THE REPUBLIC OF UNION OF MYANMAR, ISLAMIC RELIGIOUS AFFAIRS COUNCIL

THE REPUBLIC OF UNION OF MYANMAR, ISLAMIC RELIGIOUS AFFAIRS COUNCIL

အစ္စလာမ်ကောင်စီဌာနချုပ် ဥက္ကဋ္ဌ အလ်ဟာဂ်ျ ဦးညွန့်မောင်သျှိန်၏ အစ္စလာမ်ကောင်စီ နှစ်(၆၀)ပြည့်နှင့် ဇေယျကျော်ထင် ဗိုလ်မှူးကြီး ဘရှင် ရာပြည့် အခန်းအနား မိန့်ခွန်း

အစ္စလာမ်သာသနာရေးရာကောင်စီဌာနချုပ် ဥက္ကဋ္ဌ အလ်ဟာဂ်ျ ဦးညွန့်မောင်သျှိန်၏ 

အစ္စလာမ်သာသနာရေးရာကောင်စီ ဖွဲ့စည်း တည်ထောင်ခြင်း နှစ်(၆၀)ပြည့်နှင့် 

ဇေယျကျော်ထင် ဗိုလ်မှူးကြီး ဘရှင် ရာပြည့် အထိမ်းအမှတ် အခန်းအနား မိန့်ခွန်း

 

လေးစားအပ်ပါသော ဧည့်သည်တော်များနှင့် အစ္စလာမ်ကောင်စီဝင်များ ခင်ဗျား-

အလ္လာဟ်အရှင်မြတ်ထံတော်မှ ငြိမ်းချမ်းသာယာမှု မင်္ဂလာအပေါင်းခညောင်းပါစေလို့ နှုတ်ခွန်း ဆက်သအပ်ပါတယ်။
ယခုလို ကျက်သရေမင်္ဂလာအပေါင်းနှင့် ပြည့်စုံလှတဲ့ အစ္စလာမ်သာသနာရေးရာကောင်စီ ဖွဲ့စည်းတည်ထောင်ခြင်း (၆၀)နှစ်မြောက်နှင့် ဇေယျကျော်ထင် ဗိုလ်မှူးကြီး ဘရှင် ရာပြည့် အထိမ်းအမှတ်အခန်းအနားမှာ ဧည့်သည်တော်များနဲ့ အစ္စလာမ်ကောင်စီဝင်များကို စုံညီစွာ တွေ့ဆုံရတဲ့အတွက် ဂုဏ်ယူ ဝမ်းမြောက်ရပါတယ်။ အလ္လာဟ်အရှင်မြတ်အားလည်း အတိုင်းမသိ ကျေးဇူးတင်မိပါတယ်။
 
အလ်ဟမ်ဒုလိလ္လာဟ်(ချီမွမ်းခြင်းအပေါင်းဟာ အလ္လာဟ်အရှင်မြတ်အတွက်သာဖြစ်ပါတယ်)
အစ္စလာမ်သာသနာရေးရာကောင်စီကို (၁၉၅၄)ခုနှစ်၊ ဒီဇင်ဘာ(၅)ရက်နေ့မှာ စတင် ဖွဲ့စည်း တည်ထောင်ခဲ့တာဖြစ်တဲ့အတွက် ယခုဆိုရင် အစ္စလာမ်ကောင်စီ နှစ်ပေါင်း (၆၀)တိုင်ခဲ့ပြီဖြစ်ပါတယ်။ အဲဒီ နှစ်ပေါင်း(၆၀)အတွင်း အခက်အခဲ အကြပ်အတည်း အမျိုးမျိုးကို ရင်ဆိုင် ဖြတ်ကျော်လာနိုင် ခဲ့တာလည်း အလ္လာဟ်အရှင်မြတ်ရဲ့ ကူညီစောင်မမှုကြောင့်သာလျှင်ဖြစ်ပါတယ်။
မိမိတို့ ဘိုးဘေးများရဲ့ ဂုဏ်ရောင်ပြောင်မြောက်ခဲ့တဲ့ အတိတ်သမိုင်းနှင့်အညီ ဂုဏ်သိက္ခာ ရှိစွာဖြင့် ဘဝရပ်တည်နိုင်ရေးနဲ့ နှစ်ဘဝကောင်းစားရေးကို ရည်မှန်းချက်ပန်းတိုင်ထားကာ အစ္စလာမ်သာသနာရေးရာကောင်စီကို ဖွဲ့စည်းထားခြင်းဖြစ်ပါတယ်။ အဲဒီ ရည်မှန်းချက် ပန်းတိုင်သို့ ယနေ့တိုင် မတက် လှမ်းနိုင်သေးသော်လည်း မဆုတ်မနစ် ဇွဲလုံးလဖြင့် ဆက်လက် လျှောက်လှမ်းကြမယ်လို့  ကျွန်တော်တို့  ခိုင်ခိုင်မာမာ သန္နိဋ္ဌာန်ပြုပါတယ်။ ပန်းတိုင်သို့ လျှောက်လှမ်းရာမှာ  အနစ်နာခံကာ ကြိုးပမ်းခဲ့သူ - ကြိုးပမ်းလျက်ရှိသူ အားလုံးအား အလ္လာဟ်အရှင်မြတ် ကောင်းကျိုးအစားပေးတော်မူပါစေလို့လည်း ဆုတောင်းလိုက်ပါတယ်။
ဒီကနေ့ အစ္စလာမ်ကောင်စီနှစ်(၆၀)ပြည့်အခမ်းအနားမှာ အစ္စလာမ်ကောင်စီရဲ့ ရည်မှန်းချက် ပန်းတိုင်မှာ ဖော်ပြထားတဲ့ ကျွန်တော်တို့ စံနမူနာပြုရမဲ့ ဘိုးဘေးများအကြောင်းကို အကျဉ်းမျှ တင်ပြသွားပါမယ်။
 
