲ့ပြီး ယခုမန်းသီရိဈေးသစ် အဆောက်အအုံထောင့် ဖြစ်သည်။ ၂၆လမ်း ဘက် မျက်နှာပြုနေရာဖြစ်သည်။ မတ္တရာ-မန္တလေး ရထား(၄)တွဲ ခုတ်မောင်း
သည်။ လက်ရှိ မီးရထားလမ်းထက်သေးသည်။ ရွှေတချောင်းလှေများအစား ကိုလိုနီခေတ်က ရထားကလေး ပြေးဆွဲခြင်းဖြစ်သည်။ ထင်းမီးထိုးရေနွေးငွေ့စက်ခေါင်းဖြစ်သည်။ လမ်းခရီးရပ်ကွက် ဘူတာများ၌ ရပ်သည်။ ဒုတိယကမ္ဘာစစ်မဖြစ်မီ ၁၉၄ဝခုနှစ်ဆန်းကဖျက်သိမ်းခဲ့သည်။ ¤င်းနေရာ၌ ပြန်ကြားရေးစာဖတ်ခန်းနှင့် မန္တလေးမြို့ပေါ် သတင်းထောက်များ ဖုန်း နံပါတ် ၇၁ နှင့် သတင်းထောက်များရုံးခန်း ဖွင့်လှစ်ခဲ့ကြသည်။မြို့တော်ခန်းမ(၃)ဆောက်သောအခါ အဆိုပါမနှင်းဆီဘူတာရုံ အုတ်ကြွပ်မိုး တစ်ထပ်အဆောက်အအုံကလေးလည်း ၁၉၈၆ ခုနှစ်လောက်၌ ပျောက်ကွယ်သွားသည်။ အုတ်ကြွပ်မိုးများမှာ ကိုလိုနီခေတ် အိန္ဒိယကုမ္ပဏီမှ တင်သွင်း၍ နှစ်ပေါင်း ၈၆ နှစ် သက်တမ်းရှိ အုတ်ကြွပ်များဖြစ်သည်။ မန္တလေးမြို့ ပြန်ကြားရေးစာဖတ်ခန်းကလေးသည်လည်း ထိုမှမန်းသီတာဥယျာဉ်သို့ ရွှေ့ပြောင်းခဲ့သည်။

အကောက်ခွန်ဝန်မင်းဝင်း
အကွက် (၁၇၈)သည် နာရီစင် အရှေ့မြောက်ဘက် သရဖီပင်လက်ကျား ဖြစ်သည်။ စက်ကိရိယာဆိုင်များ၊ ဈေးတန်းများဖြင့် စည်ကားသော ဈေးတန်းကြား
ဖြစ်သည်။ အကွက် (၁၇၇) သည် ၂၅လမ်းနှင့် ၂၆လမ်းကြား၊ ၈၂လမ်းနှင့် ၈၃ လမ်းကြားဝင်း ဖြစ်သည်။ ယခုသက်မွေးပညာသင်တန်းကျောင်း၊ ယခင် ကူးသန်းရောင်းဝယ်ရေး ပညာသင်ကျောင်းဖြစ်သည်။
မင်းတုန်းမင်းလက်ထက် အကောက်ခွန်ဝန်မင်း မူလာအစ္စမန်အင် နေထိုင်ခဲ့ရာ ဝင်းဖြစ်၍ မူလာဝင်းဟု လည်းခေါ်သည်။ ထင်ရှားသော အဆောက်အအုံများတွင် ပြည်သူ့
ဘဏ်(၁)ရှိသည်။