လေးစားအပ်ပါသော ဧည့်သည်တော်များနှင့် အစ္စလာမ်ကောင်စီဝင်များခင်ဗျား-
လွန်ခဲ့တဲ့နှစ်ပရိစ္ဆေဒရှည်ကြာစွာကတည်းက မြန်မာနိုင်ငံသို့ အစ္စလာမ်သာသနာရောက်ရှိ ထွန်းကားခဲ့ပါတယ်။ ရှေးမြန်မာမင်းများ လက်ထက်ကာလက အစ္စလာမ်သာသနာသက်ဝင်ယုံကြည်သူ နိုင်ငံသားများကို ပသီများလို့ ခေါ်ဝေါ်ခဲ့ကြပါတယ်။ အဲဒီ အစ္စလာမ်သာသနာဝင် ပသီများဟာ အစ္စလာမ့် အဆုံးအမနဲ့ အညီ ဘာသာတရား ကိုင်းရှိုင်းခဲ့ကြတယ်။ ကိုယ်ကျင့်တရား မြင့်မြတ်ခဲ့ကြတယ်။ ကတိသစ္စာ တည်ကြည် ခဲ့ကြတယ်။ သမာအာဇီဝ ကောင်းသော အသက်မွေး ဝမ်းကြောင်းမှုကိုသာ ရိုးရိုးသားသား ကြိုးကြိုးစားစား ဆောင်ရွက်ခဲ့ကြတယ်။ မိမိတို့ ပတ်ဝန်းကျင်ရှိ အခြားသော ဘာသာ သာသနာဝင် တိုင်းရင်းသား ညီနောင်များနဲ့ သဟဇာတဖြစ်စွာ ပြောဆိုဆက်ဆံပြုမူနေထိုင်ခဲ့ကြတယ်။  နိုင်ငံတော် တည်ဆောက်ရေး၊ ကာကွယ်ရေး၊ အုပ်ချုပ်ရေး စတဲ့ နိုင်ငံ့အရေးရာ ကိစ္စတိုင်းမှာလည်း ကျရာကဏ္ဍမှ တာဝန် ကျေပွန်စွာ ထမ်းရွက်ခဲ့ကြပါတယ်။ 
 
သာဓကအချို့ကို ကောက်နှုတ် တင်ပြပါမယ်။

အနော်ရထာဘုရင်(၁၀၄၄-၁၀၇၇) ဘုရင်အဖြစ်(၃၃)နှစ်အုပ်ချုပ်ခဲ့ရာ နန်းစံသက်(၁၃)နှစ်အရမှာ မိတ္ထီလာကန် ဆယ်ဖို့ခဲ့ရာမှာ ပသီ လက်နက်ကိုင် တပ်သားတို့ ပါဝင်ခဲ့တယ်။

တောင်ငူခေတ်ဖြစ်တဲ့ မင်းခေါင်နော်ရထာလက်ထက်(၁၄၀၁-၁၄၁၂)အတွင်း ဒုတိယအကြိမ် မိတ္ထီလာကန် ဆယ်ဖို့တော့လည်း ပသီ လက်နက်ကိုင် တပ်သား(၁၀ဝ၀)၊ ရွေးလကျာ်တပ်သား (၁၀ဝ၀)လိုက်ပါ ဆယ်ဖို့ခဲ့တယ်။ 

ကုန်းဘောင်ခေတ်၊ အလောင်းဘုရား ဦးအောင်ဇေယျ (၁၇၅၃-၁၇၆၀)လက်ထက် သန်လျင်ကို ချီတက်တိုက်ခိုက်ရာမှာ အောင်မြင်တဲ့အတွက် တပ်မတော်ကို ပြင်ဆင် ဖွဲ့စည်းခဲ့တယ်။ အစ္စလာမ်သာသနာဝင် အစု(၂၅၀ဝ)ကျော် ပါဝင်ခဲ့တယ်။  ဒါဝတ်ဆိုသူနဲ့ ပီးရ်မာမက်ဆိုသူတို့ကို သွေးသောက်ကြီးများ ခန့်အပ်တာဝန်ပေးခဲ့တယ်။ ကိုယ်ရံတော်တပ်မှာ အမှုထမ်းစေခဲ့တယ်။ 