ကာတစ်တိုက်
၂၆ဘီလမ်းနှင့် ၈၃လမ်းထောင့်တွင် ရှေးတိုက်များအနက် ထင်ရှားသော နှစ်ထပ်တိုက်တစ်ခုမှာ အဝါရောင်ငရုတ်ဆုံ ချိတ်လျက်ရှိသော ကာတစ်တိုက်ဖြစ်သည်။မြို့လူထုက ထိုတိုက်ကို ကာတစ်တိုက်ဟုခေါ်သည်။ရှေးက မန္တလေးသားများ၏ ကာတစ်(ဗန်းစကားအသုံးအနှုန်း)ဖြစ်၏။ အင်္ဂလိပ်ပရဆေးရောင်းသောဆိုင်ကြီးဖြစ်၏။ကာတစ်အင်ကိုးဟုခေါ်သည်။ဆေးထောင်းသော
မောင်းဆုံ သရုပ်ပြ ကြော်ငြာထားခြင်းဖြစ်၏။

မြင်းစာရေးကြီးဝင်း
အကွက်(၁၆၂)သည် မြင်းစားရေးကြီးဝင်းဖြစ်သည်။ ၂၂လမ်းနှင့် ၂၃လမ်းကြား၊ ၈၃ လမ်းနှင့် ၈၂ လမ်းကြား ရှိသည်။ မင်းတုန်းမင်းလက်ထက် မြင်းစာရေးကြီး နေထိုင်ခဲ့ရာဝင်းဖြစ်၍ မြင်းစာရေးကြီးဝင်းတွင်သည်။ မင်းတုန်း မင်းလက်ထက်မြင်းမှူးမင်းသားမှာ ထိပ်တင်တုတ်ဖြစ်သည်။ မြင်းမှူးမင်းသားတာဝန်မှာ စစ်မက်အရေးပေါ်ပေါက်လာလျှင် မြင်းတပ်တစ်တပ်ကို အုပ်ချုပ်
ကြီးမှူးကွပ်ကဲ၍ ချီတက်တိုက်ခိုက်ရသည်။ မြင်းတပ်တို့မှာ
ကသည်းမြင်း၊ အက္ကပတ်မြင်း၊ ရှမ်းမြင်း၊ ရဲဘက်မြင်း၊ နောက်တော်ပါမြင်း စသည်ဖြင့် ဖွဲ့စည်းမှည့်ခေါ်သည်။ မြင်းစာရေးကြီးဝင်း မြောက်ပေါက်တွင် ၂၂လမ်း မျက်နှာပြု ကိုလိုနီခေတ်ကတည်ထောင်ခဲ့သော ဟံသာဝတီပုံနှိပ်တိုက် အဆောက်အအုံရှိသည်။ ဟံသာဝတီ ပိဋကတ်ပုံနှိပ်တိုက်မှ ကျမ်းစာအုပ်များ ရိုက်နှိပ်သည်။ နောက်ပိုင်းတွင် ဟံသာဝတီ အဆောက်အအုံသည် လူမှုဖူလုံရေး ဆေးရုံဖြစ်သည်။ ၄င်း၏ မြောက်ဘက်တွင် အမ်ဘီကာမယ်တော် ဘုရားရှိခိုးကျောင်းဝင်းတည်
ရှိသည်။ အကွက် (၁၆၇) သည် ၂၃လမ်းနှင့် ၂၄လမ်းကြား၊ ၈၃လမ်းနှင့် ၈၄လမ်းကြားဖြစ်သည်။ ယခင်က ချစ်ညို ပုံနှိပ်တိုက်ဝင်း ဖြစ်သည်။ မန္တလေးစာအုပ်တိုက်ကို စာရေးဆရာချစ်ညို တည်ထောင်၍ ဝတ္ထုစာအုပ်များ၊ ဘာသာပြန်များ ထုတ်ဝေသည်။ ယခုနောက်ပိုင်းတွင် ၄င်းဝင်းနေရာ၌ တိုက်တန်းကြီးများ တည်ဆောက်ခဲ့ပြီး ဟိုတယ်တိုက်တန်းကြီးများ ဖြစ်လာသည်။ ချစ်ညို
ပုံနှိပ်တိုက်မှာ ၂၅လမ်း ဒေါင်းတိုက်ဝင်းဘက် ပြောင်းရွှေ့သွားသည်။

ကျောက်ဗလီ
မြင်းစာရေးဝင်းတောင်ပေါက် ၂၃ လမ်း၊ ၈၃ လမ်းထောင့်တွင် ကျောက်ဗလီ တည်ရှိသည်။ အသုံးတော်ခံ စိန်မမချိုက ဆောက်လုပ်လှူဒါန်းသည်။ စိန်မမချိုမှာ နန်းတော်အိမ်တော်သို့ ဝင်ထွက်၍ စိန်ဘီး၊ စိန်လက်ကောက်၊ စိန်ထည်မျိုးစုံ ပန်းတိမ်တော်နှင့် အထည်ပြုလုပ်ပေးသွင်းရသူ ဖြစ်သည်။

ပြည်ကြီးကျက်သရေအရှေ့
ပြည်ကြီးကျက်သရေ အရှေ့ရပ်တွင် အကွက်ခြောက်ကွက်ရှိသည်။ အရှေ့လမ်း ၈ဝ၊ အနောက်ကျုံးလမ်း၊ ၈၂လမ်းနှင့် မြောက်ဘက် ၂၂လမ်း၊ တောင်ဘက် ၂၆လမ်း၊ အနောက်ဘက် ၈၃လမ်းအတွင်း ရပ်ကွက်များကို သတ်မှတ်ထား၏။ အကွက် (၁၆၃) သည် ၈၁ လမ်းနှင့် ၈၂လမ်းကြား၊ ၂၂ လမ်းနှင့် ၂၃ လမ်းကြား ရှိသည်။ ကိုလိုနီခေတ်က ကာလာဂရီ ပုံနှိပ်တိုက်ဝင်းဖြစ်သည်။ နောက်ပိုင်း
တွင် ဆန်ဂိုဒေါင်၊ ကုန်သွယ်ရေးဂိုဒေါင် ဖြစ်သည်။ စာတိုက်ကြီး၏ အနောက်ဘက်ဝင်းဖြစ်သည်။ အကွက်နံပါတ်(၁၆၄) သည် ၈ဝလမ်း၊ ၈၁လမ်းကြား၊ ၂၂ လမ်းနှင့် ၂၃ လမ်းကြား ဗဟိုစာတိုက်ကြီးနေရာ ဖြစ်သည်။ ကိုလိုနီခေတ် ရှေးအဆောက်အအုံကြီးအဖြစ် တွေ့နိုင်သည်။ အကွက်(၁၆၅)မှာ မျက်စိ၊ နား၊ နှာ ခေါင်း၊လည်ချောင်း အထူးကုဆေးရုံဝင်းဖြစ်သည်။ ဂျပန်ခေတ်ကဂျပန်ကင်ပေတိုင်ရုံး လုပ်ခဲ့သည်။ ကိုလိုနီခေတ်က အမေရိကန် သားဖွားဆေးရုံဖြစ်သည်။ ၁၉၆၄ ခုနှစ် ပြည်သူပိုင်သိမ်းပြီးနောက် မျက်စိ၊ နား၊ နှာခေါင်း၊ 
လည်ချောင်း အထူးကုဆေးရုံဖြစ်လာသည်။ ဝင်းအရှေ့ဘက်ခြမ်းမှာ ကျောက်စာဝန်တော်စိန်ခို နေထိုင်ရာဝင်းဖြစ်သည်။ အရှေ့ထိပ်၌ နေပြည်တော်ကျောင်း ဖွင့်လှစ်ခဲ့ဖူးသည်။ မျက်စိ၊ နား၊ နှာခေါင်း အထူးကုဆေးရုံ တိုးချဲ့သောအခါ ဆေးရုံဝင်းဖြစ်လာသည်။အရှေ့တောင်ထောင့်တွင် ဓမ္မဗိမာန်တော် တည်ရှိသည်။ ဆရာကြီးရွှေပြည်ဦးဘတင်တို့ခေတ်က ဆရာတော် ဦးကလျာဏ၊
ဆရာတော် ရွှေမန်းဦးကေသရတို့ တရားဟောကြားပြီး အလှူငွေဖြင့် ဓမ္မဗိမာန်တော်ကြီး တည်ဆောက်ခဲ့ကြောင်းမှတ်သားရသည်။