ကုန်းဘောင်ဆက်  ဘကြီးတော်မင်း(၁၈၁၉-၁၈၃၇)ခေတ် စစ်သူကြီးမဟာဗန္ဓုလဦးဆောင်တဲ့ ရမူး - ပန်းဝါတိုက်ပွဲမှာ ခန်ဆပ်ဗိုလ် ပါဝင်တဲ့ စစ်သည် (၂၀ဝ)ကျော် ပါဝင်ခဲ့တယ်။

မင်းတုန်းမင်းတရားကြီး (၁၈၅၂ - ၁၈၇၈) ဘုရင်ဖြစ်လာပြီးနောက် ညီတော် ကနောင် မင်းသားကြီးနဲ့ တိုင်ပင်ပြီး စပါးကြိတ်စက်၊ စာပုံနှိပ်စက်၊ ယက်ကန်းစက်၊ လွှဝိုင်းစက်၊ မဲနယ်လုပ်စက်၊ ဒင်္ဂါးလုပ်စက်ဆိုတဲ့ စက်မှုနိုင်ငံထူထောင်ရာမှာ မွတ်စ်လင်မ် အလုပ်သမား များစွာပါဝင်ခဲ့တယ်။ နိုင်ငံခြားအတတ်ပညာသင်သွားရတဲ့ မလာမွန် (ခေါ်) ဦးပွင့် ဆိုသူဟာ အစ္စလာမ်သာသနာဝင်ဖြစ်ပြီး ပညာသင်ပြန်လာတဲ့အခါ ဖန်ချက်ဝန်အဖြစ် တာဝန်ပေးခံရတယ်။ 

သီပေါမင်း(၁၈၇၈-၁၈၈၅)ခု၊ နန်းစံနှစ်များအတွင်း တရုတ်တို့ မြန်မာနိုင်ငံအတွင်း ကျူးကျော်ပြီး ဗန်းမော်မြို့ကိုသိမ်းကြလို့ မြန်မာဘုရင်ပိုင် သင်္ဘော(၃)စင်းနဲ့ ခုခံ တိုက်ခိုက်စေရာ တပ်ဗိုလ် အဖြစ် ဦးဘိုးကာ (နောင်တွင်-မေမြို့အစ္စလာမ်ကောင်စီနာယက)က တာဝန်ယူ ဆောင်ရွက် ခဲ့ရတယ်။

(၁၈၈၅)ခု၊ အင်္ဂလိပ်-မြန်မာ တတိယစစ်ပွဲဖြစ်ပြန်တော့ မင်းလှခံတပ်က ဆီးကြိုတိုက်ခဲ့ရတဲ့ စစ်ပွဲမှာ အမြောက်တပ်ကို ဦးဘိုးကာ တပ်မှူးအဖြစ် တာဝန်ယူခဲ့ရတယ်။

(၁၈၈၅)ခုမှာ အထက်မြန်မာနိုင်ငံကို သိမ်းဖို့ သရက်မြို့က အင်္ဂလိပ်တပ်တွေချီတက်လာတော့ ခုခံတိုက်မယ်လို့ သီပေါဘုရင်က စစ်ကြေညာပြီး စစ်ကြောင်းကြီး သုံးကြောင်းဖြစ်တဲ့ (၁)တောင်ငူ စစ်ကြောင်း၊ (၂) အောက်မြစ်စစ်ကြောင်း၊ (၃) ဧရာဝတီစစ်ကြောင်းတို့က ခုခံကြရမယ်လို့ အမိန့်တော် ထုတ်လို့ အက္ကပတ်မြင်းဝန် ပင်လယ်မြို့စား မင်းကြီး မဟာမင်းထင်ရာဇာ (ငယ်အမည်ဦးချုံ) (အစ္စလာမ်သာသနာဝင်)က တောင်ငူစစ်ကြောင်းကို ဦးဆောင်ခဲ့တယ်။

(၁၈၈၅)ခု၊ နိုဝင်ဘာလ (၂၉)ရက်နေ့မှာ သီပေါဘုရင် ပါတော်မူပြီး (ဗိုလ်ချုပ်အောင်ဆန်း၏အဘိုး ဗိုလ်မင်းရောင်တို့နဲ့ ခေတ်တူ) ခေတ်ဦး နယ်ချဲ့ တော်လှန်ရေးသမားကြီးများပေါ်ခဲ့တယ်။

ပခုက္ကူ၊ မိတ္ထီလာ၊ ကျောက်ဆည်နယ်တို့မှာ သူပုန်ဗိုလ်အဖြစ် တာဝန်ထမ်းဆောင်ခဲ့သူ ဗိုလ်ရာကွတ် ပါခဲ့တယ်။  ဗိုလ်ရာကွတ်ကိုဖမ်းမိတော့ သစ္စာခံရင် ရာထူးပေးမယ်လို့ ချော့ခဲ့တာ လက်မခံလို့ ကြိုးပေးခဲ့ရာ ဘုရင်ချီးမြှင့်ထားတဲ့ ကတ္တီပါ အင်္ကျီစိမ်းကိုဝတ်ပြီး ကြိုးစင်တက် အသက်ပေးခဲ့တယ်။ 

 
အဲဒီလို ကျွန်တော်တို့ ဘိုးဘေးတွေဟာ မွတ်စ်လင်မ် ပီသခဲ့ကြတယ်။ တိုင်းရင်းသား ပီသခဲ့ကြတယ်။
 

ဒါကြောင့်မို့လည်း အုပ်ချုပ်သူ ဘုရင်မင်းများ ကိုယ်တိုင်  အစ္စလာမ်သာသနာဝင်များကို လုပ်မြေ နေမြေများ ချထား ချီးမြှင့်ပေးခဲ့တယ်။ ရာထူးဌာန္တရများ လည်း ချီးမြှင့်ခဲ့တယ်။ ဗလီ ဝတ်ကျောင်းတော်များ၊ သာသနာ့မြေများနှင့် သာသနိကအဆောက်အအုံများကို နိုင်ငံတစ်ဝန်းမှာ လှူဒါန်း ချီးမြှင့်တော်မူခဲ့ပါတယ်။ အထူးသဖြင့် ပဉ္စမသင်္ဂါယနာတင် မင်းတုန်း မင်းတရားကြီး လက်ထက်တော်မှာ မင်းမှုထမ်း နိုင်ငံသား အစ္စလာမ် သာသနာဝင်များ ဝတ်ပြုနိုင်ရန်အတွက် မန္တလေး နန်းတွင်း အရှေ့ဘက် ဥပစာကျတဲ့ နေရာမှာပင် ဗလီဝတ်ကျောင်းတော်တစ်လုံးကို ဆောက်လုပ် လှူဒါန်းချီးမြှင့်တော်မူခဲ့ပါတယ်။

အဲဒီ ဗလီဝတ်ကျောင်းတော်ကို ရွှေပန္နက်ရိုက်ပြီး ဆောက်ပေးတဲ့အတွက်  ရွှေပန္နက်ဗလီဝတ်ကျောင်း တော် လို့ ခေါ်တွင်ခဲ့ပါတယ်။

ဒါတင်မက နိုင်ငံသား အစ္စလာမ်သာသနာဝင်များ ဟဂ်ျပြုကြရာမှာ လွယ်လင့်တကူ တည်းခိုနိုင်ရန်အတွက် နိုင်ငံရပ်ခြား ဆော်ဒီအရေးဗီးယားနိုင်ငံ မက္ကဟ်မြို့မှာပင် ဒေါင်းတံဆိပ် ခတ်နှိပ်ထားတဲ့ ဇရပ်တော်ကြီးတစ်ဆောင်ကို ဆောက်လုပ် လှူဒါန်း ချီးမြှင့်တော်မူခဲ့ပါတယ်။

 

လေးစားအပ်ပါသော ဧည့်သည်တော်များနှင့် အစ္စလာမ်ကောင်စီဝင်များခင်ဗျား-

 

အင်္ဂလိပ်ခေတ်အတွင်း (၁၉၂၀)ပြည့်နှစ်မှာ ပေါ်ခဲ့တဲ့ တက္ကသိုလ်ကျောင်းသားများ သပိတ် မှောက်ရေး ဦးစွာ စီစဉ်ခဲ့သူ (၁၁)ဦးအနက် ဦးဘရှင်-သံတွဲ (အစ္စလာမ်သာသနာဝင်)ပါခဲ့တယ်။

(၁၉၂၀)ပြည့်နှစ် သပိတ်ကြီးကို အခြေခံပြီး ပေါ်ပေါက်လာတဲ့ အမျိုးသားကျောင်းများဖွင့်ကြရာ မန္တလေးမြို့မှာ ဆရာကြီးဦးရာဇတ်  ကျောင်းအုပ်ကြီးအဖြစ် ဆောင်ရွက်တဲ့ အမျိုးသားကျောင်းပေါ်ခဲ့တယ်။