ရတနာပုံနေပြည်တော် ပုံနှိပ်စက်တည်ရာအရပ်အကွက် (၁၆၆)သည် အမှတ် ၉၂၁)အမက၊ အမှတ်(၄)အထက (နော်မန်ကျောင်း)ဝင်းများဖြစ်သည်။အကွက်
(၁၇၂) သည် အထက (၁၁)ဝင်းဖြစ်ပြီး အနောက်ဘက်တွင် အထက(၈)ကျောင်းဝင်းဖြစ်သည်။ ယင်းကျောင်းနှစ်ကျောင်းတို့မှာ မစ်ရှင်ကျောင်းများဖြစ်ခဲ့ပြီး ၄င်းတို့၏ မြောက်ဘက်တွင် ရွှေကျီးမြင်ဘုရား တည်ရှိသည်။ ရွှေကျီးမြင်ဘုရား၏ တောင်ဘက်အထွက် ၂၄လမ်းဘေးတွင် မင်းတုန်းမင်းလက်ထက်က ရတနာပုံသတင်းစာပုံနှိပ်တိုက် တည်ရှိသည်။ ရတနာပုံ နေပြည်တော် 
သတင်းစာကို ၁၂၃၆ ခု တပေါင်းလပြည့် တနင်္ဂနွေနေ့မှစ၍ ထုတ်ဝေသည်။ သတင်းစာအတွက် စာပုံနှိပ်စက်ကိုထိုအရပ်၌ သီးခြားထူထောင်ပေးခဲ့ခြင်းဖြစ်သည်။ အယ်ဒီတာမှာ စာရေးကြီးဦးထင်(ဘိုးဝဇီရ)ဖြစ်သည်။

ထီးတန်းနှင့် မန်ကျည်းပင်ဈေး
အကွက် (၁၇၅)၊ (၁၇၆)မှာ ၂၆လမ်း၊ ၂၅လမ်းကြားနှင့် ၈၁လမ်းနှင့် ၈၂လမ်းကြားရှိသည်။ တောင်ဇလပ် တည်းခိုခန်း အနောက်ဘက်တွင် ယခင်က စာရေးဆရာဒေါက်တာထွန်းရွှေ ဆေးတိုက်ကြီးရှိခဲ့သည်။ မြောက်ဘက်တွင် ခရစ်ယာန်ဘုရားရှိခိုးကျောင်းဝင်းဖြစ်သည်။ ၂၆လမ်းဘေး လူနေတိုက်တာ အဆောက်အအုံများတွင် စတိုးဆိုင်ကြီးများအများဆုံး မြို့လယ်စည်ကားရာအရပ်ဖြစ်သည်။ အကွက်(၁၇၆)၊ ၂၆ဘီလမ်း၊ ၈၂လမ်းနှင့် ၈၁လမ်းကြားတွင် စတိုးဆိုင် သုံးထပ်၊ လေးထပ်တိုက်ကြီးများ ကြား၌ မြန်မာရွှေထီးဆိုင် တစ်ထပ်တိုက်ပုလေးကို တွေ့ရသည်။ ဦးဘအိုး-ဒေါ်ခင်မျိုး မြန်မာရွှေထီးလုပ်ငန်းဖြစ်သည်။ ရှေးက ဤနေရာကို ထီးတန်းဟုခေါ်သည်။ ရွှေထီးပြုလုပ်သူများအနက် ဦးဘအိုး မိသားစုကမိရိုးဖလာအမွေထိန်းသိမ်းပေးပြီး ရှေးယခင် ဆိုင်းဘုတ်နှင့် ထိန်းသိမ်းနေထိုင်လျက်ရှိသည်။ ၄င်း၏ သားသမီးများဖြစ်သော ဒေါ်မမ၊ ဒေါ်တင်လှ၊ ဒေါ်သန်းရင်တို့က အမွေဆက်ခံကြသည်။ မြန်မာ့ရွှေထီးများကို မြို့နယ်ပေါင်းစုံ
လက်ကားပို့ ရောင်းချခဲ့ကြသူများ ဖြစ်သည်။ မြန်မာပိုင်မိသားစုတိုက်ကလေးအဖြစ် ထီးထီးမားမားတွေ့ရသည်။ မီးလောင်ခဲ့သော်လည်း တိုက်အသား
ဆိုင်းဘုတ် ထီးတံဆိပ်နှင့် ယနေ့တိုင် ၂၆ဘီလမ်း မြောက်ဘက်ဘေးတွေ့နိုင်သည်။ ထီးများမှာ ဘုန်းကြီးဆောင်းထီးသာမက အမျိုးသားဆောင်း ထီးများလည်း ပြုလုပ်ခဲ့ကြသည်။ ပြည်ကြီးကျက်သရေအရှေ့ရပ် ၈၂ လမ်း၊ ဤရပ်ကွက်
တွင် ရှေးက မန်ကျည်းပင်ဈေးဟုလည်း ခေါ်ကြသည်။ မင်းတုန်းမင်းလက်ထက်က မန်ကျည်းပင်ဈေးဟု နာမည်ရသည်။ အမရပူရမန်ကျည်းပင်ဈေးမှလူများ ရွှေ့ပြောင်းနေရာ ချထားပေးခဲ့သဖြင့် မန်ကျည်းပင်ဈေးရပ်တွင်ခဲ့ခြင်း
ဖြစ်သည်။ တရုတ်တန်ဈေးမှာလည်း အမရပူရတရုတ်တန်းမှ ရွှေ့ပြောင်းခဲ့ကြသဖြင့် တရုတ်တန်းဟုတွင်ခဲ့သည်။