(၁၉၃၀)ပြည့်နှစ်၊ ဆရာစံ ခေါင်းဆောင်တဲ့ လယ်သမား သူပုန်ကြီးပေါ်ခဲ့ရာ က တပ်သားကြီးအဖြစ် အစ္စလာမ်သာသနာဝင် ဦးဒူးဒူးဆိုသူပါခဲ့ပြီး ဆရာစံသူပုန်ဌာနချုပ် အလံတောင် အနီးရှိ ဥက္ကံမြို့၊ ဝံကိုက်ရွာမှ မွတ်စ်လင်မ် လယ်သမားများလည်း ဆရာစံသူပုန်မှာပါခဲ့တယ်။

အင်္ဂလိပ်အစိုးရက မြန်မာပြည် အုပ်ချုပ်ရေးအဆင့်တိုးပေးဖို့ (၁၉၃၀)ခု၊ နိုဝင်ဘာလ၊(၂၇) ရက်မှ (၁၉၃၁)ခု၊ ဇန္နဝါရီလ၊(၁၂)ရက်တိုင် အင်္ဂလန်နိုင်ငံမှာ ကျင်းပတဲ့ ရောင်းတေဘဲလ်ကွန်ဖရင့် တက်ရောက်ခဲ့သူများတွင် ဦးအောင်သင်း(အစ္စလာမ်သာသနာဝင်)ပါဝင်ခဲ့တယ်။

(၁၉၃၀)ပြည့်နှစ်နောက်ပိုင်း တို့ဗမာအစည်းအရုံး(သခင်လူငယ်အဖွဲ့)ပေါ်ခဲ့တယ်။ အစ္စလာမ်သာသနာဝင်လူငယ်များလည်း သခင်အဖြစ်ပါဝင်ခဲ့ကြတယ်။

ရေနံမြေအလုပ်သမားသပိတ်ကြီးပေါ်လာတော့လည်း ဘဝတူ အလုပ်သမားများနဲ့အတူ အစ္စလာမ်သာသနာဝင် အလုပ်သမားများပါဝင်ခဲ့ကြတယ်။ 

(၁၉၃၆-၁၉၃၈)ခုနှစ် ကျောင်းသားသပိတ်တိုက်ပွဲများမှာ အစ္စလာမ်သာသနာဝင် ကျောင်းသူ ကျောင်းသားများလည်းပါဝင်ခဲ့တယ်။ 

(၁၉၃၁) ပထမဦးဆုံး တကသဖြစ်မြောက်ရေး ဥက္ကဋ္ဌ ဦးကျော်ခင်၊ (၁၉၃၁) ပထမဦးဆုံး တကသ ဥက္ကဋ္ဌ ဦးထွန်းစိန်၊ (၁၉၃၆) ပထမဦးဆုံး ကျောင်သား သမဂ္ဂ(ဗကသ) ဥက္ကဋ္ဌ ဦးရရှစ် (နောင်-ဝန်ကြီး၊ အစ္စလာမ်ကောင်စီစတင်ဖွဲ့စည်းရာတွင် ဗဟိုအမှုဆောင်အဖြစ်ပါဝင်ခဲ့သူ)တို့မှာ အစ္စလာမ်သာသနာဝင် များဖြစ်ကြတယ်။ 

(၁၉၃၈)ခု၊ ဖေဖော်ဝါရီလ(၁၃)ရက်နေ့မှာ ဗမာမွတ်စလင်မ်နိုးကြားရေးအဖွဲ့ထူထောင်ခဲ့တယ်။ တို့ဗမာအစည်းအရုံးရဲ့ ကြွေးကြော်သံ ဗမာပြည် - ဒို့ပြည်၊ ဗမာစာ - ဒို့စာ၊ ဗမာ စကား -ဒို့စကား ဆိုတဲ့ ကြွေးကြော်သံကို ထပ်တူလက်ခံပြီး တို့ဗမာအစည်းအရုံးနှင့် လက်တွဲကာ နယ်ချဲ့ဆန့်ကျင်ရေးလုပ်ခဲ့တယ်။

(၁၉၄၂-၄၅)ဂျပန်ခေတ် ဗမာ့လွတ်မြောက်ရေးတပ်မတော်(ဘီအိုင်အေ)မှ ဗမာ့ကာကွယ်ရေးတပ်မတော် (ဘီဒီအေ) ပြန်လည်ဖွဲ့စည်းရာ အစ္စလာမ် သာသနာဝင် လူငယ်တို့ ပါဝင် စစ်မှုထမ်းခဲ့တယ်။

ဂျပန်ခေတ်အတွင်း ပေါ်ပေါက်ခဲ့တဲ့ အာရှလူငယ်အစည်းအရုံးများမှာ အစ္စလာမ်သာသနာဝင် များစွာ ပါဝင်ခဲ့ကြတယ်။ အာရှလူငယ်အစည်းအရုံး ဌာနချုပ်မှာ ဇေယျကျော်ထင် ဗိုလ်မှူးကြီး ဘရှင်    ဥာဏဗလမှူးအဖြစ် ပါဝင် ဆောင်ရွက်ခဲ့တယ်။

၁၉၄၅ခု၊ ဖက်ဆစ်ဂျပန်တော်လှန်ရေးတိုက်ပွဲဆင်နွှဲရာမှာလည်း  အစ္စလာမ်သာသနာဝင်များ ပါဝင်ခဲ့ကြတယ်။ တချို့ တိုက်ပွဲမှာ ကျဆုံးခဲ့ကြတယ်။

(၁၉၄၅)ခု၊ ဒုတိယကမ္ဘာစစ်ပြီး ဗိုလ်ချုပ်အောင်ဆန်း ခေါင်းဆောင်တဲ့ (ဖဆပလ)အဖွဲ့ချုပ်ကြီး က လွတ်လပ်ရေးအတွက်ကြိုးပမ်းရာမှာ အစ္စလာမ် သာသနာဝင်များလည်း (၁၉၄၅)ခု၊ ဒီဇင်ဘာမှာ ဗမာနိုင်ငံလုံးဆိုင်ရာ ဗမာမွတ်စလင်မ်ကွန်ဂရက်၊(ဗမက)အဖွဲ့ကြီးကို ဖွဲ့စည်းပြီး (ဖဆပလ)မှာ တပ်ပေါင်းစု အဖွဲ့ဝင်အဖြစ် ပါဝင်ခဲ့တယ်။

(၁၉၄၆)ခု၊ ရွှေတိဂုံအလယ်ပစ္စယံ၌ ကျင်းပတဲ့ ပဏာမပြင်ဆင်မှုညီလာခံမှာ ဒီးဒုတ်ဦးဘချို တင်သွင်းတဲ့  အဆိုအမှတ်(၆)မှာ  ဗမာမွတ်စ်လင်မ် လူထုသည် အိန္ဒိယသားများနှင့် လမ်းခွဲကြပြီး မြန်မာများအဖြစ်ခံယူလာကြသည်ကို ကြိုဆိုကြောင်း၊ ၄င်းတို့ကို လူနည်းစုများ ရသင့်ရထိုက်သည့် အခွင့်အရေးများ တန်းတူပေးရန် ဖဆပလမှ တာဝန်ယူကြောင်း ဖော်ပြပါရှိခဲ့တယ်။

အဲဒီ ညီလာခံမှာ ပြည်နယ် ပြည်မ မခွဲခြားဘဲ ပူးပေါင်း လွတ်လပ်ရေးယူရန် အဆိုကို ဦးဖေခင်(ဗမက) (နောင်- မဟာသရေစည်သူ၊ သံအမတ်ကြီး၊ ငြိမ်း၊  အစ္စလာမ်ကောင်စီ နာယကကြီး)က အဆိုတင်သွင်းခဲ့တယ်။

(၁၉၄၇)ခု၊ ဖေဖော်ဝါရီလ(၁၂)ရက်နေ့မှာချုပ်ဆိုခဲ့တဲ့ ပင်လုံစာချုပ်ဖြစ်မြောက်ရေးအတွက် အဓိကဆောင်ရွက်ခဲ့သူများတွင်  ဦးဖေခင်(ဗမက)ပါဝင်တယ်။

(၁၉၄၇)ခု၊ ဇူလိုင်(၁၉)မှာ  ဗိုလ်ချုပ်အောင်ဆန်း အပါအဝင် အာဇာနည် ခေါင်းဆောင်ကြီး (၉)ဦး တိုင်းပြည်အတွက် အသက်ပေးလှူသွားကြရာမှာ အစ္စလာမ်သာသနာဝင်များဖြစ်ကြတဲ့ ဆရာကြီး ဦးရာဇတ်နဲ့  ရဲဘော်ကိုထွေးတို့ နှစ်ဦးပါဝင်ခဲ့တယ်။

 
လေးစားအပ်ပါသော ဧည့်သည်တော်များနှင့် အစ္စလာမ်ကောင်စီဝင်များ ခင်ဗျား-
 

အခုတင်ပြခဲ့တာတွေက အတိတ်က မိမိတို့ ဘိုးဘေးများရဲ့ စံပြုဖွယ်ရာများဖြစ်ပါတယ်။မျက်မှောက်ကာလ မြန်မာနိုင်ငံရှိ အစ္စလာမ်သာသနာဝင်များရဲ့ ပကတိအခြေအနေကို အရှိကို အရှိအတိုင်း ပွင့်ပွင့်လင်းလင်းတင်ပြရပါက (၂၀၁၂)ခု၊ ရခိုင်ပြည်နယ်မှာဖြစ်ပေါ်ခဲ့တဲ့ အခြေအနေများက အစပြုပြီး အစ္စလာမ်သာသနာနဲ့ အစ္စလာမ်သာသနာဝင်များအပေါ် နားလည်မှု လွဲမှားမှုများကို စိတ်ထိခိုက်ဖွယ်ရာ ကြုံတွေ့နေရပါတယ်။