ခန့်ခန့်ကြီးဓာတ်ပုံတိုက်
၂၆ဘီလမ်း၊ ၃၈လမ်းထောင့် ကာတစ်တိုက်တောင် ဘက် ၂၆လမ်း ယခု လျှပ်စစ်ပစ္စည်းဆိုင်များအနက်တွင် မန္တလေး ဓာတ်ပုံလောက၌ ထင်ရှားခဲ့သော ခန့်ခန့်ကြီး ဓာတ်ပုံတိုက်တည်ရှိခဲ့သည်။ အမျိုးသမီးဓာတ်ပုံဆရာမ ကြော်ငြာဆိုင်းဘုတ်ဖြင့် မန္တလေးမြို့လယ်၌ ဖွင့်လှစ်ခဲ့သည်။ မန္တလေးသူ အမျိုးသမီးဓာတ်ပုံဆရာမမှာ ဒေါ်ခင်မမကြီး(ယခု အမေရိကန်နိုင်ငံရောက် စာရေးဆရာမ ပတ္တမြားခင်)ဖြစ်သည်။ ကိုယ်တိုင်ဓာတ်ပုံရိုက်၊ ကူး၊ ဆေးကျွမ်းကျင်သူ အမျိုးသမီး ဓာတ်ပုံပညာရှင်များထဲမှ ထင်ရှားသူဖြစ်သည်။

အဟူဂျာဓာတ်ပုံတိုက်
၂၆ ဘီလမ်းတွင် ထင်ရှားသော ဓာတ်ပုံတိုက်များအဖြစ် အဟူဂျာဓာတ်ပုံတိုက် ၈၂လမ်းနှင့် ၈၁လမ်းကြား၊ ၂၆လမ်းပေါ် တည်ရှိခဲ့သည်။ ယခုတောင်ဇလပ်ဟိုတယ် အနောက်ဘက်ဖြစ်သည်။ တိုကီဝါဓာတ်ပုံတိုက်မှာလည်း ၂၆ လမ်း၊ ၈၁ လမ်းနှင့် ၈၂လမ်းအတွင်း စစ်မဖြစ်ခင်က ဖွင့်လှစ်ခဲ့သည်။

ဆက်လက်ဖော်ပြပါမည်။