ဘာသာတစ်ခုနဲ့ တစ်ခုအကြား ထင်ယောင်ထင်မှားဖြစ်အောင် အမုန်းပွားစရာHate speakဝါဒဖြန့်မှုများကြောင့် တည်ရှိပြီးဖြစ်တဲ့ ဘာသာပေါင်းစုံ ချစ်ကြည်ရင်းနှီးမှုများ အားနည်း မှေးမှိန်လာပါတယ်။ နိုင်ငံသား ပြည်သူများအကြား စိတ်ဝမ်းကွဲပြားမှုများဖြစ်ပေါ်လာပါတယ်။ တရားဥပဒေ စိုးမိုးရေးကို ထိခိုက်လာကာ ဆူပူအကြမ်းဖက်မှုများကြောင့် အပြစ်မဲ့ ပြည်သူများရဲ့ အသက် အိုးအိမ်များ ဆုံးရှုံးကာ နိုင်ငံရဲ့ ပုံရိပ်ကို ထိခိုက်စေပြီး နိုင်ငံတော်ရဲ့ ပြုပြင်ပြောင်းလဲရေး ဆောင်ရွက်ချက်များကြောင့် အခွင့်အခါကောင်းများရပါလျက်နဲ့ နိုင်ငံဖွံ့ဖြိုးတိုးတက်မှုကို အဟန့် အတားဖြစ်စေခဲ့တာကိုလည်း ဝမ်းနည်းစွာ တွေ့ရှိရပါတယ်။ 
  အလ္လာဟ်အရှင်မြတ်က ကုရ်အာန်ကျမ်းတော်မြတ်(၄၁း၃၄၊၃၅)မှာ  (ကောင်းမှုနှင့် မကောင်းမှုသည် မတူညီချေ။ သို့ဖြစ်ရာ မကောင်းမှုကို ကောင်းမှုဖြင့် တုံ့ပြန်ပါလေ။ သို့ဖြစ်လျှင် ရန်ငြိုးရှိသူပင် ရင်းနှီးသော မိတ်ဆွေဖြစ်လာအံ့။ အဆိုးအား အကောင်းဖြင့် တုံ့ပြန်ခြင်းကို ကြံ့ခိုင်သူတို့သာလျှင် ဆောင်ရွက် နိုင်စွမ်းပေသည်။ အÒာဟ်အရှင်မြတ်ဘက်တော်မှ ကြီးမားသော ဆုလာဘ်ဝေစုကို ခံယူနိုင်ကြပေသည်။)လို့မိန့်တော်မူထားပါတယ်။ 
 
ဒါ့ကြောင့် ကြုံတွေ့နေရတဲ့ အခြေအနေဆိုးများကို အကောင်းနဲ့ ပြန်တုံ့ပြန်ကြရမှာဖြစ်ပါတယ်။  တုိုင်းပြည်တည်ငြိမ်အောင် အေးချမ်းအောင် နိင်ငံတော်အစိုးရက တရားဥပဒေစိုးမိုးရေးကို ထိရောက်အောင် လုပ်ဆောင်ပေးဖုို့လုိုအပ်သလို အတိတ်က တည်ရှိပြီးဖြစ်တဲ့ ဘာသာပေါင်းစုံ ချစ်ခစ်ခင်ခင်နေထိုင်ခဲ့တဲ့ အခြေအနေမျိုး ပြန်ရောက်အောင် ကျွန်တော်တို့အားလုံး ဝိုင်းဝန်းကြိုးစားရမှာဖြစ်ပါတယ်။
 
 
လေးစားအပ်ပါသော ဧည့်သည်တော်များနှင့် အစ္စလာမ်ကောင်စီဝင်များ ခင်ဗျား- 
ယနေ့အချိန်အခါမှာ နိုင်ငံတော်တွင် ဒီမိုကရေစီအခွင့်အလန်းများ တစ်စ တစ်စပွင့်လန်း လာတဲ့အတွက်  နိုင်ငံမှာတည်ရှိနေတဲ့ လူ့အစုအဝေး အသီးသီးဟာ မိမိတို့ လူ့အစုအဝေးရဲ့ အကျိုး အတွက် အားသွန်ခွန်စိုက် ကြိုးပမ်းနေကြတာကိုလည်း အားတက်ဖွယ်ရာ တွေ့မြင်နေ ရပါတယ်။ 
ဒီလို ဆောင်ရွက်တဲ့ နေရာမှာ အထူးသတိချပ်သင့်တာက မိမိလူ့အစုအဝေးအကျိုးအတွက် ဆောင်ရွက်ရင်း အစွန်းရောက်ပြီး နိုင်ငံတွင်းမှာရှိနေတဲ့ အခြား လူ့အစုအဝေးများကို ထိခိုက်နစ်နာခြင်း မရှိစေဖို့ လိုအပ်ပါတယ်။ အစွန်းရောက်ခြင်းရဲ့ နိဂုံးဟာ ပျက်သုန်းခြင်းဘဲဖြစ်ပါတယ်။
 
ဒါနဲ့ပတ်သက်လို့ တမန်တော်မြတ်က (အသင်တို့ အယူသီး အစွန်းထွက်မှုကို ရှောင်ကြဉ်ကြ။ အသင်တို့အလျင် ရှေးလူတို့သည် အယူသီး အစွန်းထွက်မှုကြောင့် ပျက်သုန်းခဲ့ရချေပြီ)လို့ အမှတ် တရ မှာကြားတော်မူခဲ့ပါတယ်။
 
လေးစားအပ်ပါသော ဧည့်သည်တော်များနှင့် အစ္စလာမ်ကောင်စီဝင်များ ခင်ဗျား- 
 
နိုင်ငံတစ်ခု ဖွံဖြိုးတိုးတက်ဖို့ဆိုတာ အဲဒီနိုင်ငံအတွင်း မှီတင်းနေထိုင်ကြတဲ့ လူမျိုးပေါင်းစုံ၊ ဘာသာပေါင်းစုံ ဖွံဖြိုးတိုးတက်မှသာ ဖွံဖြိုးတိုးတက်တဲ့ နိုင်ငံတော်ဖြစ်လာမှာဖြစ်ပါတယ်။ ဘာသာပေါင်းစုံ ချစ်ကြည်ရေးမှ နိုင်ငံဖွံဖြိုးတိုးတက်ရေးကို အကောင်အထည်ဖော် ဆောင်ရွက်သွားရမှာ ဖြစ်ပါတယ်။ လူမျိုးတစ်မျိုး ဒါမှမဟုတ် ဘာသာတစ်ခုက ဖွံဖြိုးတိုးတက်မှု နောက်ကျ ကျန်နေခဲ့ရင် ဖွံဖြိုးတိုးတက်တဲ့ နိုင်ငံတော်ဖြစ်ပေါ်လာရေးကို အဟန့်အတားဖြစ် နေမှာပဲဖြစ်ပါတယ်။ ဒါကြောင့် ဖွံဖြိုးတိုးတက်မှု နောက်ကျ ကျန်နေသူများကို ပတ်ဝန်းကျင်က ကိုယ်ချင်းစာစိတ်ထားကာ ပြုစု ပျိုးထောင်မှုများကို ဆောင်ရွက်ပေးဖို့လိုသလို ဖွံဖြိုးတိုးတက်မှု နောက်ကျ ကျန်နေသူများ ကိုယ်တိုင် ကလည်း မိမိတို့အခြေအနေကို မိမိတို့ကိုယ်တိုင် ပြုပြင်ပြောင်းလဲ ဆောင်ရွက်ကြရမှာဖြစ်ပါတယ်။
ကုရ်အာန်ကျမ်းတော်မြတ်(၁၃း၁၁)မှာ (ဧကန်မုချ လူ့အစုအဝေးတစ်ရပ်သည် မိမိတို့၏အခြေအနေကို မိမိတို့ကိုယ်တိုင် ပြောင်းလဲခြင်းမပြုသမျှ အလ္လာဟ်အရှင်မြတ်သည် ပြောင်းလဲပေးတော်မူမည် မဟုတ်)လို့လမ်းညွှန်တော်မူထားတဲ့အတွက် မြန်မာနိုင်ငံရှိ တိုင်းရင်းသား နိုင်ငံသား အစ္စလာမ် သာသနာဝင်များဟာ  မိမိတို့ရဲ့ အခြေအနေများကို မိမိတို့ကိုယ်တိုင် ပြုပြင်ပြောင်းလဲကြပါစို့ လို့ ပြောကြားရင်း နိဂုံးချုပ်အပ်ပါတယ်။
 
အစ္စလာမ့်ရေးရာ ဒို့ဝန်တာမှ အစ္စလာမ့်ဝန်ထမ်း ဒို့လုပ်ငန်းသို့-
 
 
( အလ်ဟာဂ်ျ ညွန့်မောင်သျှိန် )
ဥက္ကဋ္ဌ
အစ္စလာမ်သာသနာရေးရာကောင်စီဌာနချုပ်
 
(20-12-2014)
The Strand Hotel
Yangon,Myanmar.
 

 

 

 

အစ္စလာမ်ကောင်စီဌာနချုပ် ဥက္ကဋ္ဌ အလ်ဟာဂ်ျ ဦးညွန့်မောင်သျှိန် ၏ နှုတ်ခွန်းဆက် စကား အပိုင်း(၁)

 

 

 

 

 

 

 

အစ္စလာမ်ကောင်စီဌာနချုပ် ဥက္ကဋ္ဌ အလ်ဟာဂ်ျ ဦးညွန့်မောင်သျှိန် ၏ နှုတ်ခွန်းဆက် စကား အပိုင်း(၂